ჭდე: მესი

FIFA 17-ის რეიტინი: მესი ჩამოაქვეითეს, რონალდუ საუკეთესოა

Posted on by იაკობ კაპანაძე

უკვე გამოქვეყნდა FIFA 17-ის შეფასებები, რომლის მიხედვითაც, ამ დროისთვის მსოფლიოს საუკეთესო ფეხბურთელი კრიშტიანუ რონალდუა. ლეო მესი კი პირველიდან მეორე ადგილზე გადავიდა.

FIFA 16-ში მესი 94 ქულით იყო შეფასებული, მაგრამ წელს მისმა რეიტინგმა მოიკლო (93), მიუხედავად იმისა, რომ ფეხბურთელების უმეტესობას რეიტინგი საგრძნობლად მოემატა.

შეგახსენებთ, რომ FIFA 17-ის გარეკანზე ლეო მესის ნაცვლად მარკო როისი იქნება გამოსახული, რაც გამოწვეულია მესის ნაბიჯით, რომელმაც Pro Evolution Soccer-თან გააფორმა ხელშეკრულება. შესაძლოა, სწორედ ეს არის მესის რეიტინგის კლების მიზეზი.

რონალდუ კი, FIFA 17-ის საუკეთესო, უძლიერესი მოთამაშეა 2015/16 წლების სეზონის ჩემპიონთა ლიგისა და ევრო 2016-ის მოგების შემდეგ. FIFA 17-ში პორტუგალიელი 94 ქულით არის შეფასებული.

რიგით მესამე უძლიერესი ფეხბურთელის სტატუსს ამ თამაშში ბრაზილიელი ნეიმარი ატარებს, რომელიც 92 ქულით იქნა შეფასებული.

არგენტინის ნაკრები: მესი ურუგვაის წინააღმდეგ ითამაშებს

Posted on by იაკობ კაპანაძე

არგენტინული ფეხბურთის ასოციაცია აცხადებს, რომ მესის რეაბილიტაციის პროცესი წარმატებით დასრულდა და რომ “ბარსელონას” ფორვარდი ურუგვაისთან გასამართ მატჩში მოედანზე გასვლას შეძლებს.

შეგახსენებთ, რომ მესიმ სანაკრებო პაუზამდე მარცხენა მუხლის მყესები დაიზიანა. მისი თამაში დიდი კითხვის ნიშნის ქვეშ იდგა, თუმცა ლეო მაინც გაჰყვა არგენტინის ნაკრებს შეკრებაზე.

მესისთან ერთად, ურუგვაის ნაკრების წინააღმდეგ შეტევის ხაზში ანხელ დი მარია და პაულო დიბალაც ითამაშებს. სავარაუდოდ, სწორედ აღნიშნულ მატჩში შედგება ლუკას პრატოს დებიუტიც, რომელსაც სერხიო აგუეროს ჩანაცვლება ევალება.

“ბარსელონა” მესისა და სუარესს კონტრაქტების გახანგრძლივებას პირდება

Posted on by იაკობ კაპანაძე

კატალონიური “ბარსელონა” ახალი, გრძელვადიანი კონტრაქტების შეთავაზებას აპირებს ლიონელ მესისა და ლუის სუარესისათვის. აღნიშნული ინფორმაცია კლუბის სპორტულმა დირექტორმა, ალბერტ სოლერმა გაასაჯაროვა.

“ჩვენ უკვე განვახორციელეთ 22 ტრანზაქცია. კონტრაქტები ისეთ მნიშვნელოვან ფეხბურთელებს გაუხანგრძლივდათ, როგორებიც არიან ხავიერ მაშერანო, ბუსკეტსი და ნეიმარი.

მომავალში კი ჩვენ სამომავლო გეგმას რაკიტიჩის, სუარესისა და მესისთვის კონტრაქტების გახანგრძლივება შეადგენს. “ბარსელონა” გაჩერებას არ აპირებს.

მესი და ინიესტა აქ მანამ დარჩებიან, სანამ თვითონ არ მოუნდებათ წასვლა. ისინი ჩვენი სიმბოლოები არიან. გვინდა, რომ მათ კარიერა სწორედ აქ დაასრულონ.”

“ბარსელონა” ადასტურებს: მესიმ მყესები დაიზიანა

Posted on by იაკობ კაპანაძე

კატალონიური “ბარსელონას” ლიდერი, ლიონელ მესი შესაძლოა, არგენტინას მსოფლიო ჩემპიონატის საკვალიფიკაციო ეტაპის ეგიდით გასამართ მატჩებში ვერ დაეხმაროს, სადაც სამხრეთ ამერიკელები ურუგვაელებსა და ვენესუელელებს დაუპირისპირდებიან.

დღეს, ორშაბათს ჩატარებულმა სამედიცინო გამოკვლევამ აჩვენა, რომ მესის მარცხენა მუხლის მყესები აქვს დაზიანებული. მიუხედავად ამისა, ის მაინც გაემგზავრება არგენტინაში, რათა მის თანაგუნდელებს შეუერთდეს.

“შეძლებს თუ არა მესი ნაკრების დახმარებას მისი რეაბილიტაციის პროცესის წარმატებულობაზე იქნება დამოკდიებული.” – ვკითხულობთ კატალონიელთა განცხადებაში.

რონალდომ ყველა დროის სიმბოლური ნაკრები დაასახელა

Posted on by -

ბრაზილიის ეროვნული ნაკრების ყოფილმა თავდამსხმელმა, ლეგენდარულმა რონალდომ ყველა დროის სიმბოლური ნაკრები შეადგინა.

რონალდოს თერთმეტეულში სამი მოქმედი ფეხბურთელი მოხვდა, ამ შემთხვევაში მან პირლო, ბუფონი და მესი გამოარჩია. აღსანიშნავია ისიც, რომ ლუის ნაზარიომ საუკეთესოთა შორის თავისი თავიც შეიყვანა.

მეკარე: ბუფონი;
მცველები: კაფუ, მალდინი, კანავარო, კარლოსი;
ნახევარმცველები: მარადონა, ზიდანი, პირლო, მესი;
თავდამსხმელები: პელე, რონალდო.

Goal: მესი არგენტინის ნაკრებს უახლოეს მომავალში დაუბრუნდება

Posted on by იაკობ კაპანაძე

არგენტინის ნაკრების თავკაცმა, ედგარდო ბაუსამ “ბარსელონას” ლიდერთან, ლეო მესისთან შეხვედრის შემდეგ კომენტარი გააკეთა, სადაც აღნიშნა, რომ მათი საუბარი ლეოს არგენტინის ნაკრებში დაბრუნებას არ ეხებოდა. თუმცა, მან მაინც მიგვანიშნა იმაზე, რომ მესის ნაკრებში დაბრუნება აქვს გადაწყვეტილი.

“მის ნაკრებში დაბრუნებაზე არ გვისაუბრია. ეს იყო საუბარი ფეხბურთის შესახებ. რამოდენიმე დღეში, მე მას კვლავ შევეხმიანები.” – განუცხადა 58 წლის სპეციალისტმა ჟურნალისტებს ბარსელონაში ყოფნისას.

არგენტინაში დაბრუნების შემდეგ კი, მან ასეთი განცხადება გააკეთა: “ეჭვიც არ მეპარება, რომ მას ნაკრებში დაბრუნება უნდა. მაგრამ, მოცდა მოგვიწევს.” – განაცხადა ბაუსამ.

ევროპის საუკეთესო ფეხბურთელის ჯილდოს სამი ნომინანტი გაირკვა!

Posted on by კახა ყიფიანი

სულ ცოტა ხნის წინ გაირკვა იმ სამი ფეხბურთელის ვინაობა, რომლებიც წელს ევროპის საუკეთესო ფეხბურთელის ჯილდოსთვის იბრძოლებენ.

რაც არ უნდა გასაკვირი იყოს, ამ სიაში არ არის არგენტინელი სუპერვარსკვლავი, ლიონელ მესი, რომელმაც “კოპა ამერიკა” ვერ მოიგო, მაგრამ “ბარსას” შემადგენლობაში “პრიმერა დივიზიონისა” და “კოპა დელ რეის” თასების მოპოვება მოახერხა.

სამეული კი ასე გამოიყურება: კრიშტიანუ რონალდუ, გარეთ ბელი და ანტუან გრიზმანი.

მალდინი: “დიახ, მესი შეუჩერებელია”

Posted on by -

“მილანის” ლეგენდარულმა ფეხბურთელმა, პაოლო მალდინიმ განაცხადა, რომ “ბარსელონას” სუპერვარსკვლავი, ლიონელ მესი შეუჩერებელია.

“როსონერის” ყოფილი კაპიტნის თქმით, მას მესისთან დაპირისპირების შანსი მხოლოდ ერთხელ ჰქონდა და მაშინაც, არგენტინელს ტრავმა აწუხებდა.

“გამიმართლა, რომ მესის წინააღმდეგ არასოდეს მითამაშია. როცა “ბარსელონას” შევხვდით, ის ტრავმირებული იყო. ნამდვილად არ ვიცი, როგორ მოვახერხებდი მის შეჩერებას.

არის თუ არა მესი შეუჩერებელი? დიახ, ლეო ასეთია. წინასწარ არავინ იცის, რას გააკეტებს ის მოედანზე. მაგალითად, მას შეუძლია ერთი ჩვეულებრივი მომენტიდან საგოლე შანსი შექმნას”, – უთხრა მალდინიმ Marca-ს.

ლაპორტა: “ბარსელონაში” არიან ადამიანები, რომელთაც მესის წასვლა სურთ”

Posted on by იაკობ კაპანაძე

ჟოან ლაპორტამ “ბარსელონას” ამჟამინდელი ხელმძღვანელობა უმოქმედებაში დაადანაშაულა (მესის საქმესთან დაკავშირებით) და განაცხადა, რომ ხოსეპ ბართომეუს შტაბში არიან ისეთი ადამიანებიც, რომელთაც უნდათ, რომ მესიმ გუნდი დატოვოს.

“ბარსელონაში” არიან ადამიანები, რომელთაც სურთ, რომ მესიმ კლუბი დატოვოს.” – განაუცხადა ლაპორტამ კატალონიურ რადიოს.

“პატივი უნდა ვცეთ სასამართლოს გადაწყვეტილებას, მაგრამ ყველასათვის ნათელია, რომ მესი საკუთარ გადასახადებს პატიოსნად იხდის.

ჩემთვის, “ბარსა” კლუბზე მეტია, რომლის სათავეში დგომის პატივიც მქონდა.

ჩემმა სისტემამ იმუშავა, კლუბი აღიარეს და შეიყვარეს. საუბედუროდ, ბოლო დროს რაღაცეები შეიცვალა.”

არა “ჩელსის”! “ბარსელონა” მესის ახალ კონტრაქტს შესთავაზებს

Posted on by კახა ყიფიანი

ბოლო დროს ბევრი დაიწერა იმის შესახებ, რომ ლიონელ მესის მამა შეხვდა რომან აბრამოვიჩს და შვილის “ჩელსიში” გადასვლის საკითხი განიხილა.

ესპანურ გამოცემას, “მუნდო დეპორტივოს” თუ დავუჯერებთ, კატალონიური გუნდი არც ერთ შემთხვევაში არ აპირებს ლიდერის გაყიდვას. მეტიც, “ბარსას” მესვურებს უნდათ, რომ ლეოს ახალი, 5 წლიანი კონტრაქტი შესთავაზონ, რომლის მიხედვითაც იგი 2021 წლამდე დარჩება გუნდში. ის თანხა, რომელსაც ერთ კვირაში ანაზღაურების სახით მიიღებს მესი თუ “ბარსელონას” შემოთავაზებას დათანხმდება, უცნობია.

შეგახსენებთ, რომ მიმდინარე კონტრაქტის მიხედვით 29 წლის მოთამაშის ხელფასი კვირაში 336 000 ფუნტს შეადგენს კვირაში. მესის ოფიციალური დოკუმენტები გუნდთან 2018 წლამდე აკავშირებს და იგი 250 მილიონ ევროდაა შეფასებული.

სუარესი:”ნეიმარი რონალდინიოს მაგონებს”

Posted on by კახა ყიფიანი

“ბარსელონას” ფეხბურთელმა, დენის სუარესმა, რომელმაც ამ ზაფხულზე “ვილიარეალიდან” მიაშურა კატალონიურ გრანდს, მის თანაგუნდელ ნეიმარზე ისაუბრა.

“ბლაგურნა” მამაჩემმა შემაყვარა. მასთან ერთად ხშირად ვყურობდი “ბარსას” თამაშებს. ძალიან ბედნიერი ვარ, რომ რონალდინიოს “ბარსელონაზე” გავიზარდე. ბრაზილიელ ფეხბურთელში თანაბრად და მაღალი დოზით იყო ფანტაზია, კარგი დრიბლინგი და ტექნიკა. თანამედროვე ფეხბურთში ნეიმარის თამაში ძალიან მაგონებს რონალდინიოს სტილს.”

“რაც შეეხება მესის, იგი ყველა დროის საუკეთესოა! მისი მსგავსი მოთამაშე არასდროს მინახავს. ის ძალიან ბევრ ინდივიდუალურ რეკორდს ამყარებს. ამავე დროს, ლეო გუნდური მოთამაშეცაა. ის თამაშობს მთლიანად კოლექტივის წარმატებისთვის და მიზანს ხშირად აღწევს,” – განაცხადა სუარესმა.

ბრაზილიის მწვრთნელი: “პენალტები? ეს მატჩის ბედის გადაწყვეტის არაჰუმანური გზაა”

Posted on by იაკობ კაპანაძე

ბრაზილიის ნაკრების მთავარმა მწვრთნელმა, ტიტემ მესის მიმართ სიმპათიები გამოხატა და აღნიშნა, რომ თამაშის ბედის პენალტებით გადაწყვეტა არაჰუმანური რამ არის.

“ჩემი გადმოსახედიდან არაჰუმანურია, როდესაც მატჩის ბედის გადაწყვეტა პენალტების სერიით ხდება. მე სხვა გზას ავირჩევდი ამისათვის.

რა თქმა უნდა პენალტების შესრულებაც ტექნიკურ შესაძლებლობებსა და მენტალურ სიძლიერეს მოითხოვს, მაგრამ ამის გაკეთება სხვანაირადაც შეიძლება. არ ვიცი როგორ, მაგრამ როცა მნიშვნელოვან ფეხბურთელს უიღბლობის გამო მსგავსი რამ ემართება უბრალოდ უსამართლობაა.”

შეგახსენებთ, რომ ტიტემ ახლახან გამართული კოპა ამერიკის ფინალი გაიხსენა, რომელშიც არგენტინელები ჩილელებთან პენალტების სერიაში დამარცხდნენ. აცილებული პენალტისა და დასანანი მატჩის შემდეგ ლეო მესიმ სანაკრებო კარიერა დაასრულა.