18 დეკემბერს, ჰოლანდიის ერედივიზიონის მე-17 ტურში, არნემის “ვიტესსა” და “ტვენტეს” შორის გამართულ შეხვედრაში ანგარიში მე-10 წუთზე ვაკო ყაზაიშვილმა გახსნა.
ჭდე: ყაზაიშვილი
5 ყველაზე ძვირადღირებული ქართველი ფეხბურთელი
სპორტული ვებ-გვერდი Fanebi.Com გერმანულ სააგენტო Transfermarkt-ზე დაყრდნობით ყველაზე ძვირადღირებული ქართველი ფეხბურთელების ხუთეულს გთავაზობთ.
5. ჯანო ანანიძე (მოსკოვის “სპარტაკი”)
ფასი: 2 500 000 ევრო
4. ვალერი ყაზაიშვილი (“ვიტესი”)
ფასი: 3 000 000 ევრო
3. გურამ კაშია (“ვიტესი”)
ფასი: 3 000 000 ევრო
2. ჯაბა კანკავა (“რეიმსი”)
ფასი: 3 000 000 ევრო
1. სოლომონ კვირკველია (“რუბინი”)
ფასი: 4 500 000 ევრო
ვაკო ყაზაიშვილი “ნაიმეგენის” სამი ფეხბურთელის წინააღმდეგ (ვიდეო)
29 ნოემბერს, ჰოლანდიის ერედივიზიონში არნემის “ვიტესმა” საკუთარ მოედანზე “ნაიმეგენი” მიიღო და მეტოქე ვაკო ყაზაიშვილის გოლის წყალობით, 1:0 დაამარცხა.
ქართველი ფეხბურთელი მთელი მატჩის განმავლობაში გამორჩეული იყო, ბოლო წუთებში კი “ნაიმეგენის” რამდენიმე ფეხბურთელთან მოუწია დაპირისპირება.
ყაზაიშვილი: “ამ კვირაში ძალიან ბედნიერი ვარ”
“ვიტესის” ქართველი ფეხბურთელი ვალერი ყაზაიშვილი აცხადებს, რომ “ნაიმეგენთან” გამართული მატჩი გუნდისათვის ძალიან მნიშვნელოვანი იყო.
შეგახსენებთ, რომ 29 ნოემბერს “ვიტესმა” “ნაიმეგენი” საკუთარ მოედანზე მიიღო და მეტოქე ვაკო ყაზაიშვილის გოლის წყალობით, 1:0 დაამარცხა.
“ძალიან მიხარია, რომ გავიმარჯვეთ. ეს მატჩი ჩვენთვის ძალიან მნიშვნელოვანი იყო. თანაგუნდელისგან კარგი პასი მივიღე, დავარტყი და გოლი გავიდა. როდესაც დერბიში გამარჯვებას აღწევ და შეხვედრაში ერთადერთი გოლი გაგაქვს, ეს სასიხარულოა. თამაში აგრესიულად დავიწყეთ და ვფიქრობ, მეტოქეზე ასი პროცენტით უკეთესად გამოვიყურებოდით. შესაბამისად, მოგება დავიმსახურეთ.
სამი დღის წინ ჩემი შვილი დაიბადა და ეს გოლიც სწორედ ჩემს ქალიშვილს ეძღვნება. ამ კვირაში, მართლაც ძალიან ბედნიერი ვარ. ჩვენს ყველა გულშემატკივარს მადლობას ვუხდი”, – უთხრა ვაკომ “ვიტესის” ოფიციალურ არხს.
ყაზაიშვილმა “ნაიმეგენს” გაუტანა (ვიდეო)
29 ნოემბერს, ჰოლანდიის ერედივიზიონის მე-14 ტურში, “ვიტესსა” და “ნაიმეგენს” შორის გამართულ მატჩში ანგარიში 49-ე წუთზე ვალერი ყაზაიშვილმა გახსნა.
ვაკო ყაზაიშვილმა “ზვოლეს” გაუტანა (ვიდეო)
18 ოქტომბერს, ჰოლანდიის ერედივიზიონის მე-9 ტურში “ზვოლემ” საკუთარ მოედანზე გურამ კაშიასა და ვაკო ყაზაიშვილის “ვიტესი” მიიღო და მეტოქესთან ანგარიშით 1:5 დამარცხდა.
ორივე ქართველი ფეხბურთელი სასტარტო შემადგენლობაში იყო. კაშიამ შეხვედრა შეუცვლელად ჩაატარა. რაც შეეხება ყაზაიშვილს, მან 44-ე წუთზე მასპინძელთა კარი დალაშრა, ხოლო 74-ე წუთზე პანტიჩით შეცვალეს.
რა დაწერა გერმანელმა გულშემატკივარმა ყაზაიშვილსა და ოქრიაშვილზე
11 ოქტომბერს, ევროპის 2016 წლის ჩემპიონატის შესარჩევ ეტაპზე, გერმანიის ეროვნულმა ნაკრებმა საკუთარ მოედანზე საქართველო მიიღო და მეტოქე ანგარიშით 2:1 დაამარცხა.
კახა ცხადაძის გუნდის თამაში ბევრს მოეწონა, მათ შორის იყო გერმანელი ნიკო კლემენსი, რომელმაც სოციალურ ქსელ Facebook-ში, საქართველოს ფეხბურთის ფედერაციის გვერდის ერთ-ერთი პოსტის კომენტარებში ასეთი რამ დაწერა:
“პატივისცემა საქართველოს! თქვენმა გუნდმა კარგად ითამაშა. გერმანული პასპორტები ოქრიაშვილსა და ყაზაიშვილს.”
ყაზაიშვილმა “გრონინგემს” გაუტანა (ვიდეო)
4 ოქტომბერს, ჰოლანდიის ერედივიზიონში, “ვიტესმა” საკუთარ მოედანზე “გრონინგემი” მიიღო.
მატჩის 65-ე წუთზე ვაკო ყაზაიშვილმა მეტოქის კარი დალაშქრა და ანგარიში 3:0 გახადა.
კახა ცხადაძის რეაქცია ვაკო ყაზაიშვილის გოლზე (ვიდეო)
4 სექტემბერს, საქართველოს ეროვნულმა ნაკრებმა “დინამო არენაზე” შოტლანდია ვაკო ყაზაიშვილის გოლით, 1:0 დაამარცხა.
გთავაზობთ ვიდეოს, რომელშიც აღბეჭდილია, თუ როგორი რეაქცია ჰქონდა გოლზე ქართველთა თავკაც კახა ცხადაძეა.
ყაზაიშვილი “ვიტესში” ახალი ნომრით ითამაშებს
საქართველოს ეროვნული ნაკრების ფეხბურთელი ვალერი ყაზაიშვილი ახალი სეზონიდან “ვიტესში” 8-ნომრიანი მაისურით აღარ ითამაშებს.
მოგეხსენებათ, ცოტა ხნის წინ, “ვიტესი” დევი პრიოპერმა დატოვა, რომელსაც 10-ნომრიანი მაისური ეცვა. ამიერიდან კი გუნდში მე-10 ნომერი ვაკო იქნება.
შეგახსენებთ, რომ არნემელები ევროპის ლიგის მესამე საკვალიფიკაციო ეტაპზე “საუთჰემპტონს” დაუპირისპირდებიან. პირველი მატჩი 30 ივლისს, ხოლო განმეორებითი შეხვედრა, “ვიტესის” სტადიონზე, 6 აგვისტოს გაიმართება.
ვაკო ყაზაიშილმა “დანდი იუნაიტედს” შესანიშნავი გოლი გაუტანა (ვიდეო)
10 ივლისს, არნემის “ვიტესმა” შოტლანდიურ “დანდი იუნაიტედთან” ამხანაგური მატჩი გამართა და მეტოქე ანგარიშით 4:0 დაამარცხა.
შეხვედრაში მონაწილეობა “ვიტესის” ორივე ქართველმა ფეხბურთელმა – გურამ კაშიამ და ვაკო ყაზაიშვილმა მიიღეს. აღსანიშნავია, რომ ყაზაიშვილმა საბოლოო შედეგი ლამაზი გოლით დააფიქსირა.
იხილეთ ყაზაიშვილის გოლი 3:22-დან:
ყაზაიშვილი “ვიტესის” სეზონის საუკეთესო ფეხბურთელი გახდა
არნემის “ვიტესის” არაოფიციალურმა ვებ-გვერდმა vitesse.netwerk.to-მმა ვალერი ყაზაიშვილი გასული სეზონის საუკეთესო ფეხბურთელად დაასახელა. 22 წლის ქართველმა შემტევმა “ვიტესის” სხვა ფეხბურთელებთან შედარებით ყველაზე მაღალი შეაფასება მიიღო.
შეგახსენებთ, რომ ყაზაიშვილი “ვიტესს” ოთხი წლის წინ შეუერთდა, თუმცა პირველი ორი სეზონის განმავლობაში მას პირველ გუნდში თამაში იშვიათად უწევდა. 2014-15 წლების სეზონში, ვაკომ არნემული კლუბის მაისურით ჩატარებულ 33 მატჩში 12 გოლის გატანა მოახერხა.
ასევე, შეფასებების მიხედვით, 2014-15 წლების სეზონში, გუნდის საუკეთესო ათ ფეხბურთელს შორის გურამ კაშიაც მოხვდა, ათეული კი ასე გამოიყურება:
1. ვალერი ყაზაიშვილი
2. დავი პრიოპერი
3. მარკო ვეინოვიჩი
4. ბერტრანდ ტრაორე
5. იან-არიე ვან დერ ჰეიდენი
6. გურამ კაშია
7. ელოი რუმი
8. კევინ დიკსი
9. დენის ოლინიკი
10. ზაქარია ლაბიადი
