ჭდე: კარლო ანჩელოტი

მიუნხენის “ბაიერნის” მთავარი მწვრთნელის როლის დროებითმა შემსრულებელმა, ვილი სანიოლმა, რომელიც აქამდე კარლო ანჩელოტის დამხმარე მწვრთნელის ფუნქციას ასრულებდა, პირველი ვარჯიში ჩაატარა ახალ ამპულაში.

გერმანული ტაბლოიდის, Bild-ის მიერ გავრცელებული ინფორმაციის მიხედვით, ვარჯიშის დაწყებამდე სანიოლმა სამი წუთი გამოყო ფეხბურთელებთან სასაუბროდ. უშუალოდ ვარჯიში კი ერთ საათს გაგრძელდა.

ვარჯიშზე სასიამოვნო ატმოსფერო სუფევდა განსხვავებით წინა შემთხვევებისა – შეგახსენებთ, რომ ანჩელოტის ფეხბურთელებთან არც თუ ისე კარგი ურთიერთობა ჰქონდა. ბავარიული გრანდის პრეზიდენტის, ული ჰიონესის ცნობით, იტალიელ სპეციალისტს 5 ფეხბურთელთან ჰქონდა კონფლიქტი.

მიუნხენის “ბაიერნის” მთავარმა მწვრთნელმა, კარლო ანჩელოტიმ “შალკესთან” მოგებული მატჩის შემდეგ გუნდის ახალწვეულის, ხამეს როდრიგესის მდგომარეობა შეაფასა, რომელმაც ამ მატჩში სადებიუტო გოლის გატანა შეძლო.

“მან ყველაფერი კარგად გააკეთა, მშვენიერი თამაში ჰქონდა. რაც მთავარია, ის გუნდისთვის თამაშობდა, სხვა ფეხბურთელების მხარდამხარ იბრძოდა და კომბინაციებშიც იღებდა მონაწილეობას.

თუმცა, მაინც ვფიქრობ, რომ ხამესი 100 პროცენტით მზად ჯერაც არ არის. ბევრი უნდა ივარჯიშოს, რათა საუკეთესო ფორმაში ჩადგეს. თუმცა ის, რასაც ხამესი დღეს გვთავაზობს, სრულიად მაკმაყოფილებს.

რაც შეეხება ზოგადად თამაშს, პირველიდან ბოლო წუთამდე უმაღლეს დონეზე ვთამაშობდით, გუნდი ორგანიზებულობას ამჟღავნებდა. ვფიქრობ, ყველაფერი კარგადაა,” – აცხადებს იტალიელი სპეციალისტი.

მიუნხენის “ბაიერნის” მთავარმა მწვრთნელმა, კარლო ანჩელოტიმ პრესასთან საუბრისას რენატუ სანჩეშის მომავალიც განიხილა.

“რენატუ სანჩეშთან დაკავშირებით ახალი არაფერია. მან სეზონი ჩვენთან ერთად დაიწყო და სატრანსფერო ფანჯრის დახურვამდე “ბაიერნის” ფეხბურთელი იქნება. ჩვენს ბოლო მატჩში მან ძალიან კარგად ითამაშა,” – აცხადებს იტალიელი სპეციალისტი.

შეგახსენებთ, რომ “რეკორდმაისტერის” პორტუგალიელი შემტევისთვის გასული სეზონი არც ისე სახარბიელო აღმოჩნდა და მას შემდეგ არაერთხელ განაცხადა, რომ კლუბის დატოვება სურდა.