კოტ-დივუარის ნაკრების თავდამსხმელი დიდერ დროგბა უკმაყოფილოა იმით, რომ იაპონიასთან მატჩის დაწყება სათადარიგოთა სკამიდან მოუწია.
„გული დამწყდა, როდესაც სასტარტო შემადგენლობაში ვერ მოვხვდი, თუმცა მინდა ვთქვა, რომ პატივს ვცემ ყოველ მოთამაშეს, რომელიც მოედანზე იყო. როდესაც მოედანზე გამოვედი, მსურდა, გუნდს დავხმარებოდი , ამისთვის კი დამატებითი მოტივაცია არც კი დამჭირდა“, – განაცხადა დროგბამ.
ალექსანდრე მატევოსოვი
თურქული წყაროების ცნობით, ტურინის „იუვენტუსმა“ „გალათასარაის“ თავდამსხმელ დიდიე დროგბასთან შეთანხმებას მიაღწია. კოტ დივუარელი ფეხბურთელი თურქულ კლუბს თავისუფალი აგენტის სტატუსით მიმდინარე წლის 30 ივნისს დატოვებს.
თურქული პრესის თანახმად, დროგბა „ბებერ ქალბატონთან“ ორწლიან კონტრაქტს მოაწერს ხელს. ამ დროის განმავლობაში 36 წლის ფეხბურთელი 4,5 მილიონ ევროს მიიღებს.
ცნობისთვის, დროგბამ თურქეთის ჩემპიონატის დასრულებულ გათამაშებაში 24 მატჩი ჩაატარა და 10 გოლი გაიტანა.
ბექა დოგრაშვილი
თურქული „გალათასარაის“ თავდამსხმელი დიდიე დროგბა ლონდონის „ჩელსიში“ დაბრუნდება. ამ ინფორმაციას ბრიტანული „დეილი მირორი“ აქვეყნებს.
როგორც მოგეხსენებათ, 30 ივნისს კოტ დივუარელ ფეხბურთელს თურქულ კლუბთან კონტრაქტი ეწურება და თავისუფალი აგენტის სტატუსს იღებს. წყაროს თანახმად, დროგბა „ჩელსის“ მსოფლიოს ჩემპიონატის შემდეგ შეუერთდება.
შეგახსენებთ, რომ კოტ დივუარელი ფეხბურთელი დასავლეთლონდონური კლუბის ღირსებას 2004 -დან 2012 წლამდე იცავდა. დროგბამ „ჩელსის“ რიგებში ჩატარებულ 341 მატჩში 157 გოლი გაიტანა. მან ინგლისურ კლუბთან ერთად სამჯერ მოიგო ინგლისის პრემიერლიგა, ოთხჯერ დაეუფლა ასოციაციის თასს, დაისაკუთრა ჩემპიონთა ლიგის თასიც.
ბექა დოგრაშვილი
თურქული „გალათასარაის“ თავდამსხმელმა დიდიე დროგბამ განაცხადა, რომ ჩემპიონთა ლიგაზე თამაში სურს. ამ სიტყვების შემდეგ კოტ დივუარელი ფეხბურთელის ტურინის „იუვენტუსში“ შესაძლო გადასვლის შესახებ საუბრები კიდევ უფრო გააქტიურდა.
„კონკურენტუნარიან გუნდში თამაში და ჩემპიონთა ლიგაზე ასპარეზობა მინდა. „გალათასარაი“ ჩემს გულში დარჩება. ვამაყობ, რომ ამ კლუბის ღირსებას ვიცავდი“, – დროგბას სიტყვებს Football italia ციტირებს.
შეგახსენებთ, რომ „იუვენტუსის“ გარდა დროგბას მიმართ ინტერესს ლონდონის „ჩელსიც“ იჩენს.
ბექა დოგრაშვილი
დღეს ჩემპიონთა ლიგის მერვედფინალურ ეტაპზე ლონდონის „ჩელსისა“ და „გალათასარაის“ შორის განმეორებითი შეხვედრა გაიმართება. როგორც მოგხსენებათ, პირველი მატჩი ფრედ, ანგარიშით 1:1 დასრულდა, რაც უპირატესობას „პენსიონერებს“ აძლევთ.
„გალათასარაის“ თავდამსხმელ დიდიე დროგბას „სტემფორდ ბრიჯზე“ უკვე სტუმრის რანგში მოუწევს თამაში. კოტ დივუარელი ფეხბურთელი ამბობს, რომ მას „ჩელსისთვის“ დასამტკიცებელი არაფერი აქვს.
„ჩელსისთვის“ დასამტკიცებელი არაფერი მაქვს. აქ ჩამოვედი, როგორც ჩემი გუნდის მოთამაშე. მინდა, რომ მომდევნო ეტაპზე გავიდეთ. „ჩელსისთან“ რაიმე პირადი დაპირისპირება არ მაქვს“, – ციტირებს დროგბას სიტყვებს უეფას ოფიციალური ვებ-გვერდი.
ცნობისთვის, მატჩი „ჩელსისა“ და „გალათასარაის“ შორის დღეს, ჩვენი დროით 23:45 საათზე დაიწყება და მას გერმანელი არბიტრი ფელიქს ბრიხი მოემსახურება.
ბექა დოგრაშვილი
აფრიკის ზონიდან 2014 წლის მსოფლიოს ჩემპიონატის საგზურის მოსაპოვებლად ერთმანეთს სენეგალისა და კოტ დივუარის ნაკრებები შეერკინენ. ორი მატჩის ჯამში სპილოს ძვლის კუნძულელებმა მეტოქე ანგარიშით 4:2 დაამარცხეს და ბრაზილიის მუნდიალზე თამაშის უფლება მოიპოვეს. განმეორებითი შეხვედრა, რომელიც წუხელ, მაროკოში შედგა, ანგარიშით 1:1 დასრულდა. კოტ დივუარელთა მხრიდან გოლი დიდიე დროგბას არ გაუტანია (სალომონ კალუმ გაიტანა), თუმცა მატჩის მიმდინარეობისას, თურქული „გალათასარაის“ თავდამსხმელმა საოცარი სეივი გააკეთა.
გთავაზობთ ფაქტის ამსახველ ვიდეოს.
„ლივერპულის“ თავდამსხმელი დანიელ სტარიჯი შესანიშნავ ფორმაშია. 24 წლის ფეხბურთელი ზედიზედ მეოთხე მატჩია – გოლს იტანს. სტარიჯმა პრემიერლიგის მიმდინარე გათამაშების ცხრავე მატჩში მიიღო მონაწილეობა და 8 გოლი გაიტანა. ამ შედეგით ის პრემიერლიგის ბომბარდირთა დავას ლიდერობს.
სტარიჯმა განაცხადა, რომ მეტი გოლის გატანა „გალათასარაის“ ფორვარდ დიდიე დროგბასთან შეხვედრის შემდეგ დაიწყო.
„ამ ზაფხულს მაიამიში დროგბას შევხვდი. მისი თქმით, იყო ძლიერი, პირველ რიგში, ნიშნავს, იყო ძლიერი სულიერად. არც ტაქტიკა, არც ტექნიკა, არც ფიზიკური მომზადება ბევრს არაფერს ნიშნავს. მან მითხრა, რომ საკუთარ თავში დარწმუნებული ფეხბურთელი სხვებისგან გამოირჩევა“, – სტარიჯის სიტყვებს „სანდი თაიმსი“ ციტირებს.
ბექა დოგრაშვილი
თურქული „გალათასარაის“ პრეზიდენტი თავისი წამყვანი თავდამსხმელის დიდიე დროგბას შენარჩუნებას შეეცდება.
„დროგბამ უკვე მითხვა, რომ კარიერის დასრულებას ჯერ არ აპირებს. მე კი ვუთხარი, რომ მას აქ დარჩენა იქამდე შეუძლია, სანამ ფორმის შენარჩუნების საშუალება გააჩნია“.
„რა თქმა უნდა, დიდიეს ახალ კონტრაქტს შევთავაზებთ. არამგონია, უარი გვითხრას“, – განაცხადა „გალას“ პრეზიდენტმა უნალ აისალმა.
ალექსანდრე მატევოსოვი
მოგეხსენებათ, მიმდინარე კვირას, „გალათასარაის“ ხელმძღვანელობამ გუნდის თავკაცი ფათიჰ თერიმი გაუშვა. ამის შემდეგ, ევროპულ პრესაში საკმაოდ საინტერესო ჭორები გავრცელდა. სხვადასხვა გამოცემების აზრით, თურქეთის მოქმედი ჩემპიონის შესაძლო მთავარ მწვრთვნელად ამ ეტაპზე ორი იტალიელი სპეციალისტი – რობერტო მანჩინი და რობერტო დი მატეო განიხლება.
ამის მიუხედავად, დღეს პრესამ მეტად საინტერესო ცნობა გაავრცელა, რომლის მიხედვითაც, თურქულ გრანდს, შესაძლოა, სათავეში 35 წლის ფორვარდი დიდიე დროგბა ჩაუდგეს. „გალას“ ხელმძღვანელთა აზრით, დროგბას გუნდის თავკაცად ყოფნისთვის საჭირო გამოცდილება და თვისებები გააჩნია.
შეგახსენებთ, რომ ჩემპიონთა ლიგის 2011/12 წლების სეზონის გამარჯვებული, „გალათასარაის“ ღირსებას მიმდინარე წლის იანვრის თვიდან იცავს.
ალექსანდრე მატევოსოვი
„ტოტენჰემ ჰოთსპურის“ მთავარი მწვრთნელი ანდრე ვილაშ-ბოაში მიიჩნევს, რომ ტურინის „იუვენტუსი“ 2012 წლის ლონდონის „ჩელსის“ ჰგავს. კერძოდ, ახალგაზრდა პორტუგალიელი სპეციალისტის თქმით, კარლოს ტევესს იმ დიდიე დროგბას ფუნქციების შეთავსება შეუძლია, რომელმაც 2012 წელს ჩემპიონთა ლიგის თასის მოგებაში უდიდესი როლი შეასრულა.
„იუვენტუსს“ შეუძლია „ჩელსის“ 2012 წლის გზის გავლა. იტალიის ჩემპიონი ძლიერი, კარგად დაკომპლექტებული გუნდია. კარლოს ტევესის ყიდვა კი მათთვის ამ ნამცხვრის მინანქრით დაფარვაა. მგონია, რომ ტევესს მიმდინარე სეზონში შეუძლია გახდეს ჩემპიონთა ლიგის 2011/12 წლების სეზონის „ჩელსის“ დიდიე დროგბა“, – ვილაშ-ბოაშის სიტყვებს იტალიური გამოცემა „ტუტოსპორტი“ აქვეყნებს.
ბექა დოგრაშვილი
