ჭდე: ლევანდოვსკი

როგორც იცით, 22 სექტემბერს, გერმანიის ბუნდესლიგაში მიუნხენის “ბაიერნმა” საკუთარ მოედანზე “ვოლფსბურგი” მიიღო და მეტოქე გამანადგურებელი ანგარიშით 5:1 დაამარცხა.

მატჩის გმირი რობერტ ლევანდოვსკი გახდა, რომელიც თამაშში მეორე ტაიმის დაწყებისთანავე ჩაერთო. პოლონელმა თავდამსხმელმა “ვოლფსბურგს” ხუთი გოლი გაუტანა, რითაც რამდენიმე რეკორდი დაამყარა.

• – ლევანდოვსკიმ პირველი სამი გოლი 3 წუთსა და 22 წამში გაიტანა, ეს კი ბუნდესლიგის ისტორიაში ყველაზე სწრაფი ჰეთ-თრიქია.

• – 5 წუთსა და 42 წამში გატანილი ოთხი გოლიც გერმანიის ჩემპიონატის ისტორიაში ყველაზე სწრაფია.

• – 8 წუთსა და 59 წამში გატანილი ხუთი გოლი ბუნდესლიგის ისტორიაში ყველაზე სწრაფია.

• – პოლონელმა ფეხბურთელმა “ბაიერნის” რიგებში ჰეთ-თრიქი პირველად გაიფორმა.

• – ლევანდოვსკი გერმანიის ბუნდესლიგის ისტორიაში პირველი ფეხბურთელია, რომელმაც ხუთი გოლის გატანა შეცვლაზე შემოსვლის შემდეგ მოახერხა.