მადროდოს “რეალის” ფეხბურთელებმა გულშემატკივრებს ახალი წელი მიულოცეს.
ჭდე: მადრიდის რეალი
ნოიერი: „რონალდუსა და მესის მოგების მეტი შანსი პოპულარობის გამოც აქვთ“
„ოქროს ბურთის“ მოგების ერთ-ერთმა კანდიდატმა, მიუნხენის „ბაიერნის“ მეკარე მანუელ ნოიერმა განაცხადა, რომ მას მადრიდის „რეალისა“ და „ბარსელონას“ ლიდერებთან, კრიშტიანუ რონალდუსთან და ლიონელ მესისთან შედარებით, წლის საუკეთესო ფეხბურთელის ტიტულის მოგების ნაკლები შანსი მათი პოპულარობის გამოც აქვს.
„ამ პრიზის მოგების კანდიდატთა შორის ყოფნის გამო ვამაყობ. ჩემი ორივე მეტოქე მსოფლიო ბრენდს წარმოადგენს და, შესაძლოა, მათ მოგების უფრო მეტი შანსი ამის გამოც ჰქონდეთ“, – ციტირებს ნოიერს „Suddeutsche Zeitung“-ი.
მადრიდის “რეალის” 20 საუკეთესო გოლი (2014 წელი)
გთავაზობთ მადრიდის “რეალის” ფეხბურთელების მიერ 2014 წელს გატანილ ოც საუკეთესო გოლს.
„სან-ლორენცოს“ კაპიტანი: „რეალის“ ფეხბურთელები ქალაჩუნები არიან“
არგენტინული „სან-ლორენცოს“ კაპიტანმა ხუან მერსიემ მადრიდის „რეალის“ ფეხბურთელები ქალაჩუნებად მოიხსენია.
შეგახსენებთ, რომ შაბათს „რეალმა“ სამხრეთამერიკული კლუბი მსოფლიოს საკლუბო ჩემპიონატის ფინალში ანგარიშით 2:0 დაამარცხა.
„ყოველთვის, როდესაც ამ ქალაჩუნებს ვეხებოდით, ისინი ვარდებოდნენ. მათ დაფარებას ვცდილობდით, მსაჯი კი მაშინვე უსტვენდა. ისინი აქ უნდა ჩამოვიდნენ. აქ ისე ვთამაშობთ, როგორც შეგვიძლია, „რეალი“ კი, ფიზიკურ დატვირთვას შეჩვეული არაა“, – ციტირებს მერსიეს გამოცემა „Marca“.
ჰაინკესი როისს „რეალში“ გადასვლას ურჩევს
მიუნხენის „ბაიერნის“ ყოფილმა თავკაცმა იუპ ჰაინკესმა დორტმუნდის „ბორუსიას“ ნახევარმცველ მარკო როისზე ისაუბრა, რომლის შესაძლო ტრანსფერთან დაკავშირებით ევროპული პრესა წერას არ ასრულებს.
„მე მას მადრიდის „რეალში“ გადასვლას ვურჩევდი. „ბაიერნს“ წინახასზე მსოფლიო დონის 4-5 მოთამაშე ჰყავს.
სად უნდა ითამაშოს მარკომ? თუ მისი ყიდვა 25 მილიონ ევროდ შესაძლებელია, მაშინ, ევროპის ყველა ტოპ კლუბი როისის ტრანსფერზე უნდა ფიქრობდეს“, – ციტირებს ჰაინკესს „Sky 90“.
“რეალს” ბეილის გაყიდვას ურჩევენ
ცნობილი ესპანელი ჟურნალისტი ხულიან ავილა მიიჩნევს, რომ მადრიდის “რეალი” “მანჩესტერ იუნაიტედის” შემოთავაზებას უნდა დათანხმდეს და გარეტ ბეილი 153 მილიონი ევროს სანაცვლოდ “ოლდ ტრაფორდზე” გაუშვას.
“ახლა “რეალს” ბევრი უმაღლესი დონის შემტევი ფეხბურთელი ჰყავს. გუნდში არიან ხამესი, ისკო, ხესე, რომელთაც სათამაშო დროის მხრივ სერიოზული პრობლემები აქვთ. მე ბეილს გავყიდდი და შემოსული თანხით სხვა პოზიციებისთვის ფეხბურთელებს ვიყიდიდი. გარდა ამისა, ვფიქრობ, ბეილის გარეშე “რეალი” უკეთ ათამაშდება, რადგან გუნდი ოთხი ნახევარმცველით უკეთესად თამაშობს, ვიდრე სამი თავდამსხმელით”, – აღნიშნა ავილამ Deportes COPE-ს ეთერში.
ჩავი: „ამჟამად „რეალი“ „ბარსაზე“ ძლიერია“
„ბარსელონას“ ნახევარმცველმა ჩავიმ თავისი გუნდი მადრიდის „რეალს“ შეადარა.
„ბარსელონას“ ზედიზედ მეორე სეზონში მნიშვნელოვანი თასის გარეშე დარჩენა არ შეუძლია. იმედია, მიმდინარე სეზონში, მინიმუმ, ერთ პრესტიჟულ ტიტულს მოვიგებთ. სწორი მიმართულებით მივდივართ, თუმცა აღსანიშნავია, რომ ამ მომენტისთვის „რეალი“ ჩვენზე ძლიერია“, – ციტირებს „ბლაუგრანახის“ შუახაზელს Sport.es-ი.
ესპანეთის ჩემპიონატის მიმდინარე სეზონის გათამაშებაში ჩავიმ 13 მატჩი ჩაატარა, რომელშიც 1 გოლი და 3 საგოლე პასი მიითვალა.
მადრიდისტების ნახევარი გარეთ ბეილის გუნდიდან წასვლას ემხრობა
As.com-მა საკუთარ საიტზე ჩაატარა გამოკითხვა. გამოკითხულთა ნახევარმა (53.75%) მხარი დაუჭირა გარეთ ბეილის გუნდიდან წასლას. როგორც იცით, პრესა აქტიურად განიხილავს ბეილის სამომავლო კარიერას. მათი ინფორმაციით ფეხბურთელით ,,მანჩესტერ იუნაიტედია” დაინტერესებული.
გამოკითხვაში სულ 30 000 გულშემატკივარმა მიიღო მონაწილეობა. 46.25 % გარეთ ბეილის გუნდში დარჩენა სურს.
შეგახსენებთ, რომ ფეხბურთელმა გუნდთან ერთად კოპა დელ რეი, ჩემპიონთა ლიგა და საკლუბო მუნდიალი მოიგო. თეთრებმა ბეილი 100 მილიონ ევროდ იყიდეს.
ყურადღება! აღნიშნული სტატია გამოქვეყნებულია ჩვენი მომხმარებლის მიერ პირდაპირ, რედაქციის ჩარევისა და ჩასწორებების გარეშე.
კრიშტიანუ რონალდუს 2014 წლის ყველა გოლი (ვიდეო)
წარმოგიდგენთ ვიდეოს, რომელშიც შესულია 2014 წელს კრიშტიანუ რონალდუს ოფიციალურ მატჩებში გატანილი ყველა გოლი.
სერხიო რამოსი „რეალთან“ კონტრაქტის გახანგრძლივებას არ ჩქარობს
როგორც აქამდე ევროპული პრესა წერდა, მადრიდის „რეალის“ ხელმძღვანელობის გუნდის წამყვან ფეხბურთელებთან ახალი კონტრაქტის თაობაზე მოლაპარაკებებს შედეგი ჯერ არ მოჰყოლიათ.
ამის თაობაზე „ბლანკოსის“ მცველმა სერხიო რამოსმაც ისაუბრა, რომელიც განვლილი მსოფლიოს საკლუბო ჩემპიონატის საუკეთესო მოთამაშედ დასახელდა.
„ეს ის საკითხია, რომელიც საერთოდ არ მადარდებს. კლუბთან მიმდინარე კონტრაქტი კიდევ ორი წლით მაკავშირებს. ამ თემაზე ვისაუბრეთ, თუმცა ჯერ არ ვჩქარობთ“, – განუცხადა რამოსმა „Cadena Ser“-ს.
„ფლორენტინო პერესთან კარგი ურთიერთობა მაქვს, მისი წყალობით, ჩემი ოცნება რეალობად იქცა. ძალიან ახლო ურთიერთობა გვაკავშირებს, ერთმანეთს ხშირად ვესაუბრებით“, – დაამატა სერხიომ.
რონალდუმ პლატინის ხელი მაინც ჩამოართვა (ვიდეო)
„სან ლორენცოსთან“ მსოფლიოს საკლუბო ჩემპიონატის მატჩის შემდეგ დაჯილდოვების ცერემონიალის დროს მადრიდის „რეალის“ ლიდერმა კრიშტიანუ რონალდუმ უეფა-ს პრეზიდენტ მიშელ პლატინის ხელი არ ჩამოართვა, რასაც მედიაში და გულშემატკივრებს შორის დიდი გამოხმაურება მოჰყვა.
თუმცა, მოგვიანებით, ტურნირის საუკეთესო მოთამაშეების დაჯილდოვების დროს, პორტუგალიელმა პლატინის ხელი მაინც ჩამოართვა, რითაც აგორებული სკანდალი ჩიხში შეაქცია.
შეგახსენებთ, რომ რონალდუმ განვლილ ტურნირზე საუკეთესო მოთამაშეთა შორის მეორე ადგილი დაიკავა, პირველი საფეხური კი მისმა თანაგუნდელმა სერხიო რამოსმა დაიკავა.
ბეილი: „რეალი მსოფლიოს საუკეთესო გუნდია“
მადრიდის „რეალის“ ნახევარმცველმა გარეთ ბეილმა მსოფლიოს საკლუბო ჩემპიონატის მოგებაზე ისაუბრა.
„ამ ტურნირის მოგება ჩვენთვის ძალიან მნიშვნელოვანი იყო. ახლა მსოფლიოს საუკეთესო გუნდი ვართ, რაც ძალიან კარგია.
ჩვენ დიდებული წელი გვქონდა. ჩემპიონთა ლიგის, უეფა-ს სუპერთსასის, ესპანეთის თასისა და მსოფლიოს საკლუბო ჩემპიონატის მოგება უდიდესი წარმატებაა. იმედია, მომავალში მეტ ტიტულს მოვიგებთ“, – ციტირებს უელსელს Goal.com-ი.