კამერუნელი თავდამსხმელი სამუელ ეტოო, რომელსაც ჟოზე მოურინიოსთან მუშაობის გამოცდილება აქვს, თვლის, რომ პორტუგალიელი სპეციალისტი ლონდონის “ჩელსის” არ დატოვებს და “პარი სენ-ჟერმენში” არ გადაბარგდება. პრესაში გავრცელებული ინფორმაციით, მოურინიომ დაუკმაყოფილებელი შედეგბის გამო შესაძლოა, ლონდონი დატოვოს და პარიზს მიაშუროს.
“არა მგონია, რომ ეს ინფორმაცია სიმართლეს შეესაბამებოდეს. მოურინიოს “პარი სენ-ჟერმენში” ვერ ვხედავ. მას წარმატების მიღწევა ნებისმიერ კლუბთან ერთად შეუძლია, ეს მოახერხა ყველა გუნდში, სადაც უმუშავია. არა მგონია, მან “ჩელსი” დატოვოს. მე ვფიქრობ, მოურინიო “ჩელსის” ამ რთული ვითარებიდან დაიხსნის და დადებით შედეგებს დააბრუნებს”, – ეტოოს კომენტარს RMC ციტირებს.
