გთავაზობთ ევროპის ტოპ-5 ჩემპიონატის (ესპანეთი, გერმანია, ინგლისი, იტალია, საფრანგეთი) იმ გუნდების ჩამონათვალს, რომლებთაც მიმდინარე სეზონში ყველაზე მეტი გოლი აქვთ გატანილი.
7. “ნაპოლი” – 70 გოლი (55 – სერია ა + 11 ჩ. ლიგა + 4 იტალიის თასი) 31 მატჩში
რომ არა “ბოლონიასთან” მოგებული მატჩი, ანგარიშით 7:1, არავინ იცის, მოხვდებოდა თუ არა მაურისიო სარის გუნდი ჩვენ შვიდეულში. აღსანიშნავია, რომ ნეაპოლელტა ბელგიელ ვინგერს, დრის მერტენს უკვე დაუგროვდა 20 გატანილი გოლი მიმდინარე სეზონში.
6. “მანჩესტერ სიტი” – 77 გოლი (49 – პრ. ლიგა + 18 – ჩ. ლიგა + 8 – ინგლისის თასი + 2 – ლიგის თასი) 35 მატჩში
გაახალგაზრდავებულ “სიტის” 77 გოლი აქვს გატანილი. “ქალაქელები” ახლა ჩვენი სიის მე-6 პოზიციას კი იკავებენ, მაგრამ არავინ იცის, რომელ ადგილზე იქნებოდნენ ისინი, გაბრიელ ჟეზუსი დასაწყისიდანვე რომ ჰყოლოდათ.
5. “პსჟ” – 82 გოლი (45 – ლიგა 1 + 13 – ჩ. ლიგა + 11- საფრ. თასი + 9- ლიგის თასი + 4- სუპერთასი) 35 მატჩში
ზლატანის წასვლის შემდეგ, “პარის სენ-ჟერმენის” სადავეები ხელში ურუგვაელმა ედინსონ კავანიმ ჩაიგდო. მართალია კავანი ნამდვილად დაფრინავს, მაგრამ გატანილი 82 გოლი საკმარისი ჯერ არ არის.
4. “არსენალი” – 83 გოლი (52 – პრ. ლიგა +18 – ჩ. ლიგა + 7 ინგლისის თასი + 6 – ლიგის თასი) 35 მატჩში
“არსენალი” მეოთხეზეა, სიტყვები – ზედმეტი.
3. “რეალი” – 98 გოლი (51 – ლა ლიგა; 16- ჩ. ლიგა; 22 თასი; 6- საკლუბო ჩემპ.; 3- ევრ. სუპერთასი) 34 მატჩში
მადრიდული “რეალი” ამ ცხრილის არა, მაგრამ ლა ლიგის სატურნირო დაფის მწვერვალზე ნამდვილად არის. “თეთრებს” ზუსტად იმდენი გააქვთ, რამდენიც სჭირდებათ. ეს რიცხვი ამ დროისთვის 98-ს შეადგენს.
2. “მონაკო” – 100 გოლი (68 – ლიგა 1; 16 – ჩ. ლიგა; 7 – საფრანგეთის თასი; 9- ლიგის თასი) 38 მატჩში
წლევანდელ სეზონში განსაკუთრებულად აქტიურობს ფრანგული “მონაკო”, მსგავსად მათი “ჩამოწერილი” ფორვარდის, რადამელ ფალკაოსა. ამ დროისთვის, მათ ანგარიშზე 100 გატანილი გოლია.
1. “ბარსელონა” – 100 გოლი (55 – ლა ლიგა; 20 – ჩ. ლიგა; 20 – სამეფო თასი; 5 – ესპანეთის სუპერთასი) 36 მატჩში
მართალია, ეს მათი საუკეთესო სეზონი არ არის, მაგრამ ამ სიას მაინც ლუის ენრიკეს “ლურჯ-ბროწეულისფერთა” გუნდი ლიდერობს 100 გატანილი გოლით.
