ჭდე: რაგბი

ავტორი: ალისთერ უათი

Worldrugby,org

2008 წლის ომით დაზარალებულ რეგიონებში მცხოვრებ ბავშვებისათვის რაგბის პროექტი უკვე სამი თვეა რაც მოქმედებს და ორგანიზატორების განცხადებით მას უკვე დადებითი ცვლილებები მოაქვს.

“სკოლის შემდეგ ისინი საშინაო დავალებებს ამზადებენ და უფროსებს ბაღებში მუშაობაში ეხმარებიან. ეს პროექტი მათ ნამდვილი ბავშობის შეგრძნებას აძლევს და გასართობს,“ ამბობს გიორგი კაჭარავა, 32 წლის ქართველი მორაგბე, რომელსაც 2000-იან წლებში თავისი ქვეყნის ნაკრების კვართი 15-ჯერ მოურგია. ახლა ის ‘საქართველოს სამარიტელთა კავშირს’ ეხმარება მათ საოცარ სარაგბო პროექტის განხორციელებაში.

როგორც საქართველოს მოქმედი ჩემპიონის, ლელო სარასენსის კაპიტანს კაპიტანს, გიორგი კაჭარავას საკმარისი ცოდნა და გამოცდილება დაუგროვდა, რომელსაც იგი უზიარებს შიდა ქართლის სოფლებში – დირსში, არბოში, ქორდში და ტირძნისში მცხოვრებ ბავშვებს.

“საქართველოს რაგბის კავშირში ბევრს ვიცნობ და აქედან გამომდინარე მათთან ერთად ამ რეგიონში პროექტის განხორციელება მსურდა. მინდოდა, რომ აქ მაცხოვრებელ ბავშვებს ჯანმრთელი ცხოვრების წესით ეცხოვრათ და ერთმანეთს მხარში დადგომოდნენ,” განაცხადა კაჭარავამ, რომელიც მოხალისის სტატუსით უამრავ საზოგადოებრივ პროექტში მონაწილეობს, მათ შორის არასრულწლოვან დამნაშავეთა კოლონიაში, სადაც იგი დაწესებულებაში მყოფთ რაგბს ავარჯიშებს.

ფოკუსი დადებითზე

“აქაური ბავშვები გაჭირვებაში ცხოვრობენ. ბევრი მათგანი სიღარიბის ზღვარს მიღმა იმყოფება. ზოგიერთი, კი 2008 წლის ომის შემდეგ ჯერ ვერ მოსულა გონზე. მიმაჩნია, რომ სპორტი, ჩვენ შემთხვევაში რაგბი, აძლევს მათ დადებითზე ფიქრის შესაძლებლობას“.

პროექტის ავტორს, გიორგი კაჭარავას უნდოდა, რომ იგი თვითკმარი ყოფილიყო. ამიტომაა, რომ სამწვრთნელო კურსები ადგილებზე ტარდება. მომავალი წლის შემოდგომაზე, ამ ერთწლიანი პროექტის დასრულებისას, საქართველოს სამარიტელთა კავშირს და გიორგი კაჭარავას დაარსებული ექნებათ სარაგბო კლუბი, სადაც ადგილობრივ ბავშვებს ადგილობრივი მაცხოვრებლები გაწვრთნიან.

ბოლო წლებში საქართველოსთვის ყველაზე მძიმე დღეებში, 2008 წლის ომის დროს ეს სოფლები ფრონტის წინა ხაზზე მოექცნენ.

„სრული პანიკა იყო. ამ სოფლებიდან ყველა გაიქცა. ბევრ მათგანს ფრონტის ხაზის მეორე მხარეს მეგობრები და ოჯახის წევრები ჰყავს, უკვე რამდენი ხანია მათ ერთმანეთი აღარ უნახავთ“, გვიყვება გიორგი კაჭარავა; იგრძნობა მისი ალალი სურვილი, წარმატებულად განახორციელოს პროექტი და დაეხმაროს მასში ჩართულ ბავშებს.

ომამდე, იქაურ სოფლელებს თავი გაჰქონდათ ხილის და სხვა აგრარული პროდუქციის გაშენება-გაყიდვით, მაგრამ ბოლო ექვსი წლის მანძილზე მდგომარეობა მკვეთრად გაუარესდა; ადგილობრივი მოსახლეობის ნახევარზე მეტი უკიდურეს სიღარიბეშია.

დიდი ენთუზიაზმით

ამ პროექტს, რომელიც ერთობლივად ‘ავსტრიელ სამარტიტელთა ასოციაციის’ და საქართველოს რაგბის კავშირის მიერ ფინანსდება და ‘გაეროს ქალთა ორგანიზაციის’ მხარდაჭერით ხორციელდება, ყველა დიდი ენთუზიაზმით შეუდგა.

“ისინი ყველაფერს უცებ ითვისებენ. პირველი ვარჯიშის გასამართად, რომ ჩავედით ბავშვები სიახლით გახარებულნი იყვენენ და ერთი სული ქონდათ ვარჯიში როდის დაიწყებოდა. ახლა ისინი ძალზე მოტივირებულნი არიან და შესაბამისად ემზადებიან ყოველი ვარჯიშისათვის.“ დაამატა დავით კაჭარავამ, რომლის ძმა, ბორჯღალოსნების ერთერთი ლიდერი დავით კაჭარავა, ეროვნული ნაკრების სხვა მოთამაშეებთან ერთად ხშირად სტუმრობენ პროექტს.

ვარჯიშები მხოლოდ რაგბს არ მოიცავს. ბავშვებს ასევე ჯანმრთელი ცხოვრების წესს და ჯანმრთელად კვებას ასწავლიან, რაც კაჭარავას განცხადებით ძალზე მნიშვნელოვანია. მან ასევე განაცხადა: „პროექტში ექვსიდან თექსვმეტ წლამდე ბავშვები არიან ჩართულნი. თან, მნიშვნელობა არ აქვს ბიჭია თუ გოგო, ვინც მოდის ყველა თამაშობს. მონაწილეთა რაოდენობა ხან მეტია ხან ნაკლები, მაგრამ ჯგუფში 40 ბავშვზე ნაკლები არცცერთხელ არ გვყოლია.“

გიორგი კაჭარავამ, რომელიც ინტერვიუს ჩაწერისას მისი კლუბის ბოლო თამაშზე მიღებული ნეკნის ტრავმის შედეგად ტკივილისგან იტანჯებოდა, ასევე განაცხადა: „ძალზე მნიშვნელოვანია, რომ ამ ბავშვებმა გაიაზრონ და მიიღონ რაგბის ფასეულობები. გუნდური მუშაობა, ერთმანეთის თანადგომა და თავიანთი სიძლიერით თავიანთი სუსტი მხარეების გადაფარვა.”

მინდორი, რომელზეც იგი ბავშვებს ავარჯიშებს იდეალური არ არის, მაგრამ კაჭარავას მისი გაუმჯობესების გეგმები აქვს უკვე შემუშავებული.

სარაგბო ფასეულობები უპირველეს ყოვლისა

“რაგბის კავშირი ჩვენ ფინანსურად და ეკიპირების მოწოდებით გვეხმარება – ბურთები, მოსაცმელები და ასე შემდეგ. მიუხედავად ამისა, ჩვენ მინდორში რაგბის კარებები ჯერ არ გვაქვს, რის გამოსწორებასაც უახლოეს მომავალში ვაპირებთ. ასევე კალათბურთის მოედნისა და ფეხბურთის კარებების გაუმჯობესებასაც ვაპირებთ, ვინაიდან ჩვენ გვინდა ისინი სპორტით დავაინტერესოთ და არა მხოლოდ რაგბით”

ასევე დაგეგმილია ქვეყნის მასშტაბით ამ ბაშვებისთვის მატჩების გამართვა – „მას შემდეგ რაც გუნდს ჩამოვაყალიბებთ, მათ კახეთში იქაურ გუნდებთან სათამაშოდ წავიყვანთ და დარწმუნებული ვარ იქ უამრავ ახალ მეგობრებს შეიძენენ. ბავშვებს სათამაშოდ ასევე თბილისში ჩავიყვანთ. მათი თითშეფასება ხშირად დაბალია, მაგრამ თავის ხელა ბავშვებთან ტოლსწორად თამაშით მათ თავდაჯერებულობა დიდად გაიზრდება.“

Rugby.GE

რაგბის ქართველ ქომაგს ტელევიზიით და პრესაში ხშირად ხვდება ისეთი ტერმინები, როგორებიცაა: ‘კვაჭი’, ‘მღლეტელი’, ‘ბურჯი’ , ‘მგეზავი’, ‘აბრაგანი’ ა.შ. ეს რაგბის ქართული ტერმინოლოგია გახლავთ, რომელიც ბატონმა ზაალ გიგინეიშვილმა შექმნა.

ამასთან დაკავშირებით, საქართველოს რაგბის კავშირში შემოვიდა ივანე ჯავახიშვილის სახელობის თბილისის სახელმწიფო უნივერსიტეტის არნოლდ ჩიქობავას სახელობის ენათმეცნიერების ინსტიტუტის დირექტორის, ბატონ ავთანდილ არაბულის მადლობის წერილი:

„არნოლდ ჩიქობავას სახელობის ენათმეცნიერების ინსტიტუტი მადლობას უხდის საქართველოს რაგბის კავშირს და პირადად ბატონ ზაალ გიგინეიშვილს ქართულ ტერმინოლოგიაში, კერძოდ, რაგბის ქართული ტერმინების შექმნაში, შეტანილი წვლილისათვის.“

Rugby.GE

საქართველოს რაგბის კავშირის პრეზიდენტის, გიორგი ნიჟარაძის 2014 წლის 15 დეკემბრის ბრძანება თბილისის „თი ბი ეს“-სა და ქუთაისის „აია“-ს შორის 7 დეკემბერს, ავჭალის სარაგბო სტადიონზე გამართული მატჩის (2014-15 წლის უმაღლესი ლიგის XI ტური) მსაჯობასთან დაკავშირებით:

>>> ბრძანების ბმული 

Rugby.GE

წუხელ, 10 დეკემბერს შევარდენის სანაკრებო ბაზაზე საქართველოში აკრედიტირებულ დიპლომატთა და სახელმწიფო უწყებების თანამშრომელთა გუნდი მოყვარულ მორაგბეებს ამხანაგურ ბურთაობაში დაუპირისპირდა. ორი 30 წუთიანი ტაიმისგან შემდგარი მატჩი, რომელიც 21 საათზე დაიწყო, ქალთა მიმართ ძალადობასთან ბრძოლას მიეძღვნა.

ღონისძიება გაეროს ქალთა ორგანიზაციის მიერ იყო ორგანიზებული, ხოლო მატჩი გენდერული ძალადობის წინააღმდეგ 16 დღიანი კამპანიის ფარგლებში გაიმართა. ამ ამხანაგური რკენის მონაწილეებმა მხარდაჭერას გამოუცხადეს ქალთა მიმართ ძალადობის წინააღმდეგ ბრძოლას და გაეროს ქალთა ორგანიზაციის სოლიდარობის მოძრაობას გენდერული თანასწორობისთვის HeForShe.

Rugby.GE

ავტორი: ალისთერ უათი (Alastair Watt)

ნოემბერში საქართველოს ეროვნულმა ნაკრება იაპონიას, რომ სძლია, ბორჯღალოსნების ერთ-ერთი ქომაგისთვის ამას განსაკუთრებული გემო ჰქონდა. მესხის სტადიონზე 31 წლის დიეგო დუბარდი იმყოფებოდა, რომელმაც მშობლიური ბრაზილიიდან ბორჯღალოსნების, თავისი საყვარელი სარაგბო ნაკრების საქომაგოდ 11 ათასი კილომეტრი გადალახა.

დიეგოს, რომელიც ფეხბურთით მსუნთქავ და მცხოვრებ ბრაზილიაში დაიბადა და გაიზარდა, კარგა ხანი დასჭირდა სარაგბო გემოვნების დასახვეწად და ამ თამაშის შესაყვარებლად. როგორც თვითონ იხსენებს, რაგბთან მისი პირველი შეხება არცთუ სახალისო გამოდგა:

“ჩემი ბიძაშვილი საფრანგეთში რაგბს თამაშობდა. ბრაზილიაში, რომ დაბრუნდა ერთხელაც ბურთი მესროლა – დავიჭირე თუ არა, ეგრევე გვარიანად შემბოჭა და მიწაზე დამანარცხა. საშინლად მეტკინა და იმ დროიდან რაგბი არ მომწონდა“ აღიარა დუბარდმა, რომლის გვარსაც ბელგიური ფესვები ჰქონია.

“ჩემს პაპის პაპის პაპას ბელგიაში სასახლე ჰქონია, მაგრამ თურმე ანარქისტი ყოფილა და ქვეყნიდან გააძევეს, რის შემდეგ ის ბრალიზიაში გადასახლდა” განაცხადა დუბარდმა, თან აღიარა, რომ თვითონაც ანარქისტივით იქცევა, მაგრამ მხოლოდ რაგბის თამაშისას.

ჭაბუკობისას დუბარდმა ძიუდოში მიაღწია წარმატებებს, ხოლო მისი ბიძაშვილის მიერ ჩატარებული „სარაგბო გაკვეთილის“ შემდეგ, კარგა ხანი გავიდა, როდესაც, მისი მეგობარი გოგონა საფრანგეთიდან დაბრუნდა, რომელიც სამშობლოში ოვალური ბურთის მიმართ სიყვარულით დაბრუნდა.

“ჩემმა იმდროინდელმა მეგობარმა გოგონამ გაარკვია, რომ ბრაზილიის დედაქალაქ ‘ბრაზილიაში’ იყო სარაგბო კლუბი. მას თამაშის სურვილი გაუჩნდა, მაგრამ სამწუხაროდ კლუბს ქალთა გუნდი არ ჰყავდა.“ იხსენებს დუბარდი, რომელიც იმდენად დაინტერესდდა, რომ ვარჯიში დაიწყო.

“პირველივე ვარჯიშიდან შემიყვარდა თამაში, მისი სულისკვეთება და რომ ხალხზე დაჯახება შეიძლებოდა. პირველად, რომ შემბოჭეს დაახლოებით სამი წუთი დამჭირდა ფეხზე წამოსადგომად, მაგრამ ეგრევე მოვიწამლე თამაშით.”

ბრაზილიელი დიეგოს სარაგბო ნათლონა 2010 წელს მოხდა და ერთ წელში იგი უკვე რეგულარულად თამაშობდა დედაქალაქის კლუბის შემადგენლობაში.

თუმცა დიეგოს ქართული რაგბით დაინტერესება მისი პორტუგალიელი მწვრთნელის დამსახურებაა.

“ჩვენი პორტუგალიელი მწვრთნელი დიდ ყურადღებას აქცევთა უკანა ხაზელების თამაშს, ბურთით სირბილს, პასებს და გაშლილი თამაშს. მე მწვრთნელს დიდ პატივს ვცემდი, მაგრამ ჩემთვის სასურველი დოზით დაჯახებებსა და კონტაქტს ვერ ვიღებდი. ორ საათიანი ვარჯიშების შემდეგ, ბიჭები ვრჩებოდით და უფრო ფიზიკურ რაგბს ვთამაშობდით.“ ამ დამატებითმა ვარჯიშებმა და ფიზიკური თამაშისადმი ლტოლვამ პორტუგალიელი მწვრთნელი გააღიზიანა თურმე.

“მე მას გულწრფელად ვუთხარი, რომ არ მომწონდა ხაზის მოთამაშეებზე ორიენტირებული ვარჯიშები. როდესაც ჩვენ დამატებით ვარჯიშს ხედავდა, გვიყვიროდა: „თქვენ ქართველებივით თამაშობთ, მარტო კონტაქტი და დარტყმა გინდათ და სხვა არაფერზე ფიქრობთო.“

დუბარდი, რომელიც ბრაზილიის განათების სამინისტროში მუშაობს, დაინტერესდდა ქართული რაგბით და დაიწყო ეროვნულ ნაკრებზე ინფორმაციის მოგროვება. მალე მან ბორჯღალოსნებზე ყველაფერი შეისწავლა და ამ ცონდამ შეაყვარა ქართული რაგბი.

“მე დავიწყე ინფორმაციების მოგროვება. შემდეგ ტელევიზორში მამუკა გორგოძის თამაში ვნახე. მან ვიღაცას გადაუარა და რათქმაუნდა ეგრევე შემიყვარდა.“ ღიმილით განაცხადა დიეგომ.

ბრაზილიელმა 2011 წლის მსოფლიო თასზე ბორჯღალოსნების ყველა თამაშს უყურა, რამაც მას ქართული რაგბის სტილი შეაყვარა: „ფიზიკური, ჯახი და აუმრავი კონტაქტი, აი ასეთი რაგბი მიყვარს! “

ორ წელიწადში საქართველოს ნაკრები არგენტინას ივნისის ტესტ-მატჩში საასპარეზოდ ესტუმრა, რომელიც სან ხუანში გაიმართა. დიეგომ, ბრაზილიიდან 2000 კილომეტრიანი დაშორების მიუხედავად, ბორჯღალოსნების თამაშის ცოცხლად ნახვის შანსი ხელიდან არ გაუშვა.

“ბუენოს აირესამდე ვიფრინე, მერე მენდოზამდე ავტობუსით ვიმგზავრე და ბოლოს, როგორც იქნა მივაღწიე სან ხუანამდე. მატჩის წინა დღეს ბიჭებს სასტუმროში ვესტუმრე, რომლებსაც არ ეჯერათ, რომ მათ სანახავად ამხელა მანძილი გავიარე. მემგონი სტადიონზე მხოლოდ მე ვიყავი საქართველოს ქომაგი“

იმ დღეს საქართველოს ნაკრებმა 29-18 წააგო. მატჩის შემდეგ კი, დუბარდი ბიჭებთან ერთად ბანკეტზე აღმოჩნდა და დაპირდა მათ, რომ საქართველოს ეწვეოდა.

წელიწადზე ოდნავ მეტი დროის შემდეგ, დიეგომ დანაპირები შეასრულად. მან უკან მოიტოვა ბრაზილიური საფხული და 20 საათიანი ფრენის შემდეგ მოზამთრო საქართველოში ჩამოვიდა.

“ხო,აქ საჩემოდ ნამდვილად ცივა“ აღიარა ბრაზილიელმა. თავის ფეისბუქის გვერდზე ერთ-ერთ ჰოსთელიდან მან დაწერა, რომ თბილისში იმყოფებოდა და რამოდენიმე წუთში მისი ქართველი ფეისბუქის მეგობრები ნამდვილ მეგობრებად იქცნენ, რომლებმაც ბარებში, რესტორნებში თუ კლუბებში დაპატიჟებით, ბრაზილიელს ქართული სტუმარმასპინძლობა დააჭაშნიკებინეს.

დიეგო ამაყობს თავისი ‘ჯანით’, რომელიც არამგონია დასუსტდეს ქართული სტუმრობის შემდეგ: „115 კილოს ვიწონი, მაგრამ საქართველოდან ალბათ 120 კილო გავემგზავრები“ აღიარა დუბარდმა.

პირველად ხინკალი, რომ ჭამა, მთელი წვენი მისმა ვებერთელა წვერმა აითვისა: “პირველი წარუმატებელი მცდელობის შემდეგ, ეგრევე მივხვდი როგორც უნდა მეჭამა და უკვე ამ „საბედისწერო შეცდომას“ აღარ ვუშვებ“.

მატჩის დღეს დიეგოს საქართველო-იაპონიის თამაშზე მინდორზე დასწრების უფლება მისცეს, რა დროსაც მან ყველასთან ერთად საქართველოს ეროვნული ჰიმნი შეასრულა.

დიეგო თამაშისგან აღფრთოვანებას ვერ მალავდა: „ ჩვენ (საქართველო) ბრწყინვალედ ვითამაშეთ, იყო ბევრი რაქები, მოლები და შერკინებები – მოკლედ ყველაფერი ის რაც ასე მიყვარს ქართულ რაგბში.”

Rugby.GE

საქართველოს ეროვნული ჩემპიონატის უმაღლესი ლიგის 2014/15წლის სეზონის

მეათე ტურის მიმოხილვა

Rugby.GE

2014 წლის 28-29 ნოემბერს, პარიზში, საბანკო ჯგუფ “სოსიეტე ჟენერალის” სათაო ოფისში გამართული 93-ე გენერალური ასამბლეის ფარგლებში, “რაგბი ევროპამ” დაარსებიდან 80 წლისთავი აღნიშნა.

ღონისძიებაზე სხვადასხვა საკითხებთან ერთად, ხმათა ურავლესობით გადაწყდა, რომ „რაგბი ევროპის“ 2016 წლის გენერალური ასამბლეა გაიმართება თბილისში, რაც ევროპული სარაგბო ოჯახის მხრიდან ქართული რაგბის დაფასებასა და პროგრესის აღიარებას წარმოადგენს.

Rugby.GE

2014 წლის 28-29 ნოემბერს, პარიზში, საბანკო ჯგუფ “სოსიეტე ჟენერალის” სათაო ოფისში გამართული 93-ე გენერალური ასამბლეის ფარგლებში, “რაგბი ევროპამ’ დაარსებიდან 80 წლისთავი აღნიშნა. საიუბილეო სხდომას დაესწრო 96 დელეგატი 42 წევრი რაგბის კავშირიდან, მ.შ. რაგბის სამშობლოს წარმომადგენლები (ინგლისელები, შოტლანდიელები, ირლანდიელები და უელსელები), ფრანგები და იტალიელები. პარალელურად, პარიზშივე გაიმართა “რაგბი ევროპის” დირექტორთა საბჭოს სხდომა. “რაგბი ევროპის” აღმასრულებელი კომიტეტის კრება გაიმართა წინა დღეს, 2014 წლის 27 ნოემბერს.

 

“შესანიშნავი სხდომა გამოგვივიდა, მან ნამდვილად წაწია წინ “რაგბი ევროპა”. ჩვენ მივიღეთ რამდენიმე მნიშვნელოვანი გადაწყვეტილება მენეჯმენტის სხვადასხვა სფეროში, მათ შორის საზოგადოებასთან ურთიერთობის, მარკეტინგის და სპონსორობის საკითხებში; შეიცვალა – უფრო თანამედროვე და მარტივი გახდა ჩვენი წესდება, რომელიც ამიერიდან უფრო ეფექტურ მართვას და მეტ გამჭვირვალეობას უზრუნველყოფს,” ბრძანა “რაგბი ევროპის” პრეზიდენტმა ოქტავიან მორარიუმ.

 

“მოხარული ვარ, რომ ბრიტანული რაგბის კავშირების წარმომადგენლები ოფიციალურად გაწევრიანდნენ “რაგბი ევროპის” აღმასრულებელ კომიტეტში; იმედი მაქვს, რომ ყველანი ერთად ნაყოფიერად ვიმუშავებთ ევროპაში რაგბის განსავითარებლად. რა თქმა უნდა, კვლავაც გაგრძელდება და კიდევ უფრო გაძლიერდება ჩვენი თანამშრომლობა საფრანგეთის რაგბის ფედერაციასთან, რომელთანაც ხანგრძლივი ურთიერთობის ისტორია გვაკავშირებს. ასევე სიამოვნებით მინდა ავღნიშნო აღმასრულებელი კომიტეტის წევრად შვედეთის რაგბის კავშირის პრეზიდენტის, ყოფილი მორაგბე ქალბატონის მადლენ ლაჰტის არჩევის ფაქტი – ეს “რაგბი ევროპის” აღმასრულებელი კომიტეტის წევრად ქალის არჩევის პირველი პრეცედენტია”

 

“რაგბი ევროპის” აღმასრულებელ კომიტეტს ასევე შეუერთდა ინგლისის რაგბის კავშირის წარმომადგენელი რობ ედვინი, რომელიც დაინიშნა ბავშვთა და ჭაბუკთა რაგბის, განვითარების და სატურნირო კომიტეტების თავმჯდომარედ. მისი წინამორბედი, უელსის რაგბის კავშირის წარმომადგენელი მარტინ დევისი ამიერიდან შეცვლის ოქტავიან მორარიუს სანაკრებო და პროფესიული რაგბის კომიტეტის ხელმძღვანელის თანამდებობაზე.

 

“მსოფლიო რაგბის”, რაგბის მსოფლიო მმართველი ორგანიზაციის ფინანსური მხარდაჭერა, და ჩვენი ხაზინადარის ხოსე მარია ეპალზას სიფრთხილე და ეფექტურობა ფულადი რესურსების მართვაში საშუალებას გვაძლევს თამამად ვთქვათ, რომ ჩვენი მდგომარეობა სტაბილურია. შეგვიძლია წინ გავიხედოთ და შევიმუშავოთ შემდგომი განვითარების, რაგბის ყველა ევროპულ ქვეყანაში შეტანის გეგმები. ამ მიმართებაში, აღსანიშნავია ბელორუსიისთვის ახლახანს “რაგბი ევროპის” სრულუფლებიანი წევრის სტატუსის მინიჭება; ასევე მსურს მივულოცო კვიპროსს “მსოფლიო რაგბის” რიგებში გაერთიანება ასოცირებული წევრის სახით. ახლო მომავალში სლოვაკიის რაგბის კავშირიც გეგმავს “მსოფლიო რაგბში” გაწევრიანების განაცხადის შეტანას და ჩვენ სრულად დავუჭერთ მხარს ამ ინიციატივას.”

 

“წინა სეზონის განმავლობაში, “რაგბი ევროპის” ეგიდით გაიმართა 1000-ზე მეტი მატჩი კაცთა, ქალთა, ჭაბუკთა 7კაცა და 15კაცა ნაკრებების, პროფესიული და სამოყვარულო გუნდების მონაწილეობით. ახლა ჩვენ ვმუშაობთ ჩვენი საშეჯიბრო სტრუქტურის გადახალისებაზე. უნდა გვახსოვდეს, რომ პროფესიული რაგბის საფუძველი, ჭეშმარიტი სარაგბო სულის და ფასეულობების მატარებელი სამოყვარულო რაგბია. სწორედ ამითაა გამორჩეული რაგბი სხვა სპორტის სახეობებისგან.”

 

დამატებითი ინფორმაციისთვის გთხოვთ დაგვიკავშირდეთ შემდეგ მისამართზე: communication@rugbyeurope.eu

Rugby.GE

დეკემბრის სუსხში, შევარდენის ხელოვნურ მოედანზე, პროჟექტორთა შუქზე დასრულდა 18 წლამდელ ჭაბუკთა “ა” ლიგის 2014 წლის სეზონი, რომელიც ჯერ კიდევ მარტის ბოლოს გაიხსნა.

ტურნირში 19 გუნდი ჩაება. ორ პულში მოეწყო სრული ორ-ორი წრე. ორ-ორი უკეთესი გავიდა პლეი-ოფში. ამას მოჰყვა ორ-მატჩა ნახევარ-ფინალები და თითო-მატჩა ფინალები.

პულები აკადემიამ და აიამ მოიგეს, მაგრამ ოქროს ფინალში ქუთაისს რუსთავი შეება. ასპარეზის მომცრო ტრიბუნა და მისი მომიჯნავე ბილიკი ქომაგებმა აავსეს. გულშემატკივრობა იყო ხმაურიანი, მაგრამ სანიმუშო – როგორც რაგბის სულსა და ტრადიციას შეეფერება.

თამაშმა გაამართლა. ქუთაისმა ოთხი ლელო დადო, მაგრამ კარს ოთხივე გარდასახვა და ორიც ჯარიმა ააცილა. რუსთავმა გამოიყენა სამივე ჯარიმა.

სინბინში არავინ გაუგდიათ, ნამატჩევს კი ორივე გუნდი მედლებით დააჯილდოვეს რაგბის კავშირის ვიცე-პრეზიდენტმა გია გორგასლიძემ და საშეჯიბრო კომიტეტის ხელმძღვანელებმა – ნიაზ მამრიკიშვილმა და მალხაზ კოროშინაძემ.

Rugby.GE