დღეს პრემიერ ლიგის მოქმედი ჩემპიონები “ჰალ სიტის” ტურნირის გახსნით შეხვედრაში დაუპირისპირდნენ და 1-2 დამარცხდნენ.
ამ მატჩში რეალური მომენტი ჰქონდა “მელიების” გოლეადორს, ჯეიმი ვარდის, რომელმაც საშინლად შეასრულა დარტყმა.
ჭდე: ინგლისი
აზარი: “ვცდილობთ, წარსული დავივიწყოთ და აწმყოთი ვიცხოვროთ”
დღეს პრემიერ ლიგა იწყება. პირველი ტურის შეხვედრაში, ლონდონის “ჩელსი” საკუთარ მოედანზე “ვესთ ჰემს” დაუპირისპირდება. მილიონობით ადამიანი ელის იმას, თუ როგორ დაიწყებენ ლონდონელები ახალ სეზონს. “არისტოკრატებმა” გასული სათამაშო წელი საშინლად ჩაატარეს და მათგან ყველა გამოღვიძებასა და ჩემპიონობისთვის ბრძოლას ელოდება.
“ჩელსის” მოთამაშემ, ედენ აზარმა, რომელიც წინა სეზონში ერთ-ერთი დიდი შავი ლაქა იყო გუნდის თამაშში, ჟურნალისტებთან ისაუბრა.
“ყველას უნდა ისეთივე ფორმაში იყოს, როგორც ორი წლის წინ: მაშინ, როცა პრემიერ ლიგის ტიტული მოვიგეთ”
“გასული წელი კი საშინელება იყო. ვცდილობდით, გაგვეანალიზებინა, რისი ბრალია ასეთი ჩავრდნა, თუმცა ზუსტი პასუხი არცერთმა ვიცით. ალბათ, მაინც დაღლილობაა მთავარი მიზეზი.”
“ყველაფერი ცუდი დავიწყებას უნდა მიეცეს და ახალ სეზონზე ვიფიქროთ. ორშაბათს სუფთა ფურცლიდან დავიწყებთ ყველაფერს და შევცდებით, კიდევ ერთხელ აღვმართოთ პრემიერ ლიგის თასი.”
“მთავარი მიზანი, ინდივიდუალური თვალსაზრისით, რაც შეიძლება მეტი გოლის გატანაა. მინდა, ერთგვარი გარდაქმნა მოვახდინო საკუთარ თავში, რაც,საბოლოოდ, ჩემი თამაშის ხარისხზე აისახება. მწვრთნელი ბევრს გველაპარაკება ხოლმე მოთამაშეებს. კონტეს საუბრის მთავარი მიზანი ისაა, რომ თავდაჯერებულობა დაგვიბრუნოს.”
“რაც აქ მოვედი, პირველად ხდება, რომ ევროპის არცერთ ტურნირზე არ ვმონაწილეობთ. ეს ცოტა ცუდი აღსაქმელია, მაგრამ რას ვიზამთ?! ყველაფერთან შეგეუბა მოგვიწევს. დადებითი მხარე ისაა, რომ კვირაში, ფაქტობრივად, მხოლოდ ერთი მატჩის ჩატარება მოგვიწევს,” – განაცხადა ედენ აზარმა.
პოგბა პრემიერ ლიგის სადებიუტო შეხვედრას გამოტოვებს
მიმდინარე სატრანსფერო ფანჯარაზე ისტორიაში ყველაზე ძვირადღირებული ტრანსფერი განხორციელდა – პოლ პოგბა “მანჩესტერ იუნაიტედში” რეკორდულ თანხად გადავიდა და, გასაკვირი არაა, რომ ყველა მის დებიუტს ელოდა “წითელი ეშმაკების” შემადგენლობაში, მაგრამ…
როგორც გაირკვა, “იუვენტუსში” მიღებული ყვითელი ბარათების შედეგად პოლს ერთი მატჩის გამოტოვება უწევდა. საბოლოოდ, გადაწყდა, რომ აღნიშნული სასჯელი ფრანგ ნახევარმცველს ინგლისურ კლუბშიც გადმოყვა და, შესაბამისად, იგი პირველ შეხვედრაში, “ბორნმუთის” წინააღმდეგ, არ იქნება.
კარიკატურა: პრემიერ ლიგის გამორჩეული მწვრთნელები
ჟოზე მოურინიო, პეპ გვარდიოლა, იურგენ კლოპი, არსენ ვნგერი… ეს იმ მწვრთნელების არასრული ჩამონათვალია, რომლებიც ახალ სეზონში პრემიერ ლიგაში სხვადასხვა გუნდს უხელმძღვანელებენ.
ზემოთ ნახსენებთან დაკავშირებით ომარ მომანი საინტერესო კარიკატურას გვთავაზობს.
“იუვეში” პოგბას მატუიდი ჩაანაცვლებსო… რამდენს ითხოვს “პსჟ”?
ბოლო დროს აქტიურად იწერება იმის შესახებ, რომ ტურინის “იუვენტუსი” სერიოზულად არის დაინტერესებული “პსჟ”-ს ნახევარმცველის, ბლეს მატუიდის შეძენით.
როგორც Le Parisien-ი იტყობინება, ფრანგები 29 წლის მოთამაშეში საკმაოდ მაღალ თანხას, 50 მილიონ ევროს ითხოვენ. ისინი მხოლოდ მაშინ მიუსხდებიან მოლაპარაკების მაგიდას, თუ “ბებერი ქალბატონი” აღნიშნული თანხის გადახდას დათანხმდება.
აქვე გეტყვით, რომ საფრანგეთის ნაკრების სპორტსმენის შეძენა ინლისურ გრანდებსაც, “მანჩესტერ იუნაიტედსა” და “ჩელსისაც” სურთ.
პრემიერ ლიგა: რომელმა გუნდმა რამდენი დახარჯა უსაფრთხოებისთვის გასულ სეზონში?
საინტერესო რიცხვებს გვთავაზობს BBC. გავლენიანი გამოცემა გვაწვდის ინფორმაციას იმის შესახებ, გასულ სეზონში მოწინავე ინგლისურმა კლუბებმა რამდენი დახარჯეს იმისთვის, რომ მატჩების დროს უსაფრთხოება მაქსიმალურად უზრუნველყოთ.
აღმოჩნდა, რომ ამ სიაში 944 195 ფუნტით “მანჩესტერ სიტი” ლიდერობს. “ქალაქელებმა” სწორედ ამდენი გადაუხადეს პოლიციას უკვე ჩატარებულ სეზონში. მეორე ადგილზე ამავე ქალაქის გუნდი, “მანჩესტერ იუნაიტედია”. უსაფრთხოებისთვის მათი დახარჯული თანხა 925 126 ფუნტს შეადგენს.
ძალიან დიდი დაშორებაა ზემოთ ნახსენებ ორ გრანდსა და ერთად აღებულ ხუთ გუნდს შორის: “არსენალი”, “ჩელსი”, “კრისტალ პალასი”, “ტოტენჰემი” და “ვესთ ჰემი”. ამ კლუბებმა ერთად 178 047 ფუნტი დახარჯეს ნახსენებ საქმეში.
აქვე გეტყვით, რომ 2015/2016 წლების სეზონში ე.წ. “C კატეგორიის” (ანუ რომლებზეც უსაფრთხოების გამკაცრებული ზომებია) მატჩების რიცხვი სულ ექვსს შეადგენდა. ესენია: “ლივერპული” – “მანჩესტერი”, “ტოტენჰემი” – “არსენალი”, “ვესთ ჰემი” – “ტოტენჰემი”, “კრისტალ პალასი” – “ჩარლტონი” და “ლესტერი” – “ევერტონი”.
ოფიციალურად: “ვესთ ჰემმა” ფრანგი მოთამაშე დაიმატა
ინგლისური კლუბი, “ვესთ ჰემი” გაძლიერებას განაგრძობს.
რამდენიმე საათის წინ ოფიციალურად დადასტურდა, რომ “ჩაქუჩების” რიგებში საფრანგეთის 19 წლამდე ნაკრებისა და “ოლიმპიაკოსის” უკვე ყოფილი ფეხბურთელი, ართურ მასუაკუ გადავიდა. 22 წლის მოთამაშე 2014 წელს ჩაირიცხა ბერძნულ კლუბში. მან შიდა ჩემპიონატში და თასის შეხვედრებში, საერთო ჯამში, 100-ზე მეტი შეხვედრა ჩაატარა. ასევე, 12-ჯერ ჩემპიონთა ლიგაზეც იასპარეზა.
აქვე გეტყვით, რომ მასუაკუმ ოთხ წლიან კონტრაქტს მოაწერა ხელი.
ჩემპიონთა ლიგის სამომავლო ფორმატი “სუსტი” გუნდების დაჩაგვრას ითვალისწინებს
უახლოეს მომავალში შესაძლოა, უეფას ჩემპიონთა ლიგის ჩატარების ფორმატი კიდევ უფრო შეიცვალოს, რაც ე.წ. სუპერ ლიგის იდეის ზემოქმედებით არის გამოწვეული.
პრესაში გავრცელებული ინფორმაციის თანახმად, 2018 წლიდან ტურნირში შევა ცვლილებები, რომლის მიზანიც უფრო მეტი შანსის მიცემაა ტოპ-ლიგების წარმომადგენელთათვის და ამასთანავე, “სუსტი” გუნდების დაჩაგვრა.
La Gazzetta dello Sport-ი იუწყება, რომ ახალი ფორმატის წყალობით, იტალიას, გერმანიას, ესპანეთსა და ინგლისს ოთხი გარანტირებული წარმომადგენელი ეყოლებათ ჩემპიონთა ლიგის ჯგუფურ ეტაპზე: სამი სატურნირო ცხრილის ლიდერი და ერთიც ისტორიული კლუბი.
ჯგუფურ ეტაპზე კვლავ 32 გუნდი მიიღებს მონაწილეობას, რომლებიც 8 ჯგუფში გადანაწილდებიან. ტოპ-ლიგების 4 წარმომადგენელს დაემატება ორ-ორი გუნდი რუსეთიდან, საფრანგეთიდან და პორტუგალიიდან. ხოლო, თითო გუნდი – შვეიცარიიდან, ბელგიიდან, ჰოლანდიიდან, თურქეთიდან და უკრაინიდან. დანარჩენი 5 გუნდის ვინაობას კი ჩვეულებრისამებრ პლეი-ოფი გაარკვევს.
ოფიციალურად: “მანჩესტერ სიტიმ” “ევერტონის” ფეხბურთელი გაიფორმა!
ინგლისური გრანდი, “მანჩესტერ სიტი” მიმდინარე სატრანფსერო ფანჯარაზე მოთამაშეების შეძენას განაგრძობს.
სულ ცოტა ხნის წინ, ოფიციალურად დადასტურდა, რომ “ქალაქელებმა” “ევერტონის” უკვე ყოფილი ცენტრალური მცველი, ჯონ სთოუნსი გადაიბირეს. ინგლისელმა სპორტსმენმა “სიტისთან” 6 წლიან კონტრაქტს მოაწერა ხელი.
გვარდიოლას მოსვლის შემდეგ, ესპანელი სპეციალისტისთვის სასურველ მოთამაშეთა სიაში სთოუნსიც იყო. მოკლედ, პეპმა კიდევ ერთ მიზანს მიაღწია და ახალგაზრდა ფეხბურთელი მისი გუნდის რიგებში გადმოიყვანა.
“ლივერპული” – “ბარსელონა” (LIVE)
ამ წუTებში “ლივერპული” და “ბარსელონა” “ჩემპიონTა საერთაშორისო თასზე” ერთმანეთს უპირისპირდებიან.
Fanebi.Com-ი გთავაზობთ შეხვედრის პირდაპირ რეპორტაჟს!
მოურინიო: “მათი ქცევა არაეთიკურია”
მიმდინარე სატრანსფერო ფანჯარაზე პოლ პოგბას აქტიურად უკავშრებენ “მანჩესტერ იუნაიტედს”. ინგლისელები მზად არიან ფრანგ მოთამაშეში ასტრონომიული, არაამქვეყნიური თანხა – 100 მილიონი ფუნტი გადაიხადონ. ამასთან დაკავშირებით არსენ ვენგერმა და იურგენ კლოპმა განაცხადეს, რომ ამდენი ფულის გადახდა ერთ მოთამაშეში ფეხბურთის შეურაცხყოფაა.
ჟოზე მუორინიომ “არსენალისა” და :ლივერპულის” დამრიგებლების განცხადებას უპასუხა: “მათი ნათქვამი არაეთიკურია. მე მსგავს რამეს არასდროს ვიტყვი. პოლ პოგბა შესანიშნავი მოთამაშეა!”
” ჩვენ ახლა 22 ფეხბურთელი გვყავს. იცით, რა? სულ მალე 23 გვეყოლება. სატრანსფერო ფანჯარა 31 აგვისტოს იხურება. ყველაფერს ვაკეთებთ იმისთვის, რომ ფრანგი 14 რიცხვამდე გადმოვიბიროთ,” – განაცხადა სეუ ჟოზემ.
ინგლისის ეროვნული გუნდის მოთამაშემ სანაკრებო კარიერა დაასრულა
რამდენიმე საათის წინ, ინგლისის ნაკრების უკვე ყოფილმა ფეხბურთელმა, ჯეიმს მილნერმა ოფიციალურად განაცხადა ეროვნული გუნდიდან წასვლის შესახებ.
“ამ გადაწყვეტილების მიღება ურთულესი იყო. ვფიქრობ, სწორი ნაბიჯი გადავდგი, როგორც ჩემთვის, ასევე, რა თქმა უნდა, ჩემი ქვეყნისთვისაც. მინდა, სემსა (ელარდაისი. ავტ.) და ბიჭებს წარმატებები ვუსურვო,” – განაცხადა 30 წლის ბრიტანელმა.
აქვე გეტყვით, რომ მილნერის დებიუტი ინგლისის ნაკრებში 2009 წელს შედგა. მან 61 შეხვედრაში მიიღო მონაწილეობა. იგი ევროპისა და მსოფლიოს 2-2 ჩემპიონატზე იმყოფებოდა. თუმცა, 2016 წელს საფრანგეთში მხოლოდ 3 წუთით იასპარეზა.
მილნერმა პირველი და ერთადერთი გოლი ეროვნული ნაკრების შემადგენლობაში მოლდოვის წინააღმდეგ 2014 წლის “მუნდიალის” საკვალიფიკაციო ეტაპზე გაიტანა.