ჭდე: Henrikh Mkhitaryan

ინგლისის პრემიერლიგის 24-ე ტურში “ლესტერ სიტის” წინაარმდეგ გამართულ მატჩში “მანჩესტერ იუნაიტედის” ნახევარმცველმა ჰენრიხ მხითარიანმა გოლიც გაიტანა და საგოლე გადაცემაც მიითვალა. მატჩის შემდეგ “წითელი ეშმაკების” მთავარმა მწვრთნელმა ჟოზე მოურინიომ განმარტა, თუ რატომ არ აძლევდა სომეხ ფეხბურთელს სათანადო სათამაშო დროს სეზონის დასაწყისში.

“ხანდახან ფეხბურთელის დაცვის საუკეთესო საშუალება მისთვის სათამაშო დროის არმიცემაა. მიკის სწორედ ამ მეთოდით ვიცავდი. იგი ამ პერიოდის განმავლობაში ადაპტაციის პროცესს გადიოდა, ახლა კი მოედანზე საოცრებებს ახდენს. თქვენგან განსხვავებით, მე მხოლოდ იმას არ ვხედავ, რასაც იგი მინდორზე აკეთებს. ახლა მხითარიანი გაცილებით კარგად თამაშობს”, – ციტირებს მოურინიოს სიტყვებს Manchester Evening News.

“მანჩესტერ იუნაიტედის” მთავარმა მწვრთნელმა ჟოზე მოურინიომ იმ მიზეზებზე ისაუბრა, თუ რატომ ვერ ხვდება გუნდის ახალწვეული ჰენრიხ მხითარიანი ძირითად შემადგენლობაში.

“მხითარიანმა მოედანზე მეტი უნდა იმუშაოს. ყველაფერი ძალიან მარტივია. იგი მაღალი მოთხოვნების მქონე გუნდში მოხვდა. მის პოზიციაზე დიდი კონკურენციაა.

მხითარიანმა მატაზე, ლინგარდსა და მარსიალზე უკეთ უნდა ითამაშოს, რათა ძირითად შემადგენლობაში მოხვდეს. ნებისმიერი მწვრთნელი მოედანზე იმ ფეხბურთელის ხილვას ისურვებდა, რომელსაც მეტის გაკეთება შეუძლია”, – მოურინიოს კომენტარი “მანჩესტერ იუნაიტედის” ოფიციალურ ვებგვერდზე გამოქვეყნდა.

ჰენრიხ მხითარიანმა მიმდინარე სეზონში “მანჩესტერ იუნაიტედის” რიგებში ყველა ტურნირზე ერთად ექვსი მატჩი ჩაატარა, შედეგიანი მოქმედებით კი თავი არ გამოუჩენია.

ჰენრიხ მხითარიანს “მანჩესტერ იუნაიტედში” საქმეები ცუდად აქვს. სომეხმა ფეხბურთელმა გუნდის სამწვრთნელო შტაბთან ურთიერთობა ვერ ააწყო.

მხითარიანს, რომელიც გასულ სეზონში ევროპის ერთ-ერთ საუკეთესო გამთამაშებლად დასახელდა, ჟოზე მოურინიოსთან კონტაქტი არ აქვს. 27 წლის ფეხბურთელი გუნდის სასტარტო შემადგენლობაში ვერ ხვდება, მას “წითელი ეშმაკების” რიგებში მხოლოდ ოთხი არასრული მატჩი აქვს ჩატარებული.

გუშინდელ ვარჯიშზე ჰენრიხ მხითარიანმა გუნდისგან განცალკევებით იმუშავა.

მიუხედავად იმისა, რომ სომეხი ნახევარმცველი ჯანმრთელადაა, იგი, სამწვრთნელო შტაბის გადაწყვეტილებით, ვერც “ბარნლის” წინააღმდეგ გამართული მატჩის (0:0) განაცხადში ვერ მოხვდა.