ლონდონური “ჩელსის” მცველმა ბრანისლავ ივანოვიჩმა განაცხადა, რომ მასსა და სუარესს შორის დაპირისპირება აღარ არსებობს. წინა სეზონის მატჩში, რომელშიც “ლივერპული” “ჩელსის” მასპინძლობდა, სუარესმა ივანოვიჩს ხელზე უკბინა და 10 მატჩიანი დისკვალიფიკაცია მიიღო სასჯელად. სუარესი და ივანოვიჩი ერთმანეთს მას შემდეგ კიდევ ერთხელს შეხვდნენ და, საბედნიეროდ, ყველაფერი ნორმალურად დასრულდა.
“ბევრი რამ დაიწერა მას შემდეგ, რაც სუარესმა ხელზე მიკბინა, მაგრამ ჩვენ ერთმანეთს ყველაფერი ვაპატიეთ. მაშინ, მან მე მატჩის დასრულების შემდეგ მალევე დამირეკა, ის დაინტერესდა ჩემი ტრავმით. ამით მან ჩემი პატიება დაიმსახურა, ახლა კი ყველაფერი ნორმალურადაა”, – ივანოვიჩის სიტყვებს Blic-ი ციტირებს.
