ჩელსი – გვერდი 52 – Fanebi.Com – ფეხბურთი, კალათბურთი, რაგბი, სხვა

დიეგო კოსტამ მოურინიოს სავარჯიშო მაისური ესროლა (ვიდეო)

Posted on ნოემბერი 29, 2015 by ბექა დოგრაშვილი

ლონდონის “ჩელსის” მთავარი მწვრთნელი ჟოზე მოურინიო კი ამტკიცებს, რომ გუნდში არანაირი კონფლიქტი არ არსებობს, მაგრამ ინგლისის პრემიერლიგის მე-14 ტურში “ტოტენჰემ ჰოთსპურის” წინააღმდეგ გამართულ მატჩში (0:0) მომხდარი ფაქტი საპირისპიროზე მეტყველებს.

დღევანდელ შეხვედრაში გუნდის თავდამსხმელი დიეგო კოსტა მოურინიოზე გაბრაზდა. გაესპანელებული ფეხბურთელი სათადარიგოთა შორის დარჩა, თუმცა გარკვეული ხნის შემდეგ გახურება დაიწყო და როგორც მაშინ ჩანდა, შეცვლაზე უნდა შესულიყო, მაგრამ მოთელვის შემდეგ მოურინიომ კოსტას სათადარიგოთა სკამზე დაბრუნება მოსთხოვა. ამ მოთხოვნამ “ჩელსის” თავდამსხმელი გააღიზიანა და მოურინიოს მიმართულებით სავარჯიშო მაისური ისროლა. სათადარიგოთა სკამზე დიეგო კოსტას გვერდით ჯონ ობი მიკელი იჯდა, რომელმაც მომხდარი შეამჩნია და ჩაიღიმა.

მოურინიო: “მე და აზარს ფლეიმეიქერის როლის შესახებ განსხვავებული მოსაზრებები გვაქვს”

Posted on ნოემბერი 29, 2015 by ბექა დოგრაშვილი

ლონდონის “ჩელსის” მთავარმა მწვრთნელმა ჟოზე მოურინიომ განაცხადა, რომ მას და კლუბის ერთ-ერთ ლიდერ ედენ აზარს ფლეიმეიქერის როლის შესახებ განსხვავებული წარმოდგენები აქვთ.

“საუკეთესო “ათიანები”, ვისთან ერთადაც ოდესმე მიმუშავია, დეკუ და უესლი სნეიდერი იყვნენ. ჩემი აზრით, მე-10 ნომერი დიდ სამუშაოს უნდა ასრულებდეს როგორც ბურთით, ასევე უბურთოდ. ჩემს გუნდში “ათიანი” ყოველთვის ასრულებდა განსაკუთრებულ როლს. შესაძლებელია თუ არა, რომ “ჩელსისთვის” ასეთ მოთამაშედ აზარი იქცეს? მეეჭვება. ჩემსა და აზარს შორის “ათიანის” ფუნქციების შესახებ განსახვებული მოსაზრებებია”, – ციტირებს მოურინიოს სიტყვებს “ტელეგრაფი”.

ჟოზე მოურინიომ ორი საუკეთესო ათი ნომერი დაასახელა

Posted on ნოემბერი 29, 2015 by -

ლონდონის “ჩელსის” მთავარმა მწვრთნელმა ედენ აზარმა თავის გუნდში ათი ნომრის როლზე ისაუბრა და ორი ფეხბურთელი გამოარჩია.

“ათ ნომერს ძალიან დიდ მნიშვნელობას ვანიჭებ, მან ბურთთან ერთად და მის გარეშე ბევრი რამ უნდა გააკეთოს. მომწონს, როცა მეათე ნომერს გოლი გააქვს და საჯარიმოში კარგად მოქმედებს.

ვინ არის საუკეთესო ათი ნომერი? უესლი სნეიდერი და დეკუ. მათ დაცვაში თამაში, საჯარიმოში კარგად მოქმედება და გოლების გატანა შუძლიათ”, – ციტირებს მოურინიოს სიტყვებს Goal.Com-ი.

ჟოზე მოურინიომ და დიეგო კოშტამ გუშინდელ მატჩში ერთმანეთთან იჩხუბეს

Posted on ნოემბერი 25, 2015 by -

ლონდონის “ჩელსის” მთავარმა მწვრთნელმა ჟოზე მოურინიომ და თავდამსხმელმა დიეგო კოშტამ გუშინ, “მაკაბისთან” გამართული მატჩის მიმდინარეობისას იჩხუბეს.

როგორც ირკვევა, პორტუგალიელ სპეციალისტს ფეხბურთელის მოძრაობა არ მოეწონა, რის გამოც მას უსაყვედურა.

“მინდოდა, მას სხვაგვარად ემოძრავა, თუმცა ის ასე არ მოქიცა. ეს მეწყინა და ჩემი ემოცია გამოვხატე. კოშტამაც მიპასუხა, თუმცა პირველი ტაიმის დასრულების შემდეგ, გასახდელში ვაკოცე და გულში ჩავიკარი”, – ციტირებს მოურინიოს სიტყვებს Sky Sports-ი.

მოურინიო თვლის, რომ “ჩელსის” ჩემპიონთა ლიგის მოგება შეუძლია

Posted on ნოემბერი 24, 2015 by ბექა დოგრაშვილი

ლონდონის “ჩელსის” მთავარი მწვრთნელი ჟოზე მოურინიო თვლის, რომ მის გუნდს მიმდინარე სეზონში ჩემპიონთა ლიგის მოგება შეუძლია. პორტუგალიელი სპეციალისტის თქმით, ამისთვის ფავორიტის სტატუსის ქონა არ არის აუცილებელი.

“ხანდახან ჩემპიონი ისე ხდები, რომ მანამდე ფავორიტად არავინ გთვლიდა. ჩემპიონთა ლიგა ჯერ “პორტუსთან”, შემდეგ კი მილანის “ინტერთან” ერთად მოვიგე და ორივე შემთხვევაში რთულად თუ ვინმე ჩაგვთვლიდა ფავორიტად. მეტიც, ჩვენ პრეტენდენტთა ათეულშიც კი არ ვითვლებოდით”, – მოურინიოს კომენტარი Goal.com-მა გამოაქვეყნა.

აზარი მოურინიოსთან კონფლიქტის შესახებ გავრცელებულ ინფორმაციას გამოეხმაურა

Posted on ნოემბერი 23, 2015 by Alix

„ჩელსის“ ნახევარმცველმა ედენ აზარმა გუნდის მთავარ მწვრთნელთან ჟოზე მოურინიოსთან კონფლიქტი უარყო.

„მოურინიოსთან პრობლემა არ მაქვს. ის საუკეთესო მწვრთნელია. იმედია, მასთან კიდევ ბევრი ტიტულის მოგებას შევძლებთ. შესაძლოა, ამ სეზონში ბევრი ვერაფერი გამოგვივიდეს, რადგან ეს რთულია“, – ციტირებს აზარს ლონდონური კლუბის ოფიციალური საიტი.

მიმდინარე სეზონში 24 წლის ბელგიელი გუნდის სასტარტო შემადგენლობაში ჯერჯერობით ყოველთვის ვერ ხვდება. 13 ტურის შემდეგ „ჩელსი“ პრემიერლიგის მე-15 ადგილზე იმყოფება.

რისთვის მიიღო ვილიანმა ყვითელი ბარათი “ნორვიჩთან” მატჩში (ვიდეო)

Posted on ნოემბერი 22, 2015ნოემბერი 21, 2015 by -

21 ნოემბერს, ინგლისის პრემიერ ლიგაში, “ჩელსისა” და “ნორვიჩს” შორის გამართულ მატჩში (1:0), ვილიანმა 35-ე წუთზე ყვითელი ბარათი მიიღო.

ანჩელოტი: “თუ ფეხბურთელი თავად არაა მოტივირებული, არაფერი გამოვა”

Posted on ნოემბერი 13, 2015 by -

“მილანისა” და მადრიდის “რეალის” ყოფილმა მთავარმა მწვრთნელმა კარლო ანჩელოტიმ ლონდონის “ჩელსიზე” ისაუბრა და თქვა, რომ ფეხბურთელებს მოტივაცია აკლიათ.

“ჩელსიში” არსებულ სიტუაციას თვალს შორიდან ვადევნებ. ვფიქრობ, გასულ სეზონში მათ ტიტული ძალიან მარტივად მოიგეს, წელს კი სათანადოდ მოტივირებულები არ არიან.

შეუძლებელია, მწვრთნელმა ფეხბურთელს მოტივაცია აუმაღლოს, თუ ფეხბურთელი თავად არ არის მოტივირებული”, – ციტირებს ანჩელოტის სიტყვებს Daily Mail.

ანჩელოტი: „ჩელსის“ მოტივაცია აკლია“

Posted on ნოემბერი 12, 2015 by Alix

იტალიელმა სპეციალისტმა კარლო ანჩელოტიმ თავის ერთ-ერთ ყოფილ გუნდში ლონდონის „ჩელსიში“ არსებული ვითარების შესახებ ისაუბრა.

„მოურინიოს არ უშვებენ. ხელმძღვანელობამ მისი დატოვება უკვე გადაწყვიტა. დარწმუნებული ვარ, ეს სწორი გადაწყვეტილებაა.

გასულ სეზონში „ჩელსიმ“ ტიტული ადვილად მოიგო, ამიტომაც ახლა გუნდს მოტივაცია აკლია. მწვრთნელი, რა თქმა უნდა, ფეხბურთელებს მოტივაციას უნდა უმატებდეს, თუმცა ამის გაკეთება რთულია, თუ მოთამაშეებს სურილი არ აქვთ. მოურინიო მსოფლიოს ერთ-ერთი საუკეთესო მწვრთნელია. მისგან დიდი თავდაჯერებულობა იგრძნობა“, – ციტირებს ანჩელოტის „დეილი მეილი“.

ფაბრეგასი: „ვითამაშებდი თუ არა „რეალში?“

Posted on ნოემბერი 12, 2015ნოემბერი 12, 2015 by Alix

„ბარსელონასა“ და „არსენალის“ ყოფილმა და ამჟამინდელმა „ჩელსის“ ნახევარმველმა სესკ ფაბრეგასმა ერთ-ერთ ბოლო ინტერვიუში მადრიდის „რეალში“ თამაშის შესახებ დასმულ კითხვას უპასუხა.

„მოვუხდებოდი თუ არა „რეალს“? არ ვიცი, თუმცა ჩემს თამაშს კროოსის, მოდრიჩის და ხამესის სტილს ვამსგავსებ. მსგავსი კითხვები მე არ უნდა დამისვათ”, – ციტირებს ესპანეთის ნაკრების მოთამაშეს გამოცემა „Cope“.

გარდა ამისა, ფაბრეგასმა აღნიშნა, რომ „სევილიასთან“ პრიმერა დივიზიონის მე-11 ტურის მატჩის პირველ 35 წუთში მას „რეალის“ თამაში მოეწონა. შეგახსენებთ, რომ ეს შეხვედრა მადრიდელებმა ანგარიშით 2:3 წააგეს.

სიმეონე „ჩელსიში“?

Posted on ნოემბერი 9, 2015 by Alix

ჟოზე მოურინიოს ლონდონის „ჩელსის“ მთავარი მწვრთნელის პოსტიდან გათავისუფლების შემთხვევაში, „არისტოკრატთა“ თავკაცობის კანდიდატთა შორის, შესაძლოა, მადრიდის „ატლეტიკოს“ დამრიგებელი დიეგო სიმეონე იყოს. თუმცა, საამისოდ ლონდონელებს არგენტინული ფეხბურთის ფედერაციასთან ბრძოლა მოუწევს, რადგან 45 წლის სპეციალისტი ასევე ნაკრების შესაძლო თავკაცად განიხილება, რის შესახებაც „დეილი ექსპრესი“ იტყობინება.

შაბათს პრემიერლიგის მე-12 ტურში „ჩელსიმ“ მიმდინარე ჩემპიონატში მეშვიდედ წააგო. ამჟამად მოურინიოს გუნდი 11 ქულით ცხრილში მე-16 ადგილს იკავებს.

დიეგო კოშტამ “სტოკ სიტის” ფეხბურთელს მიანიშნა, რომ სუნი ასდის (ვიდეო)

Posted on ნოემბერი 8, 2015 by -

7 ნოემბერს, ინგლისის პრემიერ ლიგაში, “სტოკ სიტისა” და “ჩელსის” შორის გამართულ მატჩში (1:0), კამერებმა საინტერესო კადრი დააფიქსირეს.

Diego Costa telling Ryan Shawcross he stinks ????????????

Posted by Troll Football on Saturday, 7 November 2015