ჭდე: კლაუდიო მარკიზიო

კლაუდიო მარკიზიომ, რომელიც “ბიანკონერიმ” აღზარდა, პრესასთან საუბრისას აღნიშნა, რომ არასოდეს დათანხმდებოდა კარიერის სხვა იტალიურ კლუბში გაგრძელების ვარიანტს.

“ერთადერთი რამ, რისი თქმაც ჩემს მომავალთან დაკავშირებით შემიძლია, არის ის, რომ თავს ბედნიერად ვგრძნობ. “იუვესთან” კონტრაქტი მაკავშირებს, თუმცა ფეხბურთში რთულია რამეზე პროგნოზი გააკეთო.

ადრეც მითქვამს და ახლაც გავიმეორებ, რომ არავითარ შემთხვევაში ვაპირებ კარიერა სხვა იტალიურ კლუბში გავაგრძელო. ამჟამად ჩემს თანაგუნდელებთან ყოფნით ბედნიერი ვარ.

მართალია, სერიოზული ტრავმა მქონდა, თუმცა მოტივაციის ნაკლებობას ნამდვილად არ განვიცდი,” – აცხადებს 32 წლის კლაუდიო მარკიზიო.

ტურინის „იუვენტუსის“ ნახევარმცველმა კლაუდიო მარკიზიომ „კიევოსთან“ იტალიის სერია ა-ს გუშინდელ მატჩში კუნთების ტკივილი იგრძნო.

წინასწარი ინფორმაციით, იტალიელი ნახევარმცველი თამაშს, დაახლოებით, ერთი თვის განმავლობაში ვერ შეძლებს. მისი გამოჯანმრთელების დაახლოებითი პერიოდი სამედიცინო შემოწმების შემდეგ გაირკვევა.

უკვე ცნობილია, რომ მარკიზიო „მანჩესტერ სიტისთან“ ჩემპიონთა ლიგის ჯგუფური ეტაპის პირველი ტურის შეხვედრას გამოტოვებს, რომელიც 15 სექტემბერს შედგება. გარდა ამისა, კლაუდიო თავის გუნდს ვერც „ჯენოასთან“ იტალიის ჩემპიონატის მეოთხე ტურში დახმარება.

შეგახსენებთ, რომ კუნთების პრობლემების გამო მარკიზიომ აქამდე უკვე სამი კვირა გამოტოვა და მიმდინარე სეზონში მხოლოდ 45 წუთი ითამაშა.