ჭდე: რაგბი

დღეს, 2 მაისს, რუსთავის სარაგბო სტადიონზე უმაღლესი ლიგის 2014/15 წლის სეზონის წინასწარ (მცირე) ფინალში (პლეი’ოფის მე-3 ტური) დიდი ფინალის საგზურის მოსაპოვებლად ბოლნისის ყოჩები და თბილისის ლოკომოტივი ერკინენ. ლოკომოტივმა ორჯერ მოახერხა თამაშის შემობრუნება და საკმაოდ დაძაბულ შეხვედრაში 23:16 (10:6) გაიმარჯვა

მატჩის პერიპეტიები

მე-2 წუთზე ყოჩები რაქში დაჯარიმდნენ. ლოკომოტივის ფულბექმა, ბექა წიკლაურმა შანსი ხელიდან არ გაუშვა და ზუსტი დარტყმით გახსნა ანგარიში 0:3.

2 წუთში შერკინებაში ლოკომოტივი დაჯარიმდა და ყოჩების მგეზავმა, თემო სოხაძემ მეტოქეს იგივეთი უპასუხა 3:3.

ამის შემდეგ, მატჩის 21-ე წუთამდე, ანგარიში აღარ შეცვლილა და ეს პერიოდი მატჩის პირველი ლელოს მომწიფებისთვის ყოფილა საჭირო: იგი დიმიტრი კალანდაძემ დადო, ხოლო ზუსტი გარდასახვა ბექა წიკლაურმა მიაყოლა 3:10.

29-ე წუთზე ნომინალურმა მასპინძლებმა სხვაობა 4 ქულამდე შეამცირეს მას შემდეგ, რაც თემო სოხაძემ ზუსტი ჯარიმით ანგარიში 6:10 გახადა. პირველი ტაიმი ამ ანგარიშით დასრულდა

პირველი ნახევრის დასაწყისისა არ იყოს, მეორე ნახევარშიც ანგარიში ‘შეკვეთილივით“ მე-2 წუთზე შეიცვალა – ყოჩებმა მეტოქეს მარჯვენა ფრთიდან შეუტიეს, ზედ ლელოს ხაზზე ნიკა ჩხიკვაძემ დავით ხიდეშელს ოფლოუდით გაატანაბურთი, ხოლო ყოჩების კვაჭს დამიწება აღარ გასჭირვებია. ლელოს სოხაძემ ზუსტი გარდასახვაც მიაყოლა და გუნდი წინ გაიყვანა 13:10.

8 წუთში სოხაძემ ცენტრიდან შესრულებული ჯარიმით ყოჩები კიდევ 3 ქულით წინ წაწია 16:10.

ამის შემდეგ ლოკომოტივის ჯერი დადგა. ბექა წიკლაურმა მეორე ტაიმის მე-16 და 37-ე წუთებზე გატანილი ჯარიმებით გაათანაბრა ანგარიში, მაგრამ ამით საქმე არ დაასრულა და შეხვედრის ბოლო წუთზე გამარჯვების ლელო დადო, რომელიც თვითონ გარდასახა 16:23

9 მაისს დიდ ფინალში

ამრიგად, საქართველოს ეროვნული ჩემპიონატის უმაღლესი ლიგის დიდ ფინალში თბილისის კლუბები: ლელო სარასენსი და ლოკომოტივი შეერკინებიან ერთმანეთს.

მატჩი მიხეილ მესხის სტადიონზე, 9 მაისს, 16 საათზე გაიმართება. ფინალზე დასწრება მუქთია.

ქართული რაგბის ქომაგებს გელით დიდ ფინალზე.

რაგბი ჩვენი თამაშია!!!

Rugby.GE

საქართველოს XXV ჩემპიონატზე შაბათს წინასწარი ფინალია – ყოჩები რუსთავში ლოკომოტივს მიიღებენ.

თამაში 16 საათზე დაიწყება. წინა ფინალთა დარად, ახლაც ირლანდიელი იმსაჯებს.

ორი კვირის წინ ბოლნისმა 1 ქულით წააგო ლელოსთან და გზა დაიგრძელა, ხოლო რკინიგზამ ფოთში ძლია ბათუმი.

ამ ორ თამაშში 4 ლელო დაიდო და 4 სინბინიც აღინუსხა. გარდა ამისა, ბექა წიკლაურმა სამი, ხოლო ირაკლი ყიასაშვილმა ორი არეკნი გაიტანა.

რუსთავის რკენის გამარჯვებული ერთი კვირის შემდეგ, 9 მაისს, ვაკეში, მესხზე, “დიდ ფინალში” ეთამაშება ბოლო ორი წლის ჩემპიონს – ლელოს სარასენსს.

II წრე

* შესარჩევი ფინალი
 

ყოჩები 21:22 ლელო

2ლ: გეგენავა მახარაშვილი; გ 3ჯ: სოხაძე სბ გრძელიშვილი ბეგაძე –
ლ: ლომთაძე; გ 3ჯ 2ა: ყიასაშვილი სბ ლომთაძე
რეფ იმბუშ (ირლ) @ 16/04 ავჭალა (1 500)
სბ(13ყ) 0:7(16) 7:7(21) 10:7(30) 13:7(33) 13:10(40+) /
13:13(53) 13:16(55ა) 18:16(63) სბ(66ლ) 21:16(72) 21:19(73ა) სბ(76ყ) 21:22(80) 
აცდა: გ ჯ 2ა – 2ჯ

ლელო გავიდა დიდ ფინალში (9/05)
ყოჩები დაეშვნენ წინასწარ ფინალში (2/05)

* გასავარდნი ფინალი

ბათუმი 13:18 ლოკომოტივი

ლ: ალიქაძე; გ 2ჯ: კობახიძე სბ ერისთავი –
3ჯ 3ა: წიკლაური
რეფ იმბუშ (ირლ) @ 18/04 ფოთი’ახალი (400)

0:3(4) 0:6(16ა) 0:9(21) სბ(27ბ) 0:12(30ა) /
3:12(48) 6:12(53) 6:15(67) 13:15(73) 13:18(76ა)
აცდა: ჯ – ჯ ა

ლოკომოტივი გავიდა წინასწარ ფინალში (2/05)

III წრე * წინასწარი ფინალი

ყოჩები #1 – ლოკომოტივი #4
შაბ 2/05 რუსთავი 16.00
წრიულ სტადიაზე მეტოქეებმა ორჯერვე ავჭალაში ითამაშეს.
4 ოქტომბერს ყოჩებმა 19:18 იმარჯვეს, 22 თებერვალს კი ლოკომოტივმა 24:3 აიღო რევანში.

* დებულებიდან

თუ თამაში (80 წუთი) ფრედ დამთავრდა,
დამატებითი დრო არ დაინიშნება,
შემდეგ წრეში კი გავა ის გუნდი,
ვინც ამ მატჩში 

1) გაიტანა მეტი ლელო,
2) მიიღო ნაკლები წითელი ბარათი,
3) მიიღო ნაკლები ყვითელი ბარათი,
4) იყო მასპინძელი (ეკავა უკეთესი ადგილი)

ქულა

192 თემურ სოხაძე (ყოჩ; 180 ბახვა კობახიძე (ბთმ; 177 ირაკლი ყიასაშვილი (ლელ; 146 ბექა წიკლაური (ლოკ; 120 რამაზ ხარაზიშვილი (ჯიქ, ვაჟა ხუციშვილი (ხარ; 103 რეზი ჯინჭველაშვილი (აია; 95 უჩა მჭედლიშვილი (თბს; 77დიტო კალანდაძე (ლოკ; 67 საბა ნიკოლავა (ამზ; 51 დავით კიკნაძე (ამზ, ბაჩო ჯოგლიძე (თბს; 44 რატი ნუცუბიძე (არმ; 43  მამუკა ნინიძე (ჯიქ)

ლელო

10  ირაკლი გეგენავა (ყოჩ)

8  ლევან თხელიძე (ბთმ, გიორგი ლომთაძე (ლელ)

6  გიორგი აბრამიძე (აია, გიორგი ფრუიძე (აია, გელა შალამბერიძე (აია, ბექა წიკლაური (ლოკ)

5  გიორგი ბებიაშვილი (ხარ, გიორგი ბიწაძე (ლოკ, ბექა გიგაშვილი (ბთმ, ლევან გოგოლაშვილი (ყოჩ, თორნიკე თეგეთაშვილი (ხარ, ოთარ მინაშვილი (ამზ)

4  თორნიკე გოგლიძე (თბს, დიტო კალანდაძე (ლოკ, იოსებ კიკვაძე (აია, ჟორა მღებრიშვილი (ხარ, გიორგი სოსელია (ამზ, არსენ ტრაპაიძე (ჯიქ, ირაკლი ყიასაშვილი (ლელ)

3  ლაშა აზალაძე (ბთმ, არჩილ ალიქაძე (ბთმ, ვახტანგ ამირანაშვილი (ამზ, მიხეილ არჩუაშვილი (ყოჩ, გიორგი აფციაური (აია, ნიკო აფციაური (ყოჩ, რატი გარუჩავა (ყოჩ, ფარნავაზ გასვიანი (ლოკ, ლექსო გუგავა (ლელ, ლევანდარასელია (არმ, ბექა მამრიკიშვილი (ჯიქ, შავლეგ მახარაშვილი (ყოჩ, გიორგი მელიქიძე (ხარ, გიორგი მისრიაშვილი (ამზ, სანდრო ნიჟარაძე (ლელ, ნიკა პინაიშვილი (ამზ, მიხეილ რატიაშვილი (აია, გიორგი ტორაძე’უმც (აია,სანდრო ქოიავა (ლელ, ზვიად ღამბარაშვილი (ხარ, გიორგი შკინინი (ლოკ, მამუკა ცხადაძე (ხარ, გიორგი ხარშილაძე (ყოჩ)

2  ბადრი ალხაზაშვილი (ლელ, ბექა არველაძე (თბს, უჩა აღაშვილი (ხარ, ბესო ბარბაქაძე (ამზ, ვანო გაბროშვილი (ჯიქ, მურაზ გიორგაძე (ამზ, გიორგი გოგოლაძე (არმ, არჩილ დავითაძე (ბთმ, გიორგი თხილაიშვილი (ბთმ, შოთაკანდელაკი (ამზ, გიორგი კაჭარავა (ლელ, ჯაბა კიკვიძე (ყოჩ, დიტო კიკნაძე (ჯიქ, ბაჩო კოლელიშვილი (ლელ, დავით ლაზარიშვილი (თბს, ბადრი ლიპარტელიანი (ამზ, დავით ლოსაბერიძე (აია, ზვიად მაისურაძე (ლელ, ლექსო მელიქიშვილი (ხარ, გიორგი ნათელაშვილი (ხარ, დავით 

პაპავაძე (ჯიქ, თემურ სოხაძე (ყოჩ, გიორგი ტალახაძე (ლელ, ალეკო ტუჩაშვილი (არმ, ლაშა ფოფხაძე (ლოკ, გიორგი ქუთათელაძე (თბს, ჯიმი ღამბაშიძე (თბს, გურამ შენგელია (ჯიქ, ნიკა ჩხიკვაძე (ყოჩ, ზურაბ ძნელაძე (ლოკ, მიხეილ წიკლაური (ხარ, დავით ხიდეშელი (ყოჩ, ზურაბ ხორბალაძე (ლელ, ვაჟა ხუციშვილი (ხარ, კოტე ჯიმუხაძე (არმ, გიორგი ჯიმშელაძე (ბთმ, რეზი ჯინჭველაშვილი (აია)

Rugby.GE

ხვალ, 30 აპრილს უმცროსი ბორჯღალოსნები ალაფამდე ბოლო საკონტროლო მატჩს გამართავენ უმაღლესი ლიგის კლუბ ‘არმაზთან’, რომელიც გაძლიერებული იქნება პლეი’ოფს მიღმა დარჩენილი კლუბების რამდენიმე მორაგბით. თამაში რუსთავის სარაგბო სტადიონზე 17 საათზე დაიწყება.

 

ალაფამდე ბოლო შეკრებაზე

2015 წლის მსოფლიო რაგბის ალაფის მზადების დასკვნით ეტაპს, წლის მე-4 შეკრებას 20-წლამდელები 26 აპრილს შეუდგნენ. ამჯერად გუნდი შეკრებას რუსთავის სარაგბო სტადიონზე გადის, რომელიც 2 მაისს დასრულდება. ლისაბონში გამგზავრებამდე სამწვრთნელო შტაბი ჩვენი ნაკრების 26 მოთამაშიან სატურნირო რაზმს დაასახელებს.

 

მსოფლიო რაგბის 20-წლამდელების ალაფა 2015

 

ტურნირი ლისაბონში 12 მაისიდან 24 მაისის ჩათვლით გაიამრთება. ახალგაზრდა ბორჯღალოსნები ‘ა’ ჯგუფში ფიჯის, ურუგვაისა და მასპინძელიპორტუგალიის თანატოლთა გუნდების წინააღდეგ მსოფლიო რაგბის 20-წლამდელთა ჩემპიონატის საგზურის მოსაპოვებლად იასპარეზებენ.

 

მატჩების განრიგი (საქართველოს დროით):

12 მაისი საქართველო – ურუგვაი 20:00 სთ

16 მაისი საქართველო – ფიჯი 20:00 სთ

20 მაისი საქართველო – პორტუგალია 20:00 სთ

24 მაისს ტურნირის ფინალური რაუნდი გაიმართება 20:00 სთ

ტურნირის განრიგი სრულად>>> http://www.worldrugby.org/tournament/1567/fixtures

ასევე იხილეთ >>> 20-წლამდელების გაფართოებული შემადგენლობა

Rugby.GE

სტატიის ბმული 

ავტორი: მარკ დუგლასი

ნიუკასლ ფალკონსი აგვისტოში საქართველოს დაუპირისპირდება – მატჩში, რომელიც მთავარმა მწვრთნელმა, დინ რიჩარდმა  „უდიდესი გამოცდის“ სახელით შერაცხა.

თამაშის დღეც დადასტურდა – მატჩი 28 აგვისტოს, 15:45 საათზე (ადგილობრივი დროით), ნიუქასთლში ‘კინგსთონ პარკზე’ გაიმართება.

ეს მატჩი საქართველოს ნაკრებისთვის წინა-სამსოფლიო მოსამზადებელ ეტაპად განიხილება, ხოლო  ფალკონსისთვის კი პირველობის წინა-სასეზონო სამზადისისას სასიცოცხლოდ მნიშვენლოვანი ტესტი იქნება.

2015 წლის მსოფლიო თასზე საქართველო “გ” ჯგუფში იასპარეზებს, რომელიც ნიუკასლის წინააღმდეგ გამართული მატჩიდან სამ კვირაში, 18 სექტემბერს დაიწყება. ბორჯღალოსნები მსოფლიო ჩემპიონი ახალი ზელანდიის, არგენტინის, ტონგასა და ნამიბიას მოწინააღმდეგეები იქნებიან,  მათგან პირველი ორი კი რაგბის მსოფლიო თასის მეოთხედ ფინალში გადავა.

ნიუკასლის მთავარი მწვრთნელი დინ რიჩარდი აღნიშნავს: „ჩვენთვის დიდი პატივია კინგსთონ პარკზე ისეთ ამაყ სარაგბო ერს ვუმასპინძლოთ, როგორიც საქართველოა. ბორჯღალოსნები მსოფლიო რაგბისთვის ნამდვილად მზარდ ძალას წარმოადგენენ და მსოფლიო თასის წინ მათ რაზმთან შებრძოლება ჩვენთვის უდიდესი მნიშვნელობის გამოცდა იქნება. ქართველი მოთამაშეების უმრავლესობა ფრანგულ კლუბებში თამაშობენ, სადაც ყოველ კვირას უმაღლესი დონის თამაშისა და გამოცდილების დააგროვების საშუალება ეძლევათ.

„2015-2016 წლის სეზონის დამდეგს კი ჩვენთვის ეს უდიდესი გამოწვევაა. გუნდში გვყავს რამდენიმე ახალი მოთამაშე, რომლებსაც სურვილი აქვთ თავიანთი ნიშა დაიკავონ რაგბის სამყაროში. ჩვენი გულშემატკივრების მადის აღსაძრელად კი ეს მატჩი მსოფლიო თასის წინ კარგი საშუალებაა.“

საქართველოს ნაკრების მთავარი მწვრთნელი მილტონ ჰეიგი: „მსოფლიო თასისთვის მოსამზადებელ ბოლო ეტაპზე ნიუკასლის წინააღმდეგ მატჩის გამართვა ჩვენთვის უმნიშვნელოვანესია. მადლიერები ვართ იმისთვის, რომ ნიუკასლმა მათთან თამაშის შესაძლებლობა მოგვცა და დარწმუნებული ვარ, რომ რაგბის გულშემატკივრები კინგსთონ პარკზე გამართული შთამბეჭდავი მატჩით ნამდვილად კმაყოფილები დარჩებიან“.

 

შეგახსენებთ, რომ 2015 წლის მსოფლიო თასამდე ბორჯღალოსნები კიდევ ორ წინა სატურნირო ტესტ მატჩს გამართავენ:

2 სექტემბერს ‘მოლზი როუდზე’ (სურეის საგრაფო) კანადის, ხოლო 5 სექტემბერს  ‘ქინგჰოლმ სთედიუმზე’ (გლოსთერი) იაპონიის წინააღმდეგ.

Rugby.GE

უმცროსმა ბორჯღალოსნებმა მსოფლიო რაგბის 20-წლამდელთა ალაფისთვის მზადების მეოთხე შეკრება ფრანგული ტოპ 14-ის ‘კლერმონის’ ესპუართა გუნდთან სპარინგ-მატჩით დაასრულეს, რომელშიც ჩვენმა გუნდმა სტუმრებს 28:18 სძლიეს.

პირველი ტაიმი 10 ქულიანი დეფიციტით

მატჩის დაწყებამდე საფრანგეთის და საქართველოს ჰიმნები შესრულდა. საქართველოს ჰიმნს კლერმონის სამი ქართველი ლეგიონერი: გიორგი შარაშიძე, ბექა კაკაბაძე და თორნიკე ზოიძე ასრულებდნენ. ეს ორი უკანასკნელი ახალგაზრდა ბორჯღალოსნებს ტურნირისთვის ბოლო მოსამზადებელი ეტაპის შეკრებაზე შეუერთდებიან.

“კლერმონი” იყო კარგად ორგანიზებული, მებრძოლი გუნდი, რომლის შემადგენლობაში მაღალი დონის შემსრულებლები, მებრძოლი ბიჭები თამაშობდნენ. ბრძოლაში და თავდადებაში მათ ქართველებმა არაფერი დაუთმეს, პირველი ტაიმის 10 ქულის სხვაობით წაგების შემდეგ, მეორე ტაიმში შეცდომები გამოასწორეს, დასკვნითი 40 წუთი 20:0 მოიგეს და გამარჯვებაც დამსახურებულად იზეიმეს.

შეხვედრა ქართველი მორაგბეების აქტიურობით დაიწყო, მაგრამ ჟულიენ შარდონმა გადაცემა ცენტრალური ხაზის სიახლოვეს ჩაჭრა და ლელომდე ირბინა, ხოლო ენდო სანგამ გარდასახვა ზუსტად შეასრულა. პირველივე წუთებიდან გამოჩნდა, რომ მოედანზე გაჩაღებული დაუნდობელი ბრძოლა “უსისხლოდ” არ ჩაივლიდა და თამაშისას რამდენჯერმე ატყდა ინდივიდუალური თუ ჯგუფური მუშტი-კრივი, რის გამოც შეხვედრის მიწურულს რეფერიმ ორივე გუნდის თითო-თითო მორაგბე გაასინბინა.

მართალია, თავიდან ქართველები ჯარიმას კარში არ ურტყამდნენ, მაგრამ რომ ჩამორჩნენ, მე-11 წუთზე 3 ქულის აღება გადაწყვიტეს და 35 მეტრიდან რეზი ჯინჭველაშვილმა ჩამორჩენა შეამცირა. მერე ვასილ ლობჟანიძემ ფეხით შეცურებულ ბურთზე ბოლომდე იბრძოლა, “კლერმონი” დაჯარიმდა, ჯინჭველაშვილმა ის სწრაფად გაათამაშა და მართალია, ბადრი ალხაზაშვილი შეაჩერეს, მაგრამ რაქიდან ოთარ გიორგაძემ ლელოს გატანა მაინც მოახერხა. გარდასახვა არაზუსტი იყო – 8:7.

ამის შემდეგ “კლერმონი” ათამაშდა, სათამაშო უპირატესობა მოიპოვა და მაღალი დონის რაგბი აჩვენა. ფრანგები კარგად შლიდნენ შეტევებს ფლანგზე და უპირატესობის მოპოვებას სისწრაფით ცდილობდნენ. ქართველებმა თავდაუზოგავი დაცვით მათი მიძალებების შეჩერება შეძლეს. ტაიმის ბოლოს ფრანგებმა მოკლე დარტყმებით იარეს, ფლანგზე მეტობა რომ შექმნეს თამაში გაშალეს, ორი მოიერიშის შეჩერება მოხერხდა, მაგრამ შარდონმა მიზანს უწია და დუბლი შეასრულა. ამ ლამაზი ლელოს შემდეგ გარდასახვა არაზუსტი იყო და ტაიმი სტუმრებმა 18:8 მოიგეს.

მეორე ტაიმის 20 ქულა

მეორე ტაიმში მოედანზე სიტუაცია შეიცვალა. საქართველოს ნაკრები თამაშს თითქმის მთელი 40 წუთი აკონტროლებდა. ცვლილებებმა და მიღებულმა დავალებებმა “ბორჯღალოსნებს” სათამაშო უპირატესობასთან ერთად შედეგიც მოუტანა. მოკლე დარტყმებით და მოლით შეტევების შემდეგ, მოლს ოთო გიორგაძე მოსწყდა და შარდონის დუბლს თვითონაც დუბლით უპასუხა. გარდასახვა არაზუსტი იყო, მაგრამ ტაიმის შუაში საქართველოს ლამაზი კომბინაცია მორიგი ლელოთი დასრულდა – ბექა გორგაძემ ხაზი კარის წინ, ცენტრის სიახლოვეს გაჭრა და დაახლოებით 20 მეტრი იარა, შეტევა მარჯვენა ფლანგზე გაიშალა, სადაც ირაკლი სვანიძემ მაღალ სიჩქარეზე მიიღო გადაცემა, ფრანგ მცველებს შორის სუფთად გაძვრა და ანგარიში გაათანაბრა. გარდასახვა ამჯერადაც არაზუსტი იყო – 18:18.

საქართველოს ნაკრები ისე გათამამდა, რომ კარის წინ 25 მეტრიდან ჯარიმით დაწინაურების ნაცვლად, ბურთი აუტში გაგზავნა, დერეფნიდან შეუტია, ხაზი ორჯერ გაიჭრა, მესამე ჯერზე ნიკა სიმონიშვილი ხაზის სიახლოვეს შებოჭეს, მაგრამ ქართველმა ბურთის ჩათვლის მოედანში გადადება მოახერხა. გიორგი ბაბუნაშვილმა გარდასახვა ზუსტად შეასრულა და მალე ჯარიმით ანგარიში 28:18 გახადა. სულ ბოლოს “კლერმონმა” ერთი გაიბრძოლა, მაგრამ ბოჭვებისას ინდივიდუალურად კარგად მოთამაშე ნაკრების წევრებმა მეტოქეს სივრცეები შეუზღუდეს და ფრანგები შინ გაბრუებული გაისტუმრეს – 28:18.

ამ მატჩით დასრულდა 20-წლამდელთა მორიგი შეკრება. გუნდი 26 აპრილს კვლავ შეიკრიბება და ტურნირზე გამგზავრებამდე ბოლო შეკრებას გაივლიან. “ბორჯღალოსნები” პორტუგალიის დედაქალაქ ლისაბონში 6 მაისს მიემგზავრებიან, ხოლო უშუალოდ ტურნირში 12 მაისიდან ჩაებმებიან.

მსოფლიო რაგბის 20-წლამდელების ალაფა 2015

შეგახსენებთ, რომ ტურნირი ლისაბონში 12 მაისიდან 24 მაისის ჩათვლით გაიამრთება. ახალგაზრდა ბორჯღალოსნები ‘ა’ ჯგუფში ფიჯის, ურუგვაისა და მასპინძელიპორტუგალიის თანატოლთა გუნდების წინააღდეგ მსოფლიო რაგბის 20-წლამდელთა ჩემპიონატის საგზურის მოსაპოვებლად იასპარეზებენ.

მატჩების განრიგი (საქართველოს დროით):

12 მაისი საქართველო – ურუგვაი 20:00 სთ

16 მაისი საქართველო – ფიჯი 20:00 სთ

20 მაისი საქართველო – პორტუგალია 20:00 სთ

24 მაისს ტურნირის ფინალური რაუნდი გაიმართება 20:00 სთ

Rugby.GE

წუხელ, შეკრებაზე მყოფნა საქართველოს 20-წლამდე ნაკრებმა შევარდენზე ღია ვარჯიში გამართა. ახალგაზრდა ბორჯღალოსნები 20-წლამდელთა მსოფლიო ალაფისთვის მზადების ფარგლებში რიგით მეოთხე შეკრებაზე იმყოფებიან. ვარჯიშამდე მთავარმა მწვრთნელმა და მოთამაშეებმა კომენტარები გააკეთეს:

ვარჯიშის ფოტოები >>>

ილია მაისურაძე (20-წლამდელთა ნაკრების მთავარი მწვრთნელი): “პირველ მეტოქე ურუგვაიზე საკმაო ინფორმაცია გვაქვს. ამ გუნდის თამაში შარშანდელ “ალაფაზე” ვნახეთ და მაშინ მათ პირველი თამაში იაპონიას მოუგეს. გემახსოვრებათ, იაპონიამ საბოლოოდ “ალაფა” მოიგო და 12-გუნდა ელიტაში ავიდა. სამხრეთელებს შერკინებაც კარგი ჰყავთ და მათ ზურგს სწრაფი ხაზი უმაგრებს, დაცვაშიც აგრესიულები არიან. მოკლედ, მაგარი ბიჭები ჰყავთ, მაგრამ ვეცდებით ჩვენი ძლიერი მხარეები დავუპირისპიროთ.

ფიჯი შარშან ელიტაში თამაშობდა, იქ ბოლო ადგილზე გავიდა და “ალაფაზე” დაქვეითდა. მათ კარგი შეხვედრები ჩაატარეს, ძლიერები არიან ღია თამაშში და სწრაფი ბიჭები ჰყავთ. მაგრამ ორგანიზებაში პრობლემები აქვთ და სწორედ ეს უნდა გამოვიყენოთ. სათქმელად ადვილია, მაგრამ ფიჯის ბურთს თუ არ მივცემთ ყველაფერი კარგად იქნება.

ამ ეტაპზე დაცვა-შეტევაზე ვმუშაობთ. ვხვეწთ ფეხით დარტყმებს და ჩახურვას. სამწუხაროდ, მხოლოდ ორი ისეთი შეკრება გვაქვს, რომლებზეც გუნდის დალაგება შეგვეძლება. მოთამაშეთა მესამედი საფრანგეთში თამაშობს, ნაწილი ქუთაისში, სადაც რამდენჯერმე ჩავედით და პროგრამები დავუტოვეთ. მაგრამ ეს ყველაფერი ჩემპიონატის თამაშების პარალელურად ხდებოდა და კლუბს ხელს ვერ შეუშლიდით. სწორედ კლუბებისადმის ხელის არშეშლა იყო იმის მიზეზი, რომ სულ რაღაც სამდღიანი შეკრებები გვქონდა. მაგრამ ახლა ყველა ჩვენთანაა და საფრანგეთიდან ჩამოსული ბიჭები ჩვენს შერკინებას მაგრად გააძლიერებენ. ბექა კაკაბაძე “კლერმონის” ესპუარებში თამაშობს და მომავალ თამაშში კლუბს დაეხმარება. ზაზა ხარებავა ჯერჯერობით ტრავმირებულია. ვფიქრობ, “ალაფაზე” კოზირი შერკინება და დერეფანი იქნება”.

ბადრი ალხაზაშვილი (მორაგბე): “საკმაოდ კარგად ვემზადებით. სამწუხაროდ, მაღალი დონის გუნდებთან ბევრი ამხანაგური თამაშის ჩატარება ვერ მოვახერხეთ. ამ შეკრებაზე ვეცდებით, რომ დავიხვეწოთ და შევიკრათ, რადგან გუნდში მრავლად არიან საფრანგეთში მოთამაშე ლეგიონერები და ქუთაისელი ბიჭები და მათთან ხანგრძლივად ყოფნის საშუალება აქამდე არ მოგვცემია. კარგია, “კლერმონი” რომ გვეწვია. მათთან თამაშში ვეცდებით, რომ დავლაგდეთ და ტაქტიკური მონახაზები დავხვეწოთ. “კლერმონის” გარდა კიდევ ერთი თამაში იგეგმება. ჩემპიონატში მოთამაშე მორაგბეებით ნაკრები უნდა გაკეთდეს და მათთან რუსთავში ვითამაშებთ. დროთა განმავლობაში ქართული რაგბი და ვარჯიშები იხვეწება. 20-წლამდელთა ამჟამინდელ ნაკრებს მოგებული აქვს ინგლისის საგრაფოების ნაკრებთან. ბიჭები სამი წელია ერთად მოვდივართ, შეთამაშების პრობლემა არ უნდა გვქონდეს და ვფიქრობ, პორტუგალიაშიც კარგ თამაშს ვაჩვენებთ”.

თორნიკე ბუბუტეიშვილი (მორაგბე): “ალაფაზე” საკმაოდ ძლიერი მეტოქეები გვეყოლება. ურუგვაის დალაგებული გუნდი ჰყავს, ფიჯი მსოფლიო თასიდან წელს ჩამოვარდა, პორტუგალიას ფინალი ორჯერ მოვუგეთ, მაგრამ ახლა რევანშის წყურვილი ექნებათ, თანაც საკუთარ ქვეყანაში თამაშობენ და იოლად არაფერს დათმობენ. ფიჯის ინდივიდუალურად ძლიერი მოთამაშეები ჰყავს და შეკრული დაცვა უნდა ვეთამაშოთ, რადგან თუ მათ ავყევით, კარგი არაფერი მოხდება. 18-წლამდელების წარმატება ჩვენთვის დიდი სტიმულია და ვეცდებით, რომ ფინალში გავიდეთ და ის თამაშიც მოვიგოთ”.

Rugby.GE

საქართველოს XXV ჩემპიონატზე პლეი’ოფის პირველი წრის ორივე მატჩი მასპინძელმა რომ მოიგო, მეორე წრის რკენებიც ფოთსა და ავჭალაში მოეწყობა.

ფინალებს ირლანდიელი მსაჯები უძღვებიან. ამის გამო თუა, რომ ჭირს ლელოს გატანა და ქულები ჯარიმებით გროვდება.

ხშირია სინბინიც – ორ მატჩში 6 მორაგბეს უჩვენეს ყვითელი ბარათი და 4 მათგანი პირველ’ხაზელი იყო.

ოთხივე ლელო შერკინებამ შეიტანა.

ავჭალაში რუსთავი ერთი ხანობა 9 ქულითაც * 12:3 უსწრებდა ლოკომოტივს, მაგრამ რკინიგზამ ჯარიმებით გააფრევა ტაიმი.

მეორეში ხარებმა ვერ იხეირეს სინბინით. ლოკომოტივმაც სამი ჯარიმა ააცილა კარს, მაგრამ ბოლოს ძალისმიერ, საჯარიმო ლელოს მაინც გამორჩა * 19:12

ფოთში რაგბი ქარსა და წვიმაში გაიმართა. ფორმალური მასპინძელი – ბათუმი სულ წინ იყო.

თავი ისევ გამოიჩინა ბახვა კობახიძემ, ვინაც 4 ჯარიმა და ერთიც არეკნი შეაგდო * 15:8, მის ქუთაისელ კოლეგებს კი 5 დარტყმა გაუცუდდათ.

არადა, აიას რომ გაეფრევებინა თამაში, “მეტი ლელოს” წესით შინ გამართავდა “გასავარდნ ფინალს”.

I წრე * მესამედ-ფინალები

ლოკომოტივი 19:12 ხარები

ლ: [საჯ] გ 4ჯ: ბ.წიკლაური სბ ბეჟიაშვილი –
2ლ: ცხადაძე; გ: ხუციშვილი სბ აღაშვილი მ.წიკლაური

რეფ პიქ (ირლ) @ 9/04 ავჭალა (1 200)
3:0(10) 3:5(15) 3:12(18) 6:12(20) 9:12(31) 12:12(34) /
სბ(51ლ) სბ(61ხ) 19:12(77სბ)

ბათუმი 15:8 აია

4ჯ ა: კობახიძე სბ ალიქაძე კობახიძე –
ლ: შალამბერიძე; ჯ: ჯინჭველაშვილი სბ მატკავა
რეფ ერსქინ (ირლ) @ 9/04 ფოთი’ახალი (500)
3:0(4) 6:0(14) 6:3(18) სბ(34ბ) 9:3(37ა) 12:3(40+1) /
12:8(45) სბ-სბ(48) 15:8(74)

II წრე

ზეგ ავჭალაში (17.00) ბრძოლაში ებმებიან პირველი და მეორე ნომრები – “ყოჩები ბოლნისმა” და “ლელო სარასენსმა” ავსტრალიური სისტემით სტარტზე იუქმეს.

ამ მატჩის – “შესარჩევი ფინალის” – გამარჯვებული პირდაპირ გავა “დიდ ფინალში”, წაგებულს კი “წინასწარი ფინალით” პირველობის შანსი უნარჩუნდება.

შაბათს ბათუმი ფოთშივე (15.00), “გასავარდნ ფინალში” მიიღებს ლოკომოტივს. წაგებული დაასრულებს სეზონს და მეოთხე ადგილს დაიკავებს, ხოლო მოგებული “წინასწარ ფინალში” ჩააკითხავს ყოჩები – ლელოს წყვილში დამარცხებულს.

ამ წრის მატჩებსაც ირლანდიელი რეფი – ოღონდაც ერთი და იგივე – განსჯის.

* შესარჩევი ფინალი

ყოჩები #1 – ლელო #2
ხუთ 16/04 ავჭალა 17.00
ყოჩებმა 1 ნოემბერს ავჭალაშივე 21:12 იმარჯვეს, ლელომ კი 7 მარტს, ბოლნისში, რევანში აიღო * 22:9

* გასავარდნი ფინალი

ბათუმი #3 – ლოკომოტივი #4
შაბ 18/04 ფოთი’ხელ 15.00
15 ნოემბერს ბათუმმა ანგისაში 39:17 მოიგო, 4 აპრილს კი ლოკომოტივმა ავჭალაში 13:6 იმარჯვა.

* დებულებიდან

თუ თამაში (80 წუთი) ფრედ დამთავრდა,
დამატებითი დრო არ დაინიშნება,
შემდეგ წრეში კი გავა ის გუნდი,
ვინც ამ მატჩში

1) გაიტანა მეტი ლელო,
2) მიიღო ნაკლები წითელი ბარათი,
3) მიიღო ნაკლები ყვითელი ბარათი,
4) იყო მასპინძელი (ეკავა უკეთესი ადგილი)

Rugby.GE

საქართველოს XXV ჩემპიონატში გამოვლინდა პლეი’ოფის მონაწილე ექვსეული და გუნდებიც დაწყვილდნენ.

დასკვნითი, XVIII ტურის წინ მეექვსე რჩეულის ვინაობაღა იყო გასარკვევი.
ბოლო საგზურის მოსაპოვებლად არმაზს სტუმრად – ბონუსით ანაც 15 ქულით – უნდა ეძლია აია, ვინაც ამ მდგომარეობაში დებულების დარღვევის გამო აღმოჩნდა:
წინა ტურში, რუსთავთან მსაჯს “ცრუ შერკინება” რომ შემოაღებინა, მეტოქის ენერგიული პროტესტის მიუხედავად, მოთამაშე მაინც არ მოიკლო. საკითხი კავშირის “წესრიგის კომიტეტმა” განიხილა, აიას მოგებულ მატჩში წაგება მიუსაჯა და დამატებით 1 ქულითაც დააჯარიმა.
შაბათს რომ გაწვიმდა და აცივდა, ოთხიდან სამი მატჩი ხელოვნურ საფარზე მოეწყო. აიამ უბონუსოდ 20:5 ძლია არმაზი და მეექვსე ადგილზე დააფინიშა, რადგან რუსთავს პირისპირ ბალანსით (საცხილო ქულებით 3-4) ჩამორჩა.
ხარები მარტყოფში ეწვივნენ ყოჩებს. ლიდერის ქიქერებმა კარს 6 დარტყმა ააცილეს, მაგრამ გუნდმა ორი ლელო მაინც შეიტანა 10:3
ბათუმმა ავჭალაში თავიდან ორი ჯარიმით გაუსწრო ლოკომოტივს, მაგრამ რკინიგზამ მაინც იმარჯვა 13:6, მეოთხე ადგილზე ავიდა და პლეი’ოფს შინ გახსნის.
არმიამ ბოლო მატჩი 18 კაცის ამარა გამართა, რადგან ერთი სამარქაფო პირველ’ხაზელიღა ჰყავდა. თავიდან ჩამორჩენილი ლელო ჯერ ჯარიმებით გავიდა წინ, მერე კი სინბინითაც იხეირა 26:5
კვირას გამოიდარა და ერთადერთ მატჩში 11 ლელო დაიდო. ჯიქმა გვარიანად გამოიკეთა ბალანსი და 52:21 გააბურთავა თიბიესი, ვინაც უმაღლეს ლიგას დატოვებს.
თიბიესს შეცვლის პირველი ლიგის ფალავანი აკადემია, არმია კი დარჩენაზე ორჯერ ეთამაშება პირველ ლიგაში მეორე ადგილზე გასულ დინამოს.
სულ, ორი წრის 90 მატჩში მოგროვდა 3124 ქულა და დაიდო 328 ლელო, რითაც საშუალო მაჩვენებლები 34.7 და 3.64 გამოვიდა.
ბოლო, XVIII ტური
არმია 5:26 ლელო

ლ: ღვინჯილია სბ ი.სურგულაძე –
2ლ: ქოიავა თოდუა; 2გ 4ჯ: ყიასაშვილი
რეფ ჩიხლაძე (ქუთ) @ 4/04 შევარდენი’ხელ (130)
5:0(10) 5:3(17) 5:6(26) 5:9(33) / 5:12(45) სბ(60ა) 5:19(69) 5:26(76)

ლოკომოტივი 13:6 ბათუმი$

ლ: გ.ბიწაძე; გ 2ჯ: წიკლაური –
2ჯ: კობახიძე
რეფ ამაშუკელი (თბ) @ 4/04 ავჭალა’ხელ (200)
0:3(8) 0:6(16) 7:6(29) 10:6(39) / 13:6(73)

ყოჩები 10:3 ხარები$

2ლ: აფციაური გარუჩავა –
ჯ: ხუციშვილი სბ ბაქანიძე
რეფ თევზაძე (თბ) @ 4/04 მარტყოფი (100)
0:3(12) 5:3(26) 10:3(33) / სბ(69ხ)

აია 20:5 არმაზი

3ლ: აბრამიძე აფციაური ტორაძე’უმც; გ: ბაბუნაშვილი; ჯ: ჯინჭველაშვილი –
ლ: კანდელაკი
რეფ გვირჯიშვილი (რსთ) @ 4/04 ქუთაისი’ხელ (800)
3:0(3) 3:5(7) 8:5(26) / 13:5(48) 20:5(74)

ჯიქი$ 52:21 თიბიეს

8ლ: შენგელია ქარჩავა ტრაპაიძე (3 4) მამრიკიშვილი კიკნაძე ოქრომელიძე შუბითიძე; 6გ: ნინიძე სბ სუხაშვილი –
3ლ: გოგლიძე მახარაძე ჩაჩავა; 3გ: მჭედლიშვილი
რეფ აბულაშვილი (თბ) @ 5/04 ავჭალა’ხელ (200)
7:0(3) 7:7(6) 14:7(23) /
21:7(43) 26:7(46) 31:7(58) სბ(61ჯ) 31:14(63) 38:14(66) 38:21(72) 45:21(73) 52:21(80+)

“ავსტრალიური” პლეი’ოფი
მსოფლიო ალაფის მონაწილე 20-წლამდელთა ნაკრების განრიგის გათვალისწინებით პლეი’ოფის საწყისი ორი წრე ახლავე, ხუთშაბათობით მოეწყობა, ბოლო ორი ფინალი კი მაისში გაიმართება.
9 აპრილს ბათუმი ქუთაისს უმასპინძლებს, რუსთავი კი ლოკომოტივს ეწვევა.
ამ მატჩებში გამარჯვებულები 16 აპრილს “გასავარდნ ფინალში” შეიბმებიან, “შესარჩევ ფინალში” კი მაშინვე ითამაშებენ ყოჩები და ლელო: ესენი პირველ წრეში უქმობენ და მედალიც დაბევებული აქვთ.
2(3) მაისს “შესარჩევ ფინალში” დამარცხებული მიიღებს “გასავარდნ ფინალში” გამარჯვებულს. წაგებულს ერგება ბრინჯაო, მოგებული კი “დიდ ფინალში” გავა.
“დიდი ფინალი” თბილისში, 9(10) მაისსაა. მასში პირდაპირ გადის ყოჩები – ლელოს “შესარჩევ ფინალში” გამარჯვებული. მოგებული მიიღებს ოქროს, ხოლო წაგებული – ვერცხლს.

ქულა

181 თემურ სოხაძე (ყოჩ; 160 ირაკლი ყიასაშვილი (ლელ; 157 ბახვა კობახიძე (ბთმ; 120 რამაზ ხარაზიშვილი (ჯიქ; 118 ვაჟა ხუციშვილი (ხარ; 112 ბექა წიკლაური (ლოკ; 100 რეზი ჯინჭველაშვილი (აია; 95 უჩა მჭედლიშვილი (თბს; 77 დიტო კალანდაძე (ლოკ; 67 საბა ნიკოლავა (ამზ; 51 დავით კიკნაძე (ამზ, ბაჩო ჯოგლიძე (თბს; 44 რატი ნუცუბიძე (არმ; 43 მამუკა ნინიძე (ჯიქ)

ლელო

9 ირაკლი გეგენავა (ყოჩ)

8 ლევან თხელიძე (ბთმ)

7 გიორგი ლომთაძე (ლელ)

6 გიორგი აბრამიძე (აია, გიორგი ფრუიძე (აია, ბექა წიკლაური (ლოკ)

5 გიორგი ბებიაშვილი (ხარ, გიორგი ბიწაძე (ლოკ, ბექა გიგაშვილი (ბთმ, ლევან გოგოლაშვილი (ყოჩ, თორნიკე თეგეთაშვილი (ხარ, ოთარ მინაშვილი (ამზ, გელა შალამბერიძე (აია)

4 თორნიკე გოგლიძე (თბს, დიტო კალანდაძე (ლოკ, იოსებ კიკვაძე (აია, ჟორა მღებრიშვილი (ხარ, გიორგი სოსელია (ამზ, არსენ ტრაპაიძე (ჯიქ, ირაკლი ყიასაშვილი (ლელ)

3 ლაშა აზალაძე (ბთმ, ვახტანგ ამირანაშვილი (ამზ, მიხეილ არჩუაშვილი (ყოჩ, გიორგი აფციაური (აია, ნიკო აფციაური (ყოჩ, რატი გარუჩავა (ყოჩ, ფარნავაზ გასვიანი (ლოკ, ლექსო გუგავა (ლელ, ლევან დარასელია (არმ, ბექამამრიკიშვილი (ჯიქ, გიორგი მელიქიძე (ხარ, გიორგი მისრიაშვილი (ამზ, სანდრო ნიჟარაძე (ლელ, ნიკა პინაიშვილი (ამზ, მიხეილ რატიაშვილი (აია, გიორგი ტორაძე’უმც (აია, სანდრო ქოიავა (ლელ, ზვიად ღამბარაშვილი (ხარ, გიორგი შკინინი (ლოკ, გიორგი ხარშილაძე (ყოჩ)

2 არჩილ ალიქაძე (ბთმ, ბადრი ალხაზაშვილი (ლელ, ბექა არველაძე (თბს, უჩა აღაშვილი (ხარ, ბესო ბარბაქაძე (ამზ, ვანო გაბროშვილი (ჯიქ, მურაზ გიორგაძე (ამზ, გიორგი გოგოლაძე (არმ, არჩილ დავითაძე (ბთმ, გიორგი თხილაიშვილი (ბთმ, შოთა კანდელაკი (ამზ, გიორგი კაჭარავა (ლელ, ჯაბა კიკვიძე (ყოჩ, დიტო კიკნაძე (ჯიქ, ბაჩო კოლელიშვილი (ლელ, დავით ლაზარიშვილი (თბს, ბადრი ლიპარტელიანი (ამზ, დავით ლოსაბერიძე (აია, ზვიად მაისურაძე (ლელ, შავლეგ მახარაშვილი (ყოჩ, ლექსო მელიქიშვილი (ხარ, გიორგი ნათელაშვილი (ხარ, დავით პაპავაძე (ჯიქ, თემურ სოხაძე (ყოჩ, გიორგი ტალახაძე (ლელ, ალეკო ტუჩაშვილი (არმ, ლაშა ფოფხაძე (ლოკ,გიორგი ქუთათელაძე (თბს, ჯიმი ღამბაშიძე (თბს, გურამ შენგელია (ჯიქ, ნიკა ჩხიკვაძე (ყოჩ, ზურაბ ძნელაძე (ლოკ, მიხეილ წიკლაური (ხარ, დავით ხიდეშელი (ყოჩ, ზურაბ ხორბალაძე (ლელ, ვაჟა ხუციშვილი (ხარ, კოტე ჯიმუხაძე (არმ, გიორგი ჯიმშელაძე (ბთმ, რეზი ჯინჭველაშვილი (აია)

Rugby.GE