ჩემპიონთა ლიგის ფინალური მატჩისთვის მადრიდის “რეალის” მთავარმა მწვრთნელმა ზინედინ ზიდანმა გუნდის მოტივირების ორიგინალურ ხერხს მიმართა. ესპანური გამოცემა “მარკა” წერს, რომ ფრანგი სპეციალისტი ფეხბურთელებს კინოფილმ “300 სპარტანელის” გარკვეულ ეპიზოდებს უჩვენებს. ზიდანი მიიჩნევს, რომ ეს მეთოდი უფრო ეფექტიანია, ვიდრე ხანგრძლივი საუბარი.
შეგახსენებთ, რომ ჩემპიონთა ლიგის ფინალურ მატჩში მადრიდის “რეალის” მეტოქე ტურინის “იუვენტუსი” იქნება. შეხვედრა 3 ივნისს, კარდიფში გაიმართება და თბილისის დროით 22 საათსა და 45 წუთზე დაიწყება.
