ლონდონის “ჩელსის” მთავარ მწვრთნელს, ანტონიო კონტეს დღეს გასამართ ლონდონურ დერბიმდე რამდენიმე მნიშვნელოვანი გადაწყვეტილების მიღება მოუწევს.
“ლურჯებს” დაცვის რამდენიმე მთავარი მოთამაშე აკლია, დაცვის რომელიც აქამდე არაერთ შეცდომას უშვებდა. ცესკ ფაბრეგასი კი სასტარტოში მოხვედრის მთვარი კანდიდატია “ლესტერთან” გაფორმებული დუბლის შემდეგ.
შეგახსენებთ, რომ კონტეს ბიჭებმა ბოლო სამი მატჩიდან სამივეში მოახერხა 2 გოლის გაშვება : “სუონსისაგან”, “ლივერპულისა” და “ლესტერ სიტისაგან”. “არსენალს” კი შეტევაში საკმაოდ კარგად აქვს საქმე.
გუნდის კაპიტანი, ჯონ ტერი თამაშს ვერ შეძლებს, კონტეს კი სავარაუდოდ დავიდ ლუისისა და გარი კეჰილის დაწყვილება მოუწევს ცენტრში. კლუბის 23 მილიონიანი შენაძენი, მარკოს ალონსო კი სათადარიგოთა სკამს დაუბრუნდა.
ფაბრეგასს, რომელსაც პრემიერ ლიგის არცერთი მატჩი არ დაუწყია სასტარტოდან, სავარაუდოდ ოსკარის, ან ნემანია მატიჩის ჩანაცვლება მოუწევს.
შეტევაზე კვლავინდებურად დიეგო კოშტა იზრუნებს, დაცვის ფლანგებს კი სავარაუდოდ ივანოვიჩი და ასპილიკუეტა ჩაიბარებენ. სასტარტოში უნდა მოხვდნენ ისეთი ფეხბურთელებიც, როგორებიც არიან: კურტუა, აზარი, ვილიანი და კანტე.
