კოლუმბიის ნაკრების ნახევარმცველ ხამეს როდრიგესს ბრაზილიაში წელს გამართული მსოფლიოს ჩემპიონატის “ოქროს ბუცი” გადასცეს.
როგორც მოგეხსენებათ, როდრიგესი 6 გატანილი გოლით მუნდიალის საუკეთესო ბომბარდირი გახდა.
“6 გატანილი ბურთი მსოფლიოს ჩემპიონატზე. ოცნება ამიხდა. ყველას მადლობას გიხდით მხარდაჭერისთვის”, – დაწერა სოციალურ ქსელში ფეხბურთელმა.
არგენტინელმა ხოსე პეკერმანმა კოლუმბიის ნაკრების მთავარი მწვრთნელის პოსტი დატოვა.
„RCN La Radio“-ს ინფორმაციით, 64 წლის სპეციალისტი ერთწლიანი პაუზის აღებას გეგმავს და სამშობლოში დაბრუნდება.
შეგახსენებთ, რომ პეკერმანი კოლუმბიის ნაკრებს 2012 წლიდან თავკაცობდა. მისი ხელმძღვანელობით გუნდი მსოფლიო ჩემპიონატის მეოთხედფინალამდე მივიდა, სადაც ბრაზილიასთან დამარცხდა.
ჯამში არგენტინელის თავკაცობით კოლუმბიელებმა 28 მატჩი ჩაატარეს, აქედან 18 შეხვედრა მოიგეს, 6 ფრედ დაასრულეს, ხოლო 4 წააგეს.
მადრიდის „რეალის“ კოლუმბიელი ახალწვეული ხამეს როდრიგესი თვლის, რომ ამიერიდან მთელი კოლუმბია „სამეფო კლუბს“ დაუჭერს მხარს. ფეხბურთელის თქმით, კოლუმბიელები ყოველთვის იმ გუნდს ქომაგობდნენ, რომელშიც თავად როდრიგესი თამაშობდა.
„ამიერიდან 45 მილიონი კოლუმბიელი „რეალს“ უქომაგებს. ისინი მადრიდულ კლუბს წარმატებას უსურვებენ. კოლუმბია ყოველთვის მხარს მიჭერდა, მუდამ ვგრძნობდი განსაკუთრებულ გულშემატკივრობას მათი მხრიდან.
მიყვარს გამოწვევები და გამარჯვებები. შესანიშნავ ადგილას ვარ იმისთვის, რომ ტიტულებს დავეუფლო“, – განაცხადა ხამეს როდრიგესმა ერთ-ერთ კოლუმბიური ტელევიზიის ეთერში.
როგორც ჩანს, კოლუმბიელ ხამეს როდრიგესს ცეკვა ძალიან უყვარს, რაზეც ინტერნეტ-სივრცეში გავრცელებული მასალებიც მეტყველებს.
Sport.es-ს თუ დავუჯერებთ, „ბარსელონას“ ხელმძღვანელობა კოლუმბიის ნაკრებისა და „მონაკოს“ თავდამსხმელის ხამეს როდრიგესის შეძენას ცდილობს.
წყაროს ინფორმაციით, „ბლაუგრანასის“ პრეზიდენტი ხოსეპ ბარტომეუ ფრანგულ კლუბს წინადადებითაც კი მიმართა და კომპენსაციის სახით 90 მილიონი ევრო შესთავაზა. შესაძლოა, მხარეები მოთამაშის შემდეგ ზაფხულს ტრანსფერზეც კი შეთანხმდნენ.
ცნობისთვის, როდრიგესთან კონტრაქტის გაფორმება მადრიდის „რეალსაც“ სურს, რომელიც ხამესის გადაბირებას უკვე მიმდინარე ზაფხულს შეეცდება. აღსანიშნავია, რომ მადრიდულ კლუბში თამაშის სურვილი თავად ფეხბურთელსაც აქვს, რის შესახებაც მან ერთ-ერთ ბოლო ინტერვიუში ისაუბრა.
საფრანგეთის ჩემპიონატის განვლილი სეზონის გათამაშებაში ხამესმა „მონაკოს“ რიგებში 34 ჯატჩი ჩაატარა, რომელშიც 9 გოლის გატანისა და 14 საგოლე გადაცემის გაკეთება მოახერხა.
ინტერნეტ-სივრცეში გავრცელდა ვიდეო, რომელშიც აღბეჭდილია, თუ როგორი რეაქცია ჰქონდა ხამეს როდრიგესს, როცა გაიგო, რომ ის “ოქროს ბუცის” მფლობელი გახდა.
2014 წლის მსოფლიოს ჩემპიონატზე თავისი ჯილდო კოლუმბიის ნაკრებმაც მიიღო.
ხოსე პეკერმანის გუნდმა ფიფასგან „ფეარ პლეის“ პრიზი დაიმსახურა.
ეს ჯილდო იმ ნაკრებს გადაეცემა, რომელიც მსოფლიოს ჩემპიონატზე ყველაზე ნაკლებ ყვითელ და წითელ ბარათს მიიღებს.
ბრაზილიაში გამართულ მუნდიალზე კოლუმბიელმა ფეხბურთელებმა მხოლოდ ხუთი ყვითელი ბარათი მიიღეს.
„მონაკოსა“ და კოლუმბიის ნაკრების თავდამსხმელმა ხამეს როდრიგესმა აღიარა, რომ მადრიდის „რეალში“ გადასვლაზე ოცნებობს.
„რეალში“ დახუჭული თვალებითაც გადავალ. სხვა კლუბებს პატივს ვცემ, თუმცა „რეალი“ „რეალია“. ამ კლუბში თამაში ჩემი ცხოვრების ოცნებაა. ეს გუნდი ზიდანისა და რონალდოს პერიოდიდან მიყვარს. ახლა კი, რონალდუს, ბეილისა და ბენზემას გვერდით თამაში ჩინებული იქნებოდა“, – ციტირებს კოლუმბიელს გამოცემა „მარკა“.
ცნობისთვის, გავრცელებული ინფორმაციით, როდრიგესის სანაცვლოდ „მონაკო“ 75 მილიონი ევროს მიღება სურს, „ბლანკოსი“ კი, ანხელ დი მარიას გაშვებისთვისაა მზად.
ბრაზილიის ეროვნული ნაკრების ფეხბურთელი დავიდ ლუისი აცხადებს, რომ კოლუმბიელი ხამეს როდრიგესი უკვე მსოფლიოს ჩემპიონია.
შეგახსნებთ, რომ 4 ივლისს, მუნდიალის მეოთხედფინალში, ბრაზილიისა და კოლუმბიის ნაკრებებს შორის გამართული შეხვედრა ბრაზილიელთა გამარჯვებით 2:1 დასრულდა.
მატჩის დასრულების შემდეგ კოლუმბიელთა მეათე ნომერმა ხამეს როდრიგესმა ცრემლები ვერ შეიკავა, მას კი ბრაზილიელი ფეხბურთელები ამშვიდებდნენ.
“ხამესმა მუნდიალზე ბრწყინვალედ ითამაშა, ლამაზი გოლები გაიტანა და თავის გუნდის მეოთხედფინალში გასვლაში დიდი როლი ითამაშა. ჩემი აზრით, ის უკვე მსოფლიოს ჩემპიონია”, – ამბობს დავიდ ლუისი.
ბრაზილიის ერთ-ერთ რესტორანში კოლუმბიის და ბრაზილიის ნაკრების გულშემატკივრებმა იჩხუბეს. ინციდენტი 1/4-ფინალურ მატჩამდე ერთი დღით ადრე მოხდა.
ლუის ფელის სკოლარის შეგირდები საშინაო მუნდიალის 1/2 ფინალში გავიდნენ.
ორივე გუნდის მწვრთნელებმა შემადგენლობაში გარკვეულ ცვლილებებს მიმართესე. კოლუმბიელთა არგენტინელი თავკაცი 4-2-3-1-ს დაუბრუნდა. სასტარტოში კვლავ გამოჩნდა იბარბო, რომელიც ფლანგზე თამაშობდა. აგილარმა კი ადგილი გუარინს დაუთმო.
როგორც მოსალოდნელი იყო, ლუის ფელიპე სკოლარიმ დისკვალიფიცირებული ლუის გუსტავო ფერნანდინიოთი შეცვალა. დანი ალვეშის ნაცვლად მარჯვენა ფლანგზე მაიკონი გამოჩნდა.
მასპინძლებმა საკმაოდ აგრესიულად დაიწყეს. მე-4 წუთზე ფრედის აქტიურობას საკმაოდ სახიფათო საჯარიმო მოჰყვა, რომელიც ნეიმარმა შეასრულა, მაგრამ კოლუმბიელთა კარს მცირე მანძილით ააცილა. მალევე ბრაზილიელებმა კუთხურის მოწოდების უფლება მოიპოვეს და ანგარიშიც გახსნეს. მეტოქის საჯარიმოში ჩასულმა ტიაგუ სილვამ ბრაზილია დააწინაურა – 1:0. კოლუმბიელებს კუადრადოს დარტყმით გათანაბრება შეეძლოთ, თუმცა კოლუმბიელს არ გაუმართლა.
პირველი ტაიმი საკმაოდ კარგი სანახავი გამოდგა. ძირითადად უპირატესობა მასპინძლებს ქონდათ, მაგრამ რამდენიმე კარგი შანსი კოლუმბიელებსაც მიეცათ.
მეორე ნახევარში პეკერმანი ორ ფორვარდზე გადავიდა და მოედანზე რამოსი შეუშვა, თუმცა შედეგი ამას არ მოუტანია. ჟულიო სეზარის კართან მომენტები არ იქმნებოდა. კოლუმბიელი ფანები მხოლოდ ერთხელ გამოცოცხლდნენ, თუმცა იეპესის გატანილი გოლი მსაჯმა მანამდე დაფიქსირებული თამაშგარე მდგომარეობის გამო არ ჩათვალაა. მალევე ბრაზილიამ მეორედ გაიტანა. დავიდ ლუისმა შორი დისტანციიდან საჯარიმო ძლიერად შეასრულა და ბრაზილიელთა უპირატესობა ორბურთიანი გახადა.
პეკერმანმა მოედანზე ბაკა შეიყვანა. სწორედ მის აქტიურობას მოჰყვა სახიფათო მომენტი და პენალტი ბრაზილიელთა კარში, რომელიც გოლად ხამეს როდრიგესმა აქცია. კოლუმბიელებმა შეხვედრაში ინტრიგა დააბრუნეს, თუმცა მეტის გაკეთება ვეღარ შესძლეს.
გოლები: ტიაგუ სილვა 7′ (1:0); დავიდ ლუისი 69′ (2:0); ხამეს როდრიგესი 81′ (2:1);
4 ივლისს, ბრაზილიისა და კოლუმბიის ნაკრებებს შორის გამართული მატჩის შემდეგ, კამერებმა საკმაოდ ემოციური კადრები დააფიქსირეს.
