“მანჩესტერ სიტის” ახალწვეულმა, ილკაი გიუნდოგანმა “ქალაქელთა” რიგებში მისი დებიუტის შემდეგ, საკმაოდ საინტერესო განცხადება გააკეთა.
“ყოველთვის მჯეროდა, რომ დაბრუნებას შევძლებდი. ტრავმები აქამდეც მქონია, ჩემთვის 4 თვე არაფერია – ზურგის ტრავმის გამო, ერთ წელზე მეტის გატარება მომიწია ლაზარეთში.
ეს ფეხბურთია, ასეთი რაღაცეები ხდება ხოლმე. ტრავმები ფეხბურთის ნაწილია ყველაზე მნიშვნელოვანი კი ისაა, თუ რამდენად კარგად გაუმკლავდები მათ.მე უფრო ადრე დავბრუნდი, ვიდრე მოველოდი.”
Marca-ს მიერ გავრცელებული ინფორმაციის თანახმად, პეპ გვარდიოლას “მანჩესტერ სიტიში” მადრიდელთა გერმანელი ნახევარმცველის, ტონი კროოსის მიყვანა სურს.
პეპმა, რომელიც მანჩესტერულ გრანდს ზაფხულშივე ჩაიბარებს, ტონი კროოსი “ქალაქელთა” პრიორიტეტულ სამიზნედ აქცია, მიუხედავად იმისა, რომ მისი მადრიდულ კლუბთან დამშვიდობება არც ისე ადვილი იქნება.
აქვე გეტყვით იმასაც, რომ კროოსმა გვარდიოლას ხელმძღვანელობით ერთი სეზონის მანძილზე იმუშავა, თუმცა პეპმა მას კლუბი დაატოვებინა, რის მიზეზადაც ‘ჰარმონიის ნაკლებობა’ დაასახელა.
იმ შემთხვევაში, თუ ინგლისური გრანდი კროოსს ვერ გადაიბირებს, პეპი დორტმუნდის “ბორუსიას” ნახევარმცველზე, ილკაი გიუნდოგანზე გადაერთვება.
Goal-ის მიერ მოპოვებული ექსკლუზიური ინფორმაციის თანახმად, დორტმუნდის “ბორუსიას” ნახევარმცველის, ილკაი გიუნდოგანისთვის ბრძოლაში “მანჩესტერ სიტი” დაწინაურდა.
პრემიერ ლიგაში მოთამაშე კლუბმა 25 წლის ფეხბურთელისთვის ბრძოლაში ტურინული “იუვენტუსი” და კატალონიური “ბარსელონა” დაჯაბნა.
წყაროს ცნობით, ორშაბათს “სიტის” სპორტული დირექტორი ჩიკი ბეგირისტაინი ილჰან გიუნდოგანთან, ილკაის ბიძასთან და ამავდროულად აგენტთან დააფიქსირეს.
აქვე გეტყვით იმასაც, რომ გერმანელმა ფოტოგრაფებმა ბეგირისტაინისა და პეპ გვარდიოლას ფარული შეხვედრის ფოტოებიც დააფიქსირეს. რაც ნათლად მეტყველებს იმაზე, რომ ილკაი “სიტიში” გადასვლასთან ძალიან ახლოსაა.
ზამთარში „იუვენტუსი“ დორტმუნდის „ბორუსიას“ ნახევარმცველის ილკაი გიუნდოგანის შეძენას შეეცდება, რის შესახებაც Football-Italia იტყობინება. წყაროს ინფორმაციით, ტურინული კლუბის ხელმძღვანელობას ლოდინი არ სურს და ფეხბურთელის შეძენას უკვე ზამთრის სატრანსფგერო ფანჯრის დროს შეეცდება.
აქამდე გავრცელებული ცნობით, „იუვეს“ გარდა, გიუნდოგანის შეძენა ასევე „ლივეპრულს“, „მანჩესტერ იუნაიტედსა“ და „ბარსელონას“ სურდათ.
იანვარში მოამაშის ტრანსფერი ტურინელებს, შესაძლოა, 25 მილიონი ევრო დაუჯდეთ.
დორტმუნდის “ბორუსიას” ნახევარმცველი ილკაი გიუნდოგანი, შესაძლოა, ახლანდელ გუნდში დარჩეს. ამის შესახებ დორტმუნდელთა სპორტულმა დირექტორმა, მიჰაელ ცორკმა ისაუბრა.
“მოვლენათა განვითარების რამდენიმე ვარიანტისთვის ვართ მზად” – განუცხადა ცორკმა გერმანელ ჟურნალისტებს.
შეგახსენებთ, რომ დორტმუნდელთა დირექტორმა ჰანს-იოაჰიმ ვაცკეს თქმით გერმანიის ნაკრების ფეხბურთელი “ბორუსიას” აუცილებლად დატოვებდა. ნახევარმცელისადმი ინტერესს “ბაიერნი” და “ბარსელონა” იჩენდნენ.
დორტმუნდის „ბორუსიას“ ნახევარმცველმა ილკაი გიუნდოგანმა კვლავ თავისი მომავლის შესახებ ისაუბრა.
„თავიდან, ყველა ჭორის გაგების შემდეგ, ვიცინოდი, თუმცა ახლა გადაწყვეტილების მიღება მომიწევს.
ჩემთვის სეზონი 30 ივნისს დასრულდა. ტრანსფერები საკმაოდ ადრე იწყება.
შევეცდები, გადაწყვეტილება რაც შეიძლება სწრაფად მივიღო“, – განაცხადა გიუნდოგანმა.
აქამდე გავრცელებული ინფორმაციით, „ბარსელონამ“ და „ბაიერნმა“ მოთამაშის შეძენა იუარეს, რადგან მისთვის ყოველწლიურად ათი მილიონი ევროს გადახდა იუარეს.
“დორტმუნდის” ნახევარმცველი ილკაი გიუნდოგანი “ბაიერნში” არ გადავა. შეგახსენებთ, რომ 24 წლის ფეხბურთლმა პორტუმუნდელებს კონტრაქტის გახანგრძლივებაზე უარი უთხრა, რის გამოც მისი გაყიდვის თემა აქტუალური გახდა. გიუნდოგანისთვის ბრზოლაში ფავორიტი სწორედ “ბაიერნი” იყო, თუმცა როგორც ჩანს მიუნხენელები ბრძოლას გამოეთიშნენ.
Bild-ის ცნობით ტრანსფერი არ შედგება. მიუხედავად იმისა, რომ მოლაპარაკეები უკვე დასკვნით სტადიაში იყო.
ამავდროულად, იმასაც შეგახსენებთ, რომ გერმანიის ნაკრების ფეხბურთელის მიმართ ინტერესს “მანჩესტერ იუნაიტედი” და “ბარსელონა” იჩენენ.
დორტმუნდის „ბორუსიას“ ნახევარმცველმა ილკაი გიუნდოგანმა აღნიშნა, რომ მასთან კონტრაქტის გაფორმებით სხვა კლუბებიც ინტერესდებიან.
„მოლაპარაკება დავიწყე, თუმცა გადაწყვეტილება ჯერ არ მიმიღია. ამ საკითხთან დაკავშირებით მეტს ვერაფერს გეტყვით.
დავტოვებ თუ არა დორტმუნდს ზაფხულში? ამის გარანტიას ვერ მოგცემთ. ვიცი, რომ „ბორუსია“ ძალიან კარგი გუნდია და მას ჩინებული მწვრთნელი უთავკაცებს“, – განაცხადა გიუნდოგანმა.
„ვოლფსბურგი“ იმ კლუბთა რიგებს შეუერთდა, რომლებიც დორტმუნდის „ბორუსიას“ ნახევარმცველის ილკაი გიუნდოგანისთვის იბრძოლებს.
შემდსეგ სეზონში უეფას ჩემპიონთა ლიგისთვის „ვოლფბსბურგი“ შემადგენლობის გაძლიერებას გეგმავს. აღსანიშნავია, რომ გუნდის მთავარი მწვრთნელი დიტვერ ჰეკინგი 24 წლის ნახევარმცველს „ნიურნბერგიდან“ იცნობს.
შეგახსენებთ, რომ ცოტა ხნის წინ გიუნდოგანმა „ბორუსიასთან“ კონტრაქტის გახანგრძლივება იუარა.
დორტმუნდის „ბორუსიას“ ხელმძღვანელობა ნახევარმცველ ილკაი გიუნდოგანს ახალ კოტნრაქტს სთავაზობთ. გერმანული პრესის ინფორმაციით, დორტმუნდელებს გიუნდოგანთან ხელშეკრულების გახანგრძლივება 2019 წლამდე სურთ.
წინადადების მიღების შემთხვევაში, ნახევარმცველის ყოველწლიური ხელფასი 6,5 მილიონ ევრომდე გაიზრდება. ამავდროულად, თუ ილკაი „ბორუსიას“ წინადადებას უარყოფს, კლუბი ზაფხულში მის გაყიდვას შეეცდება.
გერმანიის ნაკრები ევროპის 2016 წლის ჩემპიონატის საკვალიფიკაციო ეტაპზე საქართველოს ეროვნული გუნდის წინააღმდეგ სათამაშოდ ემზადება. “ბუნდესთიმის” განაცხადში შეყვანილია ილკაი გიუნდოგანიც, რომელმაც დამდეგი შეხვედრის შესახებ ისაუბრა.
“ავსტრალიისა და საქართველოს ნაკრებებს ერთმანეთთან ვერ შევადარებ. საქართველოს ნაკრები უფრო მეტად დაიცავს თავს, ვიდრე ეს ავსტრალიელებმა გააკეთეს. დარწმუნებული ვარ, რომ ქართველები დაცვიდან ითამაშებენ და ჩვენს დაჭერას კონტრშეტევებზე შეეცდებიან. ეს იმას ნიშნავს, რომ ფხიზლად უნდა ვიყოთ და მეტოქეს სუსტი წერტილები მოვუძებნოთ. თავდასხმაში ისევე მაღალ ტემპში უნდა ვითამაშოთ, როგორც ავსტრალიის ნაკრებთან. თუ ამას გავაკეთებთ, ჩვენსას მივაღწევთ.
არ ვფიქრობ იმას, რომ ევროპის ჩემპიონატის ფინალურ ეტაპზე ვერ მოვხვდებით. ყველაფერი ჩვენს ხელთაა, ყველა მეტოქესთან ჯერ კიდევ გვაქვს სათამაშო. ვინმეზე დამოკიდებულნი არ ვართ და ეს კარგია”, – გიუნდოგანის კომენტარი გერმანიის ფეხბურთის ასოციაციის ოფიციალურ ვებგვერდზე გამოქვეყნდა.
შეგახსენებთ, რომ საქართველოსა და გერმანიის ეროვნულ გუნდთა შორის მატჩი 29 მარტს, თბილისში, “დინამო არენაზე” გაიმართება და 20:00 საათზე დაიწყება. უკვე ცნობილია ისიც, რომ შეხვედრას კლემან ტურპენის ხელმძღვანელობით ფრანგ მსაჯთა ბრიგადა მოემსახურება.
“დორტმუნდის” ნახევარმცველმა, ილკაი გუნდოგანმა ჩემპიონთა ლიგიდან გამოვარდნასთან დაკავშირებით კომენტარი გააკეთა.
შეგახსენებთ, რომ “იუვენტუსთან” ორმატჩიანი დაპირისპირების შემდეგ(2:1; 0:3), გერმანული გუნდი ევროპულ ტურნირს უშანსოდ გამოემშვიდობა.
“მეორე მატჩმა აჩვენა, რომ ჩვენ მეოთხედფინალში გასვლას არ ვიმსახურებდით. ტურინში კარგად გამოვიყურებოდით, მაგრამ სასურველი შედეგი ვერ დავაფიქსირეთ,”-განაცხადა გუნდოგანმა კლუბის ოფიციალურ ვებ-გვერდთან ინტერვიუში.
“ჩვენ დაცვის ხაზის გამყარებას ვცდილობდით, მაგრამ ტევესი-მორატას დუეტმა გუნდი ძალიან დააზარალა. ისინი კონტრ-შეტევებზე ძალიან სახიფათოები იყვნენ”.
