ჭდე: ევერტონი

მერსესაიდული “ევერტონის” ხელმძღვანელები ადასტურებენ “სანდერლენდის” კარის დარაჯის, ჯორდან პიკფორდის ტრანსფერს, რომლის გამოსასყიდადაც “კამფეტებმა” 25 მილიონი ფუნტი გადაიხადეს.

ასე რომ, 23 წლის ფეხბურთელი “ევერტონის” რეკორდული შენაძენი გახდა და მან კლუბთან 5-წლიანი კონტრაქტი გააფორმა.

“გასული სეზონი ჩემთვის სადებიუტო იყო პრემიერ ლიგაში, ასე რომ, მოვლენების მსგავსი განვითარება ჩემთვის ნამდვილად სასიხარულოა – ახლა წინსვლის შანსი მაქვს და ყველაფერს გავაკეთებ, რათა “ევერტონში” საკუთარი შესაძლებლობები მაქსიმალურად წარმოვაჩინო,” – აცხადებს პიკფორდი.

ეს ტრანსფერი “ევერტონის” მთავარმა მწვრთნელმა, რონალდ კუმანმაც შეაფასა: “ძალიან მოხარული ვარ მისი დამატებით და დარწმუნებული ვარ, რომ ეს ფეხბურთელი გუნდზე დადებით გავლენას იქონიებს.”

ბრიტანული “ევერტონის” ხელმძღვანელებმა The Sun-ის ჟურნალისტებს “გუდისონ პარკსა” და კლუბის კუთვნილებაში მყოფ რომელიმე სხვა ტერიტორიაზე გამოჩენა აუკრძალეს.

როგორც ცნობილი ხდება, ეს გადაწყვეტილება “კამფეტების” ხელმძღვანელებს The Sun-ის მიმომხილველის, კელვინ მაკკენზის მიერ გამოქვეყნებულმა სტატიამ მიაღებინა.

აღნიშნულ წერილში ჟურნალისტმა როს ბარკლი, რომელსაც ნიგერიელი ბაბუა ჰყავს, გორილას შეადარა. ეს კი ინგლისელებმა რასიზმის გამოვლინებად მონათლეს.

მართალია ინგლისური გამოცემის რედაქციამ ბოდიშიც მოიხადა, მაგრამ ამან “ევერტონის” გადაწყვეტილებაზე ვერ იმოქმედა.