ჭდე: მილანი

“მილანი” ტეო უოლკოტის გადაბირებას აპირებს

Posted on by იაკობ კაპანაძე

CalcioMercatoWeb-ის მიერ მოპოვებული ინფორმაციის თანახმად, იტალიური “მილანის” ხელმძღვანელები “არსენალის” ფორვარდის, ტეო უოლკოტის გარშემო არსებული სიტუაციით არის დაინტერესებული.

როგორც იცით, ინგლისელი ფეხბურთელი “ემირეიტს სტედიუმის” დატოვებას მიმდინარე სეზონის ბოლოს აპირებს. მისთვის პრობლემას არასაკმარისი სათამაშო პრაქტიკა წარმოადგენს.

“როსონერი” კი შემტევი ხაზის გაძლიერებას აპირებს, რისთვისაც “საუთჰემპტონის” ყოფილი ფეხბურთელი მართლაც რომ შესაფერისი ვარიანტია. სერია ა-ს გრანდი აღნიშნულ ტრანსფერში მანუელ ლოკატელის ჩარტვასაც აპირებს.

ჩიჩარიტო: “იუვეს” უარი “ლევერკუზენის” გამო ვუთხარი”

Posted on by იაკობ კაპანაძე

ჰავიერ ერნანდესმა აღიარა, რომ ზაფხულში შემოთავაზება “იუვენტუსისგანაც” მიიღო, თუმცა ჩათვალა, რომ მისი კარიერისთვის გერმანიაში გადაბარგება უფრო მნიშვნელოვანი იქნებოდა.

“ზაფხულში ჩემს შეძენას “იუვენტუსი”, “ინტერი”, “მილანი”, “ლაციო” და “რომა” ცდილობდა.” – განუცხადა მან La Gazzetta dello Sport-ს.

“თუმცა, “ლევერკუზენი” ავირჩიე, რადგანაც ვგრძნობდი, რომ მათ ვჭირდებოდი. ისინი დარწმუნებულები იყვნენ, რომ მე მათ დახმარებას შევძლებდი, რამაც ძალიან გამახარა. აქ ყველაფერი მაქვს რაც მჭირდება.

სამი ქვეყნის სამ დიდ კლუბში მაქვს ნათამაშები, ასე რომ ყველაფერი შეიძლება მოხდეს.” – დაამატა მექსიკელმა ფორვარდმა.

ბროკი: „პასუხისმგებლობას ჩემს თავზე ვიღებ“

Posted on by Alix

„მილანის“ მთავარმა მწვრთნელმა კრისტიან ბროკიმ განაცხადა, რომ ბოლოადგილოსან „ვერონასთან“ ანგარიშით 1:2 მარცხისთვის პასუხისმგებელია.

„ახლა ამ გუნდის წარმომადგენელი ვარ და პასუხისმგებლობას ვიღებ. გუნდმა ცუდად ითამაშა, ისე ვერ ვმოქმედებდით, როგორც გვინდოდა. მსგავსი სირთულეების დროს საკუთარ თავზე გაერთიანებით უნდა ვმუშაობდეთ. „მილანმა“ თამაშის გაკონტროლება და გუნდი ფეხბურთს ჩვენება ვერ მოახერხა. გულდაწყვეტილები ვართ, მაგრამ დარტყმის მიღება და მუშაობის გაგრძელებაა საჭირო. გუნდი ერთიანი არ იყო, რამაც მეტოქეს ძალა მისცა. ტაქტიკასა და ფსიქოლოგიაში ბევრია შესაცვლელი. ამ მდგომარეობიდან უფრო ძლიერები გავალთ“, – ციტირებს ბროკის „Football-Italia“.

სერია ა-ს სეზონის დასრულებამდე 3 ტურით ადრე „როსონერი“ 54 ქულთ მე-6 ადგილს იკავებს და უახლოეს მდევარ „სასუოლოს“ მხოლოდ 1 ქულით სჯობნის.

“ლივერპული” “ლაციოსთვის” მარიო ბალოტელის შეთავაზებას აპირებს

Posted on by იაკობ კაპანაძე

იტალიურ პრესაში გავრცელდა ინფორმაცია, რომლის თანახმადაც, ინგლისური “ლივერპულის” ხელმძღვანელები ლუკას ბილიას ტრანსფერში მარიო ბალოტელის ჩართვას აპირებენ.

როგორც იცით, სუპერმარიო ამჟამად არენდით “მილანში” იმყოფება, თუმცა მილანელებს მისი შენარჩუნების არანაირი სურვილი არ გააჩნიათ. იტალიელი თავდამსხმელი არც იურგენ კლოპის გეგმებში შედის.

ამიტომაც, კლოპმა გადაწყვიტა რომ ბალო 30 წლის არგენტინელი ფეხბურთელის ტრანსფერში ჩაერთო, რომლითაც “ინტერიც” ინტერესდება. ბილიას სატრასნფერო ფასი დაახლოებით 18 მილიონ ევროს შეადგენს.

ჯანლუიჯი დონარუმას შესანიშნავი სეივი “კარპისთან” გამართულ მატჩში (ვიდეო)

Posted on by -

21 აპრილს, იტალიის სერია A-ში, “მილანმა” საკუთარ მოედანზე “კარპი” მიიღო და ფრედ 0:0 ითამაშა.

მატჩის 90-ე წუთზე, მასპინძელთა კაპიტანს, რიკარდო მონტოლივოს “კარპის” ფეხბურთელმა ბურთი აართვა, საბოლოოდ მან დარტყმაც მოახერხა, ბურთი კი 17 წლის ჯანლუიჯი დონარუმამ მოიგერია.

„კარპის“ თავკაცი „მილანთან“ მატჩის შემდეგ: „ფრეც კარგი შედეგია“

Posted on by Alix

„კარპის“ მთავარმა მწვრთნელმა ფაბრიციო კასტორიმ „მილანთან“ იტალიის სერია ა-ს 34-ე ტურის უგოლოდ დასრულებული მატჩი შეაფასა.

„კარგი ფეხბურთი ვაჩვენეთ და ფრე სამართლიანი შედეგია. რამდენიმე კვირაში მიღწეული პროგრესით კმაყოფილები ვართ. გასავარდნი ზონისგან თავი ოდნავ დავაღწიეთ და ასე უნდა გავაგრძელოთ.

ვაღიარებ, თავიდან „მილანთან“ კონტრშეტევებეზე თამაშს ვგეგმავდი. ერთ-ერთი მათგანი დონარუმიას მოგერიებით დასრულდა, მეორეში კი შეცდომა დავუშვით. მეგონა, „მილანის“ დამარცხებას შევძლებდით, მაგრამ ფრითაც კმაყოფილები ვართ. მეტოქეს გოლი არ გავატანინეთ და გუნდურად ვითამაშეთ“, – განაცხადა კასტორიმ „Mediaset Premium“-თან ინტერვიუში.

ბროკი: „გული დამწყდა, რომ ბაკამ მენეზს ხელი არ ჩამოართვა“

Posted on by Alix

„კარპისთან“ იტალიის სერია ა-ს 34-ე ტურის უგოლოდ დასრულებული მატჩის შემდეგ „მილანის“ მთავარმა მწვრთნელმა კრისტიან ბროკიმ ყურადღება თავდამსხმელ კარლოს ბაკაზე გადაიტანა, რომელმაც შეცვლის დროს ჟერემი მენეზს ხელი არ ჩამოართვა.

„გულდაწყვეტილი ვარ, რომ ბაკამ მენეზს ხელი არ ჩამოართვა. ეს ცუდი რეაქცია იყო და მსგავსი არ უნდა განმეორდეს. ყველაზე ცუდი სწორედ ისაა, რომ კარლოსმა თანაგუნდელები უყურადღებიდ დატოვა. ყველა გუნდზე და არა საკუთარ თავზე უნდა ფიქრობდეს. ეს ძალიან მნიშვნელოვანი წესია“, – განაცხადა ბროკიმ „Sky Sport Italia“-სთან ინტერვიუში.

ბერლუსკონი: „მილანის“ გაყიდვა მინდა“

Posted on by Alix

„მილანის“ პრეზიდენტმა სილვიო ბერლუსკონიმ განაცხადა, რომ კლუბს გაყიდიდა.

„მილანს“ გავყიდიდი, თუმცა ისე უნდა მოხდეს, რომ კლუბი სანდო ხელში გადავიდეს. „მილანს“ მხოლოდ თავისი დიდებული ისტორიის გაგრძელების გარანტიით გავყიდი“, – ციტირებს ბერლუსკონის „Football Italia“.

ბოლო რამდენიმე დღის განამვლობაში იტალიურ პრესაში ბერლუსკონის მხრიდან ჩინურ გაერთიანებასთან და ჩინელ მილიარდერ რობინ ლისთან მოლაპარაკებების შესახებ წერდნენ.

“მილანი” – “კარპის” მატჩის დაწყებამდე სტადიონზე “ჰაკა” შეასრულეს (ვიდეო)

Posted on by -

21 აპრილს, იტალიის სერია A-ში, “მილანმა” საკუთარ მოედანზე “კარპი” მიიღო. მატჩის დაწყებამდე, “სან სიროზე” ცნობილი კომპანიის, “ნივეას” ორგანიზებით მსახიობებმა “ჰაკა” შეასრულეს.

შეგახსენებთ, რომ “ნივეა” პირადი ჰიგიენის პროდუქტებს აწარმოებს.

“ნიცას” 29 წლის წლის ფეხბურთელით “ლივერპული” და “პსჟ” არიან დაინტერესებულნი

Posted on by იაკობ კაპანაძე

ინგლისური “ლივერპულისა” და ფრანგული “პარის სენ-ჟერმენის” ხელმძღვანელები ჰატემ ბენ არფას გადაბირებით არიან დაინტერესებულნი. ამ ინფორმაციას RMC ავრცელებს.

29 წლის ფეხბურთელი მართლაც რომ შესანიშნავ სეზონს ატარებს საფრანგეთში – მან წლევანდელ სეზონში 16 გოლისა და 4 ასისტის ჩაწერა მოახერხა აქტივში (30 მატჩში).

აქამდე ვრცელდებოდა ინფორმაცია, რომ ბენ არფას, რომლის გადაბირებაც მიმდინარე სეზონის ბოლოს უფასოდ იქნება შესაძლებელი, ყიდვით “მილანი” და “ატლეტიკოც” იყო დაინტერესებული.

ჩინურ-ამერიკული ჯგუფი „მილანის“ აქციების 70%-ში 700 მილიონს იხდის

Posted on by Alix

„მილანის“ პრეზიდენტი სილვიო ბერლუსკონი ჩინურ-ამერიკულსაინვესტიციო ჯგუფთან ერთად კლუბის გაყიდვის შესაძლებლობას განიხილავს, წერს „Football-Italia“.

წყაროს ცნობით, კლუბის პოტენციური მყიდველები, მზად არიან, კლუბის აქციების 70%-ის სანაცვლოდ 700 მილიონი ევრო გადაიხადონ, დანარჩენი 30%-ს კი შემდეგ წელს შეიძენენ. „Football-Italia“ წერს, რომ ყველაფერი ახლა მხოლოდ ბერლუსკონის პასუხზეა დამოკიდებული.

“მილანს” დღეს ბროკი ჩაიბარებს

Posted on by -

იტალიურ პრესაში გავრცელებული ინფორმაციის თანახმად, დღეს კრისტიან ბროკი “მილანის” მთავარი მწვრთნელი გახდება.

“როსონერის” პრეზიდენტი, სილვიო ბერლუსკონი გუშინ ბროკისა და მის ასისტენტს რესტორანში შეხვდა და მათ სამომავლო გეგმებზე ესაუბრა. დიდი ალბათობით, “შავ-წითელთა” ახალი მწვრთნელი გუნდს დღესვე ავარჯიშებს.

შეგახსენებთ, რომ ბროკი “მილანის” აღრზდილია, მან კლუბში დიდი ხანი გაატარა, თუმცა ძირითადი შემადგენლობის ფეხბურთელად არასოდეს მოიაზრებოდა. რაც შეეხება მის სამწვრთნელო კარიერას, ბოლოს ის “როსონერის” ახალგაზრდულ გუნდს თავკაცობდა.