იტალიის ნაკრების ყოფილმა მთავარმა მწვრთნელმა ჩეზარე პრანდელიმ მარიო ბალოტელის შესახებ ისაუბრა. 2014 წლის მსოფლიოს ჩემპიონატის შემდეგ „მილანისა“ და „სკუადრა აძურას“ ფორვარდის მიმართ კრიტიკა საგრძნობლად გაძლიერდა.
„საერთო ჯამში, მარიო კარგი ბიჭია, ცუდი ნამდვილად არ არის, მაგრამ ის რეალობას მოწყვეტილ სამყაროში ცხოვრობს. თუმცა, ეს არაფერს ნიშნავს. ის უკვე 24 წლის გახლავთ და საკმარისი გამოცდილება აქვს იმისთვის, რომ ენდო“, – აღნიშნა პრანდელიმ.
მაიამიში მეგობარ გოგონასთან ერთად დასასვენებლად მყოფი მარიო ბალოტელი ადგილობრივ ზოოპარკს ეწვია, საიდანაც სახალისო ვიდეო გაავრცელა.
„ტელეგრაფის“ ცნობით, „მილანის“ ხელმძღვანელობამ კლუბის თავდამსხმელი მარიო ბალოტელი მკაცრად გააფრთხილა. იტალიელმა ფეხბურთელმა ერთ-ერთ სოციალურ ქსელში გამოაქვეყნა ფოტო, რომელზედაც იარაღით ხელში იყო გამოსახული. ბალოტელის იარაღი კამერის ობიექტივისკენ ჰქონდა დამიზნებული, ხოლო სურათს ზედ ასეთი რამ ეწერა:
„გკოცნით ყველა ჩემს მოძულეს“.
მოგვიანებით ფოტო წაშალა.
„მილანის“ ყოფილი მოთამაშე და თავკაცი ლეონარდო თვლის, რომ დღესდღეობით იტალიის ნაკრების საუკეთესო ფეხბურთელი მარიო ბალოტელია. წარმოშობით განელმა თავდამსხმელმა 2014 წლის მსოფლიოს ჩემპიონატზე ჩატარებულ სამ მატჩში ერთი გოლი გაიტანა, თუმცა „სკუადრა აძურამ“ ჯგუფური ეტაპი ვერ დაძლია.
„ბალოტელი დაიბადა და გაიზარდა იტალიაში, მაგრამ აფრიკული წარმოშობის გამო მას იტალიელად ყველა არ აღიქვამს. ასეთი მიდგომა მას აღიზიანებს. მისთვის ბრაზილიაში ყოფნა უფრო სასიამოვნო იქნებოდა, რადგან იქ ბევრია კანის ფერითა და საქციელით მისი მსგავსი.
ბალოტელი ჩემპიონი ჯერ არ არის, მაგრამ უკვე შესაძლებელია მისი დიდებულ ფეხბურთელად ჩათვლა. დღესდღეობით მას იტალიის ნაკრებში ვერავინ ვერ სჯობს“, – აღნიშნა ლეონარდომ.
ბრაზილიის ნაკრების კიპერმა ჟულიო სეზარმა ერთმანეთს ნეიმარი და მარიო ბალოტელი შეადარა. „სელესაოს“ კარის დარაჯმა უპირატესობა ბრაზილიელ ფეხბურთელს მიანიჭა.
„მარიოსთან ერთად თამაშის შესაძლებლობა „ინტერში“ მქონდა. მაშინ ის სულ პატარა ბიჭი იყო, 17 ან 18 წლისა. „მანჩესტერ სიტიში“ თამაშმა და შემდეგ იტალიაში დაბრუნებამ მას გამოცდილება შესძინა, მომწიფდა, დაღვინდა და მნიშვნელოვან ფეხბურთელად იქცა.
ჩემი აზრით, ნეიმარი დღესდღეობით მსოფლიოს საუკეთესო თავდამსხმელთა სამეულში შედის. მის პროგრესს თვალს ვადევნებ, ერთ გუნდში ვთამაშობთ, ურთიერთობა გვაქვს. ეს ბიჭი მსოფლიო ფეხბურთს ბევრ რამეს შესძენს.
მარიოსა და ნეიმარს შორის არჩევანის გაკეთებას თუ მთხოვთ, მე ამ უკანასკნელს ავარჩევ. ნეიმარი უკეთესი ფეხბურთელია, უფრო სრულყოფილი და მომწიფებულია“, – აღნიშნა ჟულიო სეზარმა.
2014 წლის მსოფლიოს ჩემპიონატის ჯგუფურ ეტაპზე ინგლისისა და იტალიის ნაკრებებს შორის გამართული შეხვედრა „სკუადრა აძურას“ გამარჯვებით, ანგარიშით 2:1 დასრულდა.
მატჩის საუკეთესო ფეხბურთელად იტალიელთა თავდამსხმელი მარიო ბალოტელი დასახელდა.
„მილანის“ ფორვარდმა აღნიშნულ შეხვედრაში გამარჯვების გოლი გაიტანა. ბალოტელიმ მოედანზე 73 წუთი გაატარა, გააკეთა 21 გადაცემა და კარში დაარტყა 3-ჯერ.
„მილანის“ თავდამსხმელმა მარიო ბალოტელიმ საზოგადოების მხრიდან კრიტიკაზე ისაუბრა.
„როდესაც შეცდომებს ვუშვებ, შემდგომ ყოველთვის მათზე პასუხს ვაგებ. თუმცა, იმ შემთხვევაში, თუ თეთრი ვიქნებოდი, ამ შეცდომებისთვის შეურაცხყოფას არავინ მომაყენებდა.
ყველაფერი ხალხის დმოკიდებულების ბრალია.
ის ხალხი, ვინც ამის გამო მაკრიტიკებს, უბრალოდ სულელია. მე სხვებისგან განვსხვავდები და ეს ბევრ ადამიანს აღიზიანებს“, – განაცხადა ფორვარდმა.
ალექსანდრე მატევოსოვი
“რომას” და იტალიის ნაკრების ნახევარმცველმა დანიელე დე როსიმ მარიო ბალოტელიზე ისაუბრა. “მილანის” ფორვარდი ფაქტობრივად მთელი კარიერის განმავლობაში კრიტიკის ობიექტი ხდება. დე როსის თქმი კი, ბალოტელი ძალიან კარგი არამიანია.
“ბალოტელიზე ხშირად მეკითხებიან. შემიძლია გითხრათ, რომ მარიო ძალიან კარგი ადამიანია. ჩემი კარიერის განმავლობაში ბევრი ეგოისტი ფეხბურთლეი შემხვდა, მაგრამ მარიოზე მაგას ვერ ვიტყვი” – განაცხადა დე როსიმ.
„მილანის“ თავდამსხმელი მარიო ბალოტელი მძარცველების მსხვერპლი გახდა. ბოროტმოქმედებმა ფეხბურთელის სახლიდან საათები და ოქროს სამკაულები წაიღეს. გარდა ამისა, წაიყვანეს ბალოტელის საკუთრებაში არსებული „პორშეს“ ფირმის ავტომობილი.
ინციდენტი მიმდინარე კვირაში მოხდა, თუმცა ჟურნალისტებისთვის ცნობილი მოგვიანებით გახდა. ბალოტელი შინ ძმასთან ერთად ბრუნდებოდა, როცა ბინის საკეტი გატეხილი დახვდა. რამდენიმე საათის შემდეგ ფეხბურთელის თეთრი „პორშე“ იპოვეს.
აღნიშნულ ინციდენტამდე რამდენიმე დღით ადრე, ღამის კლუბში მძარცველებმა ბალოტელის კუთვნილი მობილური ტელეფონის მოპარვაც სცადეს.
ბექა დოგრაშვილი
„მილანის“ ყოფილმა ნახევარმცველმა ზვონიმირ ბობანმა, რომელიც ამჟამად საფეხბურთო ექსპერტად მუშაობს, მარიო ბალოტელის შესახებ ისაუბრა.
„ჯანკარლო მაროკის, კრისტიან პანუჩისა და საზოგადოების 99,9%-ს მსგავსად, ვფიქრობ, ბალოტელი ტოპფეხბურთელი ნამდვილად არ არის.
მარიო კარგი ბიჭია, თუმცა იგი ძალიან ჯიუტია და საკუთარი თავის კრიტიკა არ იცის. ჩვენ, ექსპერტებს, ხელფასს სიტყვებისთვის გვიხდიან. გავბედავ და ვიტყვი, რომ ბალოტელი უბრალოდ არ ფიქრობს.
„რომასთან“ მარიომ იმდენად საშინლად ითამაშა, რომ თანაგუნდელები გააღიზიანა“, – განაცხადა ბობანმა „Radio Deejay“-ის ეთერში.
„ნაპოლისა“ და არგენტინის ეროვნული ნაკრების ექს-თავდამსხმელმა დიეგო არმანდო მარადონამ განაცხადა, რომ ნეაპოლიტანელებს ამჟამად მარიო ბალოტელის ტიპის ფორვარდი აკლიათ.
„ნაპოლიმ“ ბალოტელი უნდა გაიფორმოს. მისი რთული ხასიათი? ამ საქმეს თუ მომანდებთ, აღნიშნულ საკითხზე ვიზრუნებ“, – განაცხადა ფეხბურთის სამხრეთ ამერიკელმა ლეგენდამ.
ალექსანდრე მატევოსოვი
„მილანის“ ხელმძღვანელობა უკმაყოფილო დარჩა მარიო ბალოტელის საქციელით, რომელმაც სოციალურ ქსელში იმის ამსახველი ფოტომასალა გაავრცელა, თუ როგორ თამაშობს პინგ-პონგს.
როგორც მოგეხსენებათ, ჩემპიონთა ლიგის მერვედფინალურ ეტაპზე, მადრიდის „ატლეტიკოს“ წინააღმდეგ გამართულ შეხვედრაში (0:1) იტალიელმა ფეხბურთელმა მხარი დაიზიანა, რის გამოც სერია A-ს ორი და სანაკრებო ერთი ამხანაგური მატჩის გამოტოვება მოუხდა.
„საღამო მშვიდობისა. თუ ვინმეს ჰგონია, რომ დამამარცხებს, უბრალოდ ნება მომეცით. მთელ ფსონს ჩამოვდივარ. არასროს არ წავაგებ“, – ეს კომენტარი გაუკეთა ბალოტელიმ სოციალურ ქსელში გამოქვეყნებულ ფოტოს.
„ლა გაძეტა დელო სპორტის“ ცნობით, ტრავმირებული ბალოტელის ქმედებამ „როსონერის“ შეშფოთება გამოიწვია.
