ჭდე: ყაზახეთი

საქართველოს 16-წლამდე ნაკრებმა განვითარების თასი მეორე ადგილზე დაასრულა

Posted on by კახა ყიფიანი

უეფას განვითარების თასი, რომელსაც თბილისმა უმასპინძლა, დასრულდა. დღეს ბოლო ტურის ორი შეხვედრა გაიმართა. დავით პეტრიაშვილი არენაზე რუმინეთმა 3:1 დაამარცხა ყაზახეთი. პარალელურად კი, საქართველოს და ბელარუსის 16-წლამდე ნაკრებთა მატჩი 0:3 დასრულდა.

ამგვარად, ტურნირის გამარჯვებული ბელარუსი გახდა 7 ქულით. 6 ქულა დააგროვა საქართველომ და მეორე ადგილი დაიკავა. მესამეადგილოსან რუმინეთს 5 ქულა აქვს, ყაზახეთს კი – 0.

ტურნირის ბოლო შეხვედრაში ზვიად ჯელაძემ ასეთი შემადგენლობა ათამაშა: ხარშილაძე, კვარაცხელია, ხვადაგიანი, ტალახაძე, მორჩილაძე, ბენდიანიშვილი, ზურაბიანი, ტორონჯაძე, მამაცაშვილი, გუგეშაშვილი, ილურიძე.

შეცვლაზე შევიდნენ: მირზიკაშვილი, ხვედელიძე, დევდარიანი, ტოფაძე, ჟივიძე.

Gff.Ge

განვითარების თასი საქართველომ გამარჯვებით დაიწყო

Posted on by კახა ყიფიანი

თბილისში დაიწყო უეფას განვითარების თასი 16-წლამდე ნაკრებებს შორის. პირველ ტურში დავით პეტრიაშვილი არენაზე რუმინეთი და ბელარუსი უგოლოდ დაშორდნენ ერთმანეთს. რეგლამენტის თანახმად, გუნდებმა პენალტების სერიით გამოავლინეს გამარჯვებული. რუმინეთმა 4:3 მოიგო და ცხრილში 2 ქულა ჩაიწერა. 1 ქულა აქვს ბელარუსს.

მეორე მატჩში, მიხეილ მესხის სახელობის მოედანზე საქართველომ 3:2 დაამარცხა ყაზახეთი. გოლები ლუკა ტორონჯაძემ, შალვა ოგბაიძემ და თორნიკე მორჩილაძემ გაიტანეს.

ზვიად ჯელაძემ ასეთი შემადგენლობა ათამაშა: ხარშილაძე, კვარაცხელია, ხვადაგიანი, ერაძე, მირზიკაშვილი, ბენდიანიშვილი, ტალახაძე, ოგბაიძე, მორჩილაძე, ზურაბიანი, ტორონჯაძე.

შეცვლაზე შევიდნენ: შურღაია, ხვედელიძე, დევდარიანი, ოსიყმაშვილი, ჟივიძე.

Gff.Ge

“დინამოს” 19-წლამდე გუნდმა ყაზახეთის 19-წლამდე ნაკრებთან ამხანაგური შეხვედრა გამართა

Posted on by კახა ყიფიანი

დინამოს 19 წლამდე შემადგენლობა განაგრძობს თურქულ შეკრებას. დღეს ვლადიმერ კაკაშვილის გუნდმა პირველი ამხანაგური მატჩი ჩაატარა, რომელშიც ყაზახეთის 21 წლამდე ნაკრებს დაუპირისპირდა. შეხვედრა გარდამავალი უპირატესობით წარიმართა. პირველ ნახევარში დინამოელები ფლობდნენ უპირატესობას და რამდენიმე საგოლე მომენტიც შექმნეს მეტოქის კართან. თაზო ბაბუნაძე, პაატა კიტეიშვილი და გიორგი ხარშილაძე ამწვავებდნენ თამაშს, თუმცა ბოლო მომენტში სიზუსტე აკლდებოდათ ჩვენი გუნდის შემტევებს. მეორე ნახევარი ვლადიმერ კაკაშვილმა ცვლილებებით განაახლა. სათამაშო უპირატესობა კი მეტწილად მეტოქემ მოიპოვა. ყაზახებმა ორი სახიფათო შეტევაც განახორციელეს, თუმცა ჩვენი გუნდის კიპერმა ორივე შემთხვევაში იმარჯვა. მატჩის 89- ე წუთზე კი ყაზახებმა საჯარიმო დარტყმა შეასრულეს, ბურთს ბოლო წამს მეტოქემ მიმართულება შეუცვალა და 0:1. დინამოელები მომდევნო მატჩს 23 თებერვალს უკრაინული დესნას წინააღმდეგ გამართავენ.

U19 დინამო 0:1 U21 ყაზახეთი

U19 დინამო: მამარდაშვილი (ლ. ხარშილაძე 60), ბ. ხარშილაძე (ა. ბასარია 46), უგრეხელიძე (კალანდაძე 46), გაბიტაშვილი (აზაროვი 46), ნ. ბასარია (გაბელაია), ძოწენიძე (ბერიაშვილი 46), დარცმელია (მექვაბიშვილი 46), პ. კიტეიშვილი (მოისწრაფიშვილი 46), გ. ხარშილაძე (გულდედავა 46), გოგობერიშვილი, ბაბუნაძე (გაბუნია 46)

U21 ყაზახეთი: ტროფიმეცი, კიბირაი, ბატირხანოვი, ორინბასარი, გალბაევი, ჟახაევი, სლამბეკოვი, ჟაგოროვი, ნაჯარიანი, სეითხანოვი, სმირტაევი

Fcdinamo.Ge

ჩხეტიანი: “ამხანაგურ თუ ოფიციალურ შეხვედრაში, “ტორპედო” ყოველთვის გამარჯვებისთვის იბრძვის” (ვიდეო)

Posted on by კახა ყიფიანი

გუშინ საქართველოს ჩემპიონი, ქუთაისის “ტოპრედო” თურქეთში, ამხანაგურ შეხვერდაში ყაზახურ “აქტობეს” დაუპირისპირდა და მეტოქესთან ანგარიშთ, 0:2 დამარცხდა.

მატჩის შემდეგ იმერელთა მთავარმა მწვრთნელმა, კახა ჩხეტიანმა გუნდის არხთან, “ტორპედო TV”-სთან ისაუბრა.

“კმაყოფილი ნამდვილად ვერ ვიქნებით, იმიტომ, რომ დავმარცხდით. ამხანაგური თუ ოფიციალური თამაში იქნება, ქუთაისის “ტორპედო” ყოველთვის გამარჯვებისთვის უნდა იბრძოდეს. მთლიანობაში, ბიჭების მონდომება, მათი დამოკიდებულება ვარჯიშებისა და თამშებისადმი, იმედს გვაძლევს. ისინი ძალიან მოტივირებულები არიან და გრძნობენ იმ პასუხისმგებლობას, რომელიც ჩემპიონ გუნდს უნდა ჰქონდეს.”

“მოსამზადებელი პერიოდია და ცუდი იყო, რომ დავმარცხდით. ვეცდებით, რომ ის შეცდომები, რაც ამ თამაშში იყო დაშვებული, ვარჯიშებით გამოვასწოროთ. თამაშდან თამაშამდე გუნდი დარწმუნებული ვარ, რომ მოუმატებს და უფლის წყალობით ჩემპიონატს მომზადებულნი შევხვდებით,” – ამბობს ჩხეტიანი.

იხილეთ ვიდეო

 

 

უეფას ერთა ლიგის კალენდარში ცვლილებაა (ფოტო)

Posted on by კახა ყიფიანი

უეფამ ერთა ლიგის კალენდარში ცვლილება შეიტანა. ერთა ლიგის გათამაშების მეხუთე ტურის შეხვედრის ჩატარების თარიღი შეიცვალა. ანდორასა და საქართველოს საფეხბურთო ნაკრებთა მატჩი ნაცვლად 16 ნოემბრისა, ერთი დღით ადრე, 15 ნოემბერს შედგება. რაც ნიშნავს,რომ ერთა ლიგის დ დივიზიონის პირველი ჯგუფის ბოლოსწინა ტურის ორივე შეხვედრა ერთ დღეს გაიმართება.

გაგაცნობთ საქართველოს ნაკრების კალენდარს ერთა ლიგის გათამაშებაზე.

Gff.Ge

U17: საქართველომ ყაზახეთი დაამარცხა

Posted on by კახა ყიფიანი

საქართველოს 17-წლამდე ნაკრებმა მინსკის საერთაშორისო ტურნირი გამარჯვებით დაიწყო.

გიორგი ნემსაძის გუნდმა ყაზახეთი 3:2 დაამარცხა. ქართველთაგან გოლებით ზურიკო დავითაშვილი, ცოტნე კაპანაძე დაგიორგი გულიაშვილი გამოირჩნენ. აღსანიშნავია, რომ პირველი ტაიმის შემდეგ მეტოქე 2:1 იგებდა, თუმცა საქართველოსნაკრებმა თამაშის შემობრუნება მაინც შეძლო.

23 იანვარს მეორე ტურში ჩვენი გუნდი მოლდოვას დაუპირისპირდება. ხარშილაძე, გელაშვილი, მექვაბიშვილი, ნონიკაშვილი, კაპანაძე, შალიკაშვილი, ჩოთალიშვილი, შვარცი, გულიაშვილი, დავითაშვილი, კვარაცხელია. შეცვლაზეშევიდნენ: იაკობიძე, აბზიანიძე, ჩიხრაძე, დეკანოსიძე.

Gff.Ge

ცხადაძის “ქაირათი” ალბანურ გუნდთან დამარცხდა და ევროპის ლიგას გამოეთიშა

Posted on by კახა ყიფიანი

დღეს გაიმართა ევროპის ლიგის მეორე საკვალიფიკაციო ეტაპის განმეორებითი შეხვედრები.

ქართველი მწვრთნელის, კახა ცხადაძის ალმათის “ქაირათი” სტუმრად ალბანურ “სკენდერბეუს” ეთამაშა. კორჩეში გამართული შეხვედრა დაძაბული გამოდგა. პირველ ტაიმში გოლი არ გასულა.

მეორე ნახევარში, 50-ე წუთზე ალბანელმა ლილაიმ გამოიჩინა თავი და მასპინძელი კლუბი დააწინაურა. 83-ეზე კი პლაკუმ ორამდე გაზარდა სხვაობა. საბოლოოდ, “სკენდერბეუმ” ანგარიშით, 2-0 იმარჯვა.

შეგახსენებთ, რომ ყაზახეთში ერთი კვირის წინ გამართული დაპირისპირება 1-1 დასრულდა. შესაბამისად, ორი შეხვედრის ჯამში 3-1 და შემდეგ ეტაპზე “სკენდერბეუ” გავიდა.

საქართველო 1:1 ყაზახეთი (ფოტორეპორტაჟი)

Posted on by ბექა დოგრაშვილი

საქართველოსა და ყაზახეთის ეროვნულ ნაკრებებს შორის “დინამო არენაზე” გამართული ამხანაგური შეხვედრა ფრედ, ანგარიშით 1:1 დასრულდა. გთავაზობთ Fanebi.com-ის ფოტორეპორტიორ თამარ აფციაურის მიერ მომზადებულ ფოტოკოლაჟს.

თამარ აფციაურის ფოტოები

Posted by Fanebi.Com on 2016 წლის 29 მარტი, სამშაბათი

კობიაშვილი: „არამგონია, კმაყოფილები ვიყოთ“

Posted on by Alix

ყაზახეთთან ფრედ 1:1 დასრულებული შეხვედრა სფფ-ის პრეზიდენტმა ლევან კობიაშვილმა შეაჯამა.

„არამგონია, კმაყოფილები ვიყოთ, იქიდან გმაოდმიანრე, რომ ვერ მოვიგეთ. ბუნებრივია, იყო ეპიზოდები, რომლებითაც პირველ და მეორე ტაიმში ვისიამოვნეთ. მომენტები გვქონდა, თუმცა ისინი ვერ გამოვიყენეთ. გუნდი უკეთესის მოლოდინს ტოვებს. ფეხბურთელები თავის კლუბებში უკეთ უნდა თამაშობდნენ, რათა ნაკრებს მათი კარგი თამაში დაეტყოს“, – განაცხადა კობიაშვილმა.

კანკავა: „ვეცდებით, ისეთი შედეგი ვაჩვენოთ, ხუთ ლარზე პრეტენზია რომ არ იყოს“

Posted on by Alix

საქართველოს ნაკრების კაპიტანმა ჯაბა კანკავამ ყაზაეთთან ფრედ 1:1 დასრულებული მატჩი შეაფასა.

„შედეგით უკმაყოფილოები ვართ. ახალი მწვრთნელი გვყავს, ვნახოთ, რა იქნება, შესათამაშებლად დრო გვჭირდება.

პიველი თამაშის შეფასება რთულია. ჯერ ერთი კვირა ვიმუშავეთ. განსხვავებას ძველ და ამ გუნდს შორის ასე სწრაფად ვერ ვიტყვი. მწვრთნელი ასე მალე სასურველ შედეგს ვერ მიაღწევს.

გულშემატკივარი ბილეთის ფასით უკმაყოფილო თამაშიდან გამომდინარე იყო. ვეცდებით, ისეთი შედეგით ვაჩვენოთ, ხუთ ლარზე პრეტენზია რომ არ იყოს“, – განაცხადა კანკავამ.

ქართულ-ყაზახური დაპირისპირების ქრონიკა

Posted on by ბექა დოგრაშვილი

საქართველოს ნაკრები კალენდარული წლის პირველ მატჩს გამართავს. “ჯვაროსნები” ახალი მთავარი მწვრთნელის, ვლადიმირ ვაისის ხელმძღვანელობით “დინამო არენაზე” ყაზახებს ამხანაგურად გაეჯიბრებიან.

საქართველოსა და ყაზახეთის ეროვნულ ნაკრებებს ერთმანეთის წინააღმდეს სულ სამი მატჩი აქვთ ჩატარებული. ბალანსი აბსოლუტურად დაცულია: 2005 წელს ყაზახეთში გამართული შეხვედრა ქართველი ფეხბურთელების გამარჯვებით, ანგარიშით 2:1 დასრულდა. მაშინ ორივე გოლი გიორგი დემეტრაძემ გაიტანა. იმავე წელს თბილისში ჩატარებული მატჩი უგოლოდ მიილია.  ყაზახეთისა და საქართველოს ნაკრებებმა ერთმანეთის წინააღმდეგ ბოლოს 2013 წელს, ასტანაში ითამაშეს. იმ შეხვედრაში მასპინძლებმა ერთი გატანილი გოლის წყალობით იმარჯვეს. თანაბარია გატანილი და გაშვებული ბურთების მაჩვენებელიც: 2-2.

  • ყაზახეთი 1:2 საქართველო — 17.08.2005 ალმათი, მსოფლიოს ჩემპიონატის შესარჩევი ეტაპი;
  • საქართველო 0:0 ყაზახეთი — 08.10.2005 თბილისი, მსოფლიოს ჩემპიონატის შესარჩევი ეტაპი;
  • ყაზახეთი 1:0 საქართველო — 14.08.2013 ასტანა, ამხანაგური მატჩი.

შეგახსენებთ, რომ საქართველოსა და ყაზახეთის ნაკრებებს შორის გასამართი ამხანაგური მატჩი სამშაბათს, 21:00 საათზე დაიწყება. მატჩზე დასასწრები ბილეთების შეძენა “დინამო არენას” სალაროებშია შესაძლებელი. ბილეთის ფასი 5 ლარია.

 

საქართველოს ნაკრებმა “დინამო არენაზე” ივარჯიშა (ფოტოები)

Posted on by ბექა დოგრაშვილი

29 მარტს საქართველოს ნაკრები კალენდარული წლის პირველ მატჩს გამართავს. “ჯვაროსნები” ახალი მთავარი მწვრთნელის, ვლადიმირ ვაისის ხელმძღვანელობით “დინამო არენაზე” ყაზახებს ამხანაგურად გაეჯიბრებიან.

შეგახსენებთ, რომ შეხვედრა სამშაბათს, 21:00 საათზე დაიწყება. მატჩზე დასასწრები ბილეთების რეალიზაცია ორშაბათიდან დაიწყება. ბილეთების შეძენა “დინამო არენას” სალაროებში 28 მარტიდან იქნება შესაძლებელი. 28 მარტს სალაროები 11:00-დან 18:00 საათამდე იმუშავებს, 29 მარტს კი, თამაშის დაწყებამდე. ბილეთის ფასი 5 ლარია.

საქართველოს ნაკრების ფეხბურთელებმა კვირას საღამოს “დინამო არენაზე” ივარჯიშეს. გთავაზობთ Fanebi.com-ის ფოტორეპორტიორ თამარ აფციაურის მიერ მომზადებულ ფოტოკოლაჟს.

თამარ აფციაურის ფოტოები

Posted by Fanebi.Com on 2016 წლის 27 მარტი, კვირა