დორტმუნდის “ბორუსიას” ნახევარმცველმა მარკო როისმა განაცხადა, რომ კლუბთან შრომითი ხელშეკრულების გახანგრძლივებას არ ნანობს.
“არაფერზე არ ვნანობ. რატომ უნდა ვნანობდე იმას, რომ “ბორუსიასთან” ახალი კონტრაქტი გავაფორმე? ამაზე ბევრი ვიფიქრე. ამ დროის განმავლობაში აზრი არ შემიცვლია”, – როისის სიტყვები გერმანულმა გამოცემა “ბილდმა” გამოაქვეყნა.
შეგახსენებთ, რომ მარკო როისს “ბორუსიასთან” მოქმედი შრომითი ხელშეკრულება 2019 წლის 30 ივნისს ეწურება.
ესპანური პრესის ცნობით, მადრიდის “რეალი” “დორტმუნდიდან” მარკო როისის გადაბირებას ჯერჯერობით არ აპირებს.
“სამეფო კლუბში” თვლიან, რომ გუნდის შეტევის ხაზი გაძლიერებას არ საჭიროებს და კრიშტიანუ რონალდუს, კარიმ ბენზემას და ხამეს როდრიგესის დონის მოთამაშეების ყოლა ამ ეტპაზე სავსებით საკმარისია. თუმცა, ყველაფერი შეიძლეა რაფაელ ბენიტესის დანიშვნის შემდეგ შეიცვალოს. “ნაპოლის” თავკაცი “რეალის” მწვრთნელის ვაკანტური პოზიციის დაკავების მთავარი პრეტენდენტია.
საინტერესოა, რომ “რეალს” როისი ტრანსფერის თაობაზე “დორტმუნდთან” შეთანხმება აქვს, რომლის თანახმად მადრიდული კლუბი სხვა კლუბებთან შედარებით პრივილეგიებით ისარგებელბს.
დორტმუნდის “ბორუსიას” ნახევარმცვლემა, მარკო როისმა, რომელმაც “ჰოფენჰაიმთან” და “ჰერტასთან” შეხვედრები ტრავმის გამო გამოტოვა, ვარჯიში განაახლა.
ფეხბურთელის მოედანზე დაბრუნება 16 მაისს, “ვოლფსბურგთან” შეხვედრაშია მოსალოდნელი.
მიმდინარე სეზონშ 25 წლის როისმა ბუნდესლიგის 18 შეხვედრაში 7 გოლის გატანა შეძლო.
დორტმუნდის “ბორუსიას” სავარჯიშო პროცესს გუნდის ორი მნიშვნელოვანი ფეხბურთელი, ლუკას პიშჩეკი და მარკო როისი დაუბრუნდა.
“შაბათს მარკო ვერ ითამაშებს, მაგრამ სამშაბათს კი,”-განაცხადა იურგენ კლოპმა Goal.com-თან.
შაბათს “ბორუსია” ბუნდესლიგაში, საკუთარ მოედანზე “აინტრახტს” ეთამაშება, ხოლო სამშაბათს გერმანიის თასზე “ბაიერნს”.
პიშჩეკს თებერვლის შემდეგ ტერფის ტრავმის გამო არ უთამაშია, ხოლო როისი აპრილის დასაწყისში “ბაიერნთან” დაშავდა.
4 აპრილს, გერმანიის ბუნდესლიგაში, დორტმუნდის “ბორუსიამ” საკუთარ მოედანზე მიუნხენის “ბაიერნი” მიიღო და მეტოქესთან ანგარიშით 0:1 დამარცხდა.
მატჩის მიმდინარეობისას, მარკო როისმა მანუელ ნოიერის კარის დალაშქვრა საჯარიმო დარტყმით სცადა, თუმცა ბავარიელთა კარის დარაჯმა ბურთის მოგერიება მოახერხა. აღსანიშნავია, რომ როისი უკვე გოლს აღნიშნავდა, როცა მიხვდა, რომ ბურთი მეტოქის კარში არ შესულა.
ცნობილმა სპორტულმა გამოცემამ, bleacherreport.com-მა საქართველოსა და გერმანიის ნაკრებების შეხვედრა შეაფასა.
სტუმრების გამარჯვებით დასრულებულ შეხვვედრაში ცნობილი გამოცემის ანალიტიკოსებმა მატჩის გმირი და ანტიგმირი გამოავლინეს.
შეხვედრის საუკეთესო ფეხბურთელად მარკო როისი დასახელდა, ხოლო ანტიგმირად კი უცხოელმა სპეციალისტებმა კახა მახარაძე მიიჩნიეს.
შეგახსენებთ, რომ დინამო არენაზე გამართული დაპირისპირება გერმანელებმა როისის და მიულერის გოლებით მოიგეს.
დორტმუნდის „ბორუსიას“ მთავარმა მწვრთნელმა იურგენ კლოპმა გუნდში მარკო როისის მნიშვნელობაზე ისაუბრა.
„იმის თქმა, თუ რამდენად მნიშვნელოვანია ჩვენთვის როისი, მისი კონტრაქტის ვადის გამომდინარეც შეიძლება. ჩვენი საკრედიტო ისტორიისა და მისი სათამაშო დონის გათვალისწინებით, ლოგიკური იქნებოდა, თუ მარკო სხვაგან გადავიდოდა. თუმცა, საბოლოოდ, მან თქვა, რომ აქ დარჩება. ჩემი აზრით, მისი ასაკის ადამიანისთვის ეს არანორმალური და სამაგალითო საქციელია. ამიტომაც მე მას დიდებულ მოთამაშეთა და ადამიანად ვთვლი“, – განაცხადა კლოპმა.
პიერ-ემერიკ ობამეიანგისა და მარკო როისის შოუს გამო გერმანიის ფეხბურთის ფედერაციამ ახალი კანონი შემოიღო, რომლის მიხედვითაც, მსაჯებმა, მატჩის დროს ნიღბის გაკეთების შემთხვევაში, ფეხბურთელს ყვითელი ბარათი უნდა უჩვენონ. ამის შესახებ „ევროსპორტი“ იტყობინება.
აღსანიშნავია, რომ ობამეიანგმა ბოლოს ნიღაბი მარკო როისთან ერთად „შალკეს“ კარში გატანილი გოლის შემდეგ გაიკეთა. სათქმელი ისიცაა, რომ ასე იგი გერმანიის სუპერთასის მატჩშიც მოიქცა, თუმცა მაშინ მან ადამიანი-ობობას ნიღაბი გაიკეთა.
“ბორუსიას” შემტევი, მარკო როისი დრეზდენის “დინამოსთან” გერმანიის თასის 1/8 ფინალურ შეხვედრაში დაშავდა. 25 წლის ფეხბურთელმა დაზიანება პირველი ტაიმში მიიღო, რის შემდეგ თამაშის გაგრძელება ვერ შეძლო. მის ნაცვლად მოედანზე გენრიხ მხიტარიანი შევიდა.
დორტმუნდელებმა კი მატჩის მოგება როისის გარეშეც შეძლეს. მეორე ტაიმში იმობილემ 50-ე და 90-ე წუთებზე გატანილი გოლებით საკუთარ გუნდს მნიშვნელოვანი შეხვედრა მოაგებინა.
დორტმუნდის „ბორუსიას“ ნახევარმცველმა მარკო როისმა „შალკესთან“ მოახლოებული შეხვედრის შესახებ ისაუბრა.
„ბოლო დროის „შალკე“ სოლიდურად გამოიყურება. გუნდი დაცვიდან კარგად თამაშობს და მისი სტილი დაწვრილებით უნდა შევისწავლოთ. მატჩის წინ ვთქვი, რომ შანსები თანაბარია.
იმ მეტოქეს ვხვდებით, რომელთანაც წაგების უფლება არ გვაქვს. ეს დერბია, რომელშიც ბოლომდე ბრძოლაა საჭირო. გულშემატკივართათვის ეს შეხვედრა ბევრს ნიშნავს.
რა თქმა უნდა, შედეგების გაუმჯობესება გვჭირდება. სეზონის პირველი ნახევარი ცუდი არ იყო, მაგრამ რაღაც დაგვაკლდა. ბოლო მატჩები აჩვენებენ, რომ ჩვენ საკუთარი ფორმა ვიპოვეთ“, – თვლის როისი.
ცნობისთვის, „ბორუსია“ – „შალკეს“ მატჩი შაბათს, თბილისის დროით, 18 საათსა და 30 წუთზე დაიწყება.
დორტმუნდის „ბორუსიას“ ნახევარმცველი მარკო როისი „იუვენტსთან“ წაგებული მატჩის შემდეგ გულშემატკივრებს გაესაუბრა.
„ჩვენ ვიცით, რომ დაცვაში უეკთესად თამაში შეგვიძლია. მეორე მატჩში მსგავსი შეცდომების დაშვების უფლება არ გვექნება. რაც შეეხება ჩვენს გოლს, მან ის თავდაჯერებულობა არ მოგვცა, რომლის მიღების იმედი გვქონდა. შესვენების შემდეგ წინ სახიფათოდ არ ვთამაშობდით. ამის მიუხედავად, სერიაში გადაწყვეტილი ჯერ არაფერია“, – განაცხადა მარკომ.
დორტმუნდის „ბორუსიას“ ლიდერმა მარკო როისმა თავისი მიზნების შესახებ ისაუბრა.
„აქ დარჩენა იმიტომ გადავწუვიტე, რომ დორტმუნდი ჩემი მშობლიური ქალაქია. აქ ჩემი ოჯახი და მეგობრები ცხოვრობენ. „ბორუსიასთან“ ერთად ბუნდესლიგის მოგება მსურს. ამ მიზნის მისაღწევად ყველაფერს გავაკეთებ“, – განაცხადა მარკომ.
შეგახსენებთ, რომ როისმა ცოტა ხნის წინ „ბორუსიასთან“ კონტრაქტი გაახანგრძლივა.
