ლივერპული – გვერდი 23 – Fanebi.Com – ფეხბურთი, კალათბურთი, რაგბი, სხვა

“ლივერპულთან” ოზილი თამაში გამოირიცხა

Posted on მარტი 4, 2017მარტი 4, 2017 by იაკობ კაპანაძე

Goal-ის მიერ მოპოვებული უახლესი ინფორმაციის მიხედვით, ლონდონის “არსენალის” გუნდს, რომელიც უკვე ლივერპულში იმყოფება, გერმანელი ნახევარმცველი, მესუტ ოზილი არ გაჰყვა.

როგორც ცნობილი ხდება, მესუტ ოზილი თამაში კლუბის ექიმთა მიერ მიღებული გადაწყვეტილების შედეგად გამოირიცხა.

თუმცა, სხვაგვარ ინფორმაციას გვაწვდიდა არსენ ვენგერი, რომლის თქმითაც, 28 წლის ფეხბურთელი თამაშისთვის მზად იყო.

დიდი ალბათობით, “მეთოფეთა” ერთ-ერთი ლიდერი მომდევნო კვირას, მიუნხენის “ბაიერნთან” გასამართ მატჩს სრულ მზადყოფნაში შეხვდება.

იურგენ კლოპი: “საქმე ძალიან სერიოზულადაა”

Posted on მარტი 1, 2017 by კახა ყიფიანი

მერსესაიდის “ლივერპულს” არც ისე კარგი პერიოდი უდგას. გუნდმა პრემიერ ლიგის ბოლო 7 შეხვედრიდან მხოლოდ ერთი მოიგო. კლოპის შეგირდები უკანაკსნელ მატჩში ტურნირის მე-15 ადგილოსან “ლესტერთან” დამარცხდნენ.

გუნდის მთავარმა მწვრთნელმა “ლივერპულის” ბოლოდროინდელ წარუმატებელ ასპარეზობაზე ისაუბრა.

“საქმე უკვე ძალიან სერიოზულადაა. ყველა ვშრომობთ იმისთვის, რომ ჩვენი “ლივერპულული” მომავალი გადავარჩინოთ. რა თქმა უნდა, მეც მუდამ ამის მცდელობაში ვარ.”

“ყოველ დღე სხვისი განსჯის საგანი ვხდებით. გასნაკუთრებით კი, ეს მატჩების დღეებში ხდება. უდავოა, რომ ადამიანები თამაშებში ნაჩვენები შედეგის მიხედვით გვაფასებენ.”

“უდიდეს პასუხისმგებლობას ვგრძნობ, რადგან მთავარი მწვრთნელი ვარ. მუდამ ვიყენებ სიტყვას “ჩვენ” და არა “ისინი”, რადგან გუნდის ნაწილი ვარ და წარუმატებლობაზე პასუხისმგებლობა მაკისრია,” – განაცხადა იურგენ კლოპმა.

პრემიერ ლიგა: 26-ე ტურის სიმბოლური გუნდი (ფოტო)

Posted on თებერვალი 28, 2017 by კახა ყიფიანი

დასრულდა პრემიერ ლიგის 26-ე ტური. წინ მიიწევს ლიდერი ლონდონის “ჩელსი”, რომელმაც საკუთარი მატჩი “სუონსი სიტისთან” ჩაატარა და უპრობლემოდ მოიგო (3:1). იმარჯვეს “ტოტენჰემაც” და “ევერტონმაც”. მანჩესტერულ გრანდებსა და “არსენალს”, “საუთჰემპტონთან” ერთად, ინგლისის ლიგის თასის ფინალის გამო, არ უთამაშიათ. გუშინდელ შეხვედრაში “ლესტერ სიტიმ” მოულოდნელად დაამარცხა (3:1) “ლივერპული”.

Goal.Com-ი 26-ე ტურის სიმბოლურ გუნდს გვთავაზობს.

ლორისი, ვან აანჰოლტი, ევანსი, მაკოლი, კოულმენი, გეიე, ფაბრეგასი, ალი, ერიკსენი, პედრო, კეინი.

რანიერის გათავისუფლების შემდეგ ჩატარებულ პირველ მატჩში “ლესტერმა” “ლივერპული” დაამარცხა

Posted on თებერვალი 28, 2017თებერვალი 28, 2017 by ბექა დოგრაშვილი

ინგლისის პრემიერლიგის 26-ე ტურში “ლესტერ სიტიმ” საკუთარ მოედანზე “ლივერპული” მიიღო. გუნდის მთავარი მწვრთნელის პოსტიდან კლაუდიო რანიერის გათავისუფლების შემდეგ ჩატარებულ პირველ შეხვედრაში “მელიებმა” მეტოქე ანგარიშით 3:1 დაამარცხეს. მასპინძელთაგან ჯეიმი ვარდიმ დუბლი შეასრულა. სხვათა შორის ინგლისელმა ფორვარდმა წელს პრემიერლიგაში პირველი გოლი გაიტანა. ერთი ბურთი დენი დრინქოუთერის ანგარიშზეა. სტუმართაგან პრესტიჟის გოლი ფილიპე კოუტინიომ გაიტანა.

სატურნირო ცხრილში “ლივერპულს” 49 ქულით მეექვსე პოზიცია უკავია. “ლესტერმა” 24 ქულას მოუყარა თავი და მე-15 ადგილზე გადაინაცვლა.

ინგლისის პრემიერლიგა
26-ე ტური
“ლესტერ სიტი” — “ლივერპული” 3:1 (2:0)
გოლები: ვარდი 28′, 60′, დრინქოუთერი 39′ — კოუტინიო 68′.

“მანჩესტერ სიტისა” და “ლივერპულის” სამიზნემ, ჰანდანოვიჩმა საკუთარ მომავალზე ისაუბრა

Posted on თებერვალი 25, 2017 by იაკობ კაპანაძე

მილანური “ინტერის” კარის დარაჯმა, სამირ ჰანდანოვიჩმა, რომლის გადაბირების სურვილსაც “მანჩესტერ სიტისა” და “ლივერპულის” ხელმძღვანელები გამოთქვამენ, საკუთარ მომავალზე ისაუბრა.

“არასდროს მინანია, რომ “ინტერში” გადმოვბარგდი, არასდროს! ასეთ კლუბში მიპატიჟებაზე ხომ ყველა ფეხბურთელი ოცნებობს.

ვთვლი, რომ “ინტერი” დღესაც შედის ევროპის 5-6 საუკეთესო კლუბში და მჯერა, რომ რაღაც ახალს ვაშენებთ, რაღაც მნიშვნელოვანს.

მინდა აქ დავრჩე, თუნდაც გუნდი ჩემპიონთა ლიგაზე არ გავიდეს,” – აცხადებს 32 წლის მეკარე, რომლის გუნდსაც ამ დროისთვის 6 ქულა აშორებს მესამეადგილოსან “ნაპოლიმდე”.

სტივენ ჯერარდი “ლივერპულის” მაისურით კიდევ ერთხელ ითამაშებს

Posted on თებერვალი 15, 2017 by იაკობ კაპანაძე

ინგლისური “ლივერპული” საკმაოდ საინტერესო და სასიხარულო ინფორმაციას ავრცელებს, რომლის მიხედვითაც, “სკაუზერებს” კვლავ მიეცემათ სტივი ჯის თამაშისთვის თვალყურის დევნების შანსი.

როგორც ცნობილი ხდება, “წითლების” ლეგენდა მოედანს 2017 წლის 25 მარტს დაუბრუნდება, როდესაც “ლივერპულისა” და მადრიდის “რეალის” ლეგენდების მონაწილეობით გასამართი საქველმოქმედო მატჩი აიღებს სტარტს.

“ლივერპულის” მე-8 ნომერთან ერთად, ამ მატჩში კლუბის ისეთ ვარსკვლავებსაც ვიხილავთ, როგორებიც არიან: იან რაში, გარი მაკკალისტერი, ლუის გარსია, აგერი, ჯეიმი კარაგერი და სხვანი.

“მოუთმენლად ველი ამ საქველმოქმედო მატჩს. “ენფილდს” ყოველთვის განსაკუთრებული ადგილი ექნება გამოყოფილი ჩემს გულში. ჩემთვის დიდი პატივია, რომ ამ დიდებულ სტადიონზე თამაშის შანსი კიდევ ერთხელ მომეცა,” – აცხადებს ინგლისელი.

ჯეიმი კარაგერი: “ტოტენჰემი” ასეთი თამაშით იმედებს მიცრუებს”

Posted on თებერვალი 14, 2017 by იაკობ კაპანაძე

“ლივერპულის” ლეგენდამ და Sky Sports-ის ექსპერტმა, ჯეიმი კარაგერმა მაურისიო პოჩეტინოს გუნდზე ისაუბრა, რომელიც პრემიერ ლიგის გასულ ტურში “ლივერპულთან”, ანგარიშით 2-0 დამარცხდა.

“ლივერპულთან” მატჩში “ტოტენჰემმა” უბრალოდ იმედები გამიცრუა. ასე ცუდად წლებია არ უთამაშიათ. ეს ნამდვილად არ გავდა პოჩეტინოს გუნდს.

მიზეზი იმისა, თუ რატომ ვამახვილებ ამაზე ყურადღებას, მარტივია: მე ამ სპეციალისტის უდიდესი გულშემატკივარი ვარ. მაგრამ ფაქტი სახეზეა – არავის დაამახსოვრდები, თუ ბოლო ორ წელიწადში ერთ ტიტულსაც ვერ მოიგებ.

“სპურსს” ყოველთვის უჭირს დიდი გუნდების წინააღმდეგ თამაში. მათი ეს პრობლემა დაახლოებით 20 წელს ითვლის. შესაძლოა, პრობლემა მათ რწმენაში, იდეალებშია. თუ პოჩეტინო ამას ვერ შეცვლის, მაშინ ისინი “ლიდსს” დაემსგავსებიან და ტიტულების მოგებას ნამდვილად ვერ შეძლებენ.”

* “ტოტენჰემმა” ტოპ-6 გუნდის წინ გამართულ მატჩებში ყველაზე ცოტა, 9 ქულა დააგროვა.

როჯერსი: “მინდოდა, “ლივერპულში” ვან დეიკი მიმეყვანა, მაგრამ ხელმძღვანელობამ უარი მითხრა”

Posted on თებერვალი 13, 2017 by იაკობ კაპანაძე

“ლივერპულის” ექს-თავკაცი, ბრენდან როჯერსი აღიარებს, რომ მერსესაიდული კარიერის მიმდინარეობისას სცადა გუნდში ვირჯილ ვან დეიკი მოეყვანა, თუმცა ამაოდ.

“ლივერპულში” ყოფნისას, ვცდილობდი, ვან დეიკის ტრანსფერი განმეხორციელებინა, როდესაც ის ჯერ კიდევ “გრონინგენში”, შემდეგ კი “სელტიკში” თამაშობდა. მაგრამ ხელმძღვანელობამ უარი განმიცხადა.

მას ნამდვილად შეეძლო, “სელტიკიდან” პირდაპირ “ლივერპულში” აღმოჩენილიყო. მასზე დიდ იმედებს ვამყარებდი, შეხედავდი და მაშინვე მიხვდებოდი, თუ რაოდენ ძლიერი იყო ის. მეტი რა უნდოდათ? არ ვიცი,” – აცხადებს “სელტიკის” ამჟამინდელი დამრიგებელი.

ცნობისთვის გეტყვით, რომ ვან დეიკმა მიმდინარე სეზონში 30-ჯერ მოირგო “საუთჰემპტონის” მაისური და 4 გოლიც ჩაიწერა აქტივში.

“ლივერპულმა” “ტოტენჰემის” დამარცხება შეძლო (ვიდეო)

Posted on თებერვალი 11, 2017 by იაკობ კაპანაძე

ინგლისური პრემიერ ლიგის 25-ე ტურის ცენტრალურ მატჩს “ენფილდმა” უმასპინძლა, სადაც ადგილობრივ “ლივერპულს” ლონდონური “ტოტენჰემი” დაუპირისპირდა.

სადიო მანეს მიერ გაფორმებული დუბლის ხარჯზე, იურგენ კლოპის გუნდმა 2017 წელს პირველად მოახერხა პრემიერ ლიგის ეგიდით ჩატარებული მატჩის მოგება და სატურნირო ცხრილში მეოთხე პოზიციაზეც გადაინაცვლა.

“ლივერპული” მომდევნო მატჩს 28 თებერვალს, “კინგ პაუერ სტედიუმზე” გამართავს. “ტოტენჰემი” კი იმავე დღეს, შინ “სტოკ სიტის” მიიღებს.

“ლივერპული”: მინოლე; მილნერი, ლუკას ლეივა (რაგნარ კლავანი 82′), ჟოელ მატიპი, კლაინი; ვეინალდუმი, ჰენდერსონი, ლალანა; კოუტინიო (ემრე ჯანი), ფირმინო, სადიო მანე

მთავარი მწვრთნელი: იურგენ კლოპი

“ტოტენჰემი”: ჰუგო ლორისი; უოლკერი, ალდერვაირელდი, დაიერი, დეივისი; დემბელე (მუსა სისოკო), ვანიამა; ერიქსენი (უინკსი), დელე ალი, სონი; ჰარი კეინი

მთავარი მწვრთნელი: მაურისიო პოჩეტინო

“ლივერპულის” სამიზნემ, ინაკი უილიამსმა ჭორებს უპასუხა

Posted on თებერვალი 10, 2017 by იაკობ კაპანაძე

ბრიტანული “ლივერპულისა” და კიდევ რამდენიმე ევროპული გრანდის სამიზნემ, ინაკი უილიამსმა მასთან დაკავშირებულ ჭორებს უპასუხა და აღნიშნა, რომ პირველ რიგში კლუბის პრეზიდენტთან აპირებს საუბარს.

“უპირველესყოვლისა, მინდა კლუბის პრეზიდენტს გავესაუბრო,” – აცხადებს უილიამსი Sportium-ის ჟურნალისტებთან საუბრისას.

“პრესაში ბევრს, ძალიან ბევრს წერენ, მაგრამ ამას ყურადღებას არ ვაქცევ. თუ რომელიმე კლუბს ჩემი გადაბირება სურს, ეს იმიტომ, რომ ჩემს საქმეს კარგად ვაკეთებ. ძალიან იღბლიანი ვარ.

თუ ხვალ კლუბის დატოვება მომიწევს, “ატლეტიკთან” ძალიან გულწრფელი ვიქნები, ყველაფერს გავუმხელ. მათ ჩემთვის ძალიან ბევრი რამ გააკეთეს. ამიტომაცაა აქ დარჩენა ჩემი პირველი არჩევანი.”

“ლივერპულმა” The Sun-ის ჟურნალისტებს “ენფილდზე” გამოჩენა აუკრძალა

Posted on თებერვალი 10, 2017 by იაკობ კაპანაძე

The Independent-ის მიერ მოპოვებული უახლესი ინფორმაციის მიხედვით, “ლივერპულის” ხელმძღვანელებმა The Sun-ის ჟურნალისტები შავ სიაში ოფიციალურად შეიყვანეს.

როგორც ცნობილი ხდება, აღნიშნული გამოცემის ჟურნალისტებს არა მარტო “ენფილდზე” გასამართ მატჩებზე დასწრების უფლება, არამედ კლუბის რომელიმე ფეხბურთელთან საუბარიც შეეზღუდებათ.

როგორც იცით, “წითლები” The Sun-ის რედაქციას ჰილსბროს ტრაგედიის შემდეგ მტრობენ – “სანის” ჟურნალისტებმა 1989 წლის 19 აპრილს, 96 ადამიანის ტრაგიკულად დაღუპვიდან 4 დღის შემდეგ, ვრცელი სტატია მიუძღვნეს თემას სახელწოდებით “სინამდვილე”, სადაც არაერთი ცრუ ინფორმაცია იყო გამოქვეყნებული, რაც დაღუპულთა ხსოვნას შეურაცხყოფდა.

ბოატენგი: “კლოპი საუკეთესოა, ფეხბურთელები მისთვის თავსაც კი გასწირავენ”

Posted on თებერვალი 7, 2017თებერვალი 7, 2017 by იაკობ კაპანაძე

კევინ პრინს-ბოატენგმა, რომელსაც იურგენ კლოპთან მუშაობის საშუალება 2009 წელს ჰქონდა, როდესაც “ტოტენჰემმა” ის “დორტმუნდში” გაანათხოვრა, მისი ყოფილი დამრიგებელი შეაქო.

“კლოპი საუკეთესოა, ეს საკმაოდ ადვილად შესამჩნევი რამ არის. მან იცის, თუ როგორ მოეპყრას ფეხბურთელებს, როგორ შეუქმნას მათ კომფორტი. ჰკითხეთ ფეხბურთელებს და ისინი გეტყვიან: “ის საუკეთესოა, მისთვის თავსაც გავწირავ”.

მან ზუსტად იცის, თუ რა სჭირდება თითოეულ ფეხბურთელს. “დორტმუნდშიც” იყვნენ ისეთი ფეხბურთელები, რომლებსაც 6 თვეში მხოლოდ 5 წუთი უწევდათ თამაში, მაგრამ ისინი მაინც ბედნიერები იყვნენ – ბედნიერები იმით, რომ ვარჯიშისა და მუშაობის საშუალება ეძლეოდათ.

“ლივერპულში” ყველაფერი ბრწყინვალედ არის, ხალხს ის უყვარს. პარიზში რომ წასულიყო, ეს საუკეთესო ნაბიჯი იქნებოდა, განსხვავებული ტიპის გზავნილი. მაგრამ მან უკეთ იცის.

იქ რომ დავრჩენილიყავი, ჩემპიონთა ლიგის ფინალში ვითამაშებდი, ლიგასა და თასსაც მოვიგებდი. მაგრამ ასე არ მოხდა. ისეთი კარიერა მაქვს, რომელზეც ბევრი ოცნებობს. ბედნიერი ვარ, მაგრამ ვიცი, რომ უკეთაც შეიძლებოდა.”