“მილანის” გენერალური დირექტორი, მარკო ფასონე ადასტურებს ინფორმაციას, რომლის მიხედვითაც, “როსონერი” დიეგო კოშტას ტრანსფერის ვარიანტსაც განიხილავს.
“მირჩევნია, თავი შევიკავო იმ ფეხბურთელებზე საუბრისგან, რომლებიც სხვა კლუბის კუთვნილებაში იმყოფებიან. დიეგო კოშტა? ის დიდებული ფეხბურთელია, მაგრამ ახლა ის “ჩელსის” რიგებში ირიცხება.
დიახ, ჩვენ მის აგენტს შევხდით; მასთან სასაუბრო ძალიან ბევრია. კოშტა ძლიერი ფეხბურთელია, მაგრამ არა ჩვენი. სულ ესაა,” – აცხადებს ფასონე.
შეგახსენებთ, რომ მიმდინარე ზაფხულის სატრანსფერო ფანჯარაზე იტალიურმა გრანდმა უკვე მოახერხა 10 ტრანსფერის განხორციელება.
