თუ “იუვენტუსი” კატალონიური “ბარსელონას” დამარცხებას და ჩემპიონთა ლიგის ნახევარფინალში გასვლას აპირებს, მაშინ მას ნამდვილად დასჭირდება ისეთი ფეხბურთელის დახმარება, როგორიც გონსალო იგუაინია.
არგენტინელი, რომელიც საკმაოდ კარგად იცნობს “ბარსელონას” (როგორც მეტოქეს), აცხადებს, რომ წელს მისი მიზანი ჩემპიონთა ლიგის მოგებაა. ამისთვის კი პირველ რიგში კატალონიური ბარიერის გავლაა საჭირო.
რამდენად პროდუქტიულია გონსალო “ბარსელონას” წინააღმდეგ?
ფრანგი ფორვარდი “რეალს” 2007 წლის იანვარში შეუერთდა (“რივერ პლეიტიდან” გადავიდა) და მხოლოდ ერთხელ ითამაშა “ბარსას” წინააღმდეგ სადებიუტო სეზონში. იმ მატჩში გონსალო და საერთოდ ყველა მისმა თანამემამულემ, ლეო მესიმ დაჩრდილა, რომელმაც თავი ჰეთ-ტრიკით გამოიჩინა.
მეორე სეზონში, იგუაინს “კამპ ნოუზე” განცდილ მარცხში (1-0) მონაწილეობა არ მიუღია, მაგრამ “სანტიაგო ბერნაბეუზე” კატალონიელთა კარში სადებიუტო გოლის გატანა შეძლო (4-1). იმ წელს “ბლანკოსი” ესპანეთის ჩემპიონი გახდა.
2008-09 წლების სეზონის პირველ “კლასიკოში” მან 77 წუთი ითამაშა, “რეალი” 2-0 დამარცხდა “კამპ ნოუზე”. განმეორებით მატჩში კი ანგარიშის სწორედ მან გახსნა, თუმცა მადრიდელები მაინც დამარცხდნენ, თანაც გამანადგურებელი ანგარიშით (6-2).
2009-10 – “კამპ ნოუზე” გამართულ მატჩში იგუაინმა თავიდან ბოლომდე ითამაშა, თუმცა გოლი ვერ გაიტანა და მისი გუნდი 1-0 დამარცხდა, მანამდე კი 80 წუთი ითამაშა “ბერნაბეუზე” წაგებულ “კლასიკოში” (2-0). მომდევნო სეზონში შემდგარი 6 “კლასიკოდან”, მან მხოლოდ ერთში მიიღო მონაწილეობა, ისიც 55 წუთით და გატანილი გოლიც არ ჩაუთვალეს.
2011-12 წლების სეზონში “იუვეს” მოქმედი თავდამსხმელი უფრო დიდ დროს ატარებდა სტადიონზე. კოპა დელ რეის ორივე მეოთხედფინალური მატჩი მან სასტარტოში დაიწყო, მაგრამ ექვსი მატჩიდან ვერცერთში ვერ მოახერხა თავის გამოჩენა.
ბოლო სეზონში კი, მან ესპანეთის სუპერთასის მატჩში საკმაოდ მნიშვნელოვანი გოლი გაიტანა, როდესაც “რეალმა” “ბარსას” დამარცხება მოახერხა.
საერთო ჯამში, არგენტინელმა ფორვარდმა 18-ჯერ ითამაშა “ბარსას” წინააღმდეგ და მხოლოდ 3 გოლის გატანა შეძლო.
