ჭდე: გერმანია

დორტმუნდის “ბორუსია” მიუნხენის “ბაიერნთან” განადგურდა (ვიდეო

Posted on by კახა ყიფიანი

დღეს გერმანიის ბუნდესლიგის მე-11 ტურის მატჩში დორტმუნდის “ბორუსიამ” მიუნხენის “ბაიერნი” მიიღო.

დაძაბული დაპირისპირება მიუნხენელთა უპირატესობით წარიმართა. მე-16 წუთზე საჯარიმოში მდგომმა ხამეს როდრიგესმა მშენივრად დაამუშავა ბურთი, არიენ რობენს “უპასა”, რომელმაც მეკარისგან მარჯვენა, მაღალ კუთხეში ულამაზესი გოლი გაიტანა. 37-ე წუთზე ისევ რობენი უტევდა დორტმუნდელებს. მან მარჯვენა ფლანგზე მყოფ კიმიხს დაუტოვა ბურთი, რომელმაც საჯარიმოში ჩააწოდა, სადაც ლევანდოვსკიმ ქუსლით ეფექტური გოლი შეაგდო.

67-ე წუთზე ხამეს როდრიგესმა ამჯერად დავიდ ალაბას გაატანინა. ხოლო, 88-ე წუთზე ერთი გოლი ბარტრამ გაქვითა. საბოლოოდ, 0-3 “რეკორდმაისტერის” სასარგებლოდ.

ამ დაპირისპრიების შემდეგ “ბორუსია” 20 ქულით მესამეა. “ბაიერნს” 26 ქულა აქვს და ერთპიროვნული ლიდერია.

 

იუპ ჰაინკესი: “მეტი კონცენტრაციაა საჭირო”

Posted on by კახა ყიფიანი

დღეს ჩემპიონთა ლიგის ჯგუფური ეტაპის მესამე ტურში მიუნხენის “ბაიერნმა” გლაზგოს “სელტიკი” მიიღო და მეტოქე ანგარიშით, 3:0 დაამარცხა.

დაპირისპრიების შემდეგ ჟურნალისტებს ბავარიელთა მთავარი მწვრთნელი, იუპ ჰაინკესი ესაუბრა.

“ბევრი შანსი შევქმენით, თუმცა ბოლომდე კმაყოფილი არ ვარ. რამდენიმე მომენტში ყურადღება მოვადუნეთ, რაც მომავალში აღარ უნდა მოხდეს. აუცილებელია კონცენტრაცია პირველი წუთიდან ბოლო წუთამდე.”

“საჭიროა, მომენტალური განვითარება და, როგორც ჩემპიონთა ლიგაზე, ასევე ბუნდესლიგაში საწყისი შეხვედრების მოგება. პირველ მათგანზე გვაქვს იმის ამბიცია, რომ შემდეგ ეტაპზე გავიდეთ. სწორედ ამიტომ, ახალ ფეხბურთელებთან დაკავშირებული ექსპერიმენტების განხორციელების უფლება არ მაქვს. თუმცა, ვესაუბრე იმ მოთამაშეებს, რომლებსაც დღეს მონაწილეობა არ მიუღიათ მატჩში. მათ აუცილებლად მიეცემათ შანსი, მით უმეტეს, დატვირთული კალენდარი გვაქვს,” – აცხადებს ჰაინკესი.

 

 

ზიდანი: “ბორუსიასთან” შეხვედრაში ეს დამატებით მოტივაციას მოგვცემს”

Posted on by კახა ყიფიანი

დღეს ჩემპიონთა ლიგის ჯგუფური ეტაპის მეორე ტურის შეხვედრაში დორტმუნდის “ბორუსია” მადრიდის “რეალს” მიიღებს.

“ბლანკოსის” მთავარმა მწვრთნელმა, ზინედინ ზიდანმა წინასამატჩო პრესკონფერენცია გამართა.

“თავს მშვენივრად ვგრძნობთ. უქმეებზე შესანიშნავი გამარჯვების მოპოვების შემდეგ, ჩემპიონთა ლიგაზეც ვეცდებით, სასურველ შედეგს მივაღწიოთ. ნებისმიერ მოედანზე თამაში რთულია. თუმცა, დორტმუნდში “რეალს” არასდროს მოუგია და ეს დამატებითი მოტივაცია იქნება. გვინდა, კარგი ფეხბურთი ვითამაშოთ და გულშემატკივარს თავი წარმატებული ასპარეზობით დავამახსოვროთ.”

“ყოველ სამ დღეში ახალი გამოცდის ჩაბარება გვიწევს. პირველ რიგში, ამით ჩვენს თავს ვუმტკიცებთ, რა ძალასაც წარმოვადგენთ.”

“კაზემირო შესანიშნავი მოთამაშეა. ის შესაძლოა, შევადაროთ დეშამსა და მაკელელეს. იბრაზილიელი აბალანსებს თამაშს შეტევასა და დაცვას შორის. რასაც მან მიაღწია, არავის აკვირვებს. კაზემირო განვითარებას განაგრძობს,” – აცხადებს “ზიზუ”.

ნაჩო: “რეალს” არასდროს მოუგია დორტმუნდში და ახლა ამის გაკეთება სურს!”

Posted on by კახა ყიფიანი

ხვალ მადრიდის “რეალი” ჩემპიონთა ლიგის ჯგუფური ეტაპის მეორე ტურში დორტმუნდის “ბორუსიას” სტუმრად დაუპირისპირდება.

წინასამატჩო პრესკონფერენციაზე ჟურნალისტებს ნაჩო ფერნანდესი ესაუბრა.

“აქ არასდროს მოგვიგია. სწორედ ამიტომ, გვინდა, ახლა ვიმარჯვოთ და სახლში სამი ქულით დავბრუნდეთ. თავს მშვენივრად ვრძნობთ და მონდომებულები ვართ, წარმატებულად წარმოვაჩინოთ თავი. კონკრეტულ ასპექტებში ისე უნდა ვითამაშოთ, როგორც ამას ადრე ვაკეთებდით. ვგულისხმობ ერთ გუნდად თამაშს, მეტოქეზე მეტ სირბილს. შეტევა შესანიშნავად შეგვიძლია და მეტოქეს დიდ ზიანს მივაყენებთ.”

“ყველა პოზიტიურადაა განწყობილი. ვფიქრობ, სეზონი წარმატებულად დავიწყეთ, რადგან მოვიგეთ ესპანეთისა და ევროპის სუპერ თასები. იქ ძლიერი მეტოქეები გვყავდა, თუმცა მათ ვაჯობეთ. ახლაც ძალიან მონდომებულები ვართ – როცა ამ მაისურს ატარებ, სხვანაირად არც შეიძლება იყოს,” – აცხადებს ნაჩო.

ნოიერი 2017 წელს ვეღარ ითამაშებს

Posted on by კახა ყიფიანი

მიუნხენის “ბაიერნის” გოლკიპერი, მანუელ ნოიერი კლუბს 2018 წლის იანვრამდე ვეღარ დაეხმარება. ამის შესახებ ბავარიელთა ოფიციალური საიტი იტყობინება.

მანუელს მარცხენა ფეხზე არსებულ მოტეხილობაზე ოპერაცია ჩაუტარდა. ქირურგიულმა ჩარევამ წარმატებით ჩაიარა, თუმცა გერმანელი კიპერი რამდენიმე თვის მანძილზე გააგრძელებს მკურნალობას.

შეგახსენებთ, რომ ნოიერმა ტრავმა იმავე ფეხზე გასული სეზონის აპრილში მიიღო, ოპერაციაც გაიკეთა და აგვისტოში მოედანს დაუბრუნდა. თუმცა, მას ახლა ახალი ქირურგიული ჩარევა დასჭირდა.

კეინი: “ვცდილობ, ჩემი შესაძლებლობები ძლიერ გუნდებთანაც დავამტკიცო”

Posted on by კახა ყიფიანი

დღეს ჩემპიონთა ლიგის ჯუფური ეტაპის პირველი ტურის შეხვედრაში ლონდონის “ტოტენჰემმა” დორტმუნდის “ბორუსიას” ანგარიშით, 3:1 სძლია.

დაპირისპირების შემდეგ ჟურნალისტებს დუბლის ავტორი, ჰარი კეინი ესაუბრა.

“ვცდილობ, რომ ჩემი შესაძებლობები ძლიერ კლუბებთანაც დავამტკიცო. შესაბამისად, დღვანდელი დუბლი ძალიან სასიამოვნო იყო. მან კიდევ უფრო მეტად შემმატა თავდაჯერებულობა. თუმცა, მთავარი ისაა, რომ მოვიგეთ და პირველი სამი ქულა ჩავიწერეთ.”

“გვინდოდა, ჩემპიონთა ლიგის სადებიუტო შეხვედრა გამარჯვებით დაგვეწყო. ბედნიერები ვართ, რომ ამის გაკეთება ძლიერი “ბორუსიას” წინააღმდეგ შევძელით,” – აცხადებს კეინი.

რუმენიგე: “ფეხბურთში ყველა თანხმდება, რომ რეალი” მსოფლიოს საუკეთესო კლუბია”

Posted on by კახა ყიფიანი

მიუნხენის “ბაიერნის” აღმასრულებელმა დირექტორმა, კარლ-ჰაინც რუმენიგემ მადრიდის “რეალი” ადიდა.

“მინდა, ვთქვა, რომ “რეალი” ცაზე ყველაზე კაშკაშა ვარკსვლავია. ფეხბურთში არსებობს კონსესუსი: “ბლანკოსი” სხვა დანარჩენზე მაღლა დგას. ხოლო, “ბარსელონა”, “ბაიერნი” და “მანჩესტერ იუნაიტედი” მის უკან ერთ დონეზე არიან.”

“ჩემი აზრით, ევროპაში ათი გუნია, რომლებიც ერთი მიზნისთვის იბრძვიან. თუმცა, ფეხბურთი ვითარდება და მათაც უჩნდებათ კონკურენტები,” – აცხადებს გერმანელი.

აგენტი: “ნეიმარი 2010 წელს “ბაიერნში” გადადიოდა, თუმცა გერმანელებმა ტრანსფერი ჩაშალეს”

Posted on by კახა ყიფიანი

ხორვატი აგენტი, პრედრაგ რაკი ინტერვიუში ყვება, რომ 2010 წელს ნეიმარით მიუნხენის “ბაიერნი” ინტერესდებოდა, თუმცა ტრანსფერი თავად გერმანელებმა ფულის გამო ჩაშალეს.

“2010 წლის ზამთრის სატრანსფერო ფანჯარაზე დანი ბუდმირი, რომელიც Golden Goal Sports & Marketing-ის სააგენტოს წარმოადგენდა, ჩიკაგოშi ნეიმარის პირად აგენტს, ვაგნერ რიბეიროს შეხვდა. ზუსტად იმ დროს ჩემი მეგობრის, ჯოვანი ტრაპატონის დახმარებით “ბაიერნის” საფეხბურთო დირექტორი, კრისტიან ნერლინგერი ვნახე. მასთან მანამდე სულ ორჯერ მქონდა ნასაუბრები. მაშინ ნეიმარი 17 წლის იყო და თავისუფლად იტყოდი, რომ უმააღლესი კლასის ტექნიკა ჰქონდა. უბრალოდ, დღევანდელთან შედარებით, ცოტათი გამხდარი იყო.”

“ნერლინგერს მიუნხენში შევხვდი. მან მითხრა, რომ კარგად იცოდა, რას წარმოადგენდა ბრაზილიელი ტალანტი. უბრალოდ, 18 მილიონი ევრო, რომელიც ბონუსებით 24-მდე ავიდოდა, ბევრად ეჩვენებოდა. მისი აზრით, იმდროინდელ ნეიმარში 24 მილიონი გადაჭარბებული იყო. საბოლოოდ, სწორედ ამ საკითხში ვერ შევთანხმდით და ტრანსფერიც ჩაიშალა,” – აცხადებს რაკი.

ხამესი: “რეალზე” მხოლოდ ერთი რამის თქმა შემიძლია”

Posted on by კახა ყიფიანი

გუშინ ოფიციალურად დადასტურდა, რომ ხამეს როდრიგესი მადრიდის “რეალიდან” მიუნხენის “ბაიერნში” ორწლიანი იჯარით გადავიდა.

კოლუმბიელმა ტრანსფერის გაოფიციალურების შემდეგ კომენტარი გააკეთა.

“რეალსა” და მის გულშემატკივრებს ერთ რამეს ვეტყვი: მადლობა ყველა კარგი მომენტისთვის, რომელიც თქვენ მე გამიზიარეთ ამ სამი წლის მანძილზე!  ბედნიერი ვარ, რომ ამ მაისურს ვატარებდი ამ ხნის განმავლობაში! მადლობა თქვნი სიყვარულისთვის! ძალიან ამაყი ვარ. აქედან დიდი გამოცდილებით მივდივარ. მადლობა ყველაფრისთვის!” – განაცხადა ხამესმა.

U19: ინგლისმა გერმანია გაანადგურა და ჯგუფიდან პირველი ადგილით გავიდა

Posted on by კახა ყიფიანი

დღეს 19-წლამე ევროპის ჩემპიონატის B ჯგუფის მესამე ტურის შეხვედრები გაიმართა.

“დავით პეტრიაშვიზლე” ინგლისი გერმანიას დაუპირსიპირდა. მატჩი ბრიტანელთა უპირატესობით წარიმართა. მიუხედავად აქტიურობისა, პირველ ტაიმში გოლი არ გასულა.

მეორე ნახევარში, 52-ე წუთზე ბენ ბრერეტონმა ანგარიში თერთმეტმეტრიანის ნიშნულიდან გახსნა. ზუსტად 12 წუთში იმავე მოთამაშემ დუბლი შეასრულა და ინგლისი ორი ბურთით გაიყვანა წინ. 76-ე წუთზე ტობიას ვარშევსკიმ ერთი გოლი გაქვითა. ხოლო, მე-80 და 84-ე წუთზე რაიან სესენიონმა გერმანიას კიდევ ორი გოლი გაუტანა.

საბოლოოდ, ინგლისის ნაკრებმა მეტოქე ანგარიშით, 4-1 გაანადგურა და ცხრა ქულა დაუგროვდა. იგი პირველი ადგილით გავიდა ჯგუფიდან. გერმანია სამი ქულით ჯგუფში ჩარჩა.

U19: გერმანიამ ბულგარეთი გაანადგურა

Posted on by კახა ყიფიანი

დღეს 19-წლამდე ევროპის ჩემპიონატის შეხვედრები გაიმართა.

გორში, “თენგიზ ბურჯანაძეზე” გერმანია ბულგარეთის ნაკრებს დაუპირისპირდა. ნომინალურ მასპინძლებს წინა მატჩის ჰოლანდიასთან წაგების შემდეგ სამი ქულა სჭირდებოდათ. შესაბამისად, მათ აქტიურად დაიწყეს თამაში და მეათე წუთზე ანგარიში გახსნეს. ამის გაკეთება ეტიენე ამენიდომ მოახერხა. ცხრა წუთში გიოხან გიულმა თერთმეტმეტრიანის ნიშნულიდან გაზარდა სხვაობა.

მეორე ნახევარში, 54-ე წუთზე სიდნეი ფრაიდმა კიდევ ერთი გოლი შეაგდო. მანაც, ასევე, გატანილი პენალტით გამოიჩინა თავი.

საბოლოოდ, 3:0.

გერმანია სამი ქულით მესამეზეა, ბულგარეთი ნულით – ბოლოზეა.

ჰოლანდიამ გერმანიას დიდი ანგარიშით მოუგო!

Posted on by კახა ყიფიანი

დღეს 19-წლამდე ევროპის ჩემპიონატის, B ჯგუფის შეხვედრაში გერმანიისა და ჰოლანდიის ნაკრებები ერთმანეთს “დავით პეტრიაშვილზე” დაუპირისპირდნენ.

საკმაოდ დაძაბული მატჩის პირველ ნახევრაში გოლი არ გავიდა.

მეორე ტაიმში, 46-ე წუთზე ანგარში გერმანელთა შვიდმა ნომერმა, აიმენ ბარკოკმა გახსნა. თუმცა, ზუსტად სამ წუთში ჯოელ პირუმ გაათანაბრა. 65-ე წუთზე ამ უკანასკნელმა დუბლი შეასრულა და “ნარინჯისფრები” წინ გაიყვანა. პირუმ ჰეთრიკის გაფრომება 79-ე წუთზე მოახერხა! ბოლო ლურსმანი კი გერმანიის ნაკრებს ჯეი-როი გროტმა დაარსო (90+1 წთ.).

საბოლოოდ, 4-1 ჰოლანდიის სასარგებლოდ. ამ გამარჯვებით ეს ნაკრები სამი ქულით პირველზეა. გერმანიას ნული ქულა აქვს და ბოლო საფეხურზე იმყოფება.

მეორე ტური ზეგ აიღებს სტარტს.