დღეს ეროვნული ლიგის პირველი ტურის მატჩები იმართება. ერთ-ერთ შეხვედრაში თბილისის “დინამომ” საკუთარ მოედანზე რუსთავის “რუსთავი” მიიღო.
პირველი ნახევარი არც ის ესაინტერესო გამოვიდა და ის გოლის გარეშე დასრულდა. მეორე ტაიმში, 67-ე წუთზე მათე კვირიკიას ჩაწოედების შემდეგ, ლაშა თოთაძე შეცდა და გეორგი გაბულოვმა თავით შეაგდო ბურთი დედაქლაქელთა კარში. 84-ე წუთზე ბუდუ ზივზივაძემ თერთმეტმეტრიანი ანგარიში გაათანაბრა. გადამწყვეტი გოლი ზუსტად ორ წუთში გავიდა: ბექა მიქელთაძემ ყოფილ გუნდს პენალტი გაუტანა და რუსთაველებს ანგარიშით, 2-1 მოაგებინა.
ამ მარცხის შემდეგ “დინამო” ნული ქულით მეშვიდე ადგილზეა. რაც შეეხება “რუსთავს”, მას საი ქულა აქვს და მესამე პოზიციას იკავებს.
24-დან 29 აპრილის ჩათვლით ვიტალი დარასელიას სახელობის “დინამოს” საფეხბურთო აკადემია საერთაშორისო ტურნირს მესამედ უმასპინძლებს.
წელს ვიტალი დარასელიას თასი 15 წლამდე ასაკის გუნდებს შორის ჩატარდება და ტურნირში 8 კლუბი მიიღებს მონაწილეობას. ვიტალი დარასელიას თასი შარშან, ფინალურ შეხვედრაში “აზ ალკმაარსა” და “დინამო კიევს” შორის გათამაშდა და ამ უკანასკნელის გამარჯვებით დასრულდა. მოახლოებულ ტურნირზე “დინამო თბილისისა” და შარშანდელი გამარჯვებულის გარდა ასევე სფფ-ს აკადემია, “ესპანიოლი” (ესპანეთი), “ჯენოა” (იტალია), “ვიტესი” (ჰოლანდია), მოსკოვის “სპარტაკი” (რუსეთი) და “დინამო მინსკი” (ბელარუსი) იასპარეზებენ.
გეტყვით, რომ მატჩები “დინამოს” აკადემიისა და ბაზის მოედნებზე ჩატარდება, ხოლო ფინალურ შეხვედრას “დინამო არენა” უმასპინძლებს.
დინამო თბილისმა მეორე თურქულ შეკრებაზე ბოლო შეხვედრა ყაზახეთის პირველობის ბრინჯაოსმედალოსან ორდაბასისთან ჩაატარა და 3:1 დაამარცხა მეტოქე. ამხანაგური შეხვედრა ორივე გუნდმა აქტიურად ჩაატარა. დინამოელებმა მეორე წუთზევე შექმნეს სახიფათო მომენტი. ნიკა ნინუას ჩაწოდებულს ტერენტი ლუცევიჩი თავით გზავნიდა მეტოქის კარისკენ, დარტყმა არაზუსტი გამოდგა. მე- 15 წუთზე უკვე დემეტრე ბულისკერიას მოუწია თამაშში ჩართვა, ამ უკანასკნელმა მეტოქის შემტევს არ გაატანინა. 23- ე წუთზე ანგარიში თბილისელებმა გახსნეს. თერთმეტმეტრიანი დარტყმა ზუსტად ოთარ კიტეიშვილმა შეასრულა. ანგარიში მეტოქემ მე- 40 წუთზე გაათანაბრა. ტოლებეკმა საჯარიმოს მისადგომიდან ზუსტად დაარტყა დინამოელთა კარში 1:1. ტაიმი ესეც დასრულდა.
მეორე ტაიმის დებიუტში ოთარ კიტეიშვილს შეეძლო დინამოელთა დაწინაურება, მაგრამ მეკარეს ვერ აჯობა. მატჩის 55- ე წუთზე კი ლევან ხარაბაძემ ითამაშა მეტოქის საჯარიმოში კარგად და ანგარიშ 2:1 გახადა. შეხვედრაში საბოლოო წერტილი 78- ე წუთზე ბუდუ ზივზივაძემ დასვა, მან აკაკი შულაიას სწრაფი გარღვევა და ზუსტი პასი გოლად გარდასახა და დინამომ 3:1 იმარჯვა. ამით თბილისელებმა თურქული შეკრება დაასრულეს და ხვალ სამშობლოში გამოემგზავრებიან. 4 მარტს კი დინამო ეროვნული ლიგის პირველ ტურში რუსთავს უმასპინძლებს.
თურქეთში შეკრებაზე მყოფმა დინამოს 19 წლამდე შემადგენლობამ დღეს მეორე ამხანაგური მატჩი უკრაინის პირველლიგელ დესნასთან ჩაატარა და 3:0 დაჯაბნა მეტოქე. შეხვედრაში ვლადიმერ კაკაშვილმა სინჯებზე მყოფი უკრაინელი მაქსიმ მარუსიჩიც ათამაშა. დინამოელებმა სათამაშო უპირატესობა შეხვედრის პირველივე წუთებიდან მოიპოვეს და ინიციატივა ბოლომდე აღარ გაუშვიათ ხელიდან. დაფიქსირებული ანგარიში კი უფრო სოლიდურიც შეიძლებოდა ყოფილიყო. მატჩის მეხუთე წუთზე მიხეილ ერგემლიძემ მარცხენა ფრთიდან შეუტია, საჯარიმოშიც ჩააწოდა იქ კი ყველას მაქსიმ მარუსიჩმა დაასწრო და ანგარიშ გახსნა. მე- 20 წუთზე უკრაინელი შემტევის აქტიურობას თერთმეტმეტრიანი მოჰყვა, რომელიც ზუსტად ბექა დარცმელიამ შეასრულა და ანგარიშ 2:0 გახადა. მეორე ტაიმის დებიუტში ერგემლიძე გავიდა მეკარესთან პირისპირ, თუმცა ბოლო მომენტში ვეღარ აჯობა მეტოქის კიპერს. მომდევნო შეტევაში თაზო ბაბუნაძე აქტიურობდა, მისი დარტყმა მცირედით აცდა დესნას კარს. მატჩის 70- ე წუთზე გიორგი ხარშილაძეს მართებდა გოლის გატანა, მაგრამ მისი დარტყმულიც არაზუსტი გამოდგა. ორიოდე წუთში თბილისელებმა მაინც მოახერხეს დიდი ანგარიშის დაფიქსირება. შეტევის ბოლოს გიორგი გოგობერიშვილმა ითამაშა ტექნიკურად და 3:0. ამის შემდეგ კიდევ რამდენიმე სახიფათო მომენტი შექმნეს თბილისელებმა, მაგრამ აღარაფერი შეცვლილა.
U19 დინამო 3:0 დესნა
U19 დინამო: მამარდაშვილი, ნ. ბასარია, ძოწენიძე, უგრეხელიძე, გაბიტაშვილი, დარცმელია, ნინუა, ო. კიტეიშვილი, ერგემლიძე, ბაბუნაძე, მარუსიჩი (გაბუნია 46)
69- ე წუთზე მოედანზე შევიდნენ: ბერიაშვილი, აზაროვი, ა. ბასარია, გაბელაია, მექვაბიშვილი, მოისწრაფიშვილი, გ. ხარშილაძე, გოგობერიშვილი, კუტალაძე
დინამოელებმა თურქეთში საწვრთნელ შეკრებაზე მესამე მატჩი ყარაგანდის შახტიორთან გამართეს.
საკმაოდ აქტიური და საინტერესო მატჩი საბოლოოდ გატანილი გოლების გარეშე დასრულდა. მატჩის დებიუტში, მეექვსე წუთზე თბილისელებმა სახიფათო შეტევა განახორციელეს. ჯერ ლევან ხარაბაძეს, შემდეგ კი დამატებაზე ბუდუ ზივზივაძეს შეძლოთ თავის გამოჩენა, მაგრამ დინამოელებმა უზუსტოდ ითამაშეს. ოციოდე წუთში თბილისელებმა ლამაზი საგოლე კომბინაცია განახორციელეს, მარჯვენა ფრთიდან გუჯა რუხაიამ ზუსტად გადააწოდა ლევან ხარაბაძეს, ამ უკანასკნელის დარტყმული კი ზევიდან გადაცდა მეტოქის კარს. 35- ე წუთზე ოთარ კიტეიშვილი ხელსაყრელი პოზიციიდან არტყავდა, ოდნავ არაზუსტად. ტაიმის ბოლოს დინამოელებს კიდევ ჰქონდათ სახიფათო მომენტი, კუთხურის შემდეგ აკაკი შულაია ემუქრებოდა შაცკის კარს.
მეორე ტაიმი დინამომ საკმაოდ აქტიურად დაიწყო და მთლიანად სათამაშო-ტერიტორიული უპირატესობაც მოიპოვა. მოედანზე სინჯებზე მყოფი უკრაინელი ფორვარდი მაქსიმ მარუსიჩიც გამოჩნდა, რომელმაც აქტიურად ჩაატარა დარჩენილი 45 წუთი. დინამოელები ბევრს უტევდნენ, რამდენიმე ხელსაყრელი მომენტი იმავე მარუსჩს, კიტეიშვილს, შულაიას ჰქონდათ, მაგრამ ბოლო მომენტში ხან სიზუსტე აკლდებოდათ ჩვენი გუნდის შემტევებს, ხანაც მეტოქის კიპერი თამაშობდა კარგად. შეხვედრის ბოლოსკენ ერთი რეალური საგოლე მომენტი მეტოქემაც შექმნა, თუმცა კარი ბოლო წამს ტერენტი ლუცევიჩმა გადაარჩინა. საბოლოოდ ფრე 0:0. ბოლო შეხვედრას დინამოელები თურქულ შეკრებაზე 25 თებერვალს, ყაზახეთის პირველობის მესამეადგილოსან ორდაბასთან გამართავენ.
დინამოს 19 წლამდე შემადგენლობა განაგრძობს თურქულ შეკრებას. დღეს ვლადიმერ კაკაშვილის გუნდმა პირველი ამხანაგური მატჩი ჩაატარა, რომელშიც ყაზახეთის 21 წლამდე ნაკრებს დაუპირისპირდა. შეხვედრა გარდამავალი უპირატესობით წარიმართა. პირველ ნახევარში დინამოელები ფლობდნენ უპირატესობას და რამდენიმე საგოლე მომენტიც შექმნეს მეტოქის კართან. თაზო ბაბუნაძე, პაატა კიტეიშვილი და გიორგი ხარშილაძე ამწვავებდნენ თამაშს, თუმცა ბოლო მომენტში სიზუსტე აკლდებოდათ ჩვენი გუნდის შემტევებს. მეორე ნახევარი ვლადიმერ კაკაშვილმა ცვლილებებით განაახლა. სათამაშო უპირატესობა კი მეტწილად მეტოქემ მოიპოვა. ყაზახებმა ორი სახიფათო შეტევაც განახორციელეს, თუმცა ჩვენი გუნდის კიპერმა ორივე შემთხვევაში იმარჯვა. მატჩის 89- ე წუთზე კი ყაზახებმა საჯარიმო დარტყმა შეასრულეს, ბურთს ბოლო წამს მეტოქემ მიმართულება შეუცვალა და 0:1. დინამოელები მომდევნო მატჩს 23 თებერვალს უკრაინული დესნას წინააღმდეგ გამართავენ.
U19 დინამო 0:1 U21 ყაზახეთი
U19 დინამო: მამარდაშვილი (ლ. ხარშილაძე 60), ბ. ხარშილაძე (ა. ბასარია 46), უგრეხელიძე (კალანდაძე 46), გაბიტაშვილი (აზაროვი 46), ნ. ბასარია (გაბელაია), ძოწენიძე (ბერიაშვილი 46), დარცმელია (მექვაბიშვილი 46), პ. კიტეიშვილი (მოისწრაფიშვილი 46), გ. ხარშილაძე (გულდედავა 46), გოგობერიშვილი, ბაბუნაძე (გაბუნია 46)
დინამო თბილისი აგრძელებს თურქულ შეკრებას და დღეს მეორე ამხანაგურ მატჩში ჩვენი გუნდი ბელორუსის ჩემპიონატის მესამეადგილოსანს – სოლიგორსკის შახტიორს დაუპირისპირდა. საინტერესო სპარინგი ფრედ 1:1 დასრულდა. პირველმა ტაიმმა გარდამავალი უპირატესობით ჩაიარა. დებიუტში მეტოქემ მოიპოვა ფორა, როდესაც მეოთხე წუთზე ტომისლავ კიშმა აიღო დინამოელთა კარი. საპასუხოდ ოთარ კიტეიშვილმა სახიფათო საჯარიმო დარტყმა შეასრულა, ბურთი ბოლო წამს ბელორუსთა კიპერმა მოიგერია. 24- ე და 27- ე წუთებზე შახტიორის ფეხბურთელებმა ორი სახიფათო შეტევა განახორციელეს, რაზეც თბილისელებმა აკაკი შულაიას და ბუდუ ზივზივაძის აქტიურობით უპასუხეს.
მეორე ტაიმში დინამომ სათამაშო უპირატესობა მოიპოვა და ინიციატივა მატჩის ბოლომდე აღარ დაუთმია. მეტოქეზე ზეწოლაც გააძლიერა და 50- ე წუთზე ბუდუ ზივზივაძემ საჯარიმოს მისადგომებიდან ზუსტი დარტყმით აღადგინა სტატუს ქვო. თბილისელთა არაერთი მცდელობის მიუხედავად დარჩენილ დროში ანგარიში აღარ შეცვლილა 1:1. მომდევნო ამხანაგურ მატჩს ჩვენი გუნდი ყარაგანდის შახტიორთან 22 თებერვალს გამართავს.
თბილისის “დინამო” თუქეთში იმყოფება და იქ ემზადება ახალი სეზონისთვის.
კახი კაჭარავამ გუნდი გუშინაც ორჯერადი ვარჯიშებით დატვირთა. დილით სახალისო სახის ფიზ. დატვირთვა, საღამოს ტაქტიკურმა წვრთნამ შეცვალა. გუნდს სინჯებზე უკრაინელი თავდამსხმელი მაქსიმ მარუსიჩი შეუერთდა, რომელიც მანამამდე “ვორსკლაში”, “კარპატიში” და ლიტვურ “იონავაში” გამოდიოდა. ასევე უთამაშია უკრაინის 16- და 21-წლამდე ნაკრებებში.
გეტყვით, რომ შეკრება კი სერგეი პეტკომ და იაროსლავ ბოგუნოვმა დატოვეს.
დინამო თბილისის 19 წლამდე შემადგენლობა მოახლოებული სეზონისთვის ემზადება. დედაქალაქელები 16 თებერვლიდან 28 თებერვლის ჩათვლით თურქულ ბელეკში გაივლიან შეკრებას. გუნდი სასტუმრო Papillon Ayscha Hotel- ში დაბინავდა. ვლადიმერ კაკაშვილმა შეკრებაზე 18 ფეხბურთელი – ლუკა ხარშილაძე, ლუკა კუტალაძე, ბექა ხარშილაძე, არჩილ ბასარია, ნიკა გაბელაია, ლაშა უგრეხელიძე, სანდრო კალანდაძე, თორნიკე ძოწენიძე, ლუკა ბერიაშვილი, გიგა გულდედავა, პაატა კიტეიშვილი, გიორგი ხარშილაძე, გიორგი კაკულია, გიორგი გოგობერიშვილი, თემურ გაბუნია, ანრი მექვაბიშვილი, ირაკლი აზაროვი და გიორგი მოისწრაფიშვილი იახლა.
დინამოელები შეკრებაზე 4 საკონტროლო მატჩსაც ჩაატარებენ. 23 თებერვალს თბილისელები უკრაინულ დესნას შეხვდებიან, ხოლო 27 თებერვალს ბელგრადის ბროდარაცს დაუპირისპირდებიან. 19 და 25 თებერვალს ჩასატარებელი სპარინგების მეტოქეები უახლოეს მომავალში გაირკვევა. შეგახსენებთ, რომ 19 წლამდე დინამო დასრულებული ეროვნული პირველობის გამარჯვებულია და შემოდგომაზე ევროპის ახალგაზრდულ ლიგაზე იასპარეზებს.
დღეს თბილისის “დინამომ” მეორე თურქული შეკრების პირველი ამხანაგური მატჩი გამართა, რომელშიც რუსეთის “ნეფტეხიმიკს” დაუპირისპირდა და 1:0 დაამარცხა მეტოქე. შეხვედრამ მთლიანად კახი კაჭარავას გუნდის უპირატესობით ჩაიარა და შეიძლება ითქვას, რომ ანგარიში უფრო სოლიდურიც უნდა ყოფილიყო. მატჩის დებიუტში აკაკი შულაია და ბუდუ ზივზივაძე სახიფათო პოზიციებიდან უტევდნენ მეტოქის კარს, თუმცა მათ თავურებს სიძლიერე დააკლდათ. თამაშს ოთარ კიტეიშვილი და ლაშა თოთაძეც ამწვავებდნენ, მაგრამ უშედეგოდ.
მატჩის მეორე ნახევარი თბილისელებმა ისევ შეტევებით განაახლეს და 56-ე წუთზე ბუდუ ზივზივაძის აქტიურობას მეტოქის კარში დანიშნული თერთმეტმეტრიანი მოჰყვა. პენალტი ზუსტად ოთარ კიტეიშვილმა შეასრულა და როგორც შემდეგში აღმოჩნდა მატჩის საბოლოო ანგარიშიც დააფიქსირა. თბილისელებმა დარჩენილ დროში დიდი ტერიტორიული უპირატესობა მოიპოვეს და არაერთი კუთხურიც მოაწოდეს, მაგრამ ყველა უშედეგოდ. მატჩის ბოლოსკენ სერგი პეტკოს ძლიერად გასროლილი მეტოქის კარის ხარიხამ მოიგერია და შეხვედრაც დასრულდა, ანგარიშით 1:0.
თბილისის “დინამომ” წარმოშობით ქრათველი ფეხბურთელი, გუჯა რუხაია დაიმატა. ამის შესახებ ოფიციალურ ინფორმაციას დედალაქელთა გვერდი ავრცელებს.
30 წლის მარჯვენა მცველთან, რომელსაც რუსეთის მოქალაქეობა აქვს, ერთწლიანი კონტრაქტი გაფორმდა. სხვა დეტალები საჯარო არაა.
გეტყვით, რომ რუხაია ბათუმში დაიბადა, თუმცა ადრეული ასაკიდანვე მიიღო რუსეთის მოქალაქეობა და იქ დაიწყო თამაშიც. მას ისეთი კლუბების ღირსება აქვს დაცული, როგორებიცაა: სოჭის “ჟემჩუჟინა”, ნალჩიკის “სპარტაკი”, ხაბარკოვსკის “სკა”, “კამაზი”, “სიბირი”. ამიერიდან კი ის ქართულ გუნდში იასპარეზებს.
კიდევ ერთი შენაძენი არის დმიტრო ივანისენია. 24 წლის უკრაინელი ნახევარმცველი დონეცკის “შახტარის” აღზრდილია. სწორედ აქ თამაშობდა იგი 2011 წლიდან 2016 წლის აგვისტომდე. ამ პერიოდში დმიტრო “ილიჩევეცშიც” გაანათხოვრეს. ბოლოს კი “მარიუპოლში” გამოდიოდა. 2017 წლის პირველი ივლისიდან იგი თავისუფალი აგენტი იყო. ამჟამად კი, დედაქალაქურმა კლუბმა ორწლიანი კონტრაქტი გააფორმა მასთან.
დღეს დინამო თბილისი ზამთრის მეორე შეკრების გასამართად თურქეთის ქალაქ ბელეკში გაემგზავრა.
თბილისელები სასტუმრო Tıtanıc Deluxe- ში დაბინავდნენ. გუნდმა დაისვენა და საღამოს მსუბუქად ივარჯიშა. დინამოელები 13 თებერვლიდან ტესტ-მატჩებშიც ჩაერთვებიან. დედაქალაქელებს თურქეთში სინჯებზე მყოფი სერგეი პეტკო და ტერენტი ლუცევიჩი შემოუერთდება. გუნდი შეკრებაზე შემდეგი შემადგენლობით გაემგზავრა: დემეტრე ბულისკერია, ოთო გოშაძე, გიორგი მამარდაშვილი, ლაშა თოთაძე, გიორგი კუცია, ნიკა ბასარია, დავით კობოური, ფირუზ გაბიტაშვილი, გუჯა რუხაია, ბაქარ ქარდავა, ნიკა ნინუა, ბექა დარცმელია, ოთარ კიტეიშვილი, ლევან ხარაბაძე, აკაკი შულაია, მიხეილ ერგემლიძე, გიორგი ივანიშვილი, თამაზ ბაბუნაძე, ბუდუ ზივზივაძე და დმიტრო ივანისენია.
აქვე გეტვყით, რომ ლაშა ქოჩლაძე მიკრო ტრავმის გამო თბილისში დარჩა და გუნდს რამდენიმე დღეში შეუერთდება.
