უეფას ჩემპიონთა ლიგის მერვედფინალურ ეტაპზე მიუნხენის “ბაიერნსა” და ტურინის “იუვენტუსს” შორის გამართული საპასუხო მატჩის ძირითადი დრო ფრედ, ანგარიშით 2:2 დასრულდა, დამატებით ტაიმებში კი ბავარიელებმა ორი გოლი გაიტანეს და მეოთხედფინალში თამაშის უფლება მოიპოვეს.
მატჩის შესახებ “ბებერი სინიორას” კაპიტანმა ჯანლუიჯი ბუფონმა ისაუბრა.
“ფეხბურთში შედეგი დამოკიდებულია შანსებზე. “ბაიერნი” მეორე ტაიმში ბევრს გვიტევდა და შანსები გამოიყენა. ბოლო წუთზე გაშვებული გოლი ყოველთვის სამწუხაროა, მაგრამ მე ვამაყობ ჩემი გუნდით. ამ მარცხმა გვიჩვენა, რომ ჩვენ გაცილებით უკეთესები ვართ, ვიდრე წინა სეზონში ვიყავით. ჩემპიონთა ლიგას აწეული თავით ვტოვებთ”, – ბუფონის სიტყვებს უეფას ოფიციალური ვებგვერდი ციტირებს.
