პორტუგალია – გვერდი 4 – Fanebi.Com – ფეხბურთი, კალათბურთი, რაგბი, სხვა

რომელი ქვეყანა აწვდის ევროპის ტოპ ჩემპიონატებს ყველაზე მეტ ფეხბურთელს?

Posted on ნოემბერი 29, 2016ნოემბერი 29, 2016 by იაკობ კაპანაძე

ევროპის ტოპ ხუთ ჩემპიონატში (ლა ლიგა, პრემიერ ლიგა, ბუნდესლიგა, ლიგა 1, სერია ა) საკმაოდ ბევრი ლეგიონერი ირიცხება, მაგრამ რომელ ქვეყანას ჰყავს ყველაზე მეტი წარმომადგენელი? FANEBI.COM გთავაზობთ პასუხს ამ ძალზედ საინტერესო კითხვაზე…

1) საფრანგეთი | ლიგა 1-ის გამოკლებით, ევროპის ტოპ ოთხი ჩემპიონატის კლუბებში საერთო ჯამში 116 ფრანგი ფეხბურთელი ირიცხება

2) ბრაზილია | ევროპის ტოპ ხუთ ჩემპიონატში სულ 114 ბრაზილიელი ფეხბურთელი გამოდის

3) არგენტინა | ევროპის ტოპ ხუთ ჩემპიონატში მოასპარეზე არგენტინელთა რიცხვი 97-ს შეადგენს

4) ესპანეთი | ლა ლიგას თუ არ ჩავთვლით, დარჩენილ 4 ტოპ ჩემპიონატში ესპანეთის წარმომადგენლობა 66 ფეხბურთელისაგან შედგება

5) ბელგია | ბელგიელებს უმაღლეს ჩემპიონატებში 48 წარმომადგენელი ჰყავთ, ისინი ამ მხრივ მეხუთე პოზიციას იკავებენ

6) შვეიცარია | ბელგიის მსგავსად, შვეიცარიის წარმომადგენლობაც 48 ფეხბურთელისგან შედგება

7) სერბეთი | ევროპის ტოპ ხუთ ჩემპიონატში 38 სერბი ფეხბურთელი თამაშობს

8) ჰოლანდია | ევროპის ტოპ ჩემპიონატებში სულ რაღაც 38 ჰოლანდიელი თამაშობს

9) პორტუგალია | ევროპის ჩემპიონ ქვეყანას მხოლოდ 36 წარმომადგენელი ჰყავს ევროპის ტოპ ხუთ ჩემპიონატში

10) ხორვატია | ევროპის ტოპ ჩემპიონატებში ამ დროისთვის 33 ხორვატი ფეხბურთელი ასპარეზობს

“რონალდუს პორტუგალიაში ბევრი მტერი ჰყავს”

Posted on ნოემბერი 24, 2016 by იაკობ კაპანაძე

პორტუგალიის ეროვნული ნაკრების ყოფილ წევრს, პაულუ ფუტრეს თუ დავუჯერებთ, მიუხედავად კრიშტიანუს უამრავი დადებითი მხარისა, სამშობლოში მას მაინც ბევრი მტერი ჰყავს.

“კრიშტიანუ პორტუგალიელია, მან ყველაფერი გააკეთა სამშობლოსათვის, ის ევროპის ჩემპიონია, მაგრამ პორტუგალიაში მას მაინც ბევრი მტერი ჰყავს იმის, გამო რომ ის კრიშტიანუა.

ხშირ შემთხვევებში ის ძალიან პირდაპირია, რაც მისდამი მტრულად განწყობილ ადამიანთ რიცხვს ზრდის. ზოგჯერ ის გამომწვევ განცხადებებსაც აკეთებს, რაც ხალხზე მოქმედებს.

იყო დრო, როდესაც ხალხი მის დანახვაზე მესის სახელსაც გაჰყვიროდა, რაც ამტკიცებს, რომ, პორტუგალიაში ნამდვილად არიან ისეთი ადამიანები, რომლებსაც სურთ ოქროს ბურთი არა რონალდუმ, არამედ მესიმ მოიგოს.”

რონალდუ: “ევრო 2016-ის ფინალის დილას სამ ქერასთან ერთად გავიღვიძე”

Posted on ნოემბერი 23, 2016ნოემბერი 23, 2016 by კახა ყიფიანი

მადრიდის “რეალისა” და პორტუგალიის ნაკრების ფეხბურთელმა, კრიშტიანუ რონალდუმ France Football-თან საინტერესო და სახალისო ინტერვიუ ჩაწერა.

“ევროპის ჩემპიონატის ფინალის დილას სამ ქერასთან ერთად გავიღვიძე. საოცარი დილა იყო (იცინის). რა თქმა უნდა, ვხუმრობ… როცა გავიღვიძე, გავაცნობიერე, რომ ეს იყო ძალიან საპასუხისმგებლო დღე, რადგან, ზოგადად, პორტუგალიის ნაკრების არსებობის ისტორიაში ერთ-ერთი ყველაზე მნიშვნელოვანი შეხვედრა უნდა გვეთამაშა. იმ ღამით კარგად მეძინა – 8 საათის განმავლობაში.”

“რა თქმა უნდა, “რეალის” გასახდელშიც ხშირად ვსაუბრობ ხოლმე, თუმცა ჩემი ეროვნული გუნდის ფეხბურთელებთან ყოფნისას მაქვს ისეთი გრძნობა, რომ მათთვის რაღაც განსაკუთრებულს წარმოვადგენ. ისინი მახვედრებენ, რომ მათი ლიდერი ვარ – ის, ვინც მოთამაშეებს დაიცავს.”

“ერთ სახალისხო რამესაც გეტყვით. როცა შარშანდელი სეზონის შემდეგ “რეალის” გასახდელში შევედი, ბევრი მეუბნებოდა, რომ წინ დიდი, ხანგრძლივი არდადეგები მელოდა. რაც მოხდა, ყველამ კარგად დაინახეთ!” – განაცხადა რონალდუმ.

რონალდუ: “ოქროს ბურთის მოსაგებად ყველაფერი გავაკეთე!”

Posted on ნოემბერი 20, 2016 by კახა ყიფიანი

კრიშტიანუ რონალდუმ წინა სეზონი საოცრად ჩაატარა. მან მადრიდის “რეალთან” ერთად ჩემპიონთა ლიგის, ხოლო პორტუგალიის ნაკრებში ევროპის ჩემპიონატი მოიგო. გარდა ამისა “ბლანკოსის” მაისურით ჩატარებულ 48 მატჩში 51 გოლი გაიტანა, ჩემპიონთა ლიგაზე კი 12 შეხვედრაში 16-ჯერ შეძლო მეტოქის კარის აღება.

პორტუგალიელმა სუპერვარსკვლავმა ჟურნალისტებთან ისაუბრა და განაცხადა, რომ ოქროს ბურთის მოსაგებად მაქსიმალურად დაიხარჯა.

“ამ სეზონში ყველაფერი გავაკეთე, რათა ოქროს ბურთის ჯილდო მოვიპოვე. ჩვენ მოვიგეთ ჩემპიონთა ლიგა. ასევე, პირველ სანაკრებო ტიტულსაც დავეუფლე. ოქროს ბურთის ცერემონიალზე ხმის მიცემა ჩემზე არაა დამოკიდებული და არც მინდა ამაზე ფიქრი.”

“თუ მკითხავენ, მინდა თუ არა ოქროს ბურთი, ვეტყვი, რომ მე ეს მსურს. ეს სეზონი უსიტყვოდ საუკეთესოა ჩემს კარერაში!” – აცხადებს 31 წლის სპორტსმენი.

დაიერი არ ნანობს, პორტუგალიას ინგლისის ნაკრები რომ ამჯობინა

Posted on ნოემბერი 13, 2016 by იაკობ კაპანაძე

ლონდონის “ტოტენჰემის” ჰავბეკი, ერიკ დაიერი, რომელიც 2001 წლიდან პორტუგალიაში ცხოვრობდა და ლისაბონური “სპორტინგის” ღირსებასაც იცავდა, თვლის, რომ მსოფლიოს ამჟამინდელი ჩემპიონის, პორტუგალიის ნაკრების დაწუნებით სწორი გადაწყვეტილება მიიღო.

“თუ ინგლისს ტიტულების მოგება არ უწერია, მინდა ეს მის ნაცვლად პორტუგალიამ გააკეთოს. მათი წარმატება მე ყოველთვის გამიხარდება, თუმცა არასდროს მიფიქრია, მათი რომ მათი მაისურით უნდა მეთამაშა.

როდესაც ახალგაზრდა ვიყავი, ამ საკითხზე “სპორტინგის” დირექტორს ვესაუბრე, თუმცა არაფერი გამოვიდა. ახლა კი ინგლისში, ინგლისელი ვარ და არ ვნანობ, ბრიტანეთში რომ გადმოვბარგდი.

ნაკრებში თამაშით უდიდეს სიამოვნებას ვიღებ, ვგრძნობ, რომ ფანების მესმის, ვიცი რას ითხოვენ ისინი ჩემგან.” – განაცხადა მან.

კრიშტიანუ რონალდუ: “მსოფლიოში საუკეთესო ვარ!”

Posted on ოქტომბერი 14, 2016 by კახა ყიფიანი

მადრიდის “რეალისა” და პორტუგალიის ნაკრების სუპერვარსკვლავმა შესანიშნავი სეზონი ჩაატარადა და ორი დიდი ტიტულის – ჩემპიონთა ლიგის და ევროპის ჩემპიონატის – მოგებაც მოახდერხა. იგი, სრულიად სამართლიანად, ოქროს ბურთის მოგების მთავარ პრეტენდენტად ითვლება.

რონალდუმ La Gazzetta dello Sport-თან ისაუბრა და განაცხადა, რომ იგი თავს მსოფლიოში საუკეთესო ფეხბურთელად თვლის.

“ჩემი აზრით, მსოფლიოში საუკეთესო მოთამაშე ვარ. ყოველ დღე ვვარჯიშობ და ვმუშაობ ჩემს თავზე, რათა პროგრესი განვიცადო, განვვითარდე და მუდამ კარგ ფორმაში ვიყო.”

“ყოველთვის ძალიან მოტივირებული და წარმატებისკენ მიმართული ვარ. მჯერა, რომ თუ ბევრს ვიშრომებ, სულ წარმატებული ვიქნები.”

“ევროპის ჩემპიონატის ფინალში საშინელი ტრავმა მივიღე და ორთვე-ნახევარი გამოვტოვე, თუმცა ახლა ძალები აღვიდგინე და თავს შესანიშნავად ვგრძნობ.”

“დავბრუნდი და მზად ვარ კიდევ ერთი საოცარი სეზონისთვის!” – განაცხადა რონალდუმ.

მოურინიო “ლესტერის” ერთ-ერთ ლიდერში 30 მილიონ ფუნტს იხდის

Posted on სექტემბერი 21, 2016 by კახა ყიფიანი

ჟოზე მოურინიომ გასულ ზაფხულს ტრანსფერებში 150 მილიონი ევრო დახარჯა. მან ნახევარდაცვა პოგბათი და მხითარიანით გააძლიერა, თუმცა ამ ტრანსფერებმა ჯერ ბოლომდე ვერ გაამართლა.

The Sun-ი იტყობინება, რომ “მანჩესტერ იუნაიტედის” თავკაცს იანვრის სატრანსფერო ფანჯარაზე “ლესტერ სიტის” შუახაზელის, დენი დრინქუოთერის შეძენა უნდა. “წითელი ეშმაკები” “მელიების” ერთ-ერთ წამყვან ფეხბურთელში 30 მილიონ ფუნტს ჩამოდიან.

საგულისხმოა, რომ “ლესტერის” მწვრთნელმა, კლაუდიო რანიერიმ ერთი ნახევარმცველი, ნ’გოლო კანტე უკვე გაუშვა “ჩელსიში”. ასე რომ, თუ დრინქუოთერიც “ლესტერს” დატოვებს, ინგლისის ჩემპიონების ნახევარდაცვა საგრძნობლად შესუსტდება.

ვნახოთ, როგორ განვითარდება მოვლენები ზამთარში.

როგორი შემადგენლობით ითამაშებს “რეალი” “სპორტინგის” წინააღმდეგ? (ანალიზი) + (ფოტო)

Posted on სექტემბერი 14, 2016სექტემბერი 14, 2016 by კახა ყიფიანი

დღეს ჩემპიონთა ლიგის 9 შეხვედრა გაიმართება.

მადრიდის “რეალი” საკუთარ მოედანზე ლისაბონის “სპორტინგს” მიიღებს. Fanebi.Com-ი სავარაუდო შემადგენლობას და მის განხილვას.

აღსანიშნავია, რომ “ბლანკოსს” ოთხი ტრავმირებული მოთამაშე ჰყავს: კეილორ ნავასი, ისკო ალარკონი, მარკო ასენსიო და ფაბიო კოენტარო. მიუხედავად ამ დანაკლისისა, ზიდანს ოპტიმალური შემადგენლობის გამოყვანა არ უნდა გაუჭირდეს. დიდი ალბათობით, “რალი” 4-3-3 წყობით ითამაშებს.

კარში კიკო კასილიას უნდა ველოდოთ. დაცვის ძირითადი ოთხეული – მარსელო, რამოსი, პეპე, კარვახალი – სრულ მზადყოფნაშია. მიუხედავად ვარანის კარგ ფორმაში ყოფნისა, საეჭვოა, რომ “ზიზუმ” პეპე, მით უმეტეს, რამოსი სასტარტო თერთმეტეულიდან ამოაგდოს.

რაც შეეხება ნახევარდაცვის სამეულს… დაცვის წინ, დიდი ალბათობით, კაზემირო დადგება. მის მარცხნივ და მარჯვნივ კი, შესაბამისად, ტონი კროოსი და ლუკა მოდრიჩი იასპარეზებენ.

მიუხედავად იმისა, რომ ბენზემა დაბრუნდა, მაინც საეჭვოა მისი ძირითადში დაყენება. ჯერ ფრანგი ამისთვის მზად არაა. დიდი ალბათობით, ფორვარდის პოზიციაზე ალვარო მორატა ითამაშებს. ფლანგებზე კი კრიშტიანუ რონალდუ და გარეთ ბეილი იასპარეზებენ. პირველმა მათგანმა სულ ცოტა ხნის წინ მოირჩინა ფეხი, “ოსასუნასთან” ასპარეზობა და გოლის გატანაც მოასწრო.

რუსეთი 2018: გუშინდელი დღის ყველა მატჩის მიმოხილვა (ვიდეოები)

Posted on სექტემბერი 7, 2016 by კახა ყიფიანი

გუშინ ევროპაში რუსეთის 2018 წლის მსოფლიო ჩემპიონატის საკვალიფიკაციო ეტაპის კიდევ 10 შეხვედრა გაიმართა. Fanebi.Com-ი გთავაზობთ ამ მატჩების ვიდეომიმოხილვას.

ბელორუსი – საფრანგეთი 0-0

ბულგარეთი – ლუქსემბურგი 4-3

შვედეთი – ჰოლანდია 1-1

ანდორა – ლატვია 0-1

ფარერის კუნძულები – უნგრეთი 0-0

შვეიცარია – პორტუგალია 2-0

ალბანეთი – მაკედონია 2-1

ბოსნია-ჰერცოგოვინა – ესტონეთი 5-0

კვიპროსი – ბელგია 0-3

გიბრალტარი – საბერძნეთი 1-4

მოურინიო: “მწვრთნელ რონალდუს” პორტუგალიის წარმატებაში არანაირი წვლილი არ შეუტანია”

Posted on აგვისტო 6, 2016 by იაკობ კაპანაძე

ჟოზე მოურინიო თვლის, რომ ევროპის ჩემპიონატის ფინალში კრიშტიანუ რონალდუს აქტიურობას პორტუგალიის ნაკრებზე არანაირი გავლენა არ მოუხდენია და რომ ეს უბრალოდ ზედმეტი ემოციურობა იყო.

“ფინალის ბოლო წუთებში მას აბსოლიტურად არაფერი არ გამოუმუშავებია. მოედანზე 11 ფეხბურთელი იყო გამოსული, რომლებიც საკუთარ საქმეს აკეთებდნენ, მათ სათავეში კი იყო მწვრთნელი.

მე ამას ზედმეტ ემოციურობად შევაფასებდი, ისეთი ვიღაცისაგან, რომელიც ხედავდა, რომ მის გუნდს სულ რამოდენიმე წუთი აშორებდა მთავარ მიზნამდე.

მან საკუთარ თავზე კონტროლი დაკარგა. თუმცა არ ვამბობ, რომ ეს ცუდი რამ არის. ვფიქრობ, ის 11 ფეხბურთელი, რომელიც მოედანზე იყო, მთლიანად მატჩზე იყო კონცენტრირებული.

ჩემი გამოცდილებიდან ვიცი, რომ ასეთ მომენტებში, როდესაც მნიშვნელოვანი გადაწყვეტილებებია მისაღები, ფეხბურთელების საკუთარ, პატარა სამყაროში იკარგებიან”.

“ტოტენჰემი” პორტუგალიის ნაკრების მოთამაშით ინტერესდება

Posted on აგვისტო 4, 2016 by კახა ყიფიანი

მიმდინარე სატრანსფერო ფანჯარაზე “სპურსებს” ბევრ მოთამაშეს უკავშირებენ.

სულ ცოტა ხნის წინ გავრცელდა ინფორმაცია, რომ ლონდონის “ტოტენჰემი” “ბრაგას” ნახევარმცველით, რაფა სილვათი ინტერესდება. ინგლისელები 23 წლის მოთამაშეში 10 მილიონ ფუნტს ჩამოდიან.

სილვამ წელს ევროპის ჩემპიონატი მოიგო და პორტუგალიური კლუბის შემადგენლობაშიც კარგად გამოიყურებოდა. შესაბამისად, სულაც არაა გასაკვირი, რომ მის მიმართ ინტერესს ამ დონის გუნდი იჩენს.

აქვე გეტყვით, რომ ნახსენები მოთამაშე “ბრაგაში” 2013 წლიდან ასპარეზობს. მან 88 თამაშში 13 გოლის შეგდება მოახერხა.

რონალდუმ პორტუგალიაში საკუთარი სასტუმრო გახსნა (ფოტოები)

Posted on ივლისი 23, 2016ივლისი 23, 2016 by კახა ყიფიანი

კრიშტიანო რონალდო, ფეხბურთელობის გარდა, როგორც ჩანს, მშვენიერი ბიზნესმენიცაა. სულ ცოტა ხნის წინ მან სოციალურ ქსელში გამოაქვეყნა ფოტოები, სადაც მისი ახალი სასტუმრო ჩანს. აღსანიშნავია, რომ “რეალის” მოთამაშემ აღნიშნული დაწესებულება მშობლიურ კუნძულ მადეირაზე გახსნა.