ლუის სუარესი – გვერდი 7 – Fanebi.Com – ფეხბურთი, კალათბურთი, რაგბი, სხვა

სუარესი და ტორესი ენფილდზე ბრუნდებიან

Posted on მარტი 6, 2015მარტი 6, 2015 by Levan

29 მატს “ენფილდ როუდზე” საქველმოქემდო მატჩი შედგება, რომლის ფარგლებშც ერთმანეთს სტივენ ჯერარდის და ჯეიმი კარაგერის გუნდების წარსდგებიან.

მატჩში მონაწილეობა უკვე დაადასტურეს “ლივერპულის” ყოფილმა მოთამაშეებმა. ესენი არიან: ლუის სუარესი, ფერნანდო ტორესი, დირკ კიუიტი, პეპე რეინა და ჩაბი ალონსო. მათთან ერთად მოედანზე ტიერი ანრი, ჯონ ტერი და დიდიე დროგბაც გავლენ.

შეხვედრაში “ლივერპულის” ის მოთამაშეებიც მიიღებენ მონაწილეობას, რომლებიც ამ პერიოდში საკუთარი ქვეყნების ეროვნულ ნაკრებებში არ იქნებიან გამოძახებულები. გუნდების მწვრთნელების ვინაობა კი უახლოეს მომავალში დასახელდება.

მატჩიდან შემოსული თანხა “ლივერპულის” ფონდზე და სამკურნალო ორგანიზაციებზე გადანაწილდება.

“მანჩესტერ სიტი” – სუარესი თუ მანჯუკიჩი?

Posted on მარტი 3, 2015 by Levan

“მანჩესტერ სიტიმ” El Mundo Deportivo-ს მიერ გავრცელებული ინფორმაცია, თითქოს ინგლისური კლუბის ლუის სუარესის გადაბირებითაა დაინტერესებული, არ დაადასტურა. იწერებოდა, რომ “სიტი” მზად იყო ურუგვაელში 138 მილიონი ევრო გადაეხადა.

ბრიტანული პრესა კი იუწყება, რომ ინგლისური კლუბი სინამდვილეში მადრიდის “ატლეტიკოს” ფოვარდით, მარიო მანჯუკიჩით ინტერესდება. მეტიც, “მანჩესტერ სიტის” სპორტულმა დირექტორმა ჩიკი ბეგირსტაინმა მოლაპარაკებებიც კი წამოიწყო.

პატარა ბიჭი ბაბუას გაეპარა და ლუის სუარესს მაისური გამოართვა (ვიდეო)

Posted on მარტი 1, 2015მარტი 1, 2015 by -

28 თებერვალს, ესპანეთის პრიმერა დივიზიონში, “გრანადამ” საკუთარ მოედანზე “ბარსელონა” მიიღო და მეტოქესთან ანგარიშით 1:3 დამარცხდა.

მატჩის დაწყებამდე კამერებმა საკმაოდ საინტერესო კადრი დააფიქსირეს. საქმე იმაში გახლავთ, რომ პატარა ბიჭი ბაბუამისს ტრიბუნიდან გაეპარა და ლუის სუარესთან მივიდა. პატარა გულშემატკივარმა ურუგვაელ ფეხბურთელს მაისურიც კი გამოართვა.

სუარესი: “1-2 “მან.სიტისთვის” მისაღები შედეგია”

Posted on თებერვალი 25, 2015 by საბა

“ბარსელონას” ურუგვაელმა თავდამსხმელმა, ლუის სუარესმა გუშინდელი მატჩი შეაფასა “მანჩესტერ სიტის” წინააღმდეგ.

“ვფიქრობ, “სიტის” ფეხბურთელები შედეგით კმაყოფილნი უნდა იყვნენ,”-განაცხადა სუარესმა ტელეარხ ITV-სთან ინტერვიუში.

“1:3-ის შემთხვევაში, მათი წარმატებაზე ფიქრი წარმოუდგენელი იქნებოდა. დაფიქსირებული ანგარიში არც ისე კატასტროფულია”.

“შესაძლოა, “მანჩესტერ სიტის” წინააღმდეგ საუკეთესო მატჩი მქონდა, რომელიც “ბარსელონაში” ჩამიტარებია. ბოლომდე ვიხარჯები, რათა გუნდს წარმატების მიღწევაში დავეხმარო ეს ჩემი მიზანია,”-დაასრულა ურუგვაელმა.

სუარესი: “ვიცოდით, რომ “სიტი” იოლად არ დაგვნებდებოდა”

Posted on თებერვალი 25, 2015 by ბექა დოგრაშვილი

უეფას ჩემპოიონთა ლიგის მერვედფინალურ ეტაპზე “მანჩესტერ სიტი” “ბარსელონას” წინააღმდეგ გამართულ პირველ შეხვედრაში ანგარიშით 1:2 დამარცხდა. კატალონიელთაგან დუბლი შეასრულა ლუის სუარესმა, რომელმაც მოგვიანებით მატჩიც შეაჯამა.

“არ ვიცი, გადაწყვეტდა თუ არა მესის მიერ გაფუჭებული პენალტი რაიმეს. ასეთი რამეები ხდება ხოლმე.

ჩემთვის ინგლისში დაბრუნება განსაკუთრებული მოვლენა იყო.

პირველ ტაიმში ბევრი მომენტი გვქონდა, თუმცა ისიც კარგად გვესმოდა, რომ მეტოქე ასე იოლად არ დანებდებოდა და პრობლემებს შეგვიქმნიდა. მატჩის პირველ ნახევარში ძალიან კარგად ვითამაშეთ და გატანაც შევძელით, თუმცა მეორე ტაიმში “სიტი” გაცილებით ძლიერად გამოიყურებოდა და ერთი ბურთი გაქვითა კიდეც. მეტოქეს ნახევარდაცვასა და თავდასხმაში უმაღლესი დონის ფეხბურთელები ჰყავს.

თითოეულ მატჩში ვცდილობ, რომ გუნდს ვარგო. მიხარია, რომ გატანა შევძელი. “მანჩესტერ სიტის” 1:3 რომ წაეგო, მეტოქე კიდევ უფრო ცუდ მდგომარეობაში ჩავარდებოდა, თუმცა ჩვენთვის ეს შედეგიც კარგია”, – სუარესის კომენტარი უეფას ოფიციალურ ვებგვერდზე გამოქვეყნდა.

შეგახსენებთ, რომ “ბარსელონასა” და “მანჩესტერ სიტის” შორის განმეორებითი შეხვედრა 18 მარტს გაიმართება.

სუარესი: „გადაწყვეტილი ჯერ არაფერია“

Posted on თებერვალი 25, 2015 by Alix

„ბარსელონას“ თავდამსხმელმა ლუის სურესმა „მანჩესტერ სიტისთან“ მოგებული მატჩი შეაფასა.

„არ ვიცი, გადაწყვეტდა თუ არა მესის შესაძლო გოლი სერიის ბედს. ასეთი რამ ხდება ხოლმე.

ჩემთვის ინგლისში დაბრუნება განსაკუთრებული მოვლენაა. პირველ ტაიმში ძალიან კარგი ფეხბურთი ვაჩვენეთ და გოლიც გავიტანეთ. შესვენების შემდეგ „სიტიმ“ უკეთესად ითამაშა და გოლიც გაიტანა. ნახევარდაცვასა და თავდასხმაში ამ გუნდს ძლიერი შემსრულებლები ჰყავს.

ჩვენს დუელში გადაწყვეტილი ჯერ არაფერია, თუმცა არ დაგავიწყდეს, რომ ჩვენ „ბარსელონა“ ვართ“, – განაცხადა ურუგვაელმა.

სუარესმა ბორინის საჩუქარი გაუკეთა

Posted on იანვარი 11, 2015იანვარი 11, 2015 by ბექა დოგრაშვილი

“ლივერპულის” თავდამსხმელი ფაბიო ბორინი “ნოუ კამპზე” იმყოფება, სადაც ესპანეთის პრიმერადივიზიონის XVIII ტურში “ბარსელონასა” და მადრიდის “ატლეტიკოს” შორის გასამართ მატჩს მიადევნებს თვალყურს.

როგორც ირკვევა, იტალიელ ფეხბურთელს მატჩზე დასასწრები ბილეთები ყოფილმა თანაგუნდელმა და ამჟამად კატალონიური გუნდის თავდამსხმელმა ლუის სუარესმა აჩუქა. ბორინიმ ამის შესახებ ფოტო სოციალურ ქსელში გამოაქვეყნა.

“ბარსელონასა” და “ატლეტიკოს” შორის გასამართი მატჩი თბილისის დროით 00:00 საათზე დაიწყება.

სუარესი: „პრემიერლიგაში მეტოქის საჯარიმოში შესვლა ბევრად ადვილია“

Posted on დეკემბერი 28, 2014 by Alix

„ბარსელონას“ თავდამსხმელმა ლუის სუარესმა ინგლისის პრემიერლიგაში გატარებული პერიოდი გაიხსენა და ესპანეთში მოთამაშე მცველები ინგლისურ კლუბებში მოთამაშე მცველებს შეადარა.

„პრემიერლიგაში გუნდები უკან იშვიათად იხევენ. ისინი დაცვით ფეხბურთს არ თამაშობენ, რის გამოც ბევრი თავისულფალი ზონა იქმნება, რომელშიც შეჭრა ადვილია. ამავდროულად პრემიერლიგის მცველები გაცილებით ძლიერები, სწრაფები და ფიზიკურად მომზადებულები არიან.

ესპანეთში კი, ტექნიკური მცველები გამოდიან, რომლებიც ერთმანეთს აზღვევენ. მეტოქეებმა იციან, რამდენად სახიფათოა „ბარსა“, ამიტომაც ჩვენს საჯარიმოში შეღწევა არც თუ ისე ადვილია“, – განაცხადა სუამ.

სუარესმა მესისა და ნეიმარის თამაში შეაფასა

Posted on დეკემბერი 27, 2014დეკემბერი 27, 2014 by Alix

„ბარსელონას“ თავდამსხმელი ლუის სუარესი შეტევაში თავისი თანაგუნდელებით კმაყოფილია

„ნეიმართან და მესისთან ერთად თამაში მიადვილდება. ისინი ჩინებულ ფეხბურთს აჩვენებენ. მოედანზე ვერც კი წარმოიდგენ, თუ რას გააკეთებენ ისინი რამდენიმე წამში.

ნეიმარი თავისი თამაშის მანერით მაოგნებს. კარგი იგი იმითაცაა, რომ მას საოცარი სისწრაფე გააჩნია. ამის შესახებ ადრეც ვიცოდი, მაგრამ როდესაც ამას ცოცხლად ხედავ, ხვდები, რომ იგი შეუჩერებელია. რაც შეეხება მესის, მას ერთბაშად 3-4 ფეხბურთელის მოტყუება ძალიან ადვილად შეუძლია“, – განაცხადა ურუგვაელმა.

სუარესმა მონტევიდეოს საავადმყოფოს პაციენტ ბავშვებს 500 საჩუქარი გაუგზავნა

Posted on დეკემბერი 24, 2014 by Alix

„ბარსელონასა“ და ურუგვაის ნაკრების თავდამსხმელმა ლუის სუარესმა საშობაოდ მონტევიდეოს საავადმყოფოს პაციენტ ბავშვებს დიდი საჩუქარი გაუკეთა.

როგორც ცნობილია, ფეხბურთელმა ბავშვებს საჩუქრების 500 კომპლექსი გაუგზავნა.

ყოველი საჩუქარი სუარესმა თავისი ოჯახის სახელით გააგზავნა და ბავშვებს ბედნიერი 2015 წელი უსურვა.

სუარესი: „როცა გოლებს ვერ ვიტანდი, პანიკა არ მქონია“

Posted on დეკემბერი 21, 2014 by Alix

„კორდობასთან“ გუშინდელ მატჩში „ბარსელონას“ თავდამსხმელმა ლუის სუარესმა პრიმერა დივიზიონში თავისი პირველი გოლი გაიტანა.

„ჩემი უგოლო სერია შევწყვიტე, თმცა, უფრო მნიშვნელოვანი ისაა, რომ გავიმარჯვეთ. ახლა ცოტა უნდა დავისვენოთ და შემდეგ მატჩებზე ფიქრი დავიწყოთ.

ვიცი, რომ თავდამსხმელი ვარ და გოლებს უნდა ვიტანდე, თუმცა დარწმუნებული ვარ, რომ თანაგუნდელების დახმარებით, ადრე თუ გვიან, გავიტან. ჩემი ამ სერიის გამო პანიკა არ მქონდა, მიუხედავად იმისა, რომ გოლების გატანა ძალია მნიშვნელოვანია“, – განაცხადა ურუგვაელმა.

ლუის სუარესმა ესპანეთის პრიმერა დივიზიონში სადებიუტო გოლი გაიტანა (ვიდეო)

Posted on დეკემბერი 21, 2014დეკემბერი 20, 2014 by -

20 დეკემბერს, ესპანეთის პრიმერა დივიზიონში, “ბარსელონასა” და “კორდობას” შორის გამართულ მატჩში (5:0), ლუის სუარესმა “ბლაგაურნას” მაისურით ესპანეთის ჩემპიონატში სადებიუტო გოლი გაიტანა.