ჭდე: ლუი ვან გაალი

„საუთჰემპტონთან“ გასვლაზე, ანგარიშით 3:2 მოგების შემდეგ „მანჩესტერ იუნაიტედის“ მთავარმა მწვრთნელმა ლუი ვან გაალმა განაცხადა, რომ მის გუნდს მიმდინარე სეზონში ტიტულისთვის ბრძოლა შეუძლია.

„ვფიქრობ, „საუთჰემპტონთან“ შეხვედრის ფანტასტიკური შედეგით ვაჩვენეთ, რომ წელს ტიტულისთვის ბრძოლა შეგვიძლია.

ყოველთვის იმაზე ვსაუბრობ, რომ გუნდი უკეთესობისკენ უნდა იცვლებოდეს. გასულ სეზონში მეოთეხე ადგილი ავიღეთ, წელს კი სამეულში შესვლის შანსი გვაქვს.

თუმცა, პრემიერლიგის მოგება გასულ სეზონშიც შევეძლო. გაიხსენეთ „ჩელსისთან“ გასვლითი მატჩი – მაშინ ბევრი მომენტი გვქონდა, რომელიც ვერ გამოვიყენეთ“, – განაცხადა ჰოლანდიელმა სპეცილისტმა.

„მანჩესტერ იუნაიტედის“ მთავარმა მწვრთნელმა ლუი ვან გაალმა თავის მომავალთან დაკავშირებით მიღებული გადაწყვეტილება გადაიფიქრა და ახლა „წითელ ეშმაკებთან“ კონტრაქტის გახანგრძლივებას აპირებს. ამის შესახებ ინფორმაციას „დეილი სტარი“ ავრცელებს.

წყაროს ინფორმაციით, ჰოლანდიელი სპეციალისტი მანჩესტერული კლუბის გენერალურ დირექტორთან ედ ვუდვორდთან შეხვედრას აპირებს, რათა აღნიშნულ საკითხთან დაკავშირებით დაწვრილებით გაესაუბროს.

ცნობისთვის, „იუნაიტედთან“ მოქმედი კონტრაქტი ვან გაალს 2017 წლამდე აკავშირებს.

როგორც ცნობილი გამოცემა „The Times“-ი წერს, „მანჩესტერ იუნაიტედის“ წაყვანმა ფეხბურთელებმა გუნდის მთავარ მწვრთნელს ლუი ვან გაალს, მათი აზრით, ვარჯიშის არასწორი მეთოდის გამო, პრეტენზია წაუყენეს.

„წითელი ეშმაკების“ ლიდერები ჰოლანდიელის სამუშაო მეთოდებს საკმაოდ მკაცრს თვლიან, რაც შემდგომ ჩემპიონატში მანჩესტერელთა შედეგიანობაზეც მოქმედებს.

თუმცა, წყაროს ცნობით, სპეციალისტმა ფეხბურთელების ეს პრეტენზია არ მიიღო და არჩეული მეთოდით მუშაობის გაგრძელება ამჯობინა.

„მანჩესტერ იუნაიტედის“ მთავარი მწვრთნელი ლუი ვან გაალი მეუღლეს დაპირდა, რომ სამწვრთნელო კარიერას ორ წელიწადში დაასრულებს, რის შესახებაც ერთ-ერთ ბოლო ინტერვიუში ისაუბრა.

„ცოლს დავპირდი, რომ ორ წელიწადში კარიერას დავასრულებ. ერთად არც ისე ბევრი დრო დაგვრჩა. როდესაც ერთმანეთს პირველად შევხვდით, ვუთხარი, რომ ფეხბურთელს თავს ჯერ კიდევ 55 წლის ასაკში დავანებებდი. თუმცა, როგორც ხედავთ, კვლავ საქმეში ვარ, შემდეგ კვირას კი 64-ე დაბადების დღეს აღვნიშნავ.

მე სამშობლოში, ესპანეთსა და გერმანიაში მიმუშავია. გარდა ამისა, მსოფლიო ჩემპიოანტზეც ვიმუშავე, ახლა კი ინგლისში ვარ. ამის შემდეგ მეტი ფულის მოსაპოვებლად ღირს თუ არა ყატარში წასვლა? ვფიქრობ, არა. სჯობს, ცხოვრებით დავტკბე და ოჯახთან ერთად ვიყო“, – ციტირებს ჰოლანდიელ სპეციალისტს „სქაი სპორტსი“.