“ლიონის” მფლობელ ჟან-მიშელ ოლას იმედი აქვს, რომ ჰატემ ბენ არფას დაბრუნებას შეძლებს, რომელთანაც ამჟამად კატალონიური “ბარსელონა” აწარმოებს მოლაპარაკებებს.
როგორც იცით, 29 წლის ფეხბურთელს “ნიცასთან” კონტრაქტი მიმდინარე სეზონის ბოლოს ეწურება. ასე რომ, ზაფხულში ის თავისუფალი აგენტის სტატუსს მოიპოვებს.
ორშაბათს გავრცელებული ცნობების თანახმად, ბენ არფა ესპანეთში გაფრენას და კატალონიელებთან შეხვედრას აპირებდა. მის გეგმებში “ბარსას” სავარჯიშო ცენტრის მონახულებაც შედიოდა.
თუმცა ოლას სჯერა, რომ “ლიონს” მისი გადაბირების შანსი კვლავ აქვს: “მას გადაწყვეტილება ჯერ არ მიუღია. თუ ის “ლიონში” დაბრუნდება, ჩვენ შევძლებთ დაწყებული საქმის დასრულებას.”
