„ჩელსის“ ნახევარმცველმა სესკ ფაბრეგასმა „მაკაბისთან“ უეფას ჩემპიონთა ლიგის ჯგუფური ეტაპის პირველი ტურის ანგარიშით 4:0 მოგებული მატჩის შემდეგ ჟურნალისტებს თავისი შთაბეჭდილებები გაუზიარა.
„ფეხბურთელებმა იგრძნეს, რომ ჩელსის, როგორც გრანდს, სათანადო თამაში უნდა ეჩვენებინა და შედეგისთვის მიეღწია. დღეს ვდომინირებდით. იმედია, ამით ჩვენი ხანგრძლივი მოგებათა სერია დაიწყება“, – განაცხადა ესპანელმა.
16 სექტემბერს, ჩემპიონთა ლიგის გათამაშებაში, “ჩელსისა” და “მაკაბის” შორის გამართულ მატჩში, მე-6 წუთზე ედენ აზარმა პენალტი ვერ გამოიყენა.
„ჩელსის“ ახალწვეულს აბდულ რაჰმან ბაბას ხვალ ლონდონურ კლუბში დებიუტი ექნება. როგორც „ლურჯთა“ მთავარმა მწვრთნელმა ჟოზე მოურინიომ განაცხადა, ფეხბურთელი „მაკაბისთან“ ჩემპიონთა ლიგის ჯგუფური ეტაპის პირველ ტურში ითამაშებს.
გარდა ამისა, შეხვედრაში მონაწილეობას ნახევარმცველი ოსკარიც მიიღებს. რაც შეეხება ტრავმირებულებს, ლონდონელებს ხსენებულ თამაშში კოლუმბიელი რადამელ ფალკაო ვერ დაეხმარება.
შეგახსენებთ, რომ „ჩელსი“ – „მაკაბის“ მატჩი ხვალ, თბილისის დროით, 22 საათსა და 45 წუთზე დაიწყება.
ლონდონის „ჩელსის“ მფლობელი რომან აბრამოვიჩი გუნდის მთავარ მწვრთნელს ჟოზე მოურინიოს კვლავ დიდ ნდობას უცხადებს. ამის შესახებ „The Times“-ი წერს.
წყაროს ცნობით, სეზონის ძალია ცუდი სტარტის მიუხედავად, აბრამოვიჩი პორტუგალიელ სპეცილიასტს მაინც ენდობა და მის გაშვებაზე ჯერ არ დაფიქრებულა.
შეგახსენებთ, რომ პრემიერლიგის ხუთი ტურის შემდეგ „ჩელსი“ ოთხი ქულით მე-17 ადგილზე იმყოფება.
“ტელეგრაფის” ცნობით, ინგლისის პრემიერლიგის მე-5 ტურში ლივერპულის “ევერტონსა” და “ჩელსის” შორის გამართული მატჩის (3:1) შემდეგ ლონდონელთა მთავარი მწვრთნელი ჟოზე მოურინიო მერსისაიდელთა თავკაც რობერტო მარტინესს გაუჯავრდა.
წყაროს ცნობით, პორტუგალიელი სპეციალისტი უკმაყოფილო დარჩა იმ ფაქტით, რომ მოცდა მოუწია, სანამ მარტინესი მატჩისშემდგომ პრესკონფერენციაზე გამოსვლას დაასრულებდა.
როგორც “ტელეგრაფი” წერს, როდესაც მარტინესი საპრესკონფერენციო დარბაზიდან გამოვიდა, მოურინიომ მას უთხრა: “რობერტო, მომდევნო ჯერზე თქვი, რომ პირველი მე წარვდგები ჟურნალისტების წინაშე, რადგან ჩვენ შინისაკენ უნდა გავემგზავროთ”. მარტინესმა უპასუხა, რომ ეს მისი საქმე არ არის, რაზეც მოურინიომ უხამსად მიუგო: “F*** hell” (“ეშმაკსაც წაუღიხარ!”).
„ევერტონის“ მთავარმა მწვრთნელმა რობერტო მარტინესმა „ჩელსისთან“ ანგარიშით 3:1 მოგებული მატჩის შემდეგ ჟოზე მოურინიოსთან მომხადარი შელაპარაკების შესახებ ისაუბრა.
„როდესაც გასულ სეზონში მოურინიომ „ევერტონი“ ანგარიშით 6:3 დაამარცხა, გაცილებით თავაზიანი იყო. მაშინ ის უფრო მომეწონა“, – განაცხადა მერსესაიდული კლუბის დამრიგებელმა.
შეგახსენებთ, რომ მოურინიომ კოლეგასთან ჩხუბი დაიწყო, რადგან მისი პრესკონფერენციის დასრულებამდე პორტუგალიელს ლოდინი მოუწია.
ცნობილმა ბრიტანულმა გამოცემა Daily Mail-მა ინგლისის პრემიერ ლიგის ათი ყველაზე მაღალანაზღაურებადი ფეხბურთელი დაასახელა.
როგორც ირკვევა, კვირაში, ხელფასის სახით, ყველაზე მეტს “მანჩესტერ იუნაიტედის” კაპიტანი უეინ რუნი იღებს, რომელიც სულ რამდენიმე დღის წინ ინგლისის ეროვნული ნაკრების ყველა დროის საუკეთესო ბომბარდირი გახდა.
ათეული კი ასე გამოიყურება:
1. უეინ რუნი – 260 000 ფუნტ სტერლინგი კვირაში
2. სერხიო აგუერო – 240 000 ფუნტ სტერლინგი კვირაში
3. იაია ტურე – 240 000 ფუნტ სტერლინგი კვირაში
4. ედენ აზარი – 220 000 ფუნტ სტერლინგი კვირაში
5. დავიდ სილვა – 200 000 ფუნტ სტერლინგი კვირაში
6. მესუთ იოზილი – 190 000 ფუნტ სტერლინგი კვირაში
7. რაჰიმ სტერლინგი – 180 000 ფუნტ სტერლინგი კვირაში
8. სესკ ფაბრეგასი – 170 000 ფუნტ სტერლინგი კვირაში
9. კევინ დე ბრუინი – 170 000 ფუნტ სტერლინგი კვირაში
10. ჯონ ტერი – 160 000 ფუნტ სტერლინგი კვირაში
„ბარსელონას“ ყოფილი თავდამსხმელი პედრო როდრიგესი ლონდონის „ჩელსიში“ გადასვლით კმაყოფილია. ესპანეთის ნაკრების მოთამაშემ განაცხადა, რომ ახლა ის კარგ ფსიქოლოგიურ მდგომარეობაშა.
„ყველაფრით კმაყოფილი ვარ. „ჩელსიში“ ჩემი დებიუტი კარგი აღმოჩნდა. როდესაც სათამაშო პრაქტიკა გაქვს, თამაშის სხვა რითმში ჯდები და თავდაჯერებულობაც გემატება. რა თქმა უნდა, ამ ფაქტმა ესპანეთის ნაკრებში გამოსვლაზეც იმოქმედა“, – ციტირებს პედროს AS-ი.
ზაფხულში ლონდონურ კლუბში გადასვლის შემდეგ პედრომ ორ მატჩში თავის ანგარიშზე გოლისა და საგოლე პასის ჩაწერა მოასწრო.
ლონდონის „ჩელსის“ ექიმი ევა კარნეირო, სავარაუდოდ, კლუბთან თანამშრომლობას არ გააგრძელებს. ამის შესახებ ინფორმაციას გამოცემა „ტელეგრაფი“ ავრცელებს.
დიდი ალბათობით, კარნეირო კლუბთან კონთრაქტს სულ მალე გაწყვეტს. წყაროს ინფორმაციით, მხარეებმა ამ საკითხთან დაკავშირებით მოლაპარაკება უკვე დაიწყეს.
შეგახსენებთ, რომ კარნეირომ მუშაობა ჟოზე მოურინიოსთან კონფლიქტის დაწყების შემდეგ შეწყვიტა.
ლონდონის „ჩელსის“ ნახევარმცველმა ედენ აზარმა თავისი სათამაშო სტილის შესახებ ისაუბრა.
„საკუთარ თავს ხშირად ვეკითხები, რა უნდა გავაკეთო, რათა მესისა და რონალდუს მსგავსად, სეზონში 50-60 გოლი გავიტანო. რა თქმა უნდა, ყველაფრის გაკეთებას ვცდილობ, მაგრამ დაბადებიდან თავდამსხმელი არ ვარ. „მკვლელის ინსტიქტით“ ვერ გამოვირჩევი. გოლის გატანის შემდეგ, განსაკუთრებით მაშინ, როდესაც ანგარიში კომფორტულია, მგონია, რომ ეს საკმარისია“, – განაცხადა ბელგიელმა.
ცნობისთვის, გასულ სეზონში ბელგიელმა ყველა ტურნრიზე, ჯამში, 19 გოლი გაიტანა.
ზაფხულის სატრანსფერო ფანჯრის დროს ლონდონის „ჩელსის“ ხელმძღვანელობა დაცვის ცენტრის გაძლიერებაზე ფიქროდა. როგორც „სქაი სპორტსი“ იტყობინება, ერთ-ერთ კანდიდატად ლონდონელები „პარი სენ-ჟერმენის“ მცველს მარკინიოსს განიხილავდნენ.
წყაროს ინფორმაციით, 21 წლის ბრაზილიელის სანაცვლოდ რომან აბრამოვიჩ 35-55 მილიონი ევროს გამოსაყოფად მზად იყო. ლონდონელებმა პარიზელებს შესაძლო ტრანსფერთან დაკავშირებით ორჯერ მიმართეს, თუმცა ორივე შემთხვევაში უარი მიიღეს.
როგორც „beIN სპორტსის“ ჟურნალისტი ტანკრედი პალმერი იტყობინება, სატრანსფერო ფანჯრის ბოლო დღეს ტურინის „იუვენტუსისა“ და ლონდონის „ჩელსის“ წარმომადგენლებმა ნახევარმცველ პოლ პოგბას ტრანსფერის შესახებ მოლაპარაკება განაახლეს.
წყაროს ცნობით, ტურინელებს საფრანგეთის ნაკრების მოთამაშის სანაცვლოდ მინიმუმ 120 მილიონი ევროს მიღება სურთ.
შეგახსენებთ, რომ აქამდე ტურინელთა გენერალურმა დირექტორმა ჯუზეპე მაროტამ აღნიშნა, რომ კლუბი პოგბას გაშვებას არ აპირებს, რადგან სამუშაოა დგილი შეცვლა თავად მოთამაშესაც არ სურს.
