საინტერესო ინფორმაციას ავრცელებს Goal.Com-ი.
ნახსენები წყაროს თანახმად, ლონდონის “ჩელსი” სერიოზულად არის დაინტერესებული “მილანის” მცველით, მატია დე შილიოთი. მოგეხსენებათ, იტალიურ კლუბს ლონდონელთა ფეხბურთელის, სესკ ფაგბრეგის შეძენა გასულ ზაფხულზე სურდათ, თუმცა “ჩელსიმ” ჩემოთავაზება დაბლოკა.
ახლა ჩნდება რეალური შანსი იმისა, რომ თუ “მილანი” დე შილიოს კიდევ ათ მილიონ ევროს დაამატებს, სანაცვლოდ “ჩელსისგან” ფაბრეგასს მიიღებს.
ვნახოთ, როგორ განვითარდება მოვლენები მომავალ ზამთარში.
გავლენიანი იტალიური გამოცემა, Gazzetta dello Sport-ი იტყობინება, რომ მილანის “ინტერი” სერიოზულად არის დაინტერესებული იტალიის ნაკრებისა და “მანჩესტერ იუანიტედის” მცველით, მატეო დარმიანით.
ირკვევა, რომ მილანური კლუბის ხელმძღვანელობას მატეოს იჯარით აყვანა იანვრის სატრანსფერო ფანჯარაზე სურს.
დარმიანი “წითელი ეშმაკი” 2015 წლის ზაფხულზე გახდა. მან ახალ სეზონში მხოლოდ ერთ მატჩში – “ფეინოორდის” წინააღმდეგ – მიიღო მონაწილეობა, სადაც მოურინიოს შეგირდები მინიმალური ანგარიშით დამარცხდნენ.
26 წლის მოთამაშე ტრავმიანობს და, სავარაუდოდ, იგი მოურინიოს გეგმებში არ შედის.
ვნახოთ, როგორ განვითარდება მოვლენები მომავალ იანვარში.
იტალიური გამოცემა Tuttomercatoweb ავრცელებს ინფორმაციას, რომლის თანახმადაც “როსონერის” ხელმძღვანელები “მანჩესტერ იუნაიტედის” ჰოლანდიელი შემტევის გადაბირებით არიან დაინტერესებულები.
იტალიურ სერია ა-ში მოთამაშე გუნდის ჩინელი მფლობელები ზამთრის სანტრასფერო ფანჯარაზე მონტელასთვის საკმაოდ დიდი თანხის გამოყოფას აპირებენ. დეპაი კი გუნდის სამიზნეთა სიაში პირველ ადგილს იკავებს.
შეგახსენებთ, რომ 22 წლის ჰოლანდიელი ფეხბურთელი “ოლდ ტრაფორდზე” 2014-15 წლების ერედივიზიონის გათამაშებაში თავის გამოჩენის შემდეგ გადაბარგდა, თუმცა მისმა ტრანსფერმა იმედები ვერ გაამართლა.
ფორვარდმა ჟოზე მოურინიოს “მანჩესტერში” 4-ჯერ ითამაშა. ოთხიდან მხოლოდ 1 შემთხვევაში დაიწყო მან მატჩი სასტარტო შემადგენლობიდან.
The Sun-ის მიერ გავრცელებული ინფორმაციის თანახმად, “პარის სენ-ჟერმენის” ხელმძღვანელები ანტუან გრიზმანის გადაბირების ამაო მცდელობების შემდეგ, “მილანის” კოლუმბიელ შემტევზე, კარლოს ბაკაზე გადაერთვნენ.
ასე რომ, “როსონერის” კოლუმბიელი ლდიერი, რომელმაც სერია ა-ს 6 მატჩში 5 გოლის გატანა მოახერხა, უნაი ემერის მთავარი სამიზნე იქნება ზამთრის სატრანსფერო ფანჯარაზე, რომელიც შეტევის ხაზის გაძლიერებისაკენ ისწრაფვის.
აქვე გეტყვით იმასაც, რომ საფრანგეთის ჩემპიონებს კარლოს ბაკასთვის ჩემპიონთა ლიგაზე თამაშის შანსის შეთავაზება შეუძლიათ, რამაც შესაძლოა ამ ტრასნფერში გადამწყვეტი როლიც ითამაშოს.
ზლატან იბრაჰიმოვიჩი პეპ გვარდიოლას ფორმაციის “ბარსელონაში” თამაშობდა. მან კატალონიურ გრანდში მხოლოდ ერთი წელი გაატარა და ზაფხულზე გუნდი დატოვა. ამის მიზეზად იგი ავტობიოგრაფიულ წიგნში გვარდიოლასთან უთანხმოებას ასახელებს – ზლატანი ამბობს, რომ პეპი მასთან არასდროს იყო პირდაპირი, არ ელაპარაკებოდა პირისპირ კონკრეტულ პრობლემებზე და მას ხშირად არიდებდა თავს.
რამდენიმე დღის წინ ნახსენებ საკითხზე ზლატანმა ერთ-ერთ ინტერვიუში კიდევ ერთხელ ისაუბრა. გვარდიოლამ ზლატანს მედიის საშუალებით უპასუხა.
“რასაც ის თავის წიგნში წერს, მხოლოდ მისი რწმენა-წარმოდგენებია. ეს არ შეესაბამება რეალობას!”
“მე ყოველთვის სუფთა და მართალი ვიყავი მის მიმართ. არასდროს ვარიდებდი თავს ზლატანთან საუბარს, არასდროს, არასდროს! ვცდილობდი, პირისპირ მელაპარაკა ნებისმიერ თემაზე! არასდროს გამომიყენებია მედია შვედ ფეხბურთელისთვის რამისთვის სათქმელად.”
“ადამიანებს შეუძლიათ ძალიან, ძალიან ბევრი რამე თქვან ჩვენს ურთიერთობაზე, მაგრამ მე იბრაჰიმოვიჩის მიმართ სუფთა ვარ,” – განაცხადა კატალონიელმა სპეციალისტმა.
ზლატან იბრაჰიმოვიჩმა მის ახლანდელ მწვრთნელზე, ჟოზე მოურინიოზე ისაუბრა და თქვა, რომ მას, “ინტერის” დროიდან მოყოლებული, ძალიან კარგად იცნობს; ორივეს ერთად წარმატებების მიღწევა არ გაუჭირდებათ, რადგან გამარჯვებული მენტალიტეტი აქვთ.
“დიდი ხანია, ჟოზეს ვიცნობ. ვიცი, რა უნდა მას და რის ხარჯზე ცდილობს კონკრეტული მიზნის მიღწევას.”
“მას და მე გამარჯვებულის მენტალიტეტი გაგვაჩნია. ეს იმას ნიშნავს, რომ ნებისმიერ მომენტსა და სიტუაციაში ყველაფერს ვაკეთებთ, რათა მაქსიმუმს – გამარჯვებას მივაღწიოთ.”
“წარსულში მეც ბევრ რამეს ვიგებდი და ისიც. ჩვენ ერთად 2009 წელს სერი ა-ს თასი აღვმართეთ.”
“ის უძლიერესი მწვრთნელია; ყველგან, რა დონის ფეხბურთელებიც არ უნდა ჰყავდეს, ყოველთვის წარმატება სურს. ამის დასტურია “პორტო” – მან არც თუ ისე ძლიერი შემადგენლობით ჩემპიონთა ლიგა მოიგო.”
“ჟოზე ძალიან პირდაპირია. ის არასდროს საუბრობს ვინმეს ზურგს უკან. ამ თვისებას მასში ვაფასებ!” – განაცხადა იბრამ სეუ ჟოზეზე.
იტალიურ პრესაში გავრცელებული ინფორმაციის თანახმად, ლონდონის “ტოტენჰემის” თავდამსხმელის, ჰარი კეინის გადაბირებით იტალიური “მილანი” სერიოზულადაა დაინტერესებული.
Corriere dello Sport-ის ცნობით, “როსონერის” ხელმძღვანელებმა, რომლებსაც ჩინელი ინვესტორები აფინანსებენ, ინგლისელი ფორვარდი ზამთრის სატრანსფერო ფანჯარაზე მთავარ სამიზნედ დაისახეს.
იტალიელები ზაფხულშიც ცდილობდნენ კეინის გადაბირებას, რომელსაც პრემიერ ლიგის ახალ სეზონში ჯერ გოლი არ გაუტანია, თუმცა ამაოდ. ამჯერად, “მილანი” ჰარი კეინის სანაცვლოდ “ტოტენჰემისთვის” 50 მილიონი ევროს შეთავაზებას აპირებს.
იტალიური “მილანის” კარის დარაჯი, ჯანლუიჯი დონარუმა მადრიდის “რეალის” რადარზე გამოჩნდა. აღნიშნულ ინფორმაციას საკმაოდ ავტორიტეტული გამოცემა, Sport ავრცელებს.
შეგახსენებთ, რომ 17 წლის დონარუმა, რომელიც ახალგაზრდული ასაკის მიუხედავად, “მილანის” ძირითადი მეკარე გახლავთ, იტალიის ნაკრების ყველაზე ახალგაზრდა დებიუტანტი გახდა 1911 წლის შემდეგ.
ესპანური გამოცემის ცნობით, “ბლანკოსის” პრეზიდენტი, ფლორენტინო პერესი დონარუმას დიდი ფანატია და მის გადასაბირებლად ყველაფერს გააკეთებს.
აქვე გეტყვით იმასაც, რომ ზინედინ ზიდანი კეილორ ნავასის ჩამნაცვლებლად არ დონარუმას, არამედ მის 18 წლის შვილს, ლუკას მოისაზრებს.
იტალიური “მილანის” თავდამსხმელმა, კარლოს ბაკამ უარყო ჭორები, რომლის თანახმადაც ის “როსონერის” დატოვებას აპირებდა. მეტიც, მისი თქმით ის მაქსიმალურად ეცდება, რომ გუნდი უკან, მწვერვალზე დააბრუნოს.
“ბევრი რამ ითქვა და დაიწერა იმის შესახებ, რომ კლუბებს ჩემი გადაბირება სურს. სიმართლე კი ის არის, რომ კლუბის დატოვება არ მინდა.
ამ გუნდში ბედნიერი ვარ და მაქსიმალურად ვემზადები პირველი მატჩისათვის. მინდა მაქსიმუმი გავაკეთო იმისა, რაც შემიძლია.
კარგა ხნის შემდეგ დავფიქრდი და მივხვდი, რომ “სევილია” უბრალოდ ჩემპიონთა ლიგაზე სათამაშოდ კი არა, “მილანის” უკან, მწვერვალზე დასაბრუნებლად დავტოვე. აქიდან მანამ არ წავალ, სანამ ჩემს მისიას არ შევასრულებ.”
არ არის გამორციხული, ზაფხულის სატრანსფერო ფანჯრის პერიოდში “მილანმა” მადრიდის “რეალის” ფეხბურთელი, ისკო შეიძინოს. Football Italia-ს ცნობით, ვიჩენცო მონტელას ესპანელი მოთამაშე ძალიან მოსწონს.
24 წლის შემტევ ნახევარმცველს გასულ სეზონში, “სამეფო კლუბის” ძირითად შემადგენლობაში თამაში იშვიათად უწევდა, ამიტომ მისი სხვა გუნდში ხილვის შანსი კიდევ უფრო რეალურია.
შეგახსენებთ, რომ რამდენიმე დღის წინ სილვიო ბერლუსკონიმ “მილანის” 99.93 პროცენტი ჩინელ ინვესტორებს მიჰყიდა.
სულ ცოტა ხნის წინ “მილანის” უკვე ყოფილმა მფლობელმა, სილვიო ბერლუსკონიმ იტალიური კლუბის აქციები ჩინელ ბიზნესმენს საკმაოდ სარფიან ფასად მიჰყიდა.
ნახსენებ ფაქტთან დაკავშირებით ომარ მომანი სახალისო კარიკატურას გვთავაზობს.
დღეს დილაადრიან აშშ-ში მიმდინარე ამხანაგურ ტურნირზე, “ჩემპიონთა საერთაშორისო თასზე” გაიმართა მატჩი, რომელშიც ერთმანეთს “მილანი” და “ჩელსი” დაუპირისპირდნენ.
როგორც მოსალოდნენლი იყო, პირველი წუთებიდანვე “ჩელსი” დაეუფლა უპირატესობას. ლონდონელებმა მალე ეს გოლშიც ასახეს – 24-ე წუთზე ტრაორემ წინ გაიყვანა მისი გუნდი. ზუსტად 14 წუთში “მილანმა” ანგარიში გაათანაბრა – ამის გაკეთება ბონავენტურამ შეძლო.
მეორე ტაიმში კიდევ ორი გოლი გავიდა – ორივე იტალიელელბის კარში. 70-ე წუთზე ოსკარმა პენალტი ზუსტად შეასრულა, ხოლო 79-ეზე კი ბრაზილიელმა მოთამაშემ დუბლი გაიფორმა და საბოლოო ანგარიში, 1-3 დააფიქსირა.
