“მანჩესტერ სიტის” მთავარმა მწვრთნელმა ხოსეპ გვარდიოლამ ყველა დროის საუკეთესო ესპანელი სპორტსმენი დაასახელად. მისი აზრით, ეს წოდება ჩოგბურთელ რაფაელ ნადალს ეკუთვნის, რომელმაც 5 ივნისს საფრანგეთის ღია პირველობა მე-14-ედ, “დიდი სლემის” ტურნირები კი ჯამში 22-ედ მოიგო.
“ეს ყველაფერი შეუძლებლად გვეჩვენება, მით უფრო ნადალის ფიზიკური პრობლემების ფონზე. რაფას კარიერისა და წარმატების აღსაწერად შესაფერისი სიტყვები არ არსებობს. ისეთი შთაბეჭდილება დამრჩა, რომ თუ მისი სხეული გაუმკლავდება ფეხებთან დაკავშირებულ პრობლემებს, ის გააგრძელებს გამარჯვებებს.
ეჭვგარეშეა, რომ ნადალი ყველა დროის საუკეთესო ესპანელი სპორტსმენია. სპორტის ინდივიდუალური და გუნდური სახეობების ერთმანეთთან შედარება რთულია. ესპანეთს ძალიან კარგი სპორტსმენები ჰყავდა, მაგრამ სტაბილურობით ნადალს ვერავინ შეედრება”, – გვარდიოლას სიტყვებს “მარკა” აქვეყნებს.
ფინალური შეხვედრის შემდეგ რაფა ნადალმა განაცხადა, რომ ტურნირზე ტკივილგამაყუჩებლებით თამაშობდა.
