2013 წლის სექტემბერში, ფიფამ მსოფლიოს ყველაზე სწრაფ ფეხბურთელად ლონდონის “არსენალის” მოთამაშე თეო უოლკოტი დაასახელა. ინგლისელმა შემტევმა მოედანზე 35.7 კმ/სთ განავითარა.
პარასკევს, ესპანეთისა და ჰოლანდიის ნაკრებებს შორის გამართულ მატჩში არიენ რობენმა გოლის გატანამდე 37 კმ/სთ განავითარა, სერხიო რამოსმა კი 30.6 კმ/სთ.
13 ივნისს, ჰოლანდიისა და ესპანეთის ნაკრებებს შორის გამართულ მატჩში (5:1), შეხვედრის მთავარმა არბიტრმა ცოცხალ კედელში მდგომი ჰოლანდიელი ფეხბურთელი გააბრაზა.
ესპანეთის ნაკრების მცველმა სერხიო რამოსმა ჰოლანდიასთან ანგარიშით 1:5 წაგებულ შეხვედრაზე ისაუბრა.
„გუნდს სირთულეები და უიღბლო პერიოდი აქამდეც ჰქონია. მსგავსი მარცხის შემდეგ ძალების მოძებნა ესპანეთის ნაკრებს კიდევ უფრო ძლიერ გუნდად ხდის.
ახლა სინანულის დრო არ გვაქვს. დროა, ვიფიქრობ იმაზე, თუ როგორ დავამარცხოთ ჩილეს ნაკრები“, – განაცხადა „ფურია როხას“ მცველმა.
ალექსანდრე მატევოსოვი
ჰოლანიელების მიერ ესპანეთის ნაკრების განადგურება დღის მთავარ თემად იქცა. ვისენტე დელ ბოსკემ საკუთარ ფილოსოფიას არ უღალატა და უპირეველეს მიზნად ბურთზე მაქსიმალური კონტროლის დაწესება დაისახა, რაც გარკვეულწილად გამოუვიდა კიდეც. ესპანელების ბურთის ფლობა 64,4 % შეადგენდა. თუმცა, “ფურია როხას” გულშემატკივრებისთვის სამწუხაროდ აღნიშნული ფაქტორი შეხვედრის შედეგზე არ აისახა.
თამაშის ასეთ მანერას ჰოლანდიელებმა სწრაფი და მობილური სტილი დაუპირისპირეს. განსაკუთრებით აქტიურები არიან რობენი და რობინ ვან პერსი იყვნენ, რომლებიც პირველ ტაიმში მარჯვნიდან ცდილობდნნ ესპანელების დაცვის გარღვევას, მეორე ნახევარში კი საპირისპირო ფრთიდან შეუტიეს.
წარუმატებელი იყო დიეგო კოშტას ასპარეზობაც. ესპანელები მასზე დიდ იმედებს ამყარებნდნენ. “ატლეტიკოს” ფორვარდმა პენალტიც მოიპოვა, თუმცა დარჩენილ დროში ის ამოვარადნილი იყო თამაშიდან.
ჰოლანდიელებმა მეორე ტაიმში თითქოს დაიჭირეს ესპანელების სუსტი წერტილი და ამით შესანიშნავად სარგებლობდნენ კიდეც. ესპანელებმა მეტოქის სწრაფ შეტევებს ვერაფერი დაუპირისპირებს. ბოლო წლების მსოფლიოს საუკეთესო გუნდი უბრალოდ დაიშალა. მეოთხე გოლზე კასილიასის მიერ დაშვებული ბავშვური შეცდომაც სიმბოლურად მთელი ესპანთის მდგომარეობას ასახავდა.
რაც არ უდნა იყოს, აღნიშნული მატჩი ჰოლანდიელებმა შესანიშნავად ჩაატარეს და დამსახურებული გამარჯვება მოიპოვეს, რომელიც ფეხურთის გულშემატკივარს დიდი ხანი ემახსოვრება.
ჰოლანდიის ეროვნული ნაკრების ფეხბურთელი არიენ რობენი აცხადებს, რომ ის თავისი გუნდით ამაყობს.
შეგახსენებთ, რომ 13 ივნისს, ჰოლანდიისა და ესპანეთის ნაკრებებს შორის გამართული მატჩი ჰოლანდიელების გამარჯვებით, ანგარიშით 5:1 დასრულდა.
“ძალიან გახარებულები ვართ. ჩემი გუნდით ვამაყობ. ასეთმა ახალგაზრდულმა გუნდმა მსოფლიოს 2014 წლის ჩემპიონატის გამარჯვებულს დამაჯერებლად მოუგო. იმედი მაქვს, მომავალშიც წარმატებულად ვიასპარეზებთ”, – ამბობს რობენი.
2014 წლის მსოფლიოს ჩემპიონატი მოქმედი ჩემპიონის კრახით დაიწყო. „ფურია როხა“ ჰოლანდიის ნაკრებთან ანგარიშით 1:5 განადგურდა და საქმე მნიშვნელოვნად გაირთულა, თუმცა ესპანელთა გამოცდილი ნახევარმცველი ანდრეს ინიესტა დარწმუნებულია, რომ მისი გუნდი დარჩენილ ორ შეხვედრას გამარჯვებით დაასრულებს და ჯგუფიდანაც გავა.
„ვალდებულნი ვართ, დარჩენილ ორ მატჩში გავიმარჯვოთ. მცირე დეტალები წონასწორობას გვაკარგვინებს. დღეს ძალიან მძიმე საღამო გვქონდა.
ყველაფრისთვის მზად ვართ. მუშაობას გავაგრძელებთ, თუმცა დღევანდელ მარცხს არ დავივიწყებთ“, – ინიესტას სიტყვებს Football Espana ციტირებს.
ესპანელები დარჩენილ ორ შეხვედრას ჩილესა (18 ივნისი) და ავსტრალიის (23 ივნისი) ნაკრებების წინააღმდეგ ჩაატარებენ.
2014 წლის მსოფლიოს ჩემპიონატის ჯგუფურ ეტაპზე ესპანეთისა და ჰოლანდიის ნაკრებებს შორის გამართული შეხვედრა „ნარინჯისფერთა“ დამაჯერებელი გამარჯვებით, ანგარიშით 5:1 დასრულდა. მატჩის გმირად ჰოლანდიელთა თავდამსხმელი რობინ ვან პერსი დაასახელეს, რომელმაც დუბლი გაიფორმა.
„მანჩესტერ იუნაიტედის“ ფორვარდმა ესპანელთა წინააღმდეგ გამართული შეხვედრა შეაჯამა.
„მატჩის წინ ვან გაალმა მითხრა, რომ გოლის გატანა შემეძლო. ასეც მოხდა – ამიტომაც აღვნიშნე ესპანელთა კარში გატანილი პირველი გოლი მწვრთნელთან ერთად. უკანასკნელი რამდენიმე დღის განმავლობაში ესპანეთის ნაკრების ტაქტიკა სწორად გავანაალიზეთ და მათ წინააღმდეგ მატჩს სრულად შეიარაღებულნი შევხვდით“, – განაცხადა ვან პერსიმ.
2014 წლის მსოფლიოს ჩემპიონატის ჯგუფურ ეტაპზე ესპანეთისა და ჰოლანდიის ნაკრებებს შორის გამართული შეხვედრა „ნარინჯისფერთა“ დამაჯერებელი გამარჯვებით, ანგარიშით 5:1 დასრულდა.
მატჩი ჰოლანდიელთა მთავარმა მწვრთნელმა ლუი ვან გაალმა შეაფასა.
„არ ველოდი, რომ ეს ტაქტიკა ასე გაამართლებდა. აღფრთოვანებული ვარ. მსოფლიოს მოქმედი ჩემპიონის ანგარიშით 5:1 დამარცხება მართლაც შესანიშნავი რამ გახლავთ. ისე, მეექვსეს გატანაც შეგვეძლო. თუმცა, თავი არ უნდა მოვიტყუოთ… ჯგუფიდან ჯერ არ გავსულვართ“, – აღნიშნა ვან გაალმა.
2014 წლის მსოფლიოს ჩემპიონატის ჯგუფურ ეტაპზე ესპანეთისა და ჰოლანდიის ნაკრებებს შორის გამართული მატჩი „ნარინჯისფერთა“ დამაჯერებელი გამარჯვებით, ანგარიშით 5:1 დასრულდა. „ფურია როხას“ მთავარმა მწვრთნელმა ვისენტე დელ ბოსკემ წაგებული შეხვედრის შესახებ ისაუბრა.
„ეს სპორტია. მარცხს უნდა შევეგუოთ. მეტოქემ მეორე ტაიმში გვაჯობა.
ახლა ვინმეს დადანაშაულების დრო არ არის. არ ღირს, რომ მარცხი რომელიმე ფეხბურთელს დავაბრალოთ, ეს მთელი გუნდის სისუსტე იყო. ვერავის ვერ დავადანაშაულებ, მით უფრო იკერს.
უნდა შევეგუოთ იმ ფაქტს, რომ მოწინააღმდეგე უკეთ გამოიყურებოდა.
საქმე გავირთულეთ, თუმცა პრობლემა უნდა გადავჭრათ“, – განაცხადა მატჩის შემდეგ დელ ბოსკემ.
2014 წლის მსოფლიოს ჩემპიონატის ჯგუფურ ეტაპზე ესპანეთისა და ჰოლანდიის ნაკრებებს შორის გამართული შეხვედრა „ნარინჯისფერთა“ დამაჯერებელი გამარჯვებით, ანგარიშით 5:1 დასრულდა.
მატჩის საუკეთესო ფეხბურთელად ჰოლანდიელთა თავდამსხმელი რობინ ვან პერსი დასახელდა.
„მანჩესტერ იუნაიტედის“ ფორვარდმა აღნიშნულ შეხვედრაში დუბლი შეასრულა. ვან პერსიმ მოედანზე 79 წუთი დაჰყო, გააკეთა 27 გადაცემა და კარში დაარტყა 4-ჯერ.
2014 წლის მსოფლიოს ჩემპიონატის ჯგუფურ ეტაპზე ესპანეთისა და ჰოლანდიის ნაკრებებს შორის გამართული მატჩი „ნარინჯისფერთა“ დამაჯერებელი გამარჯვებით, ანგარიშით 5:1 დასრულდა.
ესპანელებმა ხუთი და მეტი ბურთი უკანასკნელად შორეულ 1963 წელს გაუშვეს. მაშინ „ფურია როხა“ შოტლანდიის ნაკრებთან ანგარიშით 2:6 განადგურდა.
რაც შეეხება მსოფლიოს ჩემპიონატს, ესპანელებმა ამ ტურნირზე ოთხ გოლზე მეტი უკანასკნელად სწორედ ბრაზილიაში გაუშვეს. 1950 წლის ბრაზილიის მსოფლიო პირველობაზე ესპანელები მასპინძლებთან ანგარიშით 1:6 განადგურდნენ.
მსოფლიო ჩემპიონატის მეორე დღის ცენტრალური შეხვედრა მოულოდნელი შედეგით დასრულდა. ესპანეთისა და ჰოლანდიის ნაკრებების შეხვედრა ლუი ვან გაალის შეგირდების გამანადგურებელი გამარჯვებით დასრულდა.
ანგარიში 27-ე წუთზე ესპანელებმა გახსნეს. დიეგო კოშტას წაქცევისთვის დანიშნული 11-მეტრიანი ზუსტად ჩაბი ალონსომ შეასრულა.
ჰოლანდიელებმა ტაიმის დასრულებამდე 1 წუთით ადრე გაათანაბრეს. შესანიშნავი გოლი რობინ ვან პერსიმ გაიტანა.
მეორე ნახევარი ჰოლანდიელების შეტევებით დაიწყო, რაც მალევე ანგარიშზეც აისახა. 53-ე წუთზე რობენმა ჰოლანდია დააწინაურა. ამის შემდეგ მოედანზე მხოლოდ ერთი გუნდი თამაშობდა.
64-ე წუთზე დე ვრიიმ სნეიდერის გადაცემით ჰოლანდიელთა უპირატესობა ორბურთიანი გახადა. 72-ეზე რობინ ვან პერსიმ დუბლი გაიფორმა. კაპიტანს 8 წუთში რობენმაც მიბაძა, მეორე გოლი გაიტანა და საბოლოო ანგარიში დააფიქსირა – 1:5.
