„სუარესის წასვლის შემდეგ სერხიო აგუერო პრემიერლიგის საუკეთესო მოთამაშეა“ – თვლის „ქუინს პარკ რეინჯერსის“ მთავარი მწვრთნელი ჰარი რედნაპი.
„აგუერო პრემიერლიგის საუკეთესო ფეხბურთელია, არა? ლუისის „ბარსელონაში“ წასვლის შემდეგ იგი ინგლისში პირველი გახდა“, – განაცხადა ფეხბურთის ინგლისელმა სპეციალისტმა.
ცნობისთვის, სწორედ რედნაპის ქპრ-სთან გუშინდელ მატჩში არგენტინელმა ფორვარდმა დუბლი შეასრულა, შეხვედრა კი, ფრედ, 2:2 დასრულდა.
როგორც მოგახსენეთ, ინგლისის პრემიერლიგის XI ტურში “ქუინს პარკ რეინჯერსსა” და “მანჩესტერ სიტის” შორის გამართული მატჩის (2:2) მიმდინარეობისას “ქალაქელთა” ნახევარმცველ იაია ტურეს მიერ დარტყმული ბურთი ტრიბუნაზე მჯდარ 5 წლის გოგონას მოხვდა.
შეხვედრის დასრულების შემდეგ კოტ დივუარელმა ფეხბურთელმა დიდსულოვნება გამოიჩინა და “ქუინს პარკის” მცირეწლოვან გულშემატკივარს საკუთარი მაისური აჩუქა – წარწერით: “მაპატიე”.
მოგვიანებით ტურემ სოციალურ ქსელში დაწერა:
“დავმშვიდდი, როდესაც გავიგე, რომ ბავშვი თავს კარგად გრძნობდა. ძალიან ვინერვიულე. ტელეფონით ახლახან ვესაუბრე საყვარელ ქლოის (გოგონას სახელია) და მის მამიკოს. მოხარული ვარ, რომ კარგად არის”.
გოგონამ მაისური “ქუინს პარკ რეინჯერსისგანაც” მიიღო.
„ქუინს პარკ რეინჯერსის“ ნახევარმცველმა ჯოუი ბარტონმა 2012/13 წლების სეზონი გაიხსენა, როდესაც იგი „მარსელის“ შემადგენლობაში გამოდიოდა და „პარი სენ-ჟერმენის“ თავდამსხმელთან ზლატან იბრაჰიმოვიჩთან კონფლიქტი ჰქონდა.
„პსჟ-სთან მატჩში ბევრი საჯარიმო შევასრულე, რადგან ზლატანი თამაშის წესს მუდმივად არღვევდა. მაშინ მან მითხრა, რომ ფრთხილად მეთამაშა. ჩემი მხვრივ, ვუპასუხე, რომ მას თამაშის წესები აღარ უნდა დაერღვია.
მაშინ იგი ჩემს ინგლისურ ფესვებს შეეხო, რაზეც შემდეგი პასუხი გავეცი: „კი, მე ინგლისელი ვარ, შენ კი, დიდი ცხვირი გაქვს“. ამას კიდევ ცხვირის მიმართლებით ჟესტიც დავუმატე. მეგონა, ვერავინს ვერაფერს დაინახავდა, რადგან ბურთი ეპიზოდისგან შორს იყო, თუმცა მატჩის დამთავრების შემდეგ ჩემთან ბავშვები მოვიდნენ და მითხრეს, რომ ჩემს ჟესტზე გაეცინათ.
ზლატანი გაოგნებული იყო, რადგან იგი ზლატანია და მისთვის რაიმის თქმის უფლება არავის აქვს. საბოლოოდ, მას სიმართლე ვუთხარი: „შენ ჩინებული ფეხბურთელი ხარ, რომელსაც დიდი ცხვირი აქვს“, – გაიხსენა ბარტონმა.
“ქუინს პარკ რეინჯერსის” ნახევარმცველი ჯოი ბარტონი თანაგუნდელ რიო ფერდინანდს გამოექომაგა.
შეგახსენებთ, რომ ფერდინანდს სოციალურ ქსელში გამოქვეყნებული შეურაცხმყოფელი კომენტარის გამო სამმატჩიანი დისკვალიფიკაცია მისცეს.
“უბრალოდ გაოცებული ვარ. ერთი პოსტისთვის სამმატჩიანი დისკვალიფიკაცია და ჯარიმის სახით 25 ათასი ფუნტ სტერლინგი?
ვფიქრობ, რომ სასჯელი არ შეესაბამება დანაშაულს. თავის დროზე ჯონ ტერიმ რასისტული გამოხტომის გამო ოთხმატჩიანი დისკვალიფიკაცია მიიღო.
ფეხბურთის ასოციაციის წარმომადგენლებმა იმ სიტყვების სია გამომიგზავნონ, რომელთა გამოქვეყნების უფლებაც არ მაქვს ინტერნეტსივრცეში და რომლებზეც ჯარიმა ვრცელდება”, – დაწერა სოციალურ ქსელში ბარტონმა.
გაიმართა პრემიერ ლიგის 8-ე ტურის მატჩი, სადაც ერთმანეთს “ქუინს პარკ რეინჯერსი” და “ლივერპული” დაუპირისპირდა. მატჩი საკმაოდ დაძაბული აღმოჩნდა. საბოლოოდ მერსისაიდელებმა ლონდონელთა ავტოგოლების წყალობით 2-3 იმარჯვეს.
გოლები: 67′ დანნი (ავტოგოლი), 87′ 90+2′ ვარგასი, 90′ კოუტინიო, 90+4 კოკერი (ავტოგოლი)
„ქუინს პარკ რეინჯერსის“ მთავარმა მწვრთნელმა ჰარი რედნაპმა „ლივერპულის“ თავდამსხმელის მარიო ბალოტელის შესახებ ისაუბრა, რომლის გუნდმაც ინგლისის პრემიერლიგის ბოლო ტურის მატჩში „ვესტ ჰემთან“ 3:1 წააგო.
ცნობისთვის, მეორე დღეს იტალიის ნაკრების ფორვარდმა სოციალურ ქსელ „ტვიტერში“ „მანჩესტერ იუნაიტედს“ დასცინა, რომელიც „ლესტერ სიტისთან“ ანგარიშით 5:3 დამარცხდა.
„როდესაც ერთი ფეხბურთელის გუნდი განადგურდა, მეორე დღეს მან სხვას დასცინა. ვფიქრობ, პირველ რიგში, განადგურებული თავად ეს მოთამაშეა“, – განაცხადა ინგლისელმა სპეციალისტმა.
რამოდენიმე საათის წინ დასრულდა პრემიერ ლიგის მე-5 ტურის პირველი მატჩი, სადაც ერთმანეთს “ქუინ პარკ რეინჯერსი” და “სტოკ სიტი” დაუპირისპირდნენ. თამაში უხვგოლიანი აღმოჩნდა და ფრედ 2-2 დასრულდა.
გთავაზობთ გოლების ამსახველ ვიდეომასალას:
“ქუინს პარკ რეინჯერსის” მეკარე ჟულიო სეზარი ლისაობონის “ბენფიკაში” გადავა.
A Bola-ს ცნობით, ბრაზილიელი ფეხბურთელი უკვე ჩავიდა პორტუგალიაში კონტრაქტზე ხელის მოსაწერად. წყაროს თანახმად, მხარეებს შორის ორწლიანი ხელშეკრულება გაფორმდება.
ჟულიო სეზარმა გასული სეზონის მეორე ნახევარი იჯარის წესით MLSის კლუბ “ტორონტოში” გაატარა. ამ დროის პერიოდში ჩაატარა შვიდი მატჩი და გაუშვა 9 გოლი, ორ შეხვედრაში კარი მშრალად შეინახა. ამასთან, ერთხელ მის მიერ შესრულებული მოგერიება კვირის საუკეთესო სეივადაც დაასახელეს.
ჟულიო სეზარმა ბრაზილიაში გამართულ მსოფლიოს ჩემპიონატზე შვიდი მატჩი ჩაატარა და 14 გოლი გაუშვა, რომლიდანაც ნახევარი გერმანიის ნაკრებმა გაუტანა.
34 წლის ბრაზილიელი მეკარის სატრანსფერო ღირებულება 1,5 მილიონ ევროდ ფასდება.
ტურინის “იუვენტუსის” ნახევარცველი მაურისიო ისლა კარიერას ინგლისურ “ქუინს პარკ რეინჯერსში” გააგრძელებს. 26 წლის ჩილელი ფეხბურთელი დასავლეთლონდონურ კლუბში მთელი სეზონის განმავლობაში იჯარის წესით ითამაშებს.
არაოფიციალური ინფორმაციის თანახმად, სეზონის ბოლოს ლონდონელებს 10 მილიონი ევროს სანაცვლოდ ფეხბურთელის სრულად გამოსყიდვის უფლება ექნებათ.
ისლას შესახებ კომენტარი გააკეთა “ქუინს პარკის” მთავარმა მწვრთნელმა ჰარი რედნაპმა.
“ისლა უმაღლესი დონის მოთამაშეა. მოხარულნი ვართ, რომ მას ჩვენს კლუბში ვხედავთ. ის უნივერსალური ფეხბურთელია, სავსე ენერგიით. დარწმუნებული ვარ, რომ მისი დამატება ჩვენთვის სახეირო იქნება”, – რედნაპის სიტყვები კლუბის ოფიციალურ ვებგვერდზე გამოქვეყნდა.
პირველი კომენტარი გააკეთა მაურისიო ისლამაც.
“მოხარული ვარ აქ გადმოსვლით. ჩემთვის ეს ახალი თავგადასავლის დაწყებაა. ყველას კარგად მოეხსენება, რომ პრემიერლიგა მსოფლიოს მასშტაბით ერთ-ერთი საუკეთესო ჩემპიონატია. “ქუინს პარკ რეინჯერსის” მიერ შემოთავაზებული წინადადება მეტად საინტერესო აღმოჩნდა და მიხარია, რომ დავთანხმდი. თითოეულ მატჩში 100 პროცენტით დავიხარჯები, რათა გუნდს დავეხმარო”, – აღნიშნა თავად ისლამ.
საზღვარგარეთული პრესის თანახმად, ტურინის “იუვენტუსის” ნახევარმცველმა მაურისიო ისლამ “ქუინს პარკ რეინჯერსში” სამედიცინო შემოწმება წარმატებით გაიარა და უახლოეს პერიოდში ტრანსფერი ოფიციალურადაც უნდა დადასტურდეს.
მანამდე გავრცელებული ინფორმაციით, დასავლეთლონდონური კლუბი ჩილელ ფეხბურთელს იჯარის წესით აიყვანს, შემდგომი გამოსყიდვის პირობით.
მაურისიო ისლამ იტალიის ჩემპიონატის გასულ გათამაშებაში 18 მატჩი ჩაატარა.
“ქუინს პარკ რეინჯერსის” ახალწვეული რიო ფერდინანდი “მანჩესტერ იუნაიტედის” ახალი სამწვრთნელო შტაბის გეგმებში არ შედიოდა. ამის შესახებ თავად ინგლისელმა ფეხბურთელმა ისაუბრა.
„როდესაც რაიან გიგზი მწვრთნელად დანიშნეს, მე მას ვესაუბრე. მან მითხრა, რომ სურდა, გუნდში დავრჩენილიყავი. განმიცხადა, რომ მე მის გეგმებში შევდიოდი, თუმცა ყველაფერი უცბად შეიცვალა. მოვიდა ახალი მწვრთნელი, ახალი იდეებით და მე წასვლა მომიწია. მაშინ კლუბის ხელმძღვანელობას ვუთხარი, რომ თუ მე მათ გეგმებში არ შევდიოდი, ჩემთვის გუნდიდან აბარგება უმჯობესი იქნებოდა. მათ მადლობა გადამიხადეს და დამემშვიდობნენ. კლუბი უფრო მეტია, ვიდრე ნებისმიერი მოთამაშე.
ახლა ბედნიერი ვარ, რომ “ქუინს პარკის” ფეხბურთელად ვითვლები.რედნაპის და ფერნანდესის მადლობელი ვარ, რადგან მათ მე შანსი მომცეს. საზღვარგარეთიდან შემოთავაზება მქონდა, თუმცა რედნაპის ზარის შემდეგ უცხოელებს უარი შევუთვალე“, – განაცხადა ფერდინანდმა “ქუინს პარკის” ფეხბურთელის რანგში გამართულ პირველ პრესკონფერენციაზე.
შეგახსენებთ, რომ რიოს “მანჩესტერ იუნაიტედთან” ხელშეკრულება დაუმთავრდა და ლონდონურ კლუბს თავისუფალი აგენტის სტატუსით შეუერთდა.
35 წლის მცველმა “ქუინს პარკთან” ერთწლიანი კონტრაქტი გააფორმა.
“მანჩესტერ იუნაიტედის” რიგებში რიო ფერდინანდმა 12 წელი დაჰყო. მას ინგლისის ეროვნულ ნაკრებში 81 მატჩი აქვს ჩატარებული.
ჟულიო სეზარი „ტორონტოდან“ „ქუინს პარკ რეინჯერსში“ დაბრუნდა.
შეგახსენებთ, რომ ბრაზილიელი მეკარე MLS-ის კლუბში იჯარის წესით ექვსი თვის განმავლობაში თამაშობდა. ამ დროის პერიოდში ჩაატარა შვიდი მატჩი და გაუშვა 9 გოლი, ორ შეხვედრაში კარი მშრალად შეინახა. ამასთან, ერთხელ მის მიერ შესრულებული მოგერიება კვირის საუკეთესო სეივადაც დაასახელეს.
ჟულიო სეზარმა ბრაზილიაში გამართულ მსოფლიოს ჩემპიონატზე შვიდი მატჩი ჩაატარა და 14 გოლი გაუშვა, რომლიდანაც ნახევარი გერმანიის ნაკრებმა გაუტანა.
