კატალონიის “ბარსელონას” მეკარე კლაუდიო ბრავომ 4 ოქტომბერს, “რაიო ვალეკანოს” წინააღმდეგ გამართული მატჩის 21-ე წუთზე ახალი რეკორდი დაამყარა. ბრავომ საკუთარი გუნდის კარი ჩემპიონატის პირველი 561 წუთის განმავლობაში მშრალად შეინახა.
აქამდე, რეკორდი “ბარსელონას” ყოფილ კარის დარაჯს პედრო მარია არტოლას ეკუთვნოდა.
მადრიდის „რეალის“ თავდამსხმელმა კრიშტიანუ რონალდუმ „ატლეტიკოს“ კარში მატჩის მე-7 წუთზე გოლის გატანით უნიკალური რეკორდი დაამაყარა, რომლის არსიც იმაში მდგომარეობს, რომ პორტუგალიელ ფეხბურთელს საფეხბურთო მატჩის ყველა წუთზე აქვს გატანილი.
ერთადერთი წუთი, რომლის დროსაც რონალდუს გოლი არ ჰქონდა გატანილი სწორედ მე-7 წუთი გახლდათ და „ატლეტიკოსთან“ ესეც მოახერხა.
ახალი ზელანდიის ჩემპიონატის ერთ-ერთ მატჩში ყველაზე სწრაფი გოლი გავიდა. მასპინძლებს მეტოქის კარში გოლის გასატანად მხოლოდ 3.8 წამი დასჭირდათ.
გასულ უქმეებზე, ინგლისში ახალი საფეხბურთო რეკორდი დამყარდა. კერძოდ, პენალტების სერიაში ორივე გუნდის ფეხბურთელებმა, ერთად, 29 დარტყმა შეასრულეს. საბოლოოდ, “ბროკენჰარსტსა” და “ანდროვერს” შორის გამარჯვებული, “ბროკენჰარსტის” ფეხბურთელები გამოვიდნენ.
შაბათს, 28 სექტემბერს, ლიონელ მესიმ პრიმერა დივიზიონის მორიგ ტურში სტუმრად “ალმერიას” ერთი ბურთი გაუტანა, რითაც მან ლეგენდარულ რაულ გონსალესის რეკორდი დაამხო.
შეგახსენებთ, ესპანეთის ჩემპიონატის ყველა დროის საუკეთესო ბომბარდირთა დავას რაული ლიდერობდა. მან “სამეფო კლუბის” მაისურით ლა ლიგის ეგიდით 741 მატჩი გამართა და ჯამში 323 გოლის გატანა შეძლო.
რამდენიმე საათის წინ, რაულმა ამ სტატისტიკაში პირველობა დაკარგა. “ბარსელონას” არგენტინელ ვარსკვლავს “ალმერიასთან” გატანილი ბურთის შემდეგ, ლა ლიგაში 324 გოლი დაუგროვდა. ამ დროისთვის, 26 წლის თავდამსხმელის ანგარიშზე უკვე ერთით მეტი გატანილი გოლია, ვიდრე რაულის ანგარიშზე.
აღსანიშნავია, რომ მესიმ ამ რეკორდის დამხობა რაულისგან განსხვავებით 388 შეხვედრაში მოახერხა.
სანდრო საპანაძე
მოგეხსენებათ, გერმანიისა და ავსტრიის ეროვნულ გუნდთა შორის 6 სექტემბერს გამართულ მატჩში „ბუნდესთიმის“ თავდამსხმელმა მიროსლავ კლოზემ 68-ე სანაკრებო გოლი გაიტანა, რითაც გერმანიის ფედერაციული რესპუბლიკის ნაკრების ფორვარდ გერდ მიულერის რეკორდი გაიმეორა. მიულერი აცხადებს, რომ მოხარულია კლოზეს ამ შედეგით და იმედოვნებს, რომ 35 წლის ფეხბურთელი უფრო დიდ წარმატებებს მიაღწევს.
„მოხარული ვარ, რომ კლოზემ ნაკრებში 68-ე გოლი გაიტანა და ჩემი რეკორდი გაიმეორა. უნდა აღინიშნოს ისიც, რომ კლოზემ ეს 129 მატჩში მოახერხა, როცა მე ამისთვის მხოლოდ 62 შეხვედრა მეყო“, – ციტირებს გერდ მიულერის სიტყვებს „დე ტელეგრაფი“.
ორივე გერმანელ ფეხბურთელს მსოფლიოს ჩემპიონატებზე სათითაოდ 14 გოლი აქვთ გატანილი, რეკორდი კი ბრაზილიელ რონალდოს ეკუთვნის, რომელმაც მუნდიალებზე 15 გოლის გატანა შეძლო.
„იმედი მაქვს, ბრაზილიაში გასამართ მსოფლიოს ჩემპიონატზე კლოზე რონალდოს რეკორდს დაამხობს“, – დაამატა გერდ მიულერმა.
ბექა დოგრაშვილი
