ჭდე: Italia

ჯიჯი ბუფონმა მსოფლიო ჩემპიონატის ფავორიტები დაასახელა

Posted on by იაკობ კაპანაძე

ტურინის “იუვენტუსისა” და იტალიის საფეხბურთო ნაკრების კარის დარაჯმა, ჯანლუიჯი ბუფონმა, პრესასთან საუბრისას მსოფლიოს 2018 წლის ჩემპიონატის მთავარი ფავორიტები დაასახელა.

ბუფონმა არგენტინის ნაკრებთან წაგებული ამხანაგური მატჩის შემდეგ (2-0) განაცხადა:”არგენტინის ნაკრების წინაშე ქუდი უნდა მოვიხადოთ, მათ ბრწყინვალე პერფრომანსი შემოგვთავაზეს.

იტალიის ნაკრებში რეკონსტრუქციის პროცესი მიმდინარეობს. ჩემპიონთა ლიგაზე ვერ მოვხვდით, რაც ჩვენთვის ნამდვილად მიუღებელი შედეგია. სხვა შემთხვევაში იტალია-არგენტინა მსოფლიო ჩემპიონატის ფინალიც კი შეიძლება ყოფილიყო.

არგენტინის ნაკრებს უდიდესი პოტენციალი აქვს, ისინი ერთ-ერთი მთავარი ფავორიტები იქნებიან მსოფლიო ჩემპიონატზე ბრაზილიის, გერმანიისა და ესპანეთის ნაკრებებთან ერთად,” – აცხადებს ჯიჯი.

ოფიციალურად: რომან ჭანტურია “ლოკომოტივში” იჯარით ითამაშებს

Posted on by კახა ყიფიანი

საქართველოს 21 წლამდე ნაკრების ფორვარდი, რომან ჭანტურია თბილისის ლოკომოტივში, იჯარის წესით ითამაშებს. კონტრაქტის ხანგრძლივობა 6 თვიანია. 21 წლის თავდამსხმელი, ლოკოში, 23 ნომრიანი მაისურით იასპარეზებს.

ჭანტურია იტალიური ემპოლის საკუთრებაა. უკანასკნელად, იგი ასევე განათხოვრების წესით, იტალიურ პრატოში თამაშობდა.

2013 წელს, ჭანტურია იტალიაში სწორედ ლოკომოტივიდან გადავიდა. მან, 4 წლის მანძილზე ემპოლის 17 და 19 წლამდე გუნდის შემადგენლობაში ითამაშა. იყო მთავარი გუნდის წევრიც, მაგრამ ემპოლის მაისურით ოფიციალური მატჩი არ ჩაუტარებია.

2016 წელს, რომანი ემპოლიდან, იჯარით, პორტუგალიურ ოლიანენსეში გადავიდა.

საქართველოს 21 წლამდე ნაკრების შემადგენლობაში, 7 მატჩი ჩაატარა და 4 გოლი გაიტანა. სხვადასხვა დროს, იყო 19 და 17 წლამდე ნაკრების წევრიც.

fcloco.ge

რაფინია მილანის “ინტერში” ითამაშებს

Posted on by კახა ყიფიანი

კატალონიის “ბარსელონამ” და მილანის “ინტერმა” შეთანხმება მიაღწიეს რაფინიას თაობაზე. სეზონის დარჩენილ ნახევარს ბრაზილიელი იტალიურ გუნდში იჯარის წესით ითამაშებს.

თუ რაფინია “ინტერსის” ბოსებისთვის მოსაწონად ითამაშებს, მათ შეეძლებათ მოთამაშე 35 მილიონ ევროდ შეიძინონ. ხოლო, “ბარსასთვის” გადასახდელი ბონუსი სამაი მილიონი ევრო იქნება. ხოლო, ფეხბურთელსა და კლუბს შორის სამწელიწად-ნახევრიანი კონტრაქტი დაიდება.

აქვე გეტყვით, რომ ბრაზილიელის ტრანსფერში დიდი როლი მისმა მამამ, მაზინიომ შეასრულა. სწორედ მან შეითავსა აგენტის ფუნქციები.

კაპელო: “ზლატანს მეკარის ხელების მოტეხვა არა, მაგრამ ფანჯრების ჩამტვრევა შეეძლო”

Posted on by კახა ყიფიანი

ზლატან იბრაჰიმოვიჩი ტურინის “იუვენტუსში” 2004-2006 წლებში გამოდიოდა, სადაც მას ფაბიო კაპელო წვრთნიდა.

იტალიელმა სპეციალისტმა შვედ ფეხბურთელთან მუშაობის პერიოდი გაიხსენა.

“როცა ზლატანი “იუვეში” მოვიდა, მას კარგი დარტყმა არ ჰქონდა. მინო რაიოლამ მითხრა: “ის მართლა კარგი ფეხბურთელია, მას შეუძლია უძლიერესი დარტყმით მეკარეს ხელები მოსტეხოს.” ვუპასუხე: “ზლატანს მეკარის ხელების მოტეხვა არა, მაგრამ სავარჯიშო დარბაზის ფანჯრების ჩატეხვა შეუძლია-მეთქი. ამის შემდეგ იბრაჰიმოვიჩმა ამ ასპექტში ვარჯიში დაიწყო და, როგორც ყველამ იცით, ის ძალიან განვითარდა.”

“როცა “რომაში” ვმუშაობდი, შვედის შეძენა მინდოდა. თუმცა, “იუვენტუსმა” დაუჯერებელი ტრანსფერი განახორციელა და 16 მილიონი ევროც გადაიხადა. “აიაქსში” ფიქრობდნენ, რომ ის კარგი მოთამაშე არ იყო. ამიტომ გაუშვეს იტალურ გუნდში. ზლატანს მიდი ამჯობინეს, რომელიც უფრო მარტივად საწვრთნელი გახლდათ,” – ამბობს კაპელო.

ალეგრი: “დიბალა ძირითად შემადგენლობაში ადგილისთვის იბრძოლებს”

Posted on by კახა ყიფიანი

დღეს სერია ა-ს მეჩვიდმეტე ტურში “იუვენტუსმა” “ბოლონიას” ანგარიშით, 3-0 სძლია. საგულისხმოა, რომ ძირითად შემადგელობაში არ იმყოფებოდა გუნდის ერთ-ერთი ლიდერი, მსოფლიო ფეხბურთის ამომავალი ვარსკვლავი, პაულო დიბალა.

ტურინელთა მთავარმა მწვრთნელმა, მასიმილიანო ალეგრიმ შეხვედრის შემდეგ არგენტინელზე ისაუბრა.

“დიბალა მოედანზე გამოვიდა და, რაც დროც მიეცა, მშვენივრად ითამაშა. გოლი არ გაურანია, თუმცა არის დღეები, როცა ფეხბურთელს იღბალი უმტყუვნებს ხოლმე. შესაბამისად, ის თავის საუკეთესოს ვერ აჩვენებს. მნიშნელოვანი ფეხბურთელები მყავს, რომლებიც კლუბის წარმატებაში დიდ როლს თამაშობენ. რა თქმა უნდა, ყველა მათგანი განაწყენებულია, როცა სათადარიგოთა სკამზე აღმოჩნდება. თუმცა, მთავარი მათი რეაქციაა. რეაქცია კი ადგილისთვის ბრძოლა უნდა იყოს!”

“ფეხბურთი გუნდური სპორტია. შენ უნდა დაივიწყო სიტყვა “მე” და მუდამ გახსოვდეს “ჩვენ”. პაულო რომ ნიჭიერია, ეს ეჭვგარეშეა. თუმცა, მას სჭირდება, რომ კარგ ფიზიკურ და ფსიქოლოგიურ კონდიციებში იყოს,” – აცხადებს ალეგრი.

კოვაჩიჩი: “იკარდის ჩვენი დახმარება შეუძლია, თუმცა ბენზემა მსოფლიოში საუკეთესოა”

Posted on by კახა ყიფიანი

მადრიდის “რეალი” ამ სეზონში ძველებურად შეხვედრებს ვეღარ იგებს. “ბლანკოსი” ბევრ მომენტს ქმნის, თუმცა გადამწყვეტ ფაზაში სათანადოდ ვერ გამოიყურება. სწორედ ამიტომ, ბევრმა საფეხბურთო ექსპერტმა თუ ჟურნალისტმა მადრიდულ გრანდს სხვადასხვა თავდამსხმელი დაუკავშირა. ერთ-ერთი ასეთი მაურო იკარდია, რომელის თანაგუნდელიც მილანის “ინტერში” “რეალის” ამჟამინდელი ნახევარმცველი, მატეო კოვაჩიჩი იყო.

ხორვატმა აღნიშულ თემაზე ისაუბრა.

“იკარდისთან ერთად მითამაშია. ის მშვენიერი თავდამსხმელია, რომელიც ბევრ გოლს იტანს. თუმცა, ჩვენ მსოფლიოს საუკეთესო თავდამსმხელი გვყავს, რომლის სახელიც კარიმ ბენზემაა. მაურო მართლაც სასარგებლოა და ჩვენი დახმარება შეუძლია, თუმცა მის ყიდვაზე ვერაფერს ვიტყვი.”

მატეომ გუნდში საკუთარ როლზეც გაამახვილა ყურადღება.

“ვფიქრობ, შემიძლია, ჩამშლელის პოზიციაზე ვითამაშო. მინდა, მოწინააღმდეგის შეტევების შეჩერებაში მივიღო მონაწილეობა. მე სეზონი კარგად დავიწყე, თუმცა ტრავმამ ხელი შემიშალა. მაგრამ, კიდევ შემიძლია, სარგებლის მოტანა. ნაბიჯ-ნაბიჯ ძალები მემატება – მსურს, ისეთივე მნიშვნელოვანი როლი მქონდეს, როგორც სეზონის დასაწყისში.”

“ვფიქორბ, ჩვენი შემადგენლობა პრობლემა არაა. ევროპაში საუკეთესო კოლექტივი გვყავს. ზოგი კარგი და ზოგიც ცუდი მატჩი ჩავატარეთ. ძალიან ბევრს ვმუშაობთ და ვნახოთ, როგორ დასრულდება სეზონი,” – აცხადებს მატეო.

ვანდა ნარა: “იკარდიმ ბევრ გრანდს უთხრა უარი”

Posted on by კახა ყიფიანი

მილანის “ინტერის” თავდამსხმელის, მაურო იკარდის მეგობარმა გოგონამ და წარმომადგენელმა ტრანსფერებში, ვანდა ნარამ საკუთარი ქმრის მიმართ სხვადასხვა გუნდის ინტერესზე ისაუბრა.

“მაურო ძალიან მნიშვნელოვანი ფეხბურთელია და ბევრი კლუბია, რომლებიც მის მიმართ ინტერესს იჩენენ. მართალია, რომ მისი მსგავსი შემტევები მსოფლიოში ბევრნი არ არიან. თუმცა, მაურო მხოლოდ “ინტერზე” ფიქრობს და იქ ძალიან ბედნიერია. მწვრთნელებმა იციან, რომ მან ისეთ გუნდებს უთხრა უარი, რომლებსაც ბევრი დასთანხმდებოდა.”

“არ ვიცი, გუნდი მოინდომებს, თუ არა, რომ მაუროსთან კონტრაქტი გაახანგრძლივოს. ახლა ეს ხელშეკრულება მხოლოდ 2021 წლამდეა. თუმცა, ჩვენი გადაწყვეტილება მაინც მთავარი იქნება,” – აცხადებს ვანდა ნარა.

დიბალა: “მესი სათადარიგოზე? ამან კონცენტრაცია ცოტათი დაგვაკარგინა”

Posted on by კახა ყიფიანი

ტურინის იუვენტუსის შემტევმა, პაულო დიბალამ კატალონიის “ბარსელონასთან” ნათამაშები ფრის შემდეგ ჟურნალისტებთან ისაუბრა.

“ბოლო წუთამდე ვცდილობდით, გაგვეტანა. შეგვეძლო, სამი ქულა მოგვეპოვებინა. თუმცა, ტერ შტეგენი მოწოდების სიმაღლეზე იყო. ასევე, როცა “ბარსელონას” მსგავს გუნდს ხვდები, შენ თავის კარგად დაცვა გიწევს. ვფიქრობ, ამ ასპექტშიც მშვენივრად გამოვიყურებოდით. მესი სათადარიგოზე? ეს იყო ძალიან ცუდი, რადგან ამ დროს შეგიძლია მოეშვა, დაისვენო, მაშინაც კი, როცა ეს არ გინდა.”

“საბოლოო ჯამში, უკმაყოფილოები ნამდვილად არ ვართ. ჩვენ დიდ გუნდს ვეთამაშეთ,” – აცხადებს დიბალა.

შეგახსენებთ, რომ იტალიელები ბოლო ტურში “სპორტინგს” შეერკინებიან.

ალეგრი: “ჭიქები მაინც ავავსოთ, ჩვენ ხომ “ბარსელონას” წინააღმდეგ თავი კარგად დავიცავით”

Posted on by კახა ყიფიანი

დღეს კატალონიის “ბარსელონა” ტურინის “იუვენტუსს” ესტუმრა და მეტოქესთან უგოლო ფრე გააგორა.

ჩემპიონთა ლიგის ჯგუფური ეტაპის მეხუთე ტურის შემდეგ ჟურნალისტებს იტალიელთა მთავარი მწვრთნელი, მასიმილიანო ალეგრი ესაუბრა.

“ეს ჩვენი პირველი უგოლო ფრე იყო ამ სეზონში. “ბარსელონა” თავს შესანიშნავად იცავდა. მათ აგვისტოს შემდეგ მხოლოდ ოთხი გოლი მიიღეს თავიანთ კარში. პირველ ტაიმში რამდენიმე შანსი შევქმენით, მაგრამ შემდეგ კატალონიელებმა სივრცეები ჩაკეტეს ფლანგებზე და ამის შემდეგ ყველაფერი შეიცვალა.”

“მიზანი ცალსახაა: საბერძნეთში მოგება! ეს ნიშნავს, რომ ჩვენ ჯგუფიდან გავალთ. სხვა მხრივ, იმის იმედზე უნდა ვიყოთ, რომ “სპორტინგი” ბარსელონაში ვერ მოიგებს. მოდი, დავივიწყოთ, დღევანდელი. ჩვენ ხომ “ბარსელონას” დავუპირისპირდით. შეგვიძლია, ჭიქები მაინც ავავსოთ. კმაყოფილი ვარ იმით, რომ მათ წინაშე თავი კარგად დავიცავით,” – აცხადებს ალეგრი.

იტალიის ნაკრები შესაძლოა, მაინც მოხვდეს 2018 წლის მუნდიალზე

Posted on by იაკობ კაპანაძე

პერუში მიმდინარე პოლიტიკურ-სოციალურმა მოვლენებმა შესაძლოა, იტალიის ნაკრების სასარგებლოდ იმოქმედოს და “სკუადრა აძურამ” დიდი ტანჯვის შემდეგ, მაინც შეძლოს მსოფლიოს 2018 წლის ჩემპიონატზე მონაწილეობის მიღება.

პერუელ მაღალჩინოსნებს მკაცრად აქვთ გადაწყვეტილი, რომ პოლიტიკოსებს პერუს ფეხბურთის ფედერაციის საქმიანობაში ჩარევის უფლება მიეცეს, რაც ფიფას რეგულაციებს ეწინააღმდეგება.

სამხრეთ ამერიკული ქვეყნის ერთ-ერთი ყველაზე ავტორიტეტული გამოცემა, Libero ირწმუნება, რომ ამ მოვლენებმა შესაძლოა, პერუს მსოფლიო ჩემპიონატიდან მოკვეთა გამოიწვიოს.

თუ პერუს მუნდიალზე თამაშის უფლებას არ მისცემენ, შესაძლოა, მისი ადგილი იტალიის, ჰონდურასის, საბერძნეთის, ირლანდიის, ან ჩრდილოეთ ირლანდიის ნაკრებმა დაიკავოს.

ჯერჯერობით უცნობია, თუ რა პრინციპით შეირჩევა სამხრეთ ამერიკული ქვეყნის შემცვლელი.

“ბარსელონას” “იუვენტუსთან” შეხვედრაში ექვსი ფეხბურთელი დააკლდება

Posted on by კახა ყიფიანი

ზეგ კატალონიის “ბარსელონა” ტურინში, “იუვენტუსს” დაუპირისპირდება. აღნიშნული შეხვედრა ჩემპიონთა ლიგის ჯგუფური ეტაპის მეხუთე ტურის ეგიდით შედგება.

საგულისხმოა, რომ “ბლაგურნას” იტალიაში ექვსი ფეხბურთელი ვერ წაჰყვება. რაფინიას, უსმან დემბელეს, ხავიერ მასკერანოს, არდა თურანს, სერხი რობერტოსა და ანდრე გომეშს ტრავმები აქვთ. სოწრედ ამიტომ, კატალონიელთა მთავარმა მწვრთნელმა, ერნესტო ვალვერდემ პირველ გუნდში ისეთ ახალგაზრდებს უხმო, როგორებიცაა: ორტალა, კუენკა, ფალი, ვიტინიო, მოისესი, მარკი.

“ბარსელონა” ხვალ გაემგზავრება იტალიაში. გეტყვით, რომ ესპანელებს ფრეც აწყობთ, რათა ჯგუფიდან პირველი ადგილით გავიდნენ: მათ ათი ქულა აქვთ და სამით უსწრებენ მეორეადგილოსან “ბებერ ქალბატონს”, რომელსაც “კამპ ნოუზე” 3:0 სძლიეს. ვალვერდეს ბიჭები მეექვსე ტურის მატჩს სახლში, “სპორტინგთან” გამართავენ.

არგენტინელი დრიუსი იტალიის მოქალაქეობის მიღებაზე ფიქრობს

Posted on by იაკობ კაპანაძე

სანქტ-პეტერბურგის “ზენიტის” ახალგაზრდა თავდამსხმელი, სებასტიან დრიუსი იტალიის მოქალაქეობის მიღებაზე ფიქრობს, რის შემდეგადაც, მას “სკუადრა აძურაში” თამაშის უფლება მიეცემა.

საკმაოდ ავტორიტეტული იტალიური გამოცემის, Tuttosport-ის ცნობით, დრიუსი იტალიის ნაკრების ახალი მწვრთნელის დანიშვნას ელოდება. ამის შემდეგ კი, ეს უკანასკნელი საბოლოოდ გადაწყვეტს, შეიცვალოს თუ არა მოქალაქეობა.

ცნობისთვის გეტყვით, რომ “ზენიტის” თავდამსხმელი არგენტინის ასაკობრივ ნაკრებებში საკმაოდ წარმატებით გამოდიოდა – მას სამხრეთ ამერიკის 17-წლამდელთა და 20-წლამდელთა ჩემპიონატები აქვს მოგებული, თუმცა ძირითად ნაკრებში მისი დებიუტი ჯერაც არ შემდგარა.