ჭდე: Roberto Mancini

მანჩინი: “ვერასდროს წარმოვიდგენდი, რომ “ინტერში” დავბრუნდებოდი”

Posted on by ბექა დოგრაშვილი

ფეხბურთის იტალიელმა სპეციალისტმა რობერტო მანჩინიმ განაცხადა, რომ მილანის “ინტერის” მთავარი მწვრთნელის პოსტზე დაბრუნებას არ მოელოდა.

“გულშემატკივრებს ვუყვარვარ და ეს ძალიან მახარებს. სიმართლე გითხრათ, ვერასდროს წარმოვიდგენდი, რომ “ინტერში” დავბრუნდებოდი, თუმცა ყველაფერი სწრაფად მოხდა. ერთ დროს გუნდთან ერთად საკმაოდ კარგ შედეგებს მივაღწიე, ახლა კი ყველაფრის გაფუჭების საფრთხის წინაშე ვარ. უნდა გავიმეოროთ ათი წლის წინანდელი წარმატება, როდესაც გუნდმა იტალიის ჩემპიონატი მოიგო”, – ციტირებს მანჩინის სიტყვებს Goal.com-ი.

შეგახსენებთ, რომ რობერტო მანჩინი “ინტერს” 2004–2008 წლებში ხელმძღვანელობდა. იმ პერიოდში მან გუნდთან ერთად სამჯერ მოიგო იტალიის ჩემპიონატი, ორ-ორჯერ კი ქვეყნის თასსა და სუპერთასს დაეუფლა.

აქვე აღსანიშნავია, რომ “ინტერის” თავკაცის პოსტზე დაბრუნებულ მანჩინის სადებიუტო მატჩი 23 ნოემბერს თანაქალაქელი “მილანის” წინააღმდეგ ელის.

 

მანჩინი “ინტერს” ძირითად სქემას უცვლის

Posted on by ბექა დოგრაშვილი

როგორც მოგეხსენებათ, მილანის “ინტერის” მთავარი მწვრთნელის პოსტზე ვალტერ მაცარი რობერტო მანჩინიმ ჩაანაცვლა.

მანჩინიმ “ნერიაძურის” ხელმძღვანელის ამპლუაში ჩატარებულ პირველივე ვარჯიშზე მოისურვა გუნდის განლაგების შეცვლა.

შაბათს ჩატარებულ ვარჯიშზე “ინტერის” ახალმა თავკაცმა 4-3-1-2 სქემა მოსინჯა.

მილანური კლუბის ნომინალური შემადგენლობა ასე გამოიყურებოდა: კარისო, ნაგატომო, ვიდიჩი, ჟუანი, დოდო, ობი, მვილა, გუარინი, პალასიო, იკარდი, ოსვალდო.

შეგახსენებთ, რომ “ინტერის” ყოფილი მთავარი მწვრთნელი ვალტერ მაცარი გუნდს სამი ცენტრალური მცველით ათამაშებდა.

რობერტო მანჩინი “ინტერს” 2004–2008 წლებშიც ხელმძღვანელობდა. იმ პერიოდში მან გუნდთან ერთად სამჯერ მოიგო იტალიის ჩემპიონატი, ორ-ორჯერ კი ქვეყნის თასსა და სუპერთასს დაეუფლა.

აქვე აღსანიშნავია, რომ “ინტერის” თავკაცის პოსტზე დაბრუნებულ მანჩინის სადებიუტო მატჩი 23 ნოემბერს თანაქალაქელი “მილანის” წინააღმდეგ ელის.

 

მანჩინის იტალიაში მუშაობა არ სურს

Posted on by ბექა დოგრაშვილი

ცნობილმა იტალიელმა სპეციალისტმა რობერტო მანჩინიმ განაცხადა, რომ უახლოეს პერიოდში იტალიაში მუშაობას არ აპირებს.

მანჩინი 2001-დან 2008 წლამდე “ფიორენტინას”, რომის “ლაციოსა” და მილანის “ინტერს” თავკაცობდა, ბოლო ხუთი წლის განმავლობაში კი ინგლისურ “მანჩესტერ სიტისა” და თურქულ “გალათასარაის” ედგა სათავეში. ბოლო პერიოდში აქტიურად საუბრობენ იმის შესახებ, რომ მანჩინი უახლოეს პერიოდში “ნაპოლის” თავკაცის პოსტზე რაფაელ ბენიტესს შეცვლის.

“საზღვარგარეთ მუშაობა მინდა. თუ იტალიიდან საინტერესო წინადადებას მივიღებ, რა თქმა უნდა, შემოთავაზებას განვიხილავ. რაც შეეხება “ნაპოლის”, მოხარული ვარ, რომ “სასუოლოს” დამარცხება შეძლო. ბენიტესს დიდად ვაფასებ, ის შესანიშნავი მწვრთნელია”, – მანჩინის სიტყვები “ლა გაძეტა დელო სპორტმა” გამოაქვეყნა.

 

არველაძის „ქასიმფაშამ“ მანჩინის „გალათასარაი“ გაანადგურა

Posted on by ბექა დოგრაშვილი

თურქეთის სუპერლიგის 30-ე ტურში შოთა არველაძის „ქასიმფაშა“ რობერტო მანჩინის „გალათასარაის“ ესტუმრა და მრისხანე მეტოქე ანგარიშით 4:0 გაანადგურა.

მასპინძლები მე-7 წუთიდან კაცნაკლული თამაშობდნენ. მოედნიდან „გალათასარაის“ მცველი ჰაქან ბალთა გააძევეს, რომელმაც საკუთარ საჯარიმო მოედანზე მეტოქე გუნდის ფეხბურთელი წააქცია. პენალტი „ქასიმფაშას“ არგენტინელმა ნახევარმცველმა ეზეკიელ სკარიონემ გაიტანა. პირველი ტაიმი სტუმრების მინიმალური უპირატესობით დასრულდა, თუმცა შოთა არველაძის გუნდმა შეხვედრის მეორე ნახევარში მეტოქეს წირვა გამოუყვანა. 51-ე წუთზე „გალათასარაის“ მცველების უხეირო თამაშით სტუმრების ურუგვაელმა თავდამსხმელმა ტაბარე ვიუდესმა ისარგებლა და ანგარიშში სხვაობა გაზარდა. შემდეგ სკარიონემ გაახერხა დუბლი. მასპინძელთა ტანჯვას წერტილი იალჯინ აიჰანმა დაუსვა, რომელმაც კუთხურის მოწოდების შემდეგ ბურთს თავი შეაგება და ფერნანდო მუსლერას კარის ბადე მეოთხედ შეარხია.

მატჩის შემდეგ გამართულ პრესკონფერენციაზე შოთა არველაძემ იმედი გამოთქვა, რომ დარჩენილ 4 ტურში მისი გუნდი მაქსიმუმს გაიღებს და 12 ქულას მოიპოვებს.

ამ გამარჯვების შემდეგ არველაძის „ქასიმფაშამ“ სატურნირო ცხრილში მეხუთე ადგილზე გადაინაცვლა და ახლა გუნდს ევროთასებზე მოხვედრის კარგი შანსიც გაუჩნდა.

 

ბექა დოგრაშვილი

მანჩინი: „არსენალს“ 9 წელია, ტიტული არ მოუგია, თუმცა ქომაგები მწვრთნელს არ შეურაცხყოფენ“

Posted on by ბექა დოგრაშვილი

თურქული „გალათასარაის“ მთავარი მწვრთნელი რობერტო მანჩინი აგრესიულად გამოეხმაურა კლუბის გულშემატკივართა მხრიდან კრიტიკას. თურქეთის სუპერლიგის 26-ე ტურში „გალათასარაი“ შინ „კაისერისპორთან“ ანგარიშით 0:1 დამარცხდა, რამაც „ლომების“ გულშემატკივრების გულისწყრომა გამოიწვია. ქომაგებმა კლუბის მთავარი მწვრთნელის პოსტიდან რობერტო მანჩინის გათავისუფლებაც კი მოითხოვეს.

„თუ გულშემატკივრებს ჩემი გათავისუფლება სურთ, აქედან წასვლა დღესვე შემიძლია და ხვალაც შემეძლება, ეს ჩემთვის პრობლემას არ წარმოადგენს. მე მათ პოზიციას პატივს ვცემ და იმედი მაქვს, რომ ისინიც აფასებენ ჩემს აზრს. ამის მიუხედავად, შეურაცხყოფას ვერ ავიტან. „გალათასარაი“ იმიტომ ჩავიბარე, რომ გრძელვადიანი პროექტი განვახორციელო. გუნდს ოთხ თვეში ვერ ააყვავებ. ვიცი, რომ ეს რთული საქმეა, თუმცა როგორც ჩანს, აქ მუშაობის საშუალებას არ მომცემენ. აქ იმისთვის არ ვარ, რომ ჩემი ლანძღვა-გინება ვისმინო. „არსენალს“ ცხრა წელია, ტიტული არ მოუგია. „მეთოფეთა“ გულშემატკივრები ასე რეაგირებენ წარუმატებლობაზე?“ – მანჩინის სიტყვებს Turkish football-ი აქვეყნებს.

ცნობისთვის, „გალათასარაის“ თურქეთის ჩემპიონატის სატურნირო ცხრილში მესამე ადგილი აქვს დაკავებული და ლიდერ „ფენერბაჰჩეს“ 8 ქულით ჩამორჩება. სეზონის დასრულებამდე 8 ტურია დარჩენილი.

ბექა დოგრაშვილი

მანჩინი: „მოურინიომ ჩემპიონთა ლიგა ჩემი აშენებული გუნდით მოიგო“

Posted on by ბექა დოგრაშვილი

„გალათასარაის“ მთავარმა მწვრთნელმა რობერტო მანჩინიმ, რომელიც რამდენიმე წლის წინათ მილანის „ინტერს“ თავკაცობდა, განაცხადა, რომ ჟოზე მოურინიომ 2010 წელს ჩემპიონთა ლიგა სწორედ მისი აშენებული გუნდით მოიგო.

„მოურინიომ ჩემპიონთა ლიგა იმიტომ მოიგო, რომ მას კარგი გუნდი ჰყავდა. მან ჩემი აშენებული გუნდი ჩაიბარა. გუნდი ფსიქოლოგიურად მე მოვაძლიერე. „მანჩესტერ სიტიც“ მე ავაშენე.

როდესაც „ინტერში“ მივედი, გუნდი ძალიან ცუდ ფეხბურთს თამაშობდა, მე ეს შევცვალე.

„გალათასარაის“ „ჩელსის“ წინააღმდეგ მცირე შანსი აქვს, შინაურ კედლებშიც კი. ლონდონური გუნდი ევროპის მასშტაბით ერთ-ერთი საუკეთესო კლუბია.

„ჩელსის“ წინააღმდეგ მატჩი ჩვენთვის ძალიან მნიშვნელოვანია. უნდა გავიდეთ მოედანზე და ჩვენი საქმე გავაკეთოთ“, – მანჩინის სიტყვები Evening Standard-მა გამოაქვეყნა.

ჩემპიონთა ლიგის მერვეფინალურ ეტაპზე „გალათასარაისა“ და „ჩელსის“ შორის მატჩი ოთხშაბათს, ჩვენი დროით 23:45 საათზე დაიწყება და მას ესპანელი არბიტრი კარლოს ველასკო კარბალიო განსჯის.

ბექა დოგრაშვილი

მანჩინი: „მანჩესტერ სიტიში“ იუდები მუშაობენ“

Posted on by ბექა დოგრაშვილი

როგორც ჩანს, თურქული „გალათასარაის“ მთავარმა მწვრთნელმა რობერტო მანჩინიმ „მანჩესტერ სიტის“ ხელმძღვანელობაზე გული ჯერ კიდევ ვერ მოიოხა.

იტალიელი სპეციალისტი, რომელმაც „ქალაქელებთან“ ერთად სამი წლის განმავლობაში ინგლისის ჩემპიონატი, ქვეყნის თასი და სუპერთასი მოიგო, გასულ წელს თანამდებობიდან დაითხოვეს. 2013 წელს „სიტიმ“ პრემიერლიგაში მეორე პოზიცია დაიკავა, ადრეულ ეტაპზე გამოვარდა ჩემპიონთა ლიგის გათამაშებიდან, ხოლო ინგლისის ფეხბურთის ასოციაციის თასის ფინალში „უიგანთან“ ანგარიშით 0:1 დამარცხდა, რაც გახდა მისი გათავისუფლების მიზეზი.

„ფეხბურთში ბევრი ნაცნობი მყავს. მათგან შევიტყვე, რომ გასული წლის თებერვალში, მარტსა და აპრილში „სიტის“ ხელმძღვანელობას სამ-ოთხ მწვრთნელთან მოლაპარაკებები უწარმოებია. ვიცი, რომ ისინი კონტაქტზე გავიდნენ კარლო ანჩელოტისთან და ხოსეპ გვარდიოლასთან. მათთან მოლაპარაკებებს ის ხალხი აწარმოებდა, რომლებიც ინგლისის თასის ფინალამდე ჩემთან ერთად სადილობდა. მიმაჩნია, რომ ეს ღალატია, ისინი იუდას მსგავსად მოიქცნენ. პრეზიდენტ მუბარაქის ასი პროცენტით ვენდობოდი, მაგრამ ასეთივე განწყობა არ მქონია ფერან სორიანოსა და ჩიკი ბეგირისტაინის მიმართ. ვფიქრობ, პრეზიდენტი უბრალოდ დაეთანხმა მათ გადაწყვეტილებას“, – მანჩინის სიტყვებს სპორტული ინტერნეტ-პორტალი Goal.com-ი ციტირებს.

შეგახსენებთ, რომ იტალიელი სპეციალისტის მიერ დამოძღვრილ „გალათასარაის“ თურქეთის ჩემპიონატის სატურნირო ცხრილში მეორე ადგილი აქვს დაკავებული.

ბექა დოგრაშვილი

მანჩინი „გალათასარაის“ ჩაიბარებს

Posted on by Alix

არაოფიციალური ინფორმაციით, „გალათასარაის“ ხელმძღვანელობამ იტალიელ სპეციალისტთან რობერტო მანჩინისთან კონტრაქტის დეტალები შეათანხმა.

შესაძლოა, „ინტერისა“ და „მანჩესტერ სიტის“ ყოფილი თავკაცის დანიშვნის თაობაზე ოფიციალური განცხადება თურქულმა კლუბმა  უკვე ხვალ გააკეთოს.

ამავე დროს, „გალას“ ლეგენდარულმა მოთამაშემ ჰაკან შუკურმა განაცხადა, რომ კლუბის მენეჯერები და გამოცდილი მწვრთვნელი მხოლოდ სამწვრთვნელო შტაბის შემადგენლობის თაობაზე არ შეთანხმებულან.

შეგახსენებთ, რომ „გალათასარაის“ მთავარი მწვრთვნელის პოსტი ვაკანტური მას შემდეგ გახდა, რაც კლუბის მენეჯერებმა ფათიჰ თერიმი დაითხოვეს.

ალექსანდრე მატევოსოვი

მანჩინი იტალიის ნაკრების შესაძლო ჩაბარებაზე ალაპარაკდა

Posted on by ბექა დოგრაშვილი

„მანჩესტერ სიტის“ ყოფილი მთავარი მწვრთნელი რობერტო მანჩინი მზადყოფნას გამოთქვამს, იტალიის ნაკრების თავკაცის პოსტზე დანიშვნის თაობაზე მოლაპარაკებები აწარმოოს. გავრცელებული ინფორმაციის თანახმად, ჩეზარე პრანდელი 2014 წლის მსოფლიოს ჩემპიონატის შემდეგ „სკუადრა აძურას“ მთავარი მწვრთნელის თანამდებობას დატოვებს და საკლუბო ფეხბურთს დაუბრუნდება.

„თუ იტალიის ნაკრებში მუშაობას შემომთავაზებენ, წინადადების განსახილველად მზად ვარ. ეს ნებისმიერი მწვრთნელისთვის დიდი პატივია. აქვე უნდა დავძინო, რომ საკლუბო მუშაობა ძირეულად განსხვავდება ეროვნულ ნაკრებში მუშაობისგან. კარგად იცით, როგორც ხდება ფეხბურთში. თუ ერთ დღეს სახლში ხარ, მეორე დღეს კლუბისგან ან ნაკრებისგან სატელეფონო ზარი გაისმის და შენც სპორტული ფორმით საწვრთნელ მინდორს უბრუნდები“, – ციტირებს მანჩინის სიტყვებს Football Italia.

ბექა დოგრაშვილი