გთავაზობთ გასულ უიკენდზე ევროპის სხვადასხვა ქვეყნებში მოთამაშე ქართველ ფეხბურთელთა მონაგარს.

გერმანული ბუნდესილიგის უკანასკნელ ტურში ლევან კობიაშვილის “ჰერტა” დორტმუნდს ესტუმრა და ადგილობრივი “ბორუსია” დაამარცხა (2:1). ქართველმა ფეხბურთლმა მატჩი ძირითადში დაიწყო და შეუცვლელად ითამაშა. საინტერესოა, რომ კობიაშვილი ცენტრალური მცველის პოზიციაზე ასპარეზობდა.

სერია B-ში ემპოლი ნოვარას ესტუმრა და მინიმალური ანგარიშით დაამარცხა. სტუმართა შემადგენლობაში უკანასკნელი 20 წუთი ითამაშა ლევან მჭედლიძემ. ირაკლი შეყილაძე კი სათადარიგოთა სკამიდან არ წამომდგარა. 19 ტურის შემდეგ “ემპოლი” პირველ ადგილზეა და მთავარ კონკურენტ “პალერმოს” 2 ქულით უსწრებს.

ჰოლანდიაში მნიშვნელოვანი ქულები დაკარგა “ვიტესმა”. “ჰერაკლესთან” გასვილი შეხვედრა ფრედ, 2:2 დასრულდა. არადა, ენხედელები პირველ ტაიმში 2:0-ს იგებდნენ. გურამ კაშია როგორც ყოველთვის ძირითადში იყო და 90 წუთი ითამაშა. ასევე სასტარტოში დაიწყო ვაკო ყაზაიშვილმა, რომელიც ბოლო წუთზე გიორგი ჭანტურიამ შეცვალა.

თურქულ სუპერლიგაში კვლავ ვერ მოიგო “ქაისერისპორმა”. ქაისერელებმა “ქონიასპორთან” საშინაო შეხვედრა ნულოვანი ფრით დაასრულეს. ზურაბ ხიზანიშვილი ძირითად შემადგენლობაში იყო და მოედანზე 90 წუთ დაჰყო.

პორტუგალიაში ავთანდილ ებრალიძის “ჟილ ვისენტემ” გათამაშების აუტსაიდერ “აროუკას” უმასპინძლა და მოულოდნელად დიდი ანგარიშით, 3-0 წააგო. ახალგაზრდა ქართველმა მატჩი ძირიდათში დაიწყო და მოედანზე 74 წუთ გაატარა.

პორტუგალიაში კიდევ ერთი საინტერესო შეხვედრა გაიმართა. გათამაშების ერთ-ერთი ლიდერი “პორტო” “ოლანენსეს” შეხვდა და 4-0 დაამარცხა. საინტერესოა, რომ სტუმართა შემადგენლობაში შეცვლაზე ფრანსის კონე შემოვიდა. ტოგოელი ზაფულში თბილისი “დინამოში” ისინჯებოდა, თუმცა გარკვეულ მიზეზთა გამო მისი დარჩენა თბილისურ კლუბში ვერ მოხერხდა.

გთავაზობთ გასულ უიკენდზე ევროპის სხვადასხვა ქვეყნებში მოთამაშე ქართველა ფეხბურთელთა მონაგარს.

ბუნდესლიგაში “ჰერტამ” ბრემენის “ვერდერს” უმასპინძლა და 3:2 მოუგო. მასპინძელთა შემადგენლობაში ლევან კობიაშვილი შეხვედრაში 81-ე წუთზე ჩაერთო. 16 ტურის შემდეგ ბერლინელები მეშვიდე ადგილზე არიან.

იტალიის სერია B-ში “ემპოლიმ”  “ჩეზენას” უმასპინძლა. შეხვედრა გატანილი გოლების გარეშე დასრულდა. ირაკლი შეყილაძე სათადარიგოთა სკამზე იყო, ხოლო ლევან მჭედლიძე თამაშში 73-ე წუთზე ჩაერთო. 18 ტურის შემდეგ “ემპოლი” მეორე ადგილზეა და ლიდერ “პალერმოს” 1 ქულით უსწრებს.

ჰოლანდიის ჩემპიონატის მორიგ მატჩში “ვიტესმა” “ბრედას” უმასპინძლა. შეხვედრა უხვგოლიანი და დაძაბული გამოდგა. როგორც ყოველთვის ძირითადში იყო და სრული შეხვედრა ჩაატარა გურამ კაშიამ. ყაზაიშვილი-ჭანტურია კი, მთელი მატჩის განმავლობაში სათადარიგოთა სკამზე იყვნენ.

თურქულ სუპერლიგაში ხიზანიშვსილის “ქაისერისპორი” “ესქიშეჰირსპორს” შეხვდა და 1 ქულა მოიპოვა. ქართველმა მცველმა 90 წუთი იყო მინდორზე.
15 ტურის შემდეგ “ქაისერი” ბოლოსწინა, მეჩვიდმეტე პოზიციაზეა 11 ქულით.

პოლონეთში ფოფხაძე-ძალამიძის “იაგელონიამ” ლოძის “ვიძევს” უმასპინძლა და მინიმალური ანგარიშით დაამარცხა. ფოფხაძემ 90 წუთი ითამაშა, ხოლო ძალამიძე კვლავ დაშავებულია. მის დაბრუნებას ექიმები იანვარში ვარაუდობენ.

ლადო დვალიშვილის “ლეგიამ” “კრაკოვია” მიიღო და 4:1 დაამარცხა. დვალიშვილმა მოედანზე 68 წუთი გაატარა, თუმცა გოლის გატანა ვერ მოახერხა.

პორტუგალიაში ავთანდილ ებრალიძის “ჟილ ვისენტე” “ეშტორილს” სტუმრობდა. მატჩი მასპინძელთა გამარჯვებით (2:0) დასრულდა. ებრალიძემ მოედანზე 90 წუთი გაატარა. 13 ტურის შემდეგ “ჟილ ვისენტე” მერვე პოზიციაზეა.