ჭდე: კიევის დინამო

„მანჩესტერ სიტი“ ჩემპიონთა ლიგის 1/4 ფინალშია

Posted on by Alix

„მანჩესტერ სიტისა“ და კიევის „დინამოს“ შორის ჩემპიონთა ლიგის 1/8 ფინალის განმეორებით მატჩი უგოლოდ დასრულდა. აქედან გამომდინარე, ტურნირის შემდგომ ეტაპზე მანჩესტერელები გავიდნენ, რომელთაც კიევში გამართული პირველი შეხვედრა ანგარიშით 3:1 მოიგეს.

„მანჩესტერ სიტი“ – კიევის „დინამო“ 0:0 (3:1)

„სიტი“: ჰარტი, კომპანი (მანგალა 7′), საბალეტა, კლიში, ოტამენდი (დემიჩელისი 24′), ფერნანდო, ხესუს ნავასი, დავიდ სილვა (სტერლინგი 79′), ფერნანდინიო, იაია ტურე, სერხიო აგუერო

„დინამო“: შოვკოვსკი, ანტუნესი, დრაგოვიჩი, ვიდა, ხაჩერიდი, ველოზო, იარმოლენკო, გარმაში (სიროდჩუკი 64′), გუსევი (იაკოვენკო 62′), ბუიალსკი, ტეოდორზიკი (გონსალესი 46′)

გაფრთხილებები: ოტამენდი 18′ – ანტუნესი 21′, გარმაში 57′

ხოჭოლავას დასანანი მარცხი კიევის „დინამოსთან“

Posted on by Alix

უკრაინის ჩემპიონატის მესამე ტურში ოდესის „ჩერნომორეცმა“, რომლის რიგებში სეზონის დაწყების წინ ქართველი მცველი დავით ხოჭლავა ჩაირიცხა, კიევის „დინამო“ მიიღო.

ხსენებულ მატჩში ხოჭოლავამ 90 წუთის განმავლობაში ითამაშა. 39-ე წუთზე დავითმა ყვითელი ბარათი მიიღო.

რაც შეეხება უშუალოდ შეხვედრას, ის „დინამოს“ გამარჯვებით, 2:0 დასრულდა. სათქმელია, რომ ორივე გოლი კიეველმა ფეხბურთელებმა მატჩის ბოლოს გაიტანეს. 89-ე წუთზე ანგარიში ჟუნიორ მორაესმა გახსნა, მსაჯის მიერ დამატებული დროის მესამე წუთზე კი იმავე ჟუნიორის პასით წერტილი იარმოლენკომ დასვა.

სამი ტურის შემდეგ „ჩერნომორეცი“ ერთი ქულით ჩემპიონატის ბოლო ადგილს იკავებს. მომდევნო ტურში ოდესელები ლვოვის „კარპატს“ ეწვევიან. შეგახსენებთ, რომ ამ გუნდის რიგებში ბუბა დაუშვილი გამოდის.

„დინამოს“ ნახევარმცველი „სტოკ სიტიში“ გადასვლასთან ახლოსაა

Posted on by Alix

ინგლისური „სტოკ სიტი“ უკრაინისა და კიევის „დინამოს“ ნახევარმცველით ანდრეი იარმოლენკოთ დაინტერესდა. კიევურ კლუბთან დაახლოებული წყაროს ცნობით, „სტოკ სიტის“ წარმომადგენლები კიევში ჩავიდნენ, სადაც ფეხბურთელის ტრანსფერთან დაკავშირები მოლაპარაკების დაწყებას გეგმავენ.

ინგლისელებმა „დინამოს“ ოფიციალური წინადადებით მიმართეს და განაცხადეს, რომ 25 წლის ფეხბუთელის სანაცვლო 20 მილიონი ევროს გადასახდელად მზად არიან. თავად ფეხბურთელს „სტოკ სიტი“ საინტერესო კონტრაქტს სთავაზობს.

შეგახსენებთ, რომ აქამდე „სტოკ სიტი“ „დნიპროს“ ნახევარმცველით ევგენი კონოპლიანკათი ინტერესდებოდა, რომელმაზც „სევილიაში“ გადასვლა გადაწყვიტა.

„დინამო“ „რომასგან“ ოც მილიონ ევროს ითხოვს

Posted on by Alix

კიევის „დინამოს“ ხელმძღვანელობას „რომასგან“ ნახევარმცველ ანდრეი იარმოლენკოს სანაცვლოდ 20 მილიონი ევროს მიღება სურს.

როგორც „ტუტომერკატოვები“ წერს, რომაელები უკრაინულ კლუბს აღნიშნული თანხის ეტაპობრივად გადახდას სთხოვენ.

აქამდე გაირკვა, რომ „რომას“ სპორტული დირექტორი ვალტერ საბატინი „დინამოს“ ერთი კვირის წინ დაუკავშირდა და კიევური კლუბისგან დადებითი პასუხი მიიღო.

„დინამო“ „ბეშიქთაშის“ ნახევარმცველით კვლავ დაინტერესდა

Posted on by Alix

ავსტრიული პორტალის „Im Netz“-ის ცნობით, კიევის „დინამო“ „ბეშიქთაშის“ ნახევარმცველით ველი კავლაკათი დაინტერესდა, რომელიც 2015 წლის ზაფხული სატრანსფერო ფანჯრის დროს თავისუფალი აგენტი გახდება.

„დინამოს“ გარდა, 26 წლის ფეხბურთელით ასევე „ნაპოლი“, „სუონსი“, „საუთჰემპტონი“, „შალკე“ და „შტუტგარტი“ ინტერესდებიან. კიევური კლუბი კავლაკათი აქამდეც ინტერესდებოდა, თუმცა ყველაფერი მხოლოდ ჭორებით შემოიფარგლა.

აქვე გეტყვით, რომ საიტი ტრანსფერმარკეტი კავლაკას ტრანსფერს 5,5 მილიონ ევროდ აფასებს. მიმდინარე სეზონში ავსტრიელმა ყველა ტურნირზე 15 მატჩი ჩაატარა და ევროპის ლიგის ჯგუფური ეტაპის მატჩში ერთი გოლი გაიტანა.

“ზესტაფონი” დონეცკის “შახტარს” და კიევის “დინამოს” დაუპირისპირდება

Posted on by -

მიმდინარე წლის 24 ივნისს საფეხბურთო კლუბი ”ზესტაფონი”, ახალი სეზონისათვის მზადების მეორე ეტაპის გასავლელად, ავსტრიის რესპუბლიკაში გაემგზავრება. ავსტრიული ალპების კარგად ნაცნობ გარემოში საქართველოს ვიცე-ჩემპიონები ხუთ საკონტროლო შეხვედრას გამართავენ.

თუმცა, დავიწყოთ იმით, რომ მარგველები ტიროლის მხარის ქალაქ ზანქტ-იოჰანიდან ჩრდილოეთით სულ რაღაც 3 კილომეტრში მდებარე დაბა კირხდორფის სასტუმრო ”Das Seiwald ”-ში დაბანაკდებიან. ამ სასტუმროს სტუმართა განკარგულებაშია ულტრათანამედროვე კონფერენც-დარბაზები, აუზები, საუნა და სატრენაჟორო დარბაზი. უნდა ითქვას, რომ 2011 წელს, ჩემპიონთა ლიგის მატჩებისათვის მზადებისას, იმერლები სწორედ ამ სასტუმროში ცხოვრობდნენ…

ალპურ შეკრებაზე პირველ საკონტროლო შეხვედრას საფეხბურთო კლუბი ”ზესტაფონი” კიევის საფეხბურთო კლუბ “დინამოს” წინააღმდეგ გამართავს. საბჭოთა კავშირისა და უკრაინის 13-13-გზის ჩემპიონ, სსრკ-ს თასის 9-გზის და უკრაინის თასის 10-გზის მფლობელ, უეფას თასების მფლობელთა თასის 2-გზის და უეფას სუპერთასის მფლობელ კიეველებთან იმერელთა დაპირისპირება 26 ივნისს გაიმართება.

თავის მეორე სპარინგ-მატჩს მარგველები 30 ივნისს ჩაატარებენ. ჩვენი მეტოქე ამჯერადაც უკრაინული ფეხბურთის წარმომადგენელი – უკრაინის 9-გზის ჩემპიონი და ამდენივეჯერ თასის მფლობელი, უეფას ევროპალიგის 2009 წლის გამარჯვებული, დონეცკის საფეხბურთო კლუბი “შახტარი” იქნება. ქართველთათვის რიგით მესამე საკონტროლო შეხვედრა 3 ივლისს გაიმართება, ამ შეხვედრაში ქართველთა მეტოქის ვინაობა ჯერაც ზუსტდება და ის უახლოეს დღეებში გახდება ცნობილი.

ავსტრიაში გასამართ მეოთხე შეხვედრას იმერლები რუმინული “ბოტოშანის” წინააღმდეგ გამართავენ. მატჩი რუმინეთის ჩემპიონატის მერვე გუნდთან 6 ივლისსაა დანიშნული. წლევანდელი ალპური “ვოიაჟის” დასკვნითი, რიგით მეხუთე სპარინგი კი 9 ივლისს გაიმართება. სამშობლოში დაბრუნებამდე ზესტაფონელები საბერძნეთის ჩემპიონატის წარმომადგენელ დაპირისპირებაში “ასტერას ტრიპოლისთან ” მოსინჯავენ ძალებს.

საფეხბურთო კლუბ ”ზესტაფონის” პრეს-სამსახური

კიევის „დინამომ“ ოლეგ ბლოხინი გაათავისუფლა

Posted on by ბექა დოგრაშვილი

უკრაინის ჩემპიონატის მე-19 ტურში დონეცკის „შახტართან“ ანგარიშით 0:2 დამარცხების შემდეგ, ოლეგ ბლოხინი კიევის „დინამოს“ მთავარი მწვრთნელის პოსტიდან გაათავისუფლეს.

კლუბის ოფიციალურ ვებ-გვერდზე გამოქვეყნებულ განცხადებაში ნათქვამია, რომ „დინამოს“ პრეზიდენტმა იგორ სურკისმა გუნდის მიერ ნაჩვენები დაუკმაყოფილებელი შედეგების გამო მთავარი მწვრთნელის პოსტიდან ოლეგ ბლოხინის გათავისუფლების გადაწყვეტილება მიიღო.

ცნობისთვის, კიევის „დინამოს“ უკრაინის ჩემპიონატის სატურნირო ცხრილში მესამე ადგილი აქვს დაკავებული და ლიდერ „შახტარს“ 7 ქულით ჩამორჩება.

ბექა დოგრაშვილი

კიევის „დინამოს“ ფანებმა კანკავას ბანერი მიუძღვნეს

Posted on by Alix

დღეს, კიევის „დინამოსა“ და ხარკოვის „მეტალისტს“ შორის უკრაინის ჩემპიონატის მატჩში, „დინამოელთა“ ფანებმა საქართველოს ნაკრებისა და დნეპროპეტროვსკის „დნიპროს“ ნახევარმცველს ჯაბა კანკავას ბანერი მიუძღვნეს.

შეგახსენებთ, რომ გასულ კვირას, კიეველებთან მატჩში, კანკავა „დინამოს“ ნახევარმცველ ოლეგ გუსევს დაეხმარა, რომელმაც გონება დაკარგა.

10177441_679964485375885_7064379403167255121_n

ალექსანდრე მატევოსოვი

კიევის „დინამომ“ ჯაბა კანკავას მადლობა გადაუხადა

Posted on by ბექა დოგრაშვილი

კიევის „დინამომ“ საქართველოს ნაკრების კაპიტნისა და „დნიპროს“ ნახევარმცველის, ჯაბა კანკავას მისამართით სამადლობელო ღია წერილი გამოაქვეყნა.

შეგახსენებთ, რომ უკრაინის ჩემპიონატის 23-ე ტურში „დნიპროსა“ და „დინამოს“ შორის გამართული მატჩის მიმდინარეობისას  მასპინძელთა მეკარე დენის ბოიკო გამოსვლაზე მუხლით შეეჯახა კიეველთა ნახევარმცველ ოლეგ გუსევს, რომელიც უგონოდ დაეცა. უკრაინელ ფეხბურთელს კრიტიკულ სიტუაციაში პირველადი სამედიცინო დახმარება სწორედ კანკავამ აღმოუჩინა და სიკვდილსაც გადაარჩინა. (ფაქტის ამსახველი ვიდეომასალა)

„ძვირფასო ჯაბა! გულწრფელ მადლობას გიხდით ამ ქმედებისთვის!

ყველაზე საჭირო და საპასუხისმგებლო მომენტში თითოეული ადამიანი თავისუფალია საკუთარ მოქმედებაში.

შენ ჩვენს მეგობარს მშველელად იმ წამებში მოევლინე, როცა მას ეს სასიცოცხლოდ სჭირდებოდა! მადლობას გიხდით!

ვიცით, რომ კეთილი გული გაქვს და ჩვენი მადლიერება არ დაგამძიმებს. ჯანმრთელობასა და ბედნიერებას გისურვებთ, ჩვენო ძვირფასო „გენაცვალე!“, – ნათქვამია მიმართვაში.

კანკავა: “მე გმირი არ ვარ”

Posted on by -

30 მარტს, უკრაინის ჩემპიონატში, “დნიპროსა” და კიევის “დინამოს” შორის გამართულ შეხვედრაში უსიამოვნო რამ მოხდა. მეკარესთან შეჯახების შემდეგ, კიეველთა ფეხბურთელმა ოლეგ გუსევმა გონება დაკარგა და როგორც შემდეგ გაირკვა, მას სიცოცხლე ქართველმა ნახევარმცველმა ჯაბა კანკავამ შეუნარჩუნა.

მატჩის დასრულების შემდეგ ეს ამბავი მთელ მსოფლიოს მოედო და ჯაბა კანკავას ბევრმა “გმირიც” კი უწოდა, მაგრამ როგორც თავად მოთამაშე ამბობს, ის ისე მოიქცა, როგორც საჭირო იყო.

საქართველოს ნაკრების კაპიტანმა ინტერვიუ მისცა XSPORT-ს, რომელსაც ჩვენ აქვე გთავაზობთ.

– მინდა, იმით დავიწყო, რომ თავს გმირად სულაც არ მივიჩნევ. მე ის გავაკეთე, რაც იმ სიტუაციაში საჭირო იყო. ვფიქრობ, ჩემს ადგილას სხვა, ნებისმიერი ფეხბურთელი ასე მოიქცეოდა. უბრალოდ, გუსევთან ყველაზე ახლოს მე ვიყავი.

– დინამიური ეპიზოდი იყო. უცებ მიხვდით თუ არა, რომ გუსევის თავს რაღაც ცუდი ხდებოდა?
– ყველაფერი კარგად დავინახე, ოლეგმა თვალები დახუჭა. მე კი მასთან ძალიან სწრაფად მივედი.

– ეპიზოდის დასრულების შემდეგ, გამოჩნდა, რომ თქვენ ტკივილს გრძნობდით. როგორ მდგომარეობაშია თქვენი ხელი და თითები?
– ჩემი ხელი და თითები კარგად არიან. ოლეგმა ცოტათი მიკბინა… თუმცა, მთავარი ისაა, რომ გუსევიც და ჩვენც კარგად ვართ.

დიტო ჭიჭინაძე

პავლიჩენკოები გაათავისუფლეს

Posted on by Levan

დღეს, უკრაინის პარლამენტმა მამა-შვილი პავლიჩენკოების გათავისუფლების გადაწყვეტილება მიიღო.

შეგახსენებთ, რომ პავლიჩენკოებს მკვლელობა ედებოდათ ბრალად, რომელიც როგორც შემდეგ გაირკვა მათ არ ჩუადენიათ. დიმიტრი და სერგეი პავლიჩენკოები კიევის “დინამოს” ფანები არიან. მათი დაპატიმრების შემდეგ კი, უკრაინის დედაქალაქში კიევური გრანდის ულტარსების ორგანიზებით მასობრივი აქციები იმართებოდა.

აღსანიშნავია, რომ “დინამოს” ფანებს სოლიდარობა მსოფლიოს მასშტაბით უამრავი გუნდის გულშემატკივრებმა გამოუცხადეს. გამონაკლისი არც საქართველო ყოფილა.

თბილისის “დინამო” ნახევარფინალში კიევის “დინამოსთან” ითამაშებს

Posted on by -

დინამო თბილისის საფეხბურთო აკადემიის U-13 გუნდი, რომლის მთავარი მწვრთნელიც ოთარ გაგნიძე გახლავთ, რუსეთის ქალაქ სანქტ–პეტერბურგში დემენტიევის 100 წლის იუბილისადმი მიძღვნილ საერთაშორისო ტურნირზე (დინამიადაზე) ასპარეზობს.

მოზარდმა დინამოელებმა ჯგუფური ეტაპის ბოლო მატჩი მოსკოვის დინამოსთან გამართეს და მინიმალური ანგარიშით – 2:3 დამარცხდნენ. თბილისელ ფეხბურთელებს ანგარიში 2:0 მიჰყავდათ, თუმცა ოთარ გაგნიძის გუნდის კარის მიმართულებით მსაჯმა ორჯერ თერტმეტრიანი საჯარიმო დარტყმა დანიშა და თბილისელებიც ერთი ბურთის სხვაობით დამარცხდნენ. მეტოქის კარში ორივე გოლი ნინუამ გაიტანა.

დინამო U-13: ბულისკერია, ნინუა, ბასარია, ჯიჭონაია, დარცმელია, გაბელაია, ჩაკვეტაძე, დავითაშვილი, ბაბუნაძე, ხარშილაძე, ჩიქოვანი

შეცვლაზე შევიდნენ: გულდედავა, მამარდაშვილი, ბერიაშვილი, ჩაჩუა

ხვალ, ჩვენი ფეხბურთელები ნახევარფინალურ შეხვედრას კიევის დინამოსთან გამართავენ. მეორე ნახევარფინალში ერთმანეთს პეტერბურგისა და მოსკოვის დინამო დაუპირისპირდებიან.

FCDinamo.GE