მიუნხენის “ბაიერნის” მთავარმა მწვრთნელმა კარლო ანჩელოტიმ ძველი დრო გაიხსენა, როდესაც “მილანში” ბრაზილიელ რონალდოს თავკაცობდა.
“რონალდო ფენომენი გახლდათ. იგი ნამდვილი ფენომენი იყო მაშინაც კი, როდესაც დაშავებული გახლდათ ან ას კილოგრამს იწონიდა”, – ციტირებს იტალიელი სპეციალისტის სიტყვებს “ასი”.
შეგახსენებთ, რომ კარლო ანჩელოტი და რონალდო “მილანში” ერთად 2007 წელს მუშაობდნენ. იმ პერიოდში ბრაზილიელმა თავდამსხმელმა იტალიის სერია A-ს გათამაშებაში ოცი მატჩი ჩაატარა და ცხრა გოლი გაიტანა.
რამდენიმე ხნის წინ მადრიდის “რეალს” ტრანსფერების განხორციელება 2018 წლის იანვრის სატრანფსერო ფანჯრამდე აეკრძალა.
როგორც ინგლისური გამოცემა, Daily Mirror-ი იტყობინება, “ბლანკოსის” ხელმძღვანელობა განაგრძობს FIFA-ს გადაწყვეტილებას გასაჩივრებას. “თეთრებს” იმედი აქვთ, რომ მომავალ ზაფხულზე შეეძლებათ სასურველი მოთამაშეების დამატება.
ნახსენები ინგლისური წყაროს ცნობით, ფლორენტინო პერესისა და ზინედინ ზიდანის ერთ-ერთი მთავარი სამიზნე “მანჩესტერ სიტის” თავდამსხმელი, კუნ აგუერო იქნება. “რეალი” 28 წლის ფეხბურთელით ადრეც ინტერესდებოდა, თუმცა მაშინ დედაქალაქურმა გიგანტმა არგენტინელის გადაბირება ვერ შეძლო. უკვე, კუნი სამწელიწად-ნახევარია “ქალაქელების” ღირსებას იცავს და, როგორც თვითონ ამბობს, არსად წასვლა არ უნდა. თავის მხრივ, არც პეპ გვარდიოლა მოისურვებს ლიდერის გაშვებას. საინტერესოა, როგორ განვითარდება მოვლენები.
გარდა აგუეროსი, “რეალი” დორტმუნდის “ბორუსიას” შემტევით, პიერ-ემერიკ ობამეიანგით ინტერესედება. ეს მოთამაშე, უფრო და უფრო, პროგრესირებს.
თუ “რეალი” სატრანსფერო ბანს მოიხსნის და ამ ორ თავდამსხმელს გადაიბირებს, მას შეტევის ძალიან დიდი რესურსი ექნება.
დაველოდოთ მოვლენათა განვითარებას.
ლა ლიგის პრეზიდენტმა, ხავიერ ტებასმა დღეს დაასახელა ის დრო, როდესაც 2016/2017 წლების პირველი ელ კლასიკო გაიმართება.
მაშ ასე, “ბარსელონასა” და “რეალის” პირველი დაპირისპირება 3 დეკემბერს, ჩვენი დროით 19:15 საათზე დაიწყება. შეხვედრა კამპ ნოუზე, ბარსელონაში გაიმართება.
აქვე გეტყვით, რომ დიდ ბრიტანეთში არსებობს კანონი, რომლის თანახმადაც შაბათ დღეს საფეხბურთო მატჩების პირდაპირ ეთერში ჩვენება კონკრეტულ შუალედში – მათი დროით 14:45 საათიდან, 17:45 საათამდე არ შეიძლება. გამომდინარე იქედან, რომ მატჩი ბრიტანეთის დროით 15:15 საათზე გაიმართება, ამ ქვეყანაში ელ კლასიკოს პირდაპირი გადმოცემა არ იქნება.
ცნობილი ამერიკელი მოკრივის, ფლოიდ მეივეზერის ყოფილი მეგობარი გოგონა, ლიზა ერნანდესი მადრიდში კრიშტიანო რონალდუს სანახავად ჩავიდა.
როგორც ირკვევა, 36 წლის მოდელი კრიშიანუ რონალდუს გულშემატკივარია და ის მის თამაშებს ხშირად უყურებს.
გთავაზობთ ფოტოებს, რომლებიც სოციალურ ქსელებში გავრცელდა:
Fanebi.Com-ი გთავაზობთ 10 ყველაზე ძვირადღირებული შემადგენლობის მქონე გუნდების სიას.
10. “ლივერპული” (356 მილიონი ევრო)
9. “ბაიერნი” (357 მილიონი ევრო)
8.”არსენალი” (381 მილიონი ევრო)
7. “იუვენტუსი” (395 მილიონი ევრო)
6. “პსჟ” (455 მილიონი ევრო)
5. “ჩელსი” (481 მილიონი ევრო)
4. “ბარსელონა” (485 მილიონი ევრო)
3. “მანჩესტერ სიტი” (611 მილიონი ევრო)
2. “რეალი” (634 მილიონი ევრო)
1. “მანჩესტერ იუნაიტედი” (718 მილიონი ევრო)
დღეს ჩემპიონთა ლიგის შეხვედრაში მადრიდის “რეალი” დორტმუნდს ესტუმრა და “ბორუსიას” წინააღმდეგ გააგორა ბურთი. გერმანელებმა ორჯერ მოახერხეს ესპანელებისთვის ანგარიშის გათანაბრება. შეხვედრა, ფრედ, 2-2 დასრულდა.
თამაშის შემდეგ, “ბორუსიას” მთავარმა მწვრთნელმა, ტომას ტუხელმა ჟურნალისტებთან ისაუბრა.
“რა თქმა უნდა, ძალიან გახარებული ვარ. ჩვენ მსოფლიოს ერთ-ერთ დიდ გრანდთან ვაგებდით ორჯერ და ორივეჯერ შევძელით ანგარიშის გათანაბრება.”
“შესანიშნავი პირველი ტაიმი ჩავატარეთ. მეორე ნახევარშიც გვქონდა შანსები, მაგრამ ამ შემთხვევაში ბევრი იყო შედომაც. ამ ყველაფერმა გამოიწვია მეორე გოლი.”
“საბოლოოდ, შეუპოვრად ვითამაშეთ, არ დავნებდით, რამაც შედეგი გამოიღო!” – განაცხადა ტუხელმა.
დღეს ჩემპიონთა ლიგის ჯგუფური ეტაპის მეორე ტურის შეხვედრები გაიმართა. ერთ-ერთ მათგანში დორტმუნდის “ბორუსიამ” მადრიდიდის “რეალი” მიიღო. გერმანულ-ესპანური დაპირისპირება, ფრედ, 2-2 დასრულდა. “ბლანკოსი” ორჯერ იგებდა, თუმცა ორივეჯერ გაუთანაბრა მეტოქემ ანგარიში.
მატჩის ბოლო გოლის ავტორმა, ანდრე შურლემ ჟურნალისტებთან ისაუბრა.
“შეხვედრა შესანიშნავად დავიწყეთ, მაგრამ ბოლო ნახევარ საათში კონკრეტული შეცდომები დავუშვით, რამაც გადამწყვეტი როლი ითამაშა იმაში, რომ ვერ მოვიგეთ დაპირისპირება.”
“შესანიშნავი გრძნობაა, როცა “რეალს” ზედიზედ ორჯერ უთანაბრებ ანგარიშს! ეს ნამდვილად დაეხმარება გუნდს, რათა კიდევ უფრო შეიკრას და გაძლიერდეს!” – განაცხადა გერმანელმა სპორტსმენმა.
დღეს პრიმერა დივიზიონის მეექვსე ტურის შეხვედრები გაიმართა.
ერთ-ერთ მატჩში “ლას პალმასი” საკუთარ მოედანზე მადრიდის “რეალს” დაუპირისპირდა. ანგარიში 33-ე წუთზე ასენსიომ გახსნა. მასპინძლებმა 5 წთში ტანას გოლით გააათანაბრეს.
მეორე ნახევარში გუნდებმა თითო-თითო გოლი გაცვალეს. ბენზემას გოლს არაუხომ უპასუხა. საბოლოოდ – 2-2.
“რეალმა” პრიმერაში ზედიზედ მეორე ფრე ითამაშა. ამ მატჩის შემდეგ “ბლანკოსს” 14 ქულა დაუგროვდა და უახლოეს მდევარსა და მოსისხლე მტერს, “ბარსელონას” მხოლოდ 1 ქულით უსწრებს.
როგორც გავლენიანი ინგლისური გამოცემა, Mirror-ი იტყობინება, ლონდონის “არსენალის” მთავარი მწვრთნელი, არსენ ვენგერი სერიოზულადაა დაინტერესებული მადრიდის “რეალის” თავდამსხმელით, კარიმ ბენზემათი.
ირკვევა, რომ ფრანგი სპეციალისტი ბენზემას სანაცვლოდ 40 მილიონ ფუნტის გადახდას აპირებს ამ ზამთარში.
წესით, ვენგერს ძალიან უნდა გაუჭირდეს “ბლანკოსის” ძირითადი თავდამსხმელის ყიდვა, რადგან ზიდანი ასე მარტივად მის თანამემამულეს “რეალიდან” ნამდვილად არ გაუშვებს.
ვნახოთ, როგორ განვითარდება მოვლენები მომავალ სატრანსფერო ფანჯარაზე.
ალვარო მორატამ “იუვენტუსში” ორი წელი გაატარა და საკმაოდ დიდი გამოცდილება მიიღო. გასულ ზაფხულზე ესპანელი მადრიდის “რეალმა” დაიბრუნა. ბევრი ვარაუდობდა, რომ “ბლანკოსმა” იმისთვის გადადგა ეს ნაბიჯი, შემდეგ ალვარო უფრო ძვირად გაეყიდა. მაგრამ “რეალმა” ასე არ გააკეთა და ახლაგაზრდა ფეხბურთელი დაიტოვა.
“ფურია როხას” შემტევმა ჟურნალისტებთან განაცხადა, რომ გასულ სატრანფერო ფანჯარაზე “თეთრებს” ლონდონის “ჩელსიმ” ესპანური ფეხბურთისთვის სარეკორდო თანხა შესთავაზა, მაგრამ პერესმა იგი არ დათმო.
“ეს იყო ძალიან მსუყე შემოთავაზება. მე გავხდებოდი ყველაზე ძვირადღირებული ესპანელი მოთამაშე.”
“მადრიდის “რეალმა” “ჩელსის” შემოთავაზება დაბლოკა; პერესმა თქვა, რომ მე გუნდის გეგმებში შევდიოდი. ეს ყოველთვის იყო ჩემი ოცნება!” – განაცხადა ესპანელმა.
დღეს პრიმერა დივიზიონის მეხუთე ტურის მატჩები გაიმართა,
ერთ-ერთ შეხვედრაში ერთმანეთს მადრიდის “რეალი” და “ვილიარეალი” დაუპირისპირდნენ. პირველ ტაიმში სტუმრები პენალტიდან სორიანოს მიერ გატანილი გოლის წყალობით გავიდნენ წინ.
მეორე ნახევარში სერხიო რამოსმა აღადგინა წონასწორობა. საბოლოოდ, ანგარიში აღარ შეცვლილა და მატჩი, ანგარიშით, 1-1 დასრულდა.
დღეს, პრიმერა დივიზიონის მეხუთე ტურში მადრიდის “რეალი” სანტიაგო ბერნაბეუზე “ვილიარეალს” უმასპინძლებს.
შეხვედრის წინ “ბლანკოსის” მთავარმა მწვრთნელმა, ზინედინ ზიდანმა პრესკონფერენცია გამართა.
“წლევანდელი სეზონი შესანიშნავად დავიწყეთ. ეს იმის დამსახურებაა, რომ ფეხბურთელები და სამწვრთნელო პერსონალი თავთავიანთ საქმეებს კარგად აკეთებენ.”
“მიუხედავად წარმატებული სტარტისა, გვყავს კრიტიკოსები. ეს სრულებით ნორმალური და ჩვენთვის სასარგებლოცაა. კრიტიკა გვაძლევს მოტივაციას, რათა ვითამაშოთ.”
“რაც შეეხებათ ჩვენს მეტოქეებს… ვეთამაშებით გუნდს, რომელსაც ამ სეზონში პრიმერა დივიზიონის არცერთი შეხვედრა არ წაუგია. ეს ძალიან კარგი კლუბია, რომელსაც შესანიშნავი მოთამაშეები ჰყავს. სწორედ ამიტომ, ჩვენ კარგად უნდა მოვემზადოთ, რათა სათანადოდ დავუხვდეთ “ვილიარეალს”.
“ვეცდებით, განვაგრძოთ მოგებების სერია.”
“კეილორ ნავასი ნელ-ნელა შედის სასურველ ფორმაში, მაგრამ როდის დაბრუნდება, ვერ გეტყვით. ის ვარჯიშებზე ბოლომდე იხარჯება; მოკლედ, ყველაფერს მომავალში ვიხილავთ.”
“კასილია არის მოთამაშე, რომელსაც ყოველთვის უნდა კეილორისგან ბევრი რამ ისწავლოს. მათ ძალიან კარგი ურთიერთობა აქვთ.”
“ბეილი და რონალდო 100%-ით მზად არიან!”
