“ჰალ სიტის” მთავარი მწვრთნელის პოსტზე შოთა არველაძის დებიუტი წარმატებული გამოდგა. ქართველი სპეციალისტის გუნდმა ინგლისის ჩემპიონშიფის 29-ე ტურის მატჩში “სუონსი სიტის” უმასპინძლა და მეტოქე ანგარიშით 2:0 დაამარცხა. “ვეფხვები” ტომ ივსმა შეხვედრის მე-5 წუთზე დააწინაურა, მე-17 წუთზე კი კინ ლიუს-პოტერმა სხვაობა ორ ბურთამდე გაზარდა. დარჩენილ დროში “ჰალმა” უპირატესობა შეინარჩუნა და შეხვედრა ლოგიკურ გამარჯვებამდე მიიყვანა.
გუნდმა მიჯრით მესამე მატჩი მოიგო, აქტივში 32 ქულა დააგროვა, მე-18 პოზიციამდე ამოვიდა და გასავარდ ზონას 12 პუნქტით დაშორდა. “ჰალი” მომდევნო ტურში გათამაშების შუაადგილოსან “პრესტონს” უმასპინძლებს. შეხვედრა 5 თებერვალს ჩატარდება.
გთავაზობთ აღნიშნული მატჩიდან შოთა არველაძის ფოტოკოლაჟს.
