ჭდე: ჩემპიონთა ლიგა

ჩემპიონთა ლიგის 1/8 ფინალის სიმბოლური გუნდი

Posted on by კახა ყიფიანი

დასრულდა ჩემპიონთა ლიგის მერვედფინალური მატჩები. შესაბამისად, გაირკვა, ვინ ითამაშებს მომდევნო ეტაპზე. რვა გუნდის სია ასე გამოიყურება: “რეალი”, “ბარსელონა”, “სევილია”, “ბაიერნი”, “ლივერპული”, “მანჩესტერ სიტი”, “იუვენტუსი”, “რომა”.

გასულ ეტაპზე ფეხბურთელებმა ბევრი კარგი მომენტით დაგვამახსოვრეს თავი. სწორედ ამის მიხედვით, Goal.Com-ი გვთავაზობს 1/8 ფინალის სიმბოლურ გუნდს.

ლორის კარიუსი, რაფინია, დეიან ლოვრენი, ჯორჯო კიელინი, ალექსანდარ კოლაროვი, კაზემირო, სტივენ ნ’ზონზი, თომას მიულერი, ლიონელ მესი, ვისსამ ბენ იედერი, გონსალო იგუაინი.

უნაი ემერი: “ნეიმარი რომ გვყოლოდა…”

Posted on by კახა ყიფიანი

დღეს ჩემპიონთა ლიგის მერვედფინალის განმეორებით შეხვედრაში პსჟ-მ საკუთარ მოედანზე მადრიდის “რეალი” მიიღო და მეტოქესთან ანგარიშით, 1-2 დამარცხდა (ორი მატჩის ჯამში 2-5 მადრიდელთა სასარგებლოდ). შესაბამისად, შემდეგ ეტაპზე “ბლანკოსი” გავიდა.

დაპირისპირების შემდეგ პსჟ-ს მთავარმა მწვრთნელმა, უნაი ემერიმ ჟურნალისტებთან ისაუბრა.

“წინა შევედრაში შანსების 50% ჩვენი იყო. ამ მატჩში კი, სახიფათო მომენტების 60% მათ შექმნეს. გვინდოდა, ცენტრი დაგვეკავებინა და მოედნის სიღრმიდან შეგვეტია. საბოლოოდ, იმედგაცრუებულნი დავრჩით. თუმცა, უნდა გავითვალისწინოთ, რომ “რეალთან” დავმარცხდით. ისინი უძლიერესები არიან.”

“ნეიმარი რომ გვყოლოდა, არ ვიცით, რა მოხდებოდა. ახლა კი ყველაფერი ცივ გონებაზე უნდა გავაანალიზოთ.  გვინდოდა, შემდეგ ეტაპზე გასვლა. ამისთვის დიდი რესურსი იყო ჩადებული კოლექტივში. თუმცა, ძალიან ცუდი შედეგი მივიღეთ. ვულოცავ მეტოქე გუნდს,” – აცხადებს ემერი.

ზიდანი: “ნეიმარის არყოფნა არაფერს ნიშნავს – მათ დი მარია ჰყავთ!”

Posted on by კახა ყიფიანი

დღეს ჩემპიონთა ლიგის მერვედფინალური ეტაპის განმეორებითი შეხვედრებია. ერთ-ერთ მატჩში მადრიდის “რეალი” საფრანგეთს ესტუმრება და “პარი სენ-ჟერმენს” შეხვდება.

“ბლანკოსის” მთავარმა მწვრთნელმა, ზინედინ ზიდანმა წინასამატჩო პრესკონფერენცია გამართა.

“აქ ვიმყოფებით იმისთვის, რომ კარგი შეხვედრა ჩავატაროთ. კონცენტრაცია არ გვაკლია და ყველანაირად ფოკუზირებულნი ვართ იმაზე, რომ მეტოქე შევაწუხოთ და სასურველ შედეგს ასე მივღწიოთ. გასული მატჩის რეზულტატზე ბევრს არ ვფიქრობთ, რადგან ეს ახალი გამოწვევაა და წინ შეიძლება მოულოდნელობა შეგვხვდეს. შესაძლოა, მოგვიწიოს 90 წუთი ან უფრო მეტი თამაში. წინ ცეცხლოვანი ატმოსფერო გველის. თუმცა, ეს ყოველთვის ასეა, როცა “რეალის” მსგავს გუნდს ხვდები.”

“ნეიმარის არყოფნა არაფერს ცვლის. მათ ჰყავთ სხვა ფეხბურთელი, რომელიც დამატებითი მოტივაციით გამოვა მოედანზე. მაგალითად, ასეთია დი მარია, რომელსაც ბევრ პოზიციაზე შეუძლია ასპარეზობა. მას აქვს კარგი დრიბლინგი და დარტყმა მარცხენათი. ამიტომ, ნეიმარის ტრავმამ არ უნდა მოგვადუნოს,” – ამბობს “ზიზუ”.

ფრედის გოლის შემდეგ ბრაზილიამ საფრანგეთის რეკორდი გაიმეორა

Posted on by კახა ყიფიანი

გუშინ ჩემპიონთა ლიგის მერვედფინალური შეხვედრები შედგა. ერთ-ერთ მათგანში დონეცკის “შახტარი” რომის “რომას” დაუხვდა და მეტოქე ანგარიშით, 2-1 დამაარცხა.

აღსანიშნავია, რომ ერთ-ერთი გოლი უკრაინელთა მხიდან ბრაზილიელმა ფრედმა შეაგდო. იგი გახდა რიგით 195-ე ბრაზილიელი, რომელმაც უეფას ჩემპიონთა ლიაგზე გოლი გაიტანა. ამ შედეგით სამხრეთამერიკული ქვეყანა გაუტოლდა საფრანგეთს, რომელიც აქამდე ერთპიროვნული რეკორდსმენი იყო.

პირველი რვა ქვეყნის სია ასე გამოიყურება:

საფრანგეთი – 195

ბრაზილია – 195

ესპანეთი – 149

გერმანია – 130

იტალია – 114

პორტუგალია – 192

ინგლისი – 86

არგენტინა – 82

დე ხეა: “ბედნიერი ვარ, რომ გუნდი გადავარჩინე”

Posted on by კახა ყიფიანი

დღეს ჩემპიონთა ლიგის მერვედფინალში, ანდალუსიის “სევილიამ” “მანჩესტერ იუანიტედი” მიიღო. შეხვედრა უგოლო ფრით დასრულდა.

დაპირისპირების შემდეგ ჟურნალისტებს “წითელი ეშმაკი”, დავიდ დე ხეა ესაუბრა.

“მათ ჰქონდათ შეხვედრის საუეკთესო მომენტი, თუმცა ვერ გამოიყენეს. ჩვენ კარგად ვიცავდით თავს, თუმცა “სევილიელები” ბურთს აკონტროლებდნენ. მეტოქემ მშვენივრად ითამაშა, მაგრამ ეს შედეგი ჩვენთვის მისაღებია. პირველი ნახევრის ბოლოს რთული ბურთი მოვიგერიე. ეს მატჩის უმნიშნელოვანესი მომენტი იყო. ბედნიერი ვარ, რომ გუნდი გადავარჩინე,” – ამბობს ესპანელი.

“ბაიერნმა” “ბეშიქთაშს” ხუთი უპასუხო გოლი გაუტანა (ვიდეო)

Posted on by იაკობ კაპანაძე

ჩემპიონთა ლიგის პლეი-ოფში ჩაერთო გერმანული “რეკორდმაისტერიც”, რომელმაც პირველი მატჩი “ალიანც არენაზე” გამართა და ადგილობრივ გულშემატკივარს კიდევ ერთხელ დაუმტკიცა, რომ მიმდინარე სეზონში ეს გუნდი უმაღლესი მიზნებისთვის იბრძოლებს.

გერმანელებმა მეტოქეს ხუთი უპასუხო გოლი გაუტანეს. თუმცა გოლებამდე იყო უხეშობის ბრალდებით ვიდას გაგდების ეპიზოდი რამაც მეტწილად განაპირობა ეს შედეგი.

გოლები ტომას მიულერის (43′ 66′), კინგსლი კომანისა (53′) და რობერტ ლევანდოვსკის (79′,88′) ანგარიშებზეა.

“ბაიერნი”: ულრაიხი; ალაბა, ჰუმელსი, ბოატენგი, კიმიხი; მარტინესი; ხამეს როდრიგესი (რობენი 44′), არტურო ვიდალი (ტოლისო 83′); კინგსლი კომანი (რიბერი 81′), ლევანდოვსკი, მიულერი

მთავარი მწვრთნელი: იუპ ჰაინკესი

“ბეშიქთაში”: ფაბრიციო; ადრიანო, პეპე, ვიდა, ერკინი (გონული 69′); მედელი (არსლანი 85′), ჰუტშინსონი; ქუარეჟმა, ტალიშა, ბაბელი; ლავი (ტოშიჩი 58′)

მთავარი მწვრთნელი: სენოლ გუნესი

ლეო მესიმ უილიანსა და “ჩელსის” შოუ მოპარა (ვიდეო)

Posted on by იაკობ კაპანაძე

ჩემპიონთა ლიგის 1/8-ფინალური ეტაპის მატჩში “ბარსელონა” თავის ერთ-ერთ ყველაზე უხერხულ მეტოქეს ეწვია. “სტემფორდ ბრიჯზე” გამართული შეხვედრა საკმაოდ დაძაბული და საინტერესო გამოდგა.

საშინაო ჩემპიონატში საშინელი გამოსვლების მიუხედავად, ანტონიო კონტეს “არისტოკრატებმა” გულშემატკივარს საკმაოდ დამაჯერებელი პერფრომანსი შესთავაზეს.ლონდონელთა სამწუხაროდ, მათი კარგი თამაში ანგარიშში დიდად ვერ აისახა.

მატჩის გმირის წოდებას ნამდვილად იმსახურებს უილიანი, რომელმაც პირველ ტაიმში ორჯერ გაარტყა ბურთი ძელს, მეორე ნახევარში კი ბადეშიც გაახვია ბურთი (62′). გაშვებული გოლის შემდეგ “ბარსელონამ” ზეწოლა გაზარდა, თუმცა საპასუხო გოლი არა კარგი თამაშის, არამედ მასპინძელთა შეცდომის ხარჯზე გაიტანეს – კრისტენსენის შეცდომით ინიესტამ და მესიმ ისარგებლეს (75′). 1:1.

ასე რომ, ორმატჩიანი დუელის ბედი “კამპ ნოუზე” გადაწყდება, სადაც ფავორიტი, რათქმა უნდა, კატალონიური “ბარსელონა” იქნება. მაგრამ არც “ჩელსის” ნაადრევად ჩამოწერა შეიძლება, თანაც, ჩემპიონთა ლიგა კონტეს ბოლო იმედად ესახება.

“ჩელსი”: ტიბო კურტუა; რუდიგერი, კრისტენსენი, ასპილიკუეტა; მარკოს ალონსო, კანტე, ფაბრეგასი (დრინქვოთერი 84′), მოზესი; პედრო (ალვარო მორატა 83′), ედენ აზარი, უილიანი

მთავარი მწვრთნელი: ანტონიო კონტე

“ბარსელონა”: ტერ შტეგენი; რობერტო, პიკე, უმტიტი, ხორდი ალბა; რაკიტიჩი, ბუსკეტსი, პაულინიო (ალეიშ ვიდალი 63′); ლეო მესი, ლუის სუარესი, ანდრეს ინიესტა

მთავარი მწვრთნელი: ერნესტო ვალვერდე

კარიკატურა: “ჩელსი” – “ბარსელონა” წარსულში და ახლა

Posted on by კახა ყიფიანი

ხვალ ჩემპიონთა ლიგის მერვედფინალური ეტაპის შეხვედრას ლონდონი მასპინძლობს. ადგილობრივი “ჩელსი” კატალონიის “ბარსელონას” დაუპირისპირდება.

ZEZO ასეთ კარიკატურას გვთავაზობს.

 

ჰაინკესი “ბაიერნს” ჩემპიონთა ლიგის მოგების ფავორიტად არ მიიჩნევს

Posted on by იაკობ კაპანაძე

მიუნხენის “ბაიერნის” მთავარი მწვთნელის, იუპ ჰაინკესის აზრით, მიუნხენური გრანდი წლევანდელ სეზონში იმდენად ძლიერი არ არის, რომ ჩემპიონთა ლიგის ფავორიტად ჩაითვალოს.

წინასწარ რაიმეს პროგნოზირება ძალიან რთულია. ჩემპიონთა ლიგაზე ბევრი კარგი გუნდი თამაშობს, რომელიც ჩემპიონობაზე აცხადებს პრეტენზიას. ჩემპიონობის ფავორიტებად მე “რეალს”, “პსჟ”-სა და “ბარსელონას” ვთვლი.

“ბაიერნი” ევროპულ სარბიელზე ყოველთვის წარმატებით გამოდიოდა და ამ ტრადიციის გასაგრძელებლად ყველაფერს გავაკეთებთ. თუმცა ჩემპიონთა ლიგის მოგება ადვილი საერთოდ არ არის, ნებისმიერ მეტოქეს შეუძლია ჩვენი გამოგდება,” – აცხადებს ჰაინკესი.

შეგახსენებთ, რომ 2013 წელს, ჰაინკესმა თავის ბოლო სეზონში “რეკორდმაისტერს” ტრიპლეტი მოაგებინა.

იურგენ კლოპი: “დიახ, ეს უნაკლო შესრულება იყო “ლივერპულის” მხრიდან”

Posted on by იაკობ კაპანაძე

“ლივერპულის” მთავარმა მწვრთნელმა, იურგენ კლოპმა “პორტუსთან” მოგებული მატჩი (0:5) ბრწყინვალედ შეაფასა და თავისი ფეხბურთელებს კარგი თამაშისთვის შეაქო.

“დიახ, ეს სრულყოფილი შესრულება იყო ჩვენი მხრიდან. ჩვენი გუნდი ძალიან პროფესიონალურად მიუდგა ამ საქმეს და თითქმის ყოველ ასპექტში სწორ გადაწყვეტილებას ვიღებდით – კარგად ვიცავდით თავს, აგრესიულად ვთამაშობდით, ბურთსაც ვინარჩუნებდით და სივრცეებსაც ვითვისებდით.

ჩემმა ფეხბურთელებმა ფანტასტიკურად ითამაშეს. გამოვარჩევდი ენდრიუ რობერტსონის შესრულებას, რომელმაც, როგორც იქნა, იპოვა თავისი თამაში. საუკეთესო კი, რა თქმა უნდა, სადიო მანე იყო რობერტო ფირმინოსთან ერთად.

ხვალინდელი გასეირნება? არა, ალკოჰოლს არ ეკარებიან. ეს სულ სხვა თაობაა და ამის პრობელმა არ გვაქვს. შეუძლიათ უფრო დიდი ხანი დარჩნენ საღამოს, მაგრამ, ვფიქრობ, ახლა ყველაფერს ძილი ურჩევნიათ,” – აცხადებს კლოპი.

ფირმინომ ჩემპიონთა ლიგაზე ჯერარდის რეკორდი გაიმეორა

Posted on by იაკობ კაპანაძე

მერსესაიდის “ლივერპულმა” ჩემპიონთა ლიგის მერვედფინალური ეტაპის პირველ მატჩში “პორტუს” განადგურება შეძლო (0:5). ამ მატჩში ერთ-ერთი გოლი რობერტო ფირმინომ გაიტანა, რომელიც მისთვის გამორჩეული აღმოჩნდა.

ამ გოლის წყალობით, 26 წლის ფეხბურთელი ჩემპიონთა ლიგის ერთ სეზონში “ლივერპულის” მაისურით გატანილი გოლების რაოდენობით სტივენ ჯერარდს გაუთანაბრდა – ფირმინოს ანგარიშზე 2017/18 წლების ჩემპიონთა ლიგის გათამაშებაში გატანილი 7 გოლია.

კროოსი: “პსჟ”-სთან წარსულის გამოცდილება და ამჟამინდელი ძალა დაგვეხმარება!”

Posted on by კახა ყიფიანი

ჩემპიონთა ლიგის მერვედფინალში მადრიდის “რეალი” და “პარი სენ-ჟერმენი” ერთმანეთს დაუპირისპირდებიან. პირველი თამაში 14 თებერვალს, “სანტიაგო ბერნაბეუზე” შედგება.

მნიშვნელოვანი მატჩის წინ “ბლანკოსის” ნახევარმცველმა, ტონი კროოსმა ჟურნალისტებთან ისაუბრა.

“ჩვენს მიმართ იგივე შეკითხვები და ეჭვებია, რაც შარშან იყო. წინა წელსაც ჩემპიონთა ლიგის მოქმედი გამარჯვებულები ვიყავით და ბევრს არ სჯეროდა, იმავეს ზედიზედ მეორედ მოვახერხებდით. ეს ძალიან რთულია. კარგად მახსოვს ურთულესი დაპირისპირებები მიუნხენის “ბაიერნთან”, მადრიდის “ატლეტიკოსთან” და ტურინის “იუვენტუსთან”. ეს არ იყო ადვილი და ვფიქრობ.

“ახლა, წარსულის გამოცდილებიდან და ამჟამინდელი ძალიდან გამომდინარე, მატჩებს ოპტიმისტურად ვხვდებით. ეს არ იქნება იოლი, რადგან “პსჟ” მშვენიერი გუნდია. თუმცა, ჩვენც არ ვართ ნაკლები. ერთი სული მაქვს, როდის მოვა დაპირისპირების დრო. ჩვენ ვხვდებით ერთ-ერთ საუკეთესო მეკარეს, ოთხ შესანიშნავ მცველს, სამ გამორჩეულ ნახევარმცველსა და სამ საოცარ თავდამსმხელს. ამით ყველაფერი ნათქვამია. ისინი ერთიანნი არიან, კარგად ითვისებენ სივრცეებს და სწრაფად უტევენ. მთავარია, ჩვენი თავის და მოთამაშეების ვირწმუნოთ. ეს უმთავრეის რამაა,” – აცხადებს კროოსი.