მექსიკა – Fanebi.Com – ფეხბურთი, კალათბურთი, რაგბი, სხვა

მექსიკის ნაკრების ყოფილ თავკაცს ხუთი ქვეყანა იწვევს, მათ შორის აშშ

Posted on ივლისი 27, 2018ივლისი 27, 2018 by იაკობ კაპანაძე

ხუან კარლოს ოსორიომ ხანგრძლივი თანამშრომლობის შემდეგ უარი განაცხადა მექსიკის ნაკრებთან კონტრაქტის გახანგრძლივებაზე და დაკავებული თანამდებობა დატოვა.

როგორც ცნობილი ხდება, კოლუმბიელ სპეციალისტს მალევე გამოუჩდნენ მსურველები. მექსიკური წყაროს ცნობით, მათ შორის ორი ქვეყანა სამხრეთ ამერიკიდან და აზიიდან.

ფეხბურთის ექსპერტები იმედოვნებენ, რომ ოსორიოს არჩევანის გაკეთება ორ ნაკრებს შორის მოუწევს – საუბარია კოლუმბიისა და ამერიკის შეერთებული შტატების ნაკრებებზე.

ცნობისთვის გეტყვით, რომ 2018 წლის მსოფლიო ჩემპიონატზე ოსორიოს თავკაცობით მექსიკამ ჯგუფში გერმანია ჩატოვა (1:0) და მერვედფინალში ბრაზილიასთან დამარცხდა (0:2).

კურიოზი მექსიკაში: “ტოლუკამ” მეტოქეს გოლი ზეიმის დროს გაუტანა (ვიდეო)

Posted on ივლისი 23, 2018 by -

22 ივლისს მექსიკის ჩემპიონატში “ტოლუკამ” საკუთარ მოედანზე “მორელია” მიიღო და მეტოქე 2:0 დაამარცხა.

მატჩის მიწურულს უცნაური რამ მოხდა. 90-ე წუთზე “მორელიას” ფეხბურთელებმა გოლი გაიტანეს, თუმცა ის თამაშგარე მდგომარეობის გამო არ ჩაითვალა. მასპინძლებმა თამაში ძალიან სწრაფად განაახლეს, ამ დროს კი სტუმრებს ზეიმი დამთავრებული არ ჰქონდა. საბოლოოდ, ამას მოყვა ის, რომ სამბუეზამ გოლი გაიტანა და საკუთარი გუნდის უპირატესობა ორამდე გაზარდა.

ოსორიო: “მსაჯები ბრაზილიის ნაკრების მხარეს იყვნენ”

Posted on ივლისი 2, 2018 by იაკობ კაპანაძე

მექსიკის საფეხბურთო ნარკების მთავარმა მწვრთნელმა, ხუან კარლოს ოსორიომ, მსოფლიო ჩემპიონატის მერვედფინალურ მატჩზე ისაუბრა, სადაც მექსიკელები ბრაზილიელებთან დამარცხდნენ (0-2).

“ნათლად ჩანდა, რომ ფანები ყველანაირად ცდილობდნენ ბრაზილიის ნაკრების დახმარებას, ისინი მათკენ იყვნენ. მათი თავდამსხმელები ყოველთვის ცდილობდნენ კონტაქტში შესვლასა და ჯარიმის აკიდებას, მსაჯი კი მუდამ მათ იცავდა.

სამწუხაროა ერთ ფეხბურთელს (ნეიმარი) ამდენ დროს რომ ვუთმობდით. ნამდვილი სირცხვილია ფეხბურთისთვის. მსაჯი იმდენად ხშირად აჩერებდა თამაშს, რომ მეორე ტაიმის ტემპი სრულად დაგვიკარგა.

ფეხბურთი ძლიერი სპორტია, კაცების თამაში. ასეთი თამაშით ბავშვებსაც ცუდ მაგალითს ვაძლევთ,” – აცხადებს ოსორიო.

ბრაზილია მსოფლიო ჩემპიონატის მეოთხედფინალშია (ვიდეო)

Posted on ივლისი 2, 2018ივლისი 2, 2018 by იაკობ კაპანაძე

2 ივლისს რუსეთის ქალაქ სამარაში კიდევ ერთმი მერვედფინალური დაპირისპირება გაიმართა, სადაც მსოფლიო ჩემპიოანტის მეოთხედფინალში გასასვლელად მექსიკისა და ბრაზილიის ნაკრებები დაუპირისპირდნენ ერთმანეთს.

როგორც მოსალოდნელი იყო, მექსიკელებმა დიდი წინააღმდეგობა გაუწიეს ბრაზილიელებს. მატჩის პირველი ნახევარი გარდამავალი უპირატესობით მიმდინარეობდა და ორივე გუნდს ჰქონდა საგოლე მომენტები, თუმცა ტაიმი მშრალად დასრულდა.

მეორე ტაიმში კი მექსიკური კერკეტი კაკალი ვილიანის პასმა და ნეიმარის დარტყმამ გატეხა. ამან მექსიკელებს წინ წასვლა აიძულა და მეტი სივრცე გამოიყენა, რაც ახლადშემოსულმა ფირმინომ გამოიყენა და მეორე გოლიც შეაგდო.

ასე რომ ბრაზილია მეოთხედფინალშია და ბელგია-იაპონიის გამარჯვებულს დაუპირისპირდება.

მსოფლიოს ჩემპიონატი
1/8-ფინალური ეტაპი
ხორვატია – ისლანდია 2:0 (0:0)
გოლები: ნეიმარი 51′ ფირმინო 89′

გუარდადო: “მექსიკის ნაკრები მსოფლიო ჩემპიონატის მოგებას აპირებს”

Posted on ივნისი 24, 2018 by იაკობ კაპანაძე

მექსიკის საფეხბურთო ნაკრების გარემარბი ანდრეს გუარდადო საკმაოდ ხმამაღალ განცხადებას აკეთებს, რომლის თანახმადაც მექსიკელები მსოფლიო ჩემპიონატის მოგებას გეგმავენ.

“რეალისტები უნდა ვიყოთ, ჩვენი დავალება მხოლოდ დღევანდელი დღით არ განისაზღვრება. ჩვენ მომავალშიც გვინდა გამარჯვება. ამ მსოფლიო ჩემპიონატზე გამარჯვება გვინდა, როგორც დღეს მოვიგეთ.

ჩვენი ფანები გამარჯვებას ელოდნენ და ბედნიერები ვართ, რომ მათ იმედები არ გავუცრუეთ. კორეელების დამარცხება მნიშვენლოვანი იყო ჩვენთვის. ამ ორმა მოგებამ დავალება კიდევ უფრო გაგვიადვილა,” – აცხადებს გუარდადო.

შეგახსენებთ, რომ მექსიკელებმა პირველ მატჩში გერმანიის ძალიან ძლიერი ნაკრები დაამარცხეს (1-0), შემდეგ კი კორეელებს სძლიეს (2-1).

ლოსანოს გოლის შემდეგ მექსიკაში მიწისძვრა დაფიქსირდა

Posted on ივნისი 17, 2018 by იაკობ კაპანაძე

მექსიკის მთავრობა ადასტურებს ინფორმაციას, რომლის თანახმადაც, დღეს მექსიკის დედაქალაქ მეხიკოში მიწისძვრა დაფიქსირდა. ამის მიზეზი კი ლოსანოს მიერ გერმანიის საფეხბურთო ნაკრების კარში გატანილი გოლი გახლავთ.

როგორც იცით, მექსიკელები და გერმანელები ერთმანეთს მსოფლიოს 2018 წლის ჩემპიონატის ეგიდით გამართულ მატჩში დაუპირისპირდნენ. შეხვედრის ერთადერთი გოლი ლოსანომ თამაშის 35-ე წუთზე გაიტანა.

ზემოთ აღნიშნული გოლი მექსიკელებმა იმდენად ემოციურად აღნიშნეს, რომ სეისმოლოგების გაკვირვებაც გამოიწვიეს. SIMMSA-ს მონაცემები ადასტურებს მიწისქვეშა ბიძგებს ქალაქის დედაქალაქში.

El #sismo detectado en la Ciudad de México se originó de manera artificial. Posiblemente por saltos masivos durante el Gol de la selección de #México en el mundial. Por lo menos dos sensores dentro de la Ciudad lo detectaron a las 11:32. pic.twitter.com/mACKesab3b

— SIMMSA (@SIMMSAmex) June 17, 2018

პირველი სენსაციაც გამოცხვა: მექსიკამ გერმანიას მოუგო (ვიდეო)

Posted on ივნისი 17, 2018 by კახა ყიფიანი

დღეს მსოფლიოს ჩემპიონატზე, F ჯგუფში, პირველი ტურის შეხვედრაში გერმანია მექსიკას დაუპირირსპირდა.

მატჩი ორმხრივი შეტევებით წარიმართა. 35-ე წუთზე მექსიკა კონტრშეტევაზე წავიდა, ხავიერ ერნანდესმა ირვინგ ლოზანოს გადააწოდა ბურთი, რომელმაც საჯარიმოში მეტოქის ფეხბურთელი მოატყუა და მეკარისგან მარჯვენა კუთხეში გაიტანა გოლი. მეორე ნახევარში გერმანიას გასატანი ჰქონდა და, ლოგიკურად, პირველ ნომრად თამაშობდა. თუმცა, მსოფლიოს მოქმედმა ჩემპიონებმა ვერცერთი შანსი ვერ გამოიყენა და დაპირისპირებაც საბოლოოდ, 0-1 დასრულდა.

ამ გამარჯვების შემდეგ მექსიკა სამი ქულით პირველზეა. ხოლო, გერმანია, ჯერჯერობით, ნული ქულით ბოლოზე. ხვალ, 18 ივნისს, ამ ჯგუფში შვედეთი სამხრეთ კორეას დაუპირისპირდება. ეს თამაში 16:00 საათზე დაიწყება.

მექსიკის ნაკრების ფეხბურთელებმა წვეულებაზე 30 მოდელი დაპატიჟეს (ფოტო)

Posted on ივნისი 6, 2018 by იაკობ კაპანაძე

რუსეთში გასამართი მსოფლიოს 2018 წლის ჩემპიონატი კარზე მოგვადგა და გუნდები მაქსიმალურად ემზადებიან ამ უდიდესი მოვლენისთვის. თუმცაღა ყველა ფეხბურთელი თავისებური გზით ემზადება.

ადგილობრივი პრესის ცნობით, მექსიკის საფეხბურთო ნაკრების რამდენიმე წევრმა (ექტორ ერერა, გილერმო ოჩოა, ხესუს გალიარდო, ჟონათან და ჯოვანი დოს სანტოსები, ხესუს კორონა, რაულ ხიმენესი, კარლოს სალსედო და მარკ ფაბიანი) წვეულება მოაწყო, სადაც 30 მოდელიც მიიწვიეს ესკორტ-სააგენტოდან.

წყაროს ცნობით, წვეულება 22 საათზე დაიწყო და დილის 4 საათზე დასრულდა. ეს ყველაფერი შოტლანდიასთან გამართული ამხანაგური მატჩის შემდეგ ხდებოდა.

მექსიკაში მოპარული ევროპა ლიგის ორიგინალი თასი დაბრუნებულია

Posted on აპრილი 21, 2018 by იაკობ კაპანაძე

გასულ კვირას ევროპა ლიგის თასი მექსიკის ქალაქ ლეონ დე ლოს ალიდამას ეწვია, საიდანაც ის ადგილობრივი ბანდის წევრებმა მოიპარეს. ამ ინფორმაციას წამყვანი ევროპული გამოცემებიც ადასტურებენ. საბედნიეროდ, სამართალდამცავებმა ტიტული ორი დღის შემდეგ დააბრუნეს.

ევროპა ლიგის თასის სხვადასხვა ქალაქებში მოგზაურობა კომპანია FedEx-ის იდეა გახლავთ. მექსიკელებმა თასის მოპარვა მაშინ შეძლეს, როდესაც მას სპეციალური ავტომანქანით გადაადგილებდნენ ქალაქში.

უეფა ამტკიცებს, რომ ორიგინალი თასი მუდამ მათთან ინახება და ჩემპიონებს რეპლიკა გადაეცემათ, მაგრამ PGJE-ს ცნობით, თასი, რომელიც მექსიკელებმა გაიტაცეს ორიგინალი იყო.

#PGJEInforma Que a través de elementos de la @AIC_Guanajuato es recuperada la copa @EuropaLeague tras recibir la denuncia que había sido robada del vehículo que la trasladaba posterior a un evento en @municipio_leon. pic.twitter.com/TF8sKjVRAe

— PGJE (@PGJEGUANAJUATO) April 20, 2018

ბელგია მსოფლიოს ჩემპიონატზე ითამაშებს!

Posted on სექტემბერი 4, 2017 by კახა ყიფიანი

გუშინ მსოფლიოს ჩემპიონატის საკვალიფიკაციო ეტაპის მორიგი შეხვედრები გაიმართა.

“სტადიო გეორგიოს კარაისკაკიზე” საბერძნეთის ნაკრებმა ბელგიის ეროვნული გუნდი მიიღო. 70-ე წუთზე ვერტონგენის მიერ გატანილ გოლს, სამ წუთში ზეკამ უპასუხა. თუმცა, 74-ეზე ლუკაკუმ გამარჯვების ბურთი შეაგდო და საბოლოო ანგარიში, 1-2 დააფიქსირა. წითელ ეშმაკებს 22 ქულა დაუგროვდათ, რვა ქულით გაასწრეს ბოსნია-ჰერცოგოვინას და შესაბამისად, რუსეთში მომავალ ზაფხულში გასამართი მსოფლიოს ჩემპიონატის საგზურიც გაინაღდეს.

აქვე გეტყვით, რომ ბელგიასთან ერთად, მუნდიალზე გასვლა უკვე მოახერხეს: ირანმა, იაპონიამ, ბრაზილიამ, მექსიკამ. ხოლო, რუსეთი მასპინძლის სტატუსის მქონეა და იგი, როგორც იცით, პირდაპირ მოხვდა აღნიშნულ ტურნირზე.

მექსიკისა და პორტუგალიის ნაკრებებმა რუსეთში ნამდვილი შოუ დადგეს (ვიდეო)

Posted on ივნისი 18, 2017ივნისი 18, 2017 by იაკობ კაპანაძე

დღეს, 18 ივნისს კონფედერაციის თასის 2017 წლის გათამაშებაში პორტუგალიისა და მექსიკის ნაკრებებიც ჩაერთვნენ.

მატჩი საკმაოდ საინტერესო და დაძაბული გამოდგა – ანგარიში მატჩის 34-ე წუთზე რიკარდო ქუარეჟმამ გახსნა კრიშტიან რონალდუს გოლი, რასაც ჰავიერ ერნანდესმა 42-ე წუთზე უპასუხა.

სედრიკმა 86-ე წუთზე კვლავ დააწინაურა პორტუგალიის ნაკრები, თუმცა მორენომ მატჩის დასრულებამდე ორიოდე წუთით ადრე შეძლო ანგარიშის გათანაბრება – 2:2.

ა ჯგუფის მეორე ტურის მატჩში პორტუგალია რუსეთს დაუპირისპირდება, მექსიკა კი ახალ ზელანდიას.

პორტუგალია: რუი პატრისიო; გერეირო, ფონტე, პეპე, სედრიკი; გომეში, მოუტინიო (სილვა 58′), კარვალიო, ქუარეჟმა (ანდრე სილვა 82′); რონალდუ, ნანი (მარტინსი 58′)

მთვარი მწვრთნელი: ფერნანდუ სანტუში

მექსიკა: ოჩოა; სალკედო (არაუხო 67′), რეიესი, მორენო, ლაიუნი; დოს სანტოსი, ერერა, გუარდადო; კარლოს ველა (ჯოვანი დოს სანტოსი 57′), ჩიჩარიტო, ხიმენესი

მთავარი მწვრთნელი: ოსორიო

ჩიჩარიტო მექსიკის ნაკრების საუკეთესო ბომბარდირი გახდა

Posted on მაისი 28, 2017 by იაკობ კაპანაძე

მექსიკის ნაკრებისა და “ბაიერ ლევერკუზენის” თავდამსხმელისათვის გუშინდელი დღე განსაკუთრებული აღმოჩნდა.

საქმე ისაა, რომ გუშინ, მექსიკისა და ხორვატიის საფეხბურთო ნაკრებებს შორის გამართულ მატჩში (1:2) მასპინძელთა მხრიდან ერთადერთი გოლი ჰავიერ ერნანდესმა გაიტანა, რითიც მექსიკური ფეხბურთის ისტორიაში შევიდა.

ეს ჩიჩარიტოსთვის ნაკრებში გატანილი 47-ე გოლი იყო, რითიც ის საკუთარი ქვეყნის საუკეთესო ბომბარდირი გახდა. გუშინ მან ჯარედ ბორჰეტის გადაასწრო, რომლის ანგარიშზეც ნაკრებში გატანილი 46 გოლია.