ჭდე: კრიშტიანუ რონალდუ

რონალდუ 2015 წლის მაისის შემდეგ პირველად შეცვალეს

Posted on by Alix

„რომასთან“ ჩემპიონთა ლიგის 1/8 ფინალის გუშინდელ მატჩში, რომელიცი „სტადიო ოლიმპიკოზე“ მადრიდის „რეალმა“ ანგარიშით 2:0 მოიგო, ზინედინ ზიდანმა 89-ე წუთზე კრიშტიანუ რონალდუს ნაცვლად მოედანზე კაზემირო გამოიყვანა.

სათქმელია, რომ 2015 წლის მაისის შემდეგ ეს პირველი შემთხვევაა, როდესაც პორტუგალიელმა მატჩი ბოლომდე არ დაასრულა. ბოლოს რონალდუ „ხეტაფესთან“ პრიმერა დივიზონის შეხვედრაში შეცვალეს, რომელიც „რელმა“ 7:3 მოიგო, კრიშტიანუმ კი 3 გოლი გაიტანა. მაშინ კარლო ანჩელოტიმ თამაშის საშუალება მარტინ ედეგორს მისცა.

რონალდუს კარიერაში მესამედ პრიმერას საუკეთესო ბობმარდირის პრიზი გადასცეს (ფოტო)

Posted on by Alix

მადრიდის „რეალის“ ლიდერმა კრიშტიანუ რონალდუმ ესპანეთის პრიმერა დივიზიონის 2014/15 წლის საუკეთესო ბომბარდირის პრიზი მიიღო. ცნობისთვის, ესპანეთის პირველობის გასული სეზონის 35 მატჩში პორტუგალიელმა 48 გოლი მიითვალა.

„ამ თასს ჩემს კლუბს, მწვრთნელს, პერსონალსა და თანაგუნდელებს ვუძღვნი. ჩემთვის აქ ყოფნა და კლუბის ისტორიაში წვლილის შეტანა დიდი პატივია“, – განაცხადა რონალდუმ.

აქამდე რონალდუს ეს პრიზი ასევე 2010/11 და 2013/14 წლების სეზონში მიუღია.

20160802192815

კოენტრაუ: „რონალდუ ყველა დროის საუკეთესო ფეხბურთელია“

Posted on by Alix

„რეალის“ მცველის ფაბიუ კოენტრაუს აზრით, რომელიც ამჟამად იჯარით „მონაკოში“ თამაშობს, მისი თანამემამულე კრიშტიანუ რონალდუ ყველა დროის საუკეთესო ფეხბურთელია.

„ეს ყველა დროის საუკეთესო ფეხბურთელია. ამის თქმას გავაგრძელებ. მსგავს რაღაცას იმიტომ არ ვამბობ, რომ ის ჩემი მეგობარია. მინახავს, თუ რამდენს მუშაობს ის. კრიშტიანუ რონალდუს აღსაღწერად სიტყვები არ მყოფნის. რა თქმა უნდა, ეს ფეხბურთელი ჩემზე დიდ შთაბეჭდილებას ახდენს“, – ციტირებს კოენტრაუს „მონაკოს“ ოფიციალური ვებგვერდი.

“რეალს” ბეილზე მეტად რონალდუს ტრანსფერი უფრო ძვირი დაუჯდა

Posted on by ბექა დოგრაშვილი

როგორც აღმოჩნდა, “მანჩესტერ იუნაიტედიდან” მადრიდის “რეალში” კრისტიანუ რონალდუს ტრანსფერი ყველაზე ძვირადღირებულად რჩება.

ინტერნეტსივრცეში გავრცელდა “სამეფო კლუბში” გარეტ ბეილის ტრანსფერის ფინანსური დეტალები.

ხელშეკრულების თანახმად, მადრიდელებმა უელსელი ფეხბურთელის სატრანსფერო ღირებულება რამდენიმე ნაწილად გაყვეს. ესპანელები “ტოტენჰემ ჰოთსპურს” ამ თანხის ბოლო ნაწილს დამდეგ ზაფხულს ჩაურიცხავენ. საერთო ჯამში კი, “რეალს” ბეილის გადმობირება 99 743 542 ევრო დაუჯდა.

რაც შეეხება კრიშტიანუ რონალდუს ტრანსფერს, ოფიციალური მონაცემების თანახმად, “რეალმა” პორტუგალიელი ფეხბურთელის სანაცვლოდ 97 მილიონი ევრო გაიღო, თუმცა ეს თანხა სამ ნაწილად გაიყო.

“მარკას” ცნობით, კრიშტიანუ რონალდუს ტრანსფერის განხორციელებისთვის “რეალმა” თავის დროზე სესხი აიღო. შესაბამისად, გადასახდელი პროცენტების გათვალისწინებით, “სამეფო კლუბს” პორტუგალიელი ფეხბურთელის ტრანსფერი 104,7 მილიონი ევრო დაუჯდა.

 

მესისა და რონალდუს კარიერის განმავლობაში ჯამში 1000-მდე გოლი აქვთ გატანილი

Posted on by ბექა დოგრაშვილი

“ბარსელონას” თავდამსხმელ ლიონელ მესისა და მადრიდის “რეალის” ლიდერ კრიშტიანუ რონალდუს ერთად კარიერის განმავლობაში დაახლოებით 1000 გოლი აქვთ გატანილი.

თუ უფრო დავაკონკრეტებთ, მესიმ დღემდე 608 შეხვედრა ჩაატარა და 479 გოლი გაიტანა. რონალდუს კი კარიერის მანძილზე ჩატარებულ 771 მატჩში 516 გატანილი ბურთი აქვს.

შეგახსენებთ, რომ კრიშტიანუ რონალდუმ კარიერა ლისაბონის “სპორტინგში 2002/03 წლების სეზონში დაიწყო. რაც შეეხება მესის, მას “ბარსელონაში” დებიუტი ორი წლის შემდეგ ჰქონდა.

მიმდინარე სეზონში პორტუგალიელმა 25 გოლი გაიტანა, არგენტინელმა კი – ოთხით ნაკლები.

 

პოგბა: „მესით და რონალდუთი „Playstation“-შო ვთამაშობდი“

Posted on by Alix

„იუვენტუსის“ ნახევარმცველმა პოლ პოგბამ ჟურნალისტებს ფიფა-ს წლის სიმბოლურ ნაკრებში შეყვანის შემდეგ თავისი შთაბეჭდილებები გაუზიარა.

„შესაძლოა, ერთ მშვენიერ დღეს „ოქროს ბურთს“ სამ მთავარ კანდიდატს შორის აღვმოჩნდე, მაგრამ ჩემ გარდა კიდევ ბევრი სხვა ფეხბურთელიცაა. ადრეა მესისა და რონალდუს თამაშს ტელევიზორში ვუყურებდი და ამ ფეხბურთელებით „Playstation“-ში ვთამაშობდი, ახლა კი მათ გვერდით ვარ.

„ბარსელონაში“ ტრანსფერი? ამის შესახებ არასდროს მითქვამს. ახლა „იუვენტუსში“ ვთამაშობ“, – განაცხადა პოგბამ.

დღეს “ოქროს ბურთის” დაჯილდოების ცერემონია შედგება

Posted on by ბექა დოგრაშვილი

დღეს შვეიცარიის ქალაქ ციურიხში “ოქროს ბურთის” 2015 წლის დაჯილდოების საზეიმო ცერემონია გაიმართება.

გამოკითხვაში ეროვნული ნაკრებების მთავარი მწვრთნელები, კაპიტნები და მედიის წარმომადგენლები მონაწილეობდნენ.

“ოქროს ბურთისთვის” “ბარსელონას” თავდამსხმელები ლიონელ მესი და ნეიმარი და მადრიდის “რეალის” ფორვარდი კრიშტიანუ რონალდუ იბრძვიან. შეგახსენებთ, რომ მესის ეს ჯილდო ოთხჯერ აქვს მოგებული, რონალდუს კი – სამჯერ.

გარდა ამისა, გამოვლინდება წლის საუკეთესო მწვრთნელის ვინაობა, წლის სიმბოლური გუნდი, 2015 წლის საუკეთესო გოლი და წლის საუკეთესო ქალი ფეხბურთელი.

სპორტულ პორტალ Goal.com-ისთვის ცნობილი გახდა, რომ წლის სიმბოლურ გუნდში პოლ პოგბა იქნება.

“ოქროს ბურთის” დაჯილდოების ცერემონია თბილისის დროით 21:30 საათზე დაიწყება და მას პირდაპირ ეთერში საზოგადოებრივი მაუწყებლის პირველი არხი შემოგთავაზებთ.

 

„რონალდუს არ მოსწონს, რომ ბეილი მასზე ძვირი ღირს“

Posted on by Alix

გამოცემა „Sunday Times“-ის ჟურნალისტმა ჯონათან ნორტკროფტმა თავისი კარიერის საინტერესო შემთხვევა გაიხსენა.

„რეალი“ თავის რეპუტაციაზე ძალიან ბევრს ფიქრობს. ერთხელ, როდესაც გარეთ ბეილის ინტერვიუზე ვმუშაობდი, მთხოვეს, რომ სტატიაში მისი სატრანსფერო ფასი არ მეხსენებინა.

მიზეზი კი იმაში იმალება, რომ უელსელის სატრანსფერო ფასი მსოფლიოში რეკორდულია, ხოლო რონალდუს არ მოსწონს, რომ მასზე უფრო ძვირადღირებული ფეხბურთელებიც არსებობს“, – ციტირებს ჟურნალისტს BBC.

რას გეგმავს კარიერის დასრულების შემდეგ კრიშტიანუ რონალდუ?

Posted on by Alix

მადრიდის „რეალის“ ლიდერმა კრიშტიანუ რონალდუმ სამომავლო გეგმებზე ისაუბრა.

„ფეხბურთის შემდეგ სხვა ცხოვრებაა. ვფიქრობ, თავიდან თამაშის გარეშე გამიჭირდება, მაგრამ თუ მკითხავთ, მსურს თუ არა მწვრთნელობა, უარყოფით პასუხს გაგცემთ. არც მწვრთნელობაზე და არც პრეზიდენტობაზე არ ვფიქრობ.

თქვენ ფიქრობთ, რომ საუკეთესო სამსახური, ბევრი ფული, მანქანები, სახლები და ა.შ. გამაჩნია, მაგრამ ეს ყველაფერი არ არის. მაგალითს მოვიყვან: შაბათს ლას-ვეგასში კრივი იყო. იქ ოჯახის წევრებისა და მეგობრების წაყვანაც მსურდა, მაგრამ ეს დროის უკმარისობის გამო ვერ გამოვიდა. კარიერის დასრულების შემდეგ როგორც მეფე მინდა ვიცხოვრო.

ზეწოლასთან გამკლავება შემიძლია, რადგან ბავშვობაში მძიმე მცხოვრება მქონდა. სახლი 11 წლის დავტოვე და ინგლისში საცხოვრებლად გადავედი. ეს ყველაფერი რთული იყო. მოზარდი ვიყავი, მაგრამ ზრდასრული ადამიანის ცხოვრება მქონდა. სწორედ მაშინ ფსიქოლოგიურად გავძლიერდი. ყველას შეუძლია ის იფიქროს, რაც უნდა, მაგრამ ყოველდღე დასაძინებლად სუფთა ნამუსით ვწვები. არ შეიძლება, ხალხის აზრი გვადარდებდეს“, – ციტირებს პორტუგალიელს Goal.com-ი.

„მარკამ“ მესი წლის საუკეთესო მოთამაშედ დაასახელა, რონალდუ – მეექვსეა

Posted on by Alix

ავტორიტეტული ესპანური გამოცემის „მარკას“ მკითხველთა უმეტესობამ 2015 წლის საუკეთესო ფეხბურთელად „ბარსელონას“ ლიდერი ლიონელ მესი დაასახელა.

წლის საუკეთესო ფეხბურთელის ასარჩევად გაზეთმა მკითხველებს 50 მოთამაშის კანდიდატურა შესთავაზა. მესიმ გამოკითხულთა ხმათა 8% დააგროვა. სამეულში მისი თანაგუნდელები ლუის სუარესი და ნეიმარი შევიდნენ, ორივე მათგანმა 7% მიიღო. 5-5% ანდრეს ინიესტასა და რობერტ ლევანდოვსკის აქვთ. აი, რაც შეეხელა „რეალის“ თავდამსხმელ კრიშტიანუ რონალუს, მან კლაუდიო ბრავოსა და სერხიო ბუსკეტსის მსგავსად, 4% დააგროვა.

რონალდუ: „პენალდუ ვარ?“

Posted on by Alix

მადრიდის „რეალის“ ლიდერმა კრიშტიანუ რონალდუმ კრიტიკოსებს უპასუხა, რომლებიც თვლიან, რომ პორტუგალიელი პენალტებით საკმაოდ ბევრ გოლს იტანს.

„პენალდუ? გადახედეთ ჩემს სტატისტიკას. „რეალში“ საკმაოდ ბევრი გოლი გამიტანია და მათ შორის ბევრი პენალტის გარეშე. ნებისმიერ „იუთუბზე“ შესვლა და ჩემი გოლების ხილვის საშუალება აქვს.

იმდენს გავიტან, რამდენსაც შევძლებ. შესაძლოა, ჩემმა მაჩვენებელმა 600 და 700 ბურთი შეადგინოს“, – ციტირებს რონალდუს Goal.com-ი.

ჩემპიონთა ლიგის კვირის სიმბოლური ნაკრები

Posted on by Alix

უეფა-ს ოფიციალურ საიტზე ჩემპიონთა ლიგის ჯგუფური ეტაპის ბოლო ტურის სიმბოლური ნაკრები გამოქვეყნდა, რომელიც შემდეგნაირად გამოიყურება:

მეკარე: მარკ-ანდრე ტერ შტეგენი („ბარსელონა“)
მცველები: ლორენ კოშელნი („არსენალი“), ნალდო („ვოლფსბურგი“), ჯეფრი ბრუმა (პსვ), ფილიპ მლადენოვიჩი (ბატე)
ნახევარმცველები: დანიელ მილიჩევიჩი („გენტი“), სელჩუკ ინანი („გალათასარაი“), ედენ აზარი („ჩელსი“)
თავდამსხმელები: რაჰიმ სტერლინგი („მანჩესტერ სიტი“), ოლივერ ჟირუ („არსენალი“), კრიშტიანუ რონალდუ („რეალი“)

Vx6ovHL