ჭდე: მარკო როისი

დორტმუდნის “ბორუსიას” გერმანელი ვარსკვლავის, მარკო როისის გარშემო არსებულ სიტუაციას ახლოდან აკვირდებიან “მანჩესტერ იუნაიტედისა” და “არსენალის” ხელმძღვანელები. ამ ინფორმაციას გერმანული ტაბლოიდი, Bild ადასტურებს.

წყაროს ცნობით, ინგლისური კლუბების წარმომადგენლები როისის რეაბილიტაციის პროცესის შესწავლას ცდილობენ და იმ შემთხვევაში, თუ როისი ახალ ტრავმას არ მიიღებს, “არსენალი” და “მანჩესტერ იუნაიტედი” მას საკმაოდ სარფიან კონტრაქტებს შესთავაზებენ.

მეორეს მხრივ, “ბორუსიელები” აცნობიერებენ, თუ რამდენად მნიშვნელოვანი ფიგურაა კლუბისთვის მარკო როისი და მის შესანარჩუნებლად ბოლომდე აპირებენ ბრძოლას. როისს ამჟამინდელი კონტრაქტი კლუბთან 2019 წელს ეწურება.

დორტმუნდის “ბორუსიას” გერმანელი ლიდერი “დიდ ავიაციას” დაუბრუნდა – 27 წლის შემტევმა ის ტრავმა მოიშუშა, რომლის გამოც ლაზარეთში დაახლოებით 5 თვის გატარება მოუწია.

შეგახსენებთ, რომ გერმანელმა ფეხბურთელმა ტრავმის გამო ევრო 2016-იც გამოტოვა. ბოლოს მან გერმანიის თასის ფინალურ მატჩში ითამაშა, სადაც საზარდული დაიზიანა (“ბაიერნთან” გამართული მატჩი, 21 მაისი).

აქვე გეტყვით იმასაც, რომ დორტმუნდელთა რიგებში როისი ერთი თვის წინაც დაბრუნდა, თუმცა ტრავმამ კვლავ შეახსენა თავი და უკან, ლაზარეთში მოუწია დაბრუნება. დღეს კი, მან გუნდთან ერთად სრულფასოვნად ივარჯიშა.

დორტმუნდის “ბორუსია” მომდევნო მატჩს 14 ოქტომბერს ჩაატარებს, მისი მეტოქე ბერლინის “ჰერტა” იქნება, რომელიც ამჟამად გერმანული ბუნდესლიგის სატურნირო ცხრილში 13 ქულით მეორე ადგილს იკავებს და 1 ქულით უსწრებს ტუჰელის გუნდს.

 

დორტმუნდის “ბორუსიას” თავკაცს, ტომას ტუხელს სჯერა, რომ მარკო როისის გუნდის მამოძრავებელ ძალად გარდაქმნა შესაძლებელია.

“ჩვენ გვინდა, რომ მარკო როისი ნამდვილ მონსტრად ვაქციოთ (მოედანზე), მას ამისათვის ყველაფერი აქვს.

მარკო ძალიან კრეატიული და სენსიტიური ფეხბურთელია, რომელსაც თავისუფლება ესაჭირობა. რაც იმას ნიშნავს, რომ მას მუდმივად საკუთარ თავზე არ უნდა უწევდეს ფიქრი. ამაზე ჯერ კიდევ ვმუშაობთ.

ჩვენ მისგან ზედმეტს არ ვითხოვთ. ის სწორ გზაზე იმყოფება, ისევე როგორც ფიზიკურად, ასევე მენტალურად. მისი მუშაობით კმაყოფილი ვარ. ” – განაცხადა ტუხელმა.

 

დორტმუნდის „ბორუსიას“ ლიდერი მარკო როისი კუნთების ტრავმის შემდეგ გამოჯანმრთელდა. აქედან გამომდინარე, ის პარასკევს „ჰამბურგთან“ სათამაშოდ მზადაა.

დორტმუნდელთა მთავარმა მწვრთნელმა ტომას ტუხელმა მისი ძირითად შემადგენლბოაში თამაშის ალბათობაც არ გამორიცხა.

შეგახსენებთ, რომ ნოემბერის დასაწყისში, ტრავმის გამო, როისს რურის დერბის გამოტოვება მოუწია.